薄餅怪獸

營業中

休息中

星期五既返工時間一直個心已經飛走左不停諗緊星期六星期日去邊玩好今晚又同朋友食咩好呢 日本野西餐泰國野呢排都經常食突然間諗起好耐冇食過pizza 即刻係勁勁勁想食一收工就極速去到地鐵站 係土瓜灣站b出口上去行幾步路就會見到薄餅怪獸了今次好好彩安排左卡位比我地坐 好舒適 慢慢食慢慢傾計都冇問題話明想食pizza緊係要嗌返個 怪獸多寶pizza 係呢到先有的 材料有超多種類 可能因為有辣肉腸既關係 所以令我覺得有啲啲既辣味同朋友一人一件炸雞 咬落當然係脆la 個炸皮薄薄地咁 食落都仲有好多肉汁主食我地嗌左香濃鮮茄焗意粉 超級濃郁蕃茄味 最後我地傾到差啲吾捨得走

自從屯馬線先開咗之後經常去土瓜灣搵特色餐廳試吓上網見到間嘢叫Pizza Monster甘得意一於約朋友去試吓⚜️香烤蒜蓉包沙律 HK$52平時食沙律有時會遇到唔夠醬結果乾爭爭甘但呢個嘅芝麻醬份量適中沙律菜夠新鮮配埋2塊夠香濃嘅蒜蓉包呢個沙律真係不錯👍🏻⚜️肉丸拼香草腸 HK$58整體來講香草味夠濃配上菠蘿粒粒甜甜地都幾特別⚜️怪獸多寶細批 HK$68Pizza係細細個厚批食完都唔會有好大罪惡感材料豐富最鍾意佢芝士夠多😋⚜️焗肉醬意粉 HK$57呢個意粉有驚喜冇諗過佢嘅意粉咁有口感而且肉醬分量足夠沾滿每一條意粉所以食落去特別滋味餐廳雖然細細地但裝修睇得出花左心機加上老闆播放輕快音樂呢餐食得夠chill 🤗

第一次去Pizza Monster食飯！以為只係食Pizza, 打開menu睇除咗Pizza原來仲有好多小食同埋意粉嘅選擇。千島海鮮細批 （$68） - 冇諗過會係心形形狀🤣Pizza餡料鋪滿批面，多到就嚟睇唔到個批底；批底夠脆，餡料又好食。香烤蒜蓉包沙律（$52）-上碟好靚！蒜蓉包好rich，沙律尚算新鮮，咬口都脆嘅。肉丸拼香草腸（$58）-比較清淡，要連埋個sauce一齊食。檸檬糖雞翼半份（$33）-煎得剛剛好，味道酸酸甜甜幾好味。餐廳裝修有啲型格，舖頭logo霓虹燈燈牌勁靚，舖頭細細但格調唔錯。性價比嚟講係可以encore嘅餐廳。

🕹正苦開通左條屯馬綫，連土瓜灣呢啲咁隔涉嘅地方都有地鐵可以去到，都係為香港做返件好事。📌今次熊妹同懶懶熊黎到土瓜灣覓食，緊係食啲特色野，《怪獸薄餅》係土瓜灣大街地鋪，地鐵站轉出就到。📌鋪頭唔算細鋪，有四人枱卡位，有長型多人枱，地方闊落，坐得都舒服。📌餐牌主要係食西餐，薄餅有好多款，有6、9、12吋揀，即小中大尺吋，醬底以蕃茄同千島醬做為主，款色有大路的多寶、辣肉腸、千島海鮮、煙三文魚同夏威夷等等。📌另外仲有意粉、小食拼盤同沙律。香烤蒜蓉包沙律，$52📌懶懶熊鐘意食蒜蓉包，熊妹鐘意食沙律，呢個配撘就perfect match 喇。麻麻地好蒜蓉包的熊妹都話掂喎！又真係做到外脆內軟，包皮焗得脆脆的，內裡麵包搽滿蒜蓉牛油🧈，超香超軟熟！真係怖滿蒜蓉醬，蒜蓉愛好者包括懶懶熊十分喜愛喇。沙律菜🥗好大一碟，份量好多，又新鮮，熊妹最愛係食肥膩野前食啲清菜清清腸胃，加埋蕃茄粒同芝麻醬，好清新呀！怪獸多寶，$68原來6吋可揀心型薄餅做餅底🧡，咁岩仲有最後一個，今日真係行運了。薄餅🍕係厚批，焗得幾脆口，多寶內饀洋蔥、青椒、辣肉腸、火腿、蘑菇、菠蘿、牛肉、豬肉，符合多寶的名字，材料豐富，口感十足，同蕃茄醬底係

之前朋友介紹過呢間性價比高既pizza，今日就同屋企人黎食個晚餐，我地叫左三樣share食星級夏威夷心形薄餅薄餅非常鬆脆，同傳統嗰啲薄餅底有啲唔同，有少許拉絲，材料亦都好足: 有菠蘿、洋蔥、香草腸、火腿等等，配合埋千島醬底，口感豐富檸檬蜜糖雞翼 (8隻)雞翼帶少許酸甜，有淡淡檸檬味亦有蜜糖既甜味，好符合個名普普通通都算清新之選招牌肉醬焗意粉意粉硬度適中，蕃茄肉醬都幾多幾開胃食到尾感覺會重味少少咸啲，整體都唔錯呢度唔算好大，個環境都可以，同屋企人食到好飽，都傾左陣先番屋企

今日大家都諗住幾時打風，冇乜心機工作，幾個同事去了happy hour, 這𥚃啤酒做緊買三送一，地點又幾就腳，去土瓜灣地鐵站大約走3分鐘，咁就入咗去試吓。傾傾吓計，同事嗌肚餓就叫咗啲小食，炸雞，心型小Pizza, 仲有個意粉，炸雞配啤酒一流，下次可以叫薯條（happy hour 之後仲有一餐晚飯, 所以今次冇叫）Pizza 味道唔錯，不過個人比較喜歡薄批多啲，個香蒜肉絲炒意粉呢…… 比較鹹，忍唔住要求換了，老闆很有禮貌，服務也很好，即刻換了。整體食物質素有待改善，但以這個價錢來說，算是不錯的了。員工服務態度非常好，怪不得很多街坊幫襯。

土瓜灣通了地鐵之後，方便很多，今天約了友人食晚飯，選了這間名稱好特别，叫作“Pizza Monster” 的店，出了地鐵站，不是行很遠，就在大街上，就看到，不算太難找。招待算很懇勤，點了台灣辣味炸雞，香蒜肉絲炒意粉和千島海鮮心形Pizza。炸雞的皮炸得很脆，肉質嫩滑。千島海鮮Pizza 好有Homemade 感覺，雖然賣相一般，心形盤，食落算是可以，但非常飽肚。最後，香蒜肉炒意粉，意粉咬落是彈牙，但略嫌有點咸，還有一陣不知名味道，食了兩缀，個人口味，就沒有再食。飲品要了凍檸檬茶和凍咖啡，檸檬茶好飲和夠大杯，而且，同環保紙飲筒，要给個讚。

以前讀中學時，經常叫外賣幫親pizza monster，可能係lunch加上學生餐的關係，所以很抵食。事隔兩年，經過諗住試下佢，懷念一下味道，誰知道我和朋友都吃了個寂寞的晚餐。我見其他好多人都比「正平」午餐，但晚餐就完全不是那回事。今日晚餐叫左個葡汁雞皇飯 $54，送到上枱面，我不敢相信，就這個份量，根本吃不飽，而且味道淡而無味，還不如去旁邊的M記。係土瓜灣以$50幾蚊，食其他野都好過佢啦！先不理會openrice有無打手，但都幾肯定不會再吃晚餐。

土瓜灣以前屬於比較老區，所以一路都唔係咁多賣pizza或意粉類型嘅食肆；近呢10年開始多咗好多單幢樓/比較有規模嘅屋苑落成，多咗年輕家庭住客，自然就會多咗比較屬於年輕人會食嘅餐廳。呢間Pizza monster都幫襯過幾次，大時大節嘅話如果想叫Pizza外賣，啲質素都比較參差，尤其是佢啲厚批，真係麻麻地所以我就一啲都唔推介啦！不過如果係閒日非繁忙時間去食下午茶，我就覺得好抵食，而且質素都幾好我呢個下午茶餐除咗有件迷你pizza之外，仲要有湯，又有個熱狗，食完都幾飽㗎 ！幾適合學生哥放學之後去食嘅下午茶

屯馬線開通左可以unlock去土瓜灣食野🤣今次無意中試左呢間親民價高質薄餅店！真心覺得好抵，好食，性價比高！😍👏🏻👏🏻✨💛千島海鮮🍕6”心形Pizza $68真心未見過心形既Pizza☺️好岩情侶黎打卡🥳🧡心形🍕分左4份，千島海鮮入面有洋蔥、青椒、蟹柳、菠蘿、蝦、魷魚、蜆仔，每份上面都食到海鮮，重芝士，千島醬味道正常好食，重點係佢個餅底係超厚批‼️比出面再厚身一倍‼️批底香脆，內裡鬆軟，好飽肚好有滿足感😋完勝大型連鎖店呀！😆😆👏🏻👏🏻呢個份量好岩兩個人，仲有空間可以再叫其他主菜小食👍🏻✨🇮🇹意大利海鮮焗飯🍛 $57一上碟嘩滿滿既白汁，勁多蜆肉同芝士係面🤤🤤仲有蟹柳、蝦等海鮮，佢個白汁雖然好多但食落唔會好漏，應該係即叫即焗，熱辣辣架！😆✨🥗香烤蒜蓉包沙律 + 日式麻醬 $52好大碟沙律！沙律菜唔苦，撈芝麻醬好正一口氣食左成碟🤣蒜蓉包搽左厚厚蒜蓉好香😋✨凍檸茶 $19 / 餐飲 熱檸水 $0兩個人食到咁飽都只係人均$100，呢個價錢有呢個質素實在係好抵，好值得試下😝😝👍🏻👍🏻📍 薄餅怪獸 (土瓜灣)土瓜灣馬頭圍道418號樂意居地下2號舖

土瓜灣呢間有格調的薄餅店  裝修偏向現時流行的工業風  價錢竟然是平民價  Pizza有非常多款式可以選擇  有千島醬底、蕃茄醬底、特色醬底。總有一款你喜歡的。還有素食pizza  不吃肉的朋友可以來試試。呢到的餅底口感煙煙韌韌  原來是師傅手製的  焗肉醬意粉應該是即焗的  要小心因為非常熱的  肉醬味鹹鹹地  配上意粉吃不錯不錯秘製燒豬排骨 需時約30分鐘！賣相非常靚 燒得剛好  好有炭烤的感覺  肉汁都製多  而配料薯條都很好吃飲品凍奶茶和凍檸茶  解渴 是港式的風味

話說前排無意中見到朋友打卡食心形pizza好得意😍我就叫佢介紹我去試下..於是我就等放假特登過黎土瓜灣試試佢😝凍檸茶+凍奶茶🥤係港式既味道，好大杯多寶怪獸👾係餐廳既熱門pizza🤩見到隔離好多人都嗌，勁豐富好多料，餅底係每日新鮮手製既，落足心機👍🏻最緊要既係個pizza真係心形嫁💗打卡岩晒，不過留意係限量供應的肉醬意粉🍝焗得好香，有埋芝士勁夾，食到停吾到口🤤環境亦都幾舒適乾淨，裝修都好有特色

下午茶時間，同家人去完土瓜灣圖書館過對面見有間小店食pizza,看到門面是 Pizza Monstor幾特別入去餐廳環境都好舒服，座位都很闊落，傾計飲野都是好選擇餐牌款式都好多，價錢合理叫了一份檸檬雞翼，酸酸甜甜好開胃，有4隻好多。心形多寶迷你Pizza,第一次見心形的Pizza,好可愛，視覺上好開心，熱辣辣又香脆可口，餡料豐富，好快就食晒啦海鮮焗意粉，白汁醬很香濃，每條面都有汁掛著，內有墨魚蟹柳蝦硯，非常豐富最後一杯可樂和凍咖啡，夏天飲凍飲真爽。美味的下午茶全部食清光

今日又去紅登山輕鬆行🤪完成後行到土瓜灣，正當想緊附近有什麼又平又好食的地方時，突然想起位於樂意居Pizza Monster…有意粉，有pizza,有炸雞又有沙律…經商討後就決定就來一個輕食才回家😗田園沙律配蒜蓉多士（芝麻醬），份量不少🙈沙律菜新鮮爽口，蕃茄仔夠甜又夠多…蒜蓉多士是厚多士，焗得很香脆！炸雞外皮香脆，肉質鮮嫩多汁！小食併盤有洋蔥圈，咖喱角，春卷還有4隻雞翼….份量不少，足2-3人吃🙈😂

今血來潮想食炸雞，呢間Pizza店嘅炸雞係我食過覺得最好食。外皮好脆，即炸熱辣辣，最重要係...炸粉唔會成塊紙皮咁厚，炸完仲保持到肉質勁Juicy好味過肯伯伯連鎖快餐好多。Lunch幾十蚊有呢種質數，難怪全場坐滿食客。「招牌肉醬燴意粉」食意粉最怕唔夠醬汁同肉碎，廚師絕唔孤寒，食哂意粉仲有好多肉同醬，果然落足料。連凍檸茶都咁大杯見到隔離枱叫Pizza, 好厚好多料, 餐廳仲有自助區👇🏻下次一定帶埋屋企兩個大胃王嚟試。