薄荷葉泰國菜

營業中

休息中

好耐之前喺元朗返工嘅朋友帶我嚟食過一次印象中味道不錯，而且餐廳氛圍幾好，燈光音樂加上裝修感覺幾似泰國夜市裡的小餐館😆🔸有機前菜 - 醃青瓜蘿蔔 $12微酸爽口幾開胃～🔸自家製炸蝦餅 $88一份4大件開邊有8塊，蝦肉彈牙飽滿份量足，脆口但唔會𠝹損牙肉。🔸馬拉盞炒通菜 $78火候剛好，翠綠惹味。🔸冬蔭公（小） $108口味偏酸一點不會太辣，屬較溫和版本，配料主要有本菇同蝦🦐，小的也有4-5碗很足份量。🔸泰式燒豬髀仔 $148一客4件再伴上泰式風味沙律，豬髀仔燒得啱啱好唔會乾爭爭，加埋泰式酸辣醬一齊食好夾。🔸黃咖喱牛 $118🔸薄餅 $55咖喱無乜辣度不過幾香，配薄餅一流，牛肉份量也不少，唔食牛都可以跟配雞肉/豬肉～🔹薄荷青檸梳打 $45加咗薄荷葉有畫龍點睛效果，清新又不甜，好飲過平時淨青檸梳打(๑˃̵ᴗ˂̵)!!

入到嚟元朗同個朋友仔chill一下，搵咗呢間有得食泰國菜又有得飲酒。好，坐低睇吓有咩好食先。前菜送個青瓜仔，酸酸辣辣幾開胃。冬陰功海鮮炒飯，個飯炒得好香，真係好似飲緊冬陰功湯飲，海鮮都大大粒，份量都唔少，食落每一啖都有海鮮。黃咖喱豬，咖喱幾香唔太辣。食咖喱，最緊要配薄餅，呢個薄餅幾抵食，有兩大塊，而且都夠酥。明爐酸辣魚，條魚好有肉，夠實淨，一路煮住夠熱，酸辣味好夠，煮到咁上下可以再加湯上去，keep住個味道。最後叫左杯guava飲，涼浸浸幾好！

泰國氛圍感之《薄荷葉泰國菜》朋友介紹下話呢間泰菜氣氛幾好，所以去左一試，餐廳半開放型式有露天有室內，室內有大電視播住泰文歌，天花亦有民俗花燈不停轉住，所以晚上氣氛感十分好，另外餐廳裝修以泰國風佈佈置，同同上木系家俬，令人感覺置身泰國中，menu算幾多野食，不過唔見有生蝦，問下餐廳，原來有供應的，而且酒類選擇算幾多，最岩三五知己chill一下，餐前小食：係青瓜同蘿蔔用酸汁醃製，唔算太辣，甜柚鮮蝦沙津 $108：有2大隻蝦，蝦唔霉算新鮮，沙律無酸酸甜甜，幾開胃，肉碎生菜包 $108：香料同肉碎令味道豐富，味道偏辣，入口口感一粒粒既唔知係咩XD，不過個人口味中意肉碎有多d肥， 黃咖哩 (牛) $118：我幾中意幾個咖啡，因為唔算辣XD，牛肉份量多好淋，配料有洋蔥、紅椒，青椒，我係汁怪，咖啡夾埋薄餅食，成件事非常夾，泰式燒羊架 $198：staff教路，中意食香草既話，可以加d迴香一齊食，個面燒得燶燶地，幾香口，不過個人口味中意生少少XD，薄餅 $(55)：外脆內軟，點咖啡食無得輸，餐廳氣氛真係幾好，令人食完都想座多陣傾計chill一下。

位於元朗公共圖書館對面間泰國餐廳，次次附近經過都見客流不絕，於是就去試下，的確整體又唔錯！價錢合宜，份量足👍🏻有機前菜$12酸青瓜同紅蘿蔔🥕，開胃前菜甜柚鮮蝦沙律$108蝦味鮮甜彈牙，柚子清甜，配埋洋蔥及芽菜，口感更豐富自家制炸蝦餅$88外皮炸到香脆，蝦餅彈牙馬拉盞炒通菜$78通菜新鮮配埋餐廳特制醬料，十分惹味斑蘭咖喱豬$118份量十足，豬肉片勁多，而且咖喱滲透住斑蘭香味，配上薄餅簡直一流😋👍🏻薄餅$55外脆內軟，同咖喱可以話係絕配椰青$50大大隻椰青，好清甜菠蘿🍍$35菠蘿特飲酸酸甜甜，又解渴又解辣，唔錯

週未約咗舊同事元朗搵飯食，舊同事話帶我試試元朗好氣氛泰菜，餐廳位於元朗劇院後面，有戶外位呢排天氣涼涼地幾舒服泰式炸生蠔，酥脆麵糊包裹住肥美蠔肉，色澤金黃，一絕。甜柚鮮蝦沙律🥗清甜的柚子，加上鮮蝦，再配酸甜的醬汁，開胃又美味！串燒，呢到串燒用一個玻璃樽呈上，表面燒到焦香，裡面咬落有肉汁，上面撒上少少黑椒，配埋泰式酸辣汁夠哂惹味見到海鮮類仲有一個椒鹽魔鬼魚，幾新奇就試試，魔鬼魚肉嫩滑味美🐟麒麟啤仲有好多果味選擇🍻

朗屏多嘢食就係人都知，今日食呢間泰國菜位於體育館對面，旺中帶靜，但呢間就好多人！晚市竟然座無虛席～餐廳係半開放模式，好似泰式嘅酒吧餐廳咁呢度會配上餐前小食，係帶點酸辣嘅青瓜仔作開胃菜～自家制炸蝦餅，小食一客6件，即叫即炸，上菜時熱辣辣，脆口彈牙，賣相亦花咗心思～肉碎生菜包， 肉碎酸味較重，帶微辣冬蔭公湯 (辣) (細)，用咗罌嚟裝，好得意，2人分每人都有3碗架，好抵飲！個罌仲要幾保暖，天氣凍坐室外全程都仲保到暖！味道酸得來微辣，好惹味，而且配料都好足，蝦肉夠爽彈～明爐酸辣魚，平時食開檸檬烏頭魚，今次就試下酸辣味道！一見到以為會好辣，不過原來係偏甜，小小辣～烏頭魚本身煎炸至乾身，變相魚肉好掛湯，加上魚肉下面加咗啲西蘭花同通菜，全部都好入味，份量十足！益力多啤酒，食泰國菜點少得透心凉嘅凍飲！夠晒大杯！

好味 #下午餐 分享 ~ 泰國菜下午工作完，嚟咗這間泰國菜酒吧餐廳食嘢，佢裝修很有特色，牆上及天花掛了很多泰國嘅裝飾品，又有露天座位，感覺好有feel啊😊店員先送了碟有機前菜，小辣酸甜，醒下胃先😄泰式咖喱~Pandan curry班蘭咖哩牛118~Roti薄餅55/4片咖哩不辣，好香班蘭味，份量適中，牛肉軟淋，配埋酥脆香口的薄餅，簡值係絶配啊！Special ~招牌火焰燒雞 $168店員拎隻串起了的燒雞上桌，再燃點火燒下隻雞，令皮更脆更脆😄蔬菜~雜菜粉絲煲 $118自家有機菜份量很多，有西蘭花，椰菜花，菜心，芥蘭，紅蘿蔔和芹菜，豐富有新鮮，夠曬健康😄飲品~薄荷青檸梳打特飲 $45~士多啤梨泰式特飲$35兩抔飲品好大杯，酸酸小甜又解暑好味，色彩咁靚睇見都開心😄加一服務費593/2人薄荷葉泰國菜元朗安康路怡康大廈地下12-13號舖

泰式民俗風情吊燈，泰族布料，木系家俬，都可以在元朗人氣泰國餐廳‘’薄荷葉泰國菜”找到， 露天座位 加上七彩繽紛的閃燈， 仲 有各式各樣的酒類選擇， 最啱 chill 下， 三五知己飲下啤酒，吹下水。餐廳以半開放式空間感大， 餐廳大電視屏幕播着泰歌MV,加上天花有Disco 燈轉着，由如置身其中。Menu 有很多選擇，最後由店主推介幾款菜式。 P/s #( 職員 態度友善 會講解 每樣食物怎樣食法， 點咩醬汁)讚！有機 前菜（ 來自自家農場）酸酸辣辣青瓜泰式炸蠔皮薄香脆， 蠔大隻兼且新鮮，加埋特製醬汁，令人食指大動。泰式燒豬髀仔烤得軟腍焦脆，点埋泰式辣醬，配上特別調味的沙律菜，中和油膩馬拉盞炒椰苗加入蒜蓉和馬拉盞 整碟菜鹹香 惹味 香噴噴椒鹽魔鬼魚（兩人份) 皮薄煎得香脆, 內層熱辣辣, 口感綿軟多汁, 最正可以連骨食, 面層鋪滿色彩繽紛的 青 黃紅青椒粒 ,紫洋蔥, 車厘茄，送酒一流小椰青熱情果passion Fruit！

薄荷葉泰國菜地址 :元朗安康路怡康大廈地下12-13==============每次經過元朗體育館，都會見到呢間薄荷葉泰國菜，裝修得幾靚幾有特色，覺得點都要搵日試下佢，今日得閒，朋友話想食泰國野，於是就約朋友去呢間餐廳試試試🤣望完menu 之後叫咗幾款菜，包括燒春雞、豬頸肉同炒通菜！講下隻🐓燒春雞先，啲雞肉好嫩，好多汁，外面啲皮燒得香香脆脆，啲香料令味道更加豐富。😊🐖豬頸肉都非常好吃，啲肉質好滑，配埋d 醬汁，令人一啖接一啖，好快就食晒都唔知🤣炒通菜炒得好熟透，啲菜葉都好嫩，配上啲蒜頭同辣椒，味道好鮮美，幾有泰國ge 味道，暫時仲未搵到時間飛去泰國玩，過黎呢間泰國餐廳感受下，都係個好好嘅泰國體驗。呢度啲價錢都好算合理，岩一班朋友/家庭一齊嚟食。 搵機會再試埋佢其他菜式😍

.元朗 - 薄荷葉泰國菜🇹🇭今晚同爸爸👨🏻兩個人去左元朗食晚餐，簡左間泰國菜+酒吧🍻……….冬陰功海鮮炒飯($128)呢個係職員介紹，香辣，濃濃冬陰功味，有八爪魚🐙魷魚🦑，都好多配料………明爐酸辣魚($198)酸酸辣辣，好中意個湯汁，我用黎撈飯食🤭……….馬拉盞炒芥蘭($98)芥蘭好爽脆，馬拉盞味道濃郁，好惹味……….餐廳有戶內及戶外位置，氣氛都好好，適合傾下計，職員都好好會介紹下唔同菜色……….味道：🌕🌕🌕🌕🌑4/5性價比：🌕🌕🌕🌕🌑4/5環境：🌕🌕🌕🌕🌑4/5服務：🌕🌕🌕🌕🌑4/5衛生：🌕🌕🌕🌕🌑4/5……….

happy Friday約咗朋友喺元朗食飯，佢推介左一間有戶外座位嘅泰式酒吧，非常有feel😎我哋叫咗幾樣嘢share😊❤️泰式酸辣鳳爪好開胃嘅前菜😁啲菜同唐芹勁爽口勁新鮮💯❤️馬拉盞炒芥蘭又係泰國菜必點嘅馬拉盞😚香辣惹味，菜炒得啱啱好👍❤️酸甜魚擺盤好靚好有線條美😍感覺好似中式嘅松子魚，魚肉外脆裡面嫩滑，酸酸甜甜好開胃😇❤️班蘭咖喱牛➕薄餅好少見到班蘭味咖哩😯 即刻決定試吓！食落香咖喱味得黎有班蘭同椰奶既淡香味👍牛肉勁滑，仲專登叫咗個薄餅配咖哩，薄餅香酥有層次🤤

記得初初搬入元朗，已對薄荷葉留下印像不錯，奈何跟居所有段距離，不常光顧。情人節是個好埋由，可以專程過來開餐 🥰🥰🥰點了二人套餐 $438，相當豐盛的一餐！甜柚鮮蝦沙律，甜柚清甜，蝦肉爽口，賣相精美，加上酸咪咪的沙律醋，開胃清新！泰式燒豬脾仔，平日很少點豬仔脾這款菜式，今日套中包括了，就好好吃一次！肉質有咬口，但不韌，配泰式甜酸汁，非常有泰式風味！椒鹽魔鬼魚，還是首回品嚐魔鬼魚，平日魔鬼魚都只想到黑漆漆的魔鬼魚皮制品，沒有跟食用聯想在一起！魔鬼魚全身都是軟骨，可以一拼食掉。但嘴巴會都自動將骨吐出 😂😂😂。由於這條是BB魔鬼魚，骨都很軟，要嚼碎無難度！魚肉較實淨，雪白色一梳梳似的，不是一般魚的質感！泰式炒茄子，平日鮮有點茄子，因口味都偏愛青菜，是夜青菜售罄，現成機會嚐嚐新口味，擴濶飲食版圖。椰青 $50，甚為喜愛的泰式飲品！好幸運，椰青超嫩口，輕輕鬆鬆就能起出一大片椰肉，椰香滿滿，口感嫩滑！薄荷葉青檸梳打 $45，飯腳鍾愛薄荷涼快的味道，這杯就最合他心意！看到鄰桌的特色菠蘿炒飯$128，忍不住跟風點了一份 🥰🥰🥰，傳說中的眼濶肚窄要出沒了 😅😅炒飯用木桶仔上，比較安心，實在不知菠蘿殼有否重

對正元朗劇院，遠離車路，店舖對出係50米闊嘅散步道，環境清靜舒適。住元朗嘅朋友都力推，話好鐘意呢度個vibe。泰菜 X 酒吧的格局，室外位好Chill。Farm to Table係呢度其中一個理念。前菜就係Farm to Table嘅代表之一，經醃製嘅有機蔬菜，新鮮爽脆開胃。weekdays有套餐供應，好抵食。餐廳所有菜式擺盤都有花過心思，賞心悅目。自家製炸蝦餅（$88），足料、唔油膩。泰籍大廚主理，冬陰公（細$108）口味地道，酸辣香十分平衡。甜柚鮮蝦沙律（$108）泰式炒金邊粉($128)，份量十足，賣相超靚，又夠鑊氣。特飲（$35～38）

Happy Friday 緊係去食好嘢，簡左間又有酒飲又有野食既餐廳🍴，個場都幾full，差唔多滿座，餐廳內外掛左啲燈籠&燈飾，都幾有氣氛。沙嗲串燒 （豬牛雞各2）串燒用杯做擺盤幾有趣，岩岩好裝哂6串，熱辣辣啖啖肉，肉質好juicy ，沾上沙嗲醬仲惹味～泰式燒牛仔骨 肉肉愛好者，再另外order左牛仔骨，同樣地燒得好juicy ，唔會乾身，肥瘦均勻，配左個小小沙律🥗，酸酸甜甜幾解膩，好甜心！廚師👩‍🍳特色蝦醬炒飯賣相好吸引，穿左塊魔鬼魚魚乾，店員提醒🔔可以met碎佢，一齊撈埋食，雖然係蝦醬炒飯，味道唔會好咸，拿捏得幾好👍 接骨木frozen beer 吱左座小小啤酒雪山，成杯酒變得可愛左，花果味重啲，唔錯唔錯，幾梳乎👍👍👍

呢間泰式酒吧🍸聽說已經開業好多年佢地既泰國菜好有特色👍🏻好有睇頭，仲要係好好味🤤🤤去之前記得打電話訂枱，佢地都比較full booking🌟有機前菜🥗好開胃既青瓜小食小小酸，醃得好入味😋仲要係健康有機蔬菜🌟招牌火焰燒雞🐣職員上菜時會林少少酒精係燒上面之後再點火🔥即時燒一燒個雞外皮🤩雞肉入面好嫩好滑外皮燒到好香脆🌟廚師特式蝦醬炒飯🦐上面有一片大大塊咸咸既脆片炒飯炒到好粒粒分明蝦醬味分佈好平均🤤佢仲配有半肥瘦既肉碎🌟黃咖哩配豬肉🥘黃咖哩吾會太辣超香濃咖哩味道裡面有勁多舊豬肉好岩配薄餅或者飯❤️🌟Frozen Beer沙冰So qq 既生啤上面會支個泡沫可愛山🍺🌟青檸梳打勁大杯😂😂吾會覺得好甜青檸味又岩岩好🍋