蔡農日籽

營業中

休息中

Very cozy place, very fresh and delicious food, with friendly and helpful staff, nice decoration, very clean utensils ! Prices are very reasonable. I love the fresh fruit & veggie juices. Great place to chill for lunch and high tea.........

呢間西貢隱世小店絕對有誠意，配料新鮮健康，注重細節，看得出大廚有心思。蒜香意粉炒得非常乾身彈牙，唔油膩，仲有少少焦邊，十分香口，充滿蒜味。記得要加$40做套餐，有湯/沙律+飲品。飲品中有冷壓果汁選擇，仲要係幾樣蔬菜生果綜合嗰種，喺中環淨係杯果汁都要$60啦，我選擇了甘筍+橙+檸檬汁，非常fresh和清甜。舖頭內還有售賣很多有機護膚品和健康食品，相信店主也是主張天然無添加。我本身有味精敏感，食完完全冇唔舒服，值得讚賞！

店內裝潢以木製為主，營造出家的舒適感。當日嘗試了店主推介的健康之選：牛油果蟹肉酸種面包+鮮榨橙汁黑咖啡牛油果香味非常濃郁，配搭啖啖蟹肉，非常有滿足感。酸種面包外面非常脆但不會過硬，中間部分夠軟熟，比好多地方的酸種面包優勝。橙汁加黑咖啡是一個新鮮的配搭，味道酸酸甜甜夏天解渴剛剛好，而且不會搶過黑咖啡的香味。讓人驚喜的一間小店，非常欣賞店內有不少健康為主的飲食配搭，下次一定會再惠顧，亦會推介給身邊朋友😇

蔡老闆好好人 連一些不在menu 嘅菜式都可以特別做 味道超出期望 值得一試 超有禮貌 每一道菜都是用心去做 今日食左Fish and Chip 係有尾嘅 從未看過Fish and Chips 係有尾 大開眼戒

歺廳門口不起眼，只是一間細細的咖啡店，環境內里舒適&cosy！廚師，蔡老闆對飲食好有要求，不但美味還要健康，常常創新，煮出美味的食物。已經是第二幫襯，除了喜歡的spaghetti carbonara, 今日還試到新菜式蟹肉牛油果sour dough, 炸魚薯條配黑松露mayonnaise, 香辣大蝦意粉，絕不會令我失望，美味。還有cold pressed orange juice & Nespresso, l like it!

西貢海旁嘅Coffee Shop越開越多，而且各有特色，今次去了普通道的小店「蔡農日籽」，店面被旁邊的滿記甜品搶了不少眼球，要細心找找！今次點了XO醬炒大蝦意粉、蟹肉牛油果炒蛋酸種包，配上冷榨蘋果雪梨汁同埋花茶！餐湯本是喜愛的洋蔥湯，可惜賣晒，改了紅菜頭湯，平時紅菜頭多數是沙律中，原來煲湯嘅味道都唔錯。當大廚炒意粉是已經香氣撲鼻，到老闆娘送上大大碟大大隻嘅大蝦意粉，簡直驚喜十足！「驚」是因為份量大，怕吃不完！蟹肉牛油果酸種包是清新宜人之選。飯後重點是老闆娘介紹有機護膚產品，形形式式，老闆娘細心講解產地、特性、用法，如果有皮膚敏感嘅朋友仔，可以聽聽意見！

今次帶埋朋友黎一齊試多d野食！兩個人可以share黎食嘛 cafe出左一個special係蟹肉牛油果配酸種麵包同滑蛋，蟹肉好似幾有趣就試下啦！仲加左個湯，同每人一個嘢飲。首先黎左個湯，好似係蔬菜湯呀，好足料亦夠熱，真係有一粒粒蔬菜包括洋蔥番茄等等，有d咬口唔係淨係得水，好飲 我地嘢飲方面，朋友叫左杯齋啡，味道恰到好處，啱我朋友口味。我就叫左杯鮮榨果汁，好濃郁，仲加左個檸檬shot，可以通便架哈哈哈 感覺又健康左！食品方面，蟹肉一黎到見到非常多！帶有少少海水鹹味幾天然，炒滑蛋亦非常非常滑。另外一個係雞胸肉配法包，雞胸肉有少少炭燒嘅味道，好香，但係同bagel比，我自己就鍾意bagel多d，包質好似豐富d，但係法包就light d，睇下大家鍾意咩口感啦～配菜沙律都好新鮮。期待下一次再蒞臨繼續試

最近位於「西貢」某甜品店跟便利商店之間，懸空已經有一段時間的舖位，最近有一間小型意大利菜餐廳新開張營業，這間新西式餐廳的名稱叫做「蔡農日籽」。最初我發現「蔡農日籽」的實際營業時間比預期稍為提早休息，食店還未去到晚上八點，已經差不多準備打烊，令我有點好奇「蔡農日籽」提早休息的實際原因。結果我在星期五，趁「西貢」晚上交通未算繁忙，小巴總站排隊等候的乘客不多，我不需要預留太長時間乘坐小巴出「九龍」之前，光顧「蔡農日籽」和享用雞肉意大利粉，作為晚餐裡面的「雞肉」食品。我剛剛進入「蔡農日籽」食店店內不久，發現「蔡農日籽」的實際看店職員人數不算很多，就只有一名男士看店而已，所以我懷疑這位男士可能是食店的店主。後來我光顧「蔡農日籽」期間，跟位疑似是店主的男士閒聊，閒聊一會兒之後才發現，原來「蔡農日籽」本來還有另一位店員，不過那店員已經提早下班。所以我趁「蔡農日籽」還未關門休息之前，光顧享用體驗食店晚餐，食品「香蒜雞胸炒意粉」、餐湯「Pumpkin & Carriot」跟飲品「日本桃汁梳打」，都是當時的看店疑似店主一手包辦。由於當時「蔡農日籽」處於「一夫當關」的狀態，所以享用到所有食品、飲品、餐湯，都

夏天黎啦～～～夏天當然要出海，所以會多左入西貢。因為疫情大家都向戶外出發，西貢都變左旺角哈哈！其實除左海旁之外，大路入面都有好多小cafe比大家探索一下，依間蔡農日籽就係其中一間！地點係普通道巴士站隔離，搭小巴係巴士站落行返左邊少少就到架啦，容易搵到。一入去好有清新嘅感覺，cafe出面仲有小小open area可以坐，空間感足夠。雖然座位唔算多，但係位置好舒服。食物方面選擇好多，由沙律到麵包到意粉到甜品都一應俱全，總有一款啱食。今次我係啱啱潛完水去醫肚，所以叫左一杯超邪惡嘅朱古力奶昔 從來未見過咁足料，竟然用movenpick雪糕黎打奶昔！！！！！真係濃味到不得了超級好飲！！！到主菜，我試左佢地嘅bagel，bagel方面都好多選擇，有plain、sesame seed、poppy seed、wheat。我就揀左poppy seed配煙三文魚同牛油果🥑 。Poppy seed舖滿左bagel，好香脆，煙三文魚份量都足夠食兩邊bagel，配上清新牛油果同沙律，唔錯唔錯

地方既簡約又夠企理，地點又夠方便，旺中又帶靜。食物味道非常好，材料新鮮，調配恰當。咖啡豆選擇適宜迎合大眾化，味道夠平衡。整體絕對係誠意之作，性價比甚高，一定會繼續支持！

近日疫情有緩和跡象，所以趁有時間就入西貢一轉。平時主要行海邊一帶，但今次行入市中心，發現有間新開cafe，於是決定試一吓。叫咗個combo set, 有一碗有機紅菜頭湯，一碟grill chicken breast penne 同一杯有機阿薩姆(Assam)紅茶。平時雞胸好容易煮得太乾，而呢間cafe 嘅雞胸煮得剛剛好，嫩滑又有肉汁，penne 亦唔會太腍。第一次飲Assam black tea, 有種好香嘅麥芽味道。聽講呢種茶仲有消除疲勞功效。順帶一提，呢到每日都會有唔同款式即做蛋糕，仲有我最鐘意嘅其中一款香蕉蛋糕。可惜我去嗰日老闆娘冇整，唯有寄望下一去嘅時候會食得到。

叫咗個carbonara, all day breakfast加$40有set跟餐湯同飲品。餐湯每日唔同，我去嗰日係洋蔥湯。跟餐杯Mocha好好好好飲，浸choco味超好味呀👍🏻👍🏻個人幾鍾意佢個All day breakfast😋😋有sourdough 同牛油果！😍😍😍個炒蛋係黑松露炒蛋👍🏻👍🏻Carbonara就各人口味唔同，我就覺得有啲漏，友人就覺得好creamy好食。個到有賣啲益生菌，waiter見到我哋睇仲拎咗唔同味比我哋試味試啱買咗枝返屋企

住西貢咁耐都冇留意到呢間小店，見佢個門口裝修都幾簡約幾舒服，試一試佢。嗌咗個Carbonara，原本諗住應該普普通通冇乜特別，點知好好食好Creamy！同老闆娘閒談之間知道佢哋仲有自家製butter scone,蛋糕！下次試下先！環境方面都好舒服，下次帶閨蜜一齊嚟坐一個下午，傾下計都係一個不錯嘅選擇！而且呢到都好適合打卡帶狗仔嘅仲可以坐出面！呢到仲有代理其他產品~咖啡豆,香水,番梘,有機護膚品嗰啲~

週末偷閒去西貢，行過見到呢間新舖就入去八下。舖內乾淨企理，衞生做得唔錯，突然見到個餐牌上面有我最鍾意嘅carbonara，仲要有海鮮，見到價錢都好親民就決定一試，順便叫多個炸雞翼。先上場嘅係炸雞翼，見到都覺得好味，食到入口真係如我所料，雞翼外脆內軟又多汁，仲有小小辣味，正😋。之後到我最鍾意嘅carbonara，睇到已經流口水🤤⋯⋯食到入口真係喜出望外，意粉味道濃厚適中唔太咸，啲蝦夠入味又爽，真係物超所值，滿分💯！