薄餅博士

營業中

休息中

因為要拎兩張異能感應換票証比細佬，所以今日放工去左媽媽家。籍此要感謝openrice，常有呢類打食評會有奬抽o既活動，老實講初初寫食評其中原因係想抽戲飛，誰不知打下打下變成左生活習慣。事關媽媽家中飯煲壞左，細佬提議叫pizza食，仲極力推介我地要試下呢間PHD，雖然同 pizza hut 係同一集團 , 但 d pizza同炸雞特別好食，咁就一於交比佢發板啦外賣2~3人餐：1. 忌廉雞蓉粟米湯~ 見媽媽不起黎咁多粟米，即刻搶左黎飲，好夠熱，好濃滑，粒粒金黃粟米仍然爽口，我鍾意呀，好怕啲煲到得返粟米衣嘅粟衣湯，雞肉就好淋，整個湯好濃粟米味 , 好味到飲晒成碗無留比媽媽xd2.蒜蓉包~ 扁扁一塊好似比得包咁，似乎同pizza一樣都係用上手拉薄餅o既批底黎做，加上香蒜牛油，焗o既時間可以稍為加多少少，而家係軟綿綿，焗得脆返 d 會更香口3.燒烤雞肉pizza~ 手拉o既關係，個pizza唔係regular o個種圓，有少少"咩"黎"咩"秤 , 好得意 , 批面o既配料分怖平均，有青椒，青厘茄，紅洋蔥同雞肉，賣相良好。燒烤醬味道香濃且帶酸，相當醒胃，芝士份量得宜 , 唔會厚到一 pat 野批邊

今日經過又想食野所以去左食,入去叫左個葡汁雞皇飯,卡邦尼雞皇意粉,肉食大王pizza(普通批)+15有2碗忌廉湯,脆爆雞球配薯條(蜜糖芥末將)免費有罐橙汁汽水,嚟左之後,就即該好唔客氣大啖大啖咁食,當我第一啖食落去個卡邦尼意粉個時都唔係話特別好食,食耐D就有D怪味,所以就比左友人食,個個批都係一般,忌廉湯好多粟米,好大陣粟米味,食落去好似食緊粟米羹,我唔仲意粟米羹的杰身,所以唔係幾仲意食..個D蜜糖芥末只係普通沙律將,D薯條同雞球麻麻地...

星期日沒有休息，幫朋友辛勞了一整天在搬家執拾，故此，晚餐時候就點Pizza不用煩了，大人小孩同和議，好的，就來一個小型派對吧！我們選擇了一個4人分享套餐（$192）及一個脆香雞套餐（$139）。4人分享套餐，薄餅要了PHD珍寶（雞肉，辣肉腸，蘑菇，五香肉粒，洋蔥，青椒），再+$16轉了360芝心批，餡料著確不少，批底近中心位有點脆口，而近邊位則很軟熟，不過芝心外圈一般，其實內含很多芝士，可惜已擱涼了，沒有最佳狀態下的柔軟。忌廉雞蓉粟米湯有4客，中規中矩吧，肉醬意粉也是一貫PHD的水準，反而PHD雞翼6隻有點驚喜，驚喜在於那個水牛城汁（其他可揀的3款汁醬是蜜糖BBQ、黑椒、照燒汁），水牛城汁味道很濃郁，微微的酸帶辣，很惹味！脆香雞套餐，包了脆香雞4隻、蜜糖雞翼又4隻、脆薯角、肉醬意粉、芝士配滑豆腐雞皇飯及忌廉雞蓉粟米湯4客。脆香雞真是有「姿勢」有「實際」，大大件的雞塊脆炸後灑上點點黑椒，外皮非常脆，肉質也嫩滑，很不錯的炸雞！相對地，蜜糖雞翼就變得很普通了，細小的雞翼就瑟縮於一個膠買兜之內。另一主打，芝士配滑豆腐雞皇飯，未至預期中那樣驚喜，只是雞皇飯加了豆腐，而芝士味亦不見突出，相信可以做

今晚食薄餅，幫襯Pizza Hut嘅副線PHD，外賣自取大批配小食/ 飯/ 意粉，有半價優惠，好抵喔！辛苦晒阿爹滴晒汗咁買返嚟啊！材料豐富，海鮮夠多，正！另外仲叫咗兩客豆腐布甸做甜品。入口香滑，味道不俗。我哋三個人食，超飽，埋單$87，每人先至$29，真係抵到爛！

星期天是家母的「罷煮日」，基於大家也不想外出關係，最後再度光臨好生印象，位於沙田瀝源邨商場的PHD薄餅店，外購食品作回家之用，只是叙述今次的用餐經驗之前，也有些東西略為交代一下：從數位食友及會員中得知，這新興的Pizza速遞店，原來是Pizza Hut集團購下來的「副線」，論後知後覺，我是承認的，卻說因為同一資金的關係，硬將兩間店的感覺評價作「掛鈎」，倒是有點保留，食物款式確是相若，只是以「風格」來說，兩店也走不同方向，尤其是後者，近來也提昇到「意菜化」，卻是有點高不成低不就，再打個比喻，如屬同一集團的話，那麼「七仔」便利店，就要和「好來」超市混為一談?! 其實論上次的光顧經驗，也發覺未盡人意和需要改善的地方，說好生印象倒沒有騙人，原因.......想繼當年的陽光一代，與西九龍中心的Donerhouse之後，大部份的群眾也需要一些「本土特色」的薄餅店。未必每個人也鍾情於傳統意式風情，卻有更多人接受「扺食夾大件」的熱騰美味，說它是快餐，但大部份東西也是即叫即製，主做速遞外購生意，亦設有堂食的座位，由個人散吃，到多人的套餐一應俱全，以美式食品作基礎，又摻入一些意日的風格，看似四不像，卻對應

上次提過在沙田新城市廣場，吃了價錢甚貴，但不太好吃的Pizza，家父母表面沒甚麼，但暗地裡則大呼不值，正是新的機遇永遠在你附近，離市中心不遠的就是舊區瀝源村，雖然我經常不太滿意領匯的行為，但近年一些政策也不乏正面的地方，例如引入一些新的經營單位，其中有近年冒起得甚快的PHD Pizza，既有堂食也做速遞生意，看甚意圖，似乎也想和「不勝客」和「薄餅盒」的市場裡分一杯羹。看Menu的選擇也是不少，也因應屋村的消費群，取價上也算公道，新開優惠之下，約七十元已有一個十元寸的薄餅，另外也可以用半價點取一款飯麵及小食，再花十餘元點多兩個餐湯，全餐約一百廿十餘元，已令三個人吃得甚飽，至於味道嘛................要提其號稍傳統的手拉餅底，傳統的意式Pizza也是薄批，經過時間、地域和食客口味的演變，也發展出厚批出來，所以大部份Pizza店也有兩款批底選擇，偏偏這裡只有一款批底供應，論厚度則介乎於兩者之間。約一尺闊的多寶款式，除有基本的芝士和蕃茄醬外，另有蘑菇、沙樂美、菠蘿、肉碎和青椒等，趁剛焗好的情況下進食，味道也著實香濃而不俗，用料的配搭大致匹配，和其他Pizza店相比，少了一份口滯油