蕃喜工房

營業中

休息中

接男朋友放工，所以去咗附近搵嘢食。行行下見到門面細細，但係飄出非常香嘅蕃茄湯味，決定試一試，男朋友嗌咗鮮牛肉公仔麵，我嗌咗香茅豬扒蕃茄幼面，仲加左小食辣墨魚同辣蘿蔔，仲有自家製冬瓜茶，盛惠$141蚊。大約等左五分鐘都冇，老闆就遞咗兩碗熱辣辣嘅蕃茄湯麵🍜，男朋友話鮮牛肉非常滑嫩，份量多，大約有十舊八舊，而我嘅香茅豬扒亦好好食，老闆即叫即整，個湯超級熱，亦非常濃郁，食得出用咗不少心機與蕃茄，辣墨魚非常出色，老闆服務態度非常好，成間舖面得佢一個打理，出餐亦快，價錢好實惠，每樣都係心機之作，雖然已經有好多面類供應，但如果有通粉同烏冬試吓配呢個湯一定超正，呢個湯係無敵的飲飲下太心急唔小心倒瀉咗，老闆都冇生氣，無論係嘢食定服務態度都係一流的，會再嚟食

咁啱經過要醫肚，見到呢間幾抵食咁, $28-38一碗麵老闆一手打理，雖然只開業兩星期 但似乎已經得到街坊客的捧場我叫咗普通嘅午餐肉蕃茄湯米粉($28)蕃茄湯夠曬濃郁，可以飲得晒食食吓老闆仲遞咗塊魚餅請我食原來魚餅是自家製的～香茅味好出, 好夠料再問落去，原來店內大部分的食材也是他自己預備的(我嗰兩塊午餐肉除外😝)用心經營的小店是寧舍不同, 也十分值得支持下次再來,我會食魚餅加冬陰功湯麵!!!