蓮園粥粉麵

營業中

休息中

叫皮蛋瘦肉粥係水汪汪嘅好似生粉水咁成個粥得一粒皮蛋，肉片都冇好無奈窩蛋牛肉飯，牛肉有浸縮味，牛肉好生好無奈蒸雞飯，雞有浸酸味，金針雲耳亦都係酸好無奈叫咗碗桑寄生茶，得一隻蛋其他料都冇，糖水係非常非常非常甜，過分甜好無奈餐廳冇冷氣，我哋很友善叫佢開冷氣，年長白頭女侍應不願開冷氣好熱好無奈年長白頭女士及年長男侍應叫我哋食炸兩，仲話嚟跑馬地蓮園唔食炸兩，即是未嚟過蓮園好無奈成餐飯食得好唔安樂，食唔飽急急腳買單就算是但啦，佢話幾多錢就幾多錢急急腳即刻走人

原本今日去跑馬地一間意大利薄餅店午餐，但原來已經搬舖了，咁唯有喺附近搵一間餐廳醫肚，見到呢一間經過咁多次都冇食過嘅粥麵店，就入去試下啦，冇咩期望，只希望係正正經經嘅一間食店，但結果係…一入到去覺得係家庭式既粥粉麵飯舖頭，有一個聲大大嘅年長女仕招呼我哋，我哋叫咗一個牛腩麵同埋一個雙丸米粉套餐，係包一碟油菜，各$45/每個餐。年長嘅女士就叫我哋點炸兩，我哋話唔叫住，佢就好大聲咁講：嚟呢度唔食炸兩就等於冇嚟過！我哋話睇吓有幾多嘢先，佢再講：有幾多嘢啫，咪一碗囉！年長女仕繼續講：我哋呢度幾十年，上過好多雜誌訪問，跟住下刪1000字自吹自擂自己舖頭有幾巴閉。咁都算啦，由得佢自己講，我哋係唔想叫炸兩啫。牛筋腩麵其實味道係可以嘅，但係份量就偏細，油菜係白烚嘅生菜，冇豉油又冇蠔油嘅，基於唔想再同個年長女仕講嘢，冇要求豉油同蠔油。另一碗係魚蛋牛丸米粉，個湯底認真淡，魚蛋有啲腥，係粒牛丸好少少，米粉偏硬，落咗一匙羹辣椒油，連辣椒油都係冇味嘅，睇到個辣椒油樽身係好多塵，冇晒啲油得返啲辣椒渣喺個底，相信放咗好耐亦冇加過新嘅辣椒油落去嗰隻，所以走晒啲味。都算。成餐飯就係不停咁聽到呢位年長女士講嘢極度晦氣，把口冇

中學時期在跑馬地渡過。出嚟做嘢亦曾經住上幾年。那些年愛上了蓮園嘅炸兩。西米布甸。粥。真係一間有心做食物的小店。食物出名，老闆娘霞姐更出名🤣可能我自細習慣了老闆娘直率的性格。抱住有麝自然香心態。我想真係嚇怕咗好多人。講真當然我都驚嘅，不過一諗起好好味嘅嘢食，我又會隻腳不期然地去。已經搬離左跑馬地10幾年。一個月總會跑去跑馬地食返一次，咁多年都仍然保持水準，實在難得。眼見呢幾年好多原本好好味嘅店舖，因為遊客太多出咗名，食物水準每每走下坡。已經食唔番以前細個嘅味道。確實可惜。幸好仲可以喺呢度食到。值得！上兩次食過佢嘅椰汁西米露簡直驚為天人！佢嘅椰汁係新鮮嘅椰汁！超級好味。大家不妨一試。今晚我又去買咗外賣啦。我覺得而家好味道嘅食物。真係要支持！佢嘅炸兩我可以講係全香港最好食。

今晚諗住買糖水回家給家人，入到去我同佢講外賣，要芒果西米露，椰汁西米露，芝麻糊加湯圓，跟住佢同我講冇芝麻糊加湯圓，一係芝麻湯圓一係紅豆沙湯圓，我就話等等，我打電話俾細佬話俾佢知冇芝麻糊加湯圓問佢想轉乜嘢。喺我打電話之際，坐喺度嗰個應該係老闆娘，即刻喺度串我，一係食一係唔食冇第三條路選擇啦，我即刻着火，但係應承咗買糖水我就忍咗佢，我真係唔明咁嘅態度都有人去食嘅😡😡返到屋企兩碗西米露，裏面有好多冰塊，我諗應該雪咗好耐，結咗冰，咁樣都可以賣得俾人，喺呢間鋪先可以做到，都唔知食完會唔會肚屙，我唔會再幫襯，唔會有下次😡😡

初三赤口，去完朋友家，想附近清清地食粥，一家人就近行左入蓮園。一入去，中間一大張枱，放左好多雜物同一盤多碗類似焦糖燉奶的甜品，係冇嘢冚住嘅。叫嘢食，老闆娘問幾次要唔要腸粉。後來有人想食炸兩，佢好晦氣話：「過年油炸鬼師傅冇返，叫左你食腸粉啦，冇炸兩呀！」❌艇仔粥，冇味、少料、好水。賣$55碗難食過海皇粥店好多。❌雙丸撈面，係白水烚咗就咁上枱。感覺唔對路，一問，老闆娘又大大聲答：「你唔講要撈咩我地都就係咁上㗎啦，你要咩講啦。」咁你落單又冇問埋我地撈咩醬，餐牌都冇註明。❌雲吞麵，湯冇味，但雲吞味道尚可。小朋友用筷子敲左隻碗兩三下（真係唔係狂敲打鼓嗰種），老闆娘又走嚟話：「你咪敲呀！之前啲小朋友好乖，而家啲小朋友好曳，我會認得你！」😨想試啖阿女的雙丸撈面，一睇，抽面夾住隻瓜子咁大嘅曱甴仔！🪳🤮🪳怕女嚇親，定一定神，快快夾抽面去另一碗度。（最衰係我冇影相！！）立刻揮手叫老闆娘嚟。佢見到🪳，就問：「咁你而家想點呀？要整過定係點？成碗換哂佢呀？」第一次食到曱甴面，第一次見到咁冇禮貌的老闆娘！帶住小朋友我冇同佢嘈交，但呢次經驗值得同大家分享！呢間真心唔應該幫襯啦。

 一入到去，我以為去佐人地屋企，成枱都係雜物，然之後一個個小的糕就成盤放係張枱度，冇野蓋住我入去坐低，揀了個set lunch，位60歲既女待應，應該都係士頭婆，就即刻停粗聲粗氣問我：要湯，菜，定漿。我當時坐果張台好近去過電話，佢接電話然之後拉低個口罩大聲，同廚房講要個菜行街。然之後佢坐喺度，拉低個口罩，大聲講，野當時我已經作剛剛開始食野，我有禮貌同佢講：唔好意思呀，你可唔可以戴番個口罩。佢就反問番我：你食野可唔可以唔帶口罩呀？我真係唔想再食落去，我問佢幾錢， 我放低啲錢就即刻走，我只係食左好少。 我出門口嘅時候，佢仲要同我講：你咁驚，點出嚟行啊，你用個網呀，由頭到腳包住你成個人啦。

每逢過年我都會買好多唔同牌子出嘅蘿蔔糕，朋友介紹吓買咗呢間嘅蘿蔔糕俾我食，食完之後我覺得好好味，因為平時食嘅蘿蔔糕都好重味精，食完之後就會瘋狂飲水，但係呢一間嘅蘿蔔糕雖然唔係話好多料，但係起碼我覺得我食完之後唔會口渴，而且唔會好多粉，好多蘿蔔，朋友買咗兩底比我，我覺得好好味之後我再去買多四底，真係好誇張😂

近日係跑馬地上班，lunch時心思思入去，地方陳舊，不太整齊。冇問題，只要食物好味，可以接受的舉目望見白朦朦一片，原來隔離大枱上全部擺滿已經蒸熟的蘿蔔糕，大慨有卅多底。老闆娘及店員，不停說是自家製，出品優良，問價錢，＄170 一底！又游說切兩塊試吓喇！結果，我接受！點叫炸醬麵，及杏仁茶...奇怪，杏仁茶先上...此係飯後甜品 - 要稍後才吃...炸醬麵＄45，size很细，味道平平無奇，附上湯，也是淡淡然的...杏仁茶＄30，已經涼了，甜度高，沒有什麼杏仁味，有點似用杏仁粉開的...失望👎🏻另外添加的煎蘿蔔糕， 兩片既薄，size 又細及形狀不一，食落無乜料，好似粉比蘿蔔多，亦無一絲絲的蘿蔔...唔係佢講得咁好食呀！👎🏻埋單時，合共＄110，嘩，好貴呀！題外話，食完蘿蔔糕，有點口喝，要求要一杯水，點知，個女店員用”五爪金龍”拎住個水杯頂，遞杯水過嚟....唔敢飲呀😥😥😥

見到哩個 A 雙丸湯米套餐，咪入去叫個「魚蛋墨丸米」，男侍應話「無墨魚丸」👩🏻：「咁魚蛋水餃米啦，出面嗰個套餐喎」👵🏼 老闆娘：「咩套餐呀，無哩個套餐喎！」👩🏻：「咦，出面個雙丸湯米喎。。。」👵🏼：「唔包架！」👩🏻：「哦。。。水餃唔歸落丸類？咁——（都未講完）」👵🏼：「🤬 出去睇清楚啦！雙丸係魚蛋牛丸，寫咗既，睇埋隔離d細字，個個都發雞盲唔睇清楚，唔好當我哋係謀人寺！！依家d人個個都思覺失調唔睇清楚就亂咁嗌！！」👩🏻：「吓。。哦。。😒😒（都費事同佢講，以後唔會再幫襯，明明無寫明雙丸係乜架喎。。。）」👵🏼：「😤諗掂未？即係要乜？」👩🏻：「肉餅飯啦咁。。。」👵🏼：「（向廚房叫）餅飯！」😠跟住佢仲要嚟喎！👵🏼：「嗱，你陣間出去擘大對眼睇清楚d細字，影低張相返去慢慢睇！！我哋無呃你嘅！個個都亂叫！嗱，你依家出去睇吓！寫清楚架！」👩🏻：「唔駛啦。。。😒 」（即刻俾錢）👵🏼邊找錢邊說：「我哋唔係謀人寺呀，出去睇吓呀！影張相影得清楚d睇清睇楚，以後唔好亂叫！」👩🏻：（頭也不回出去等，同埋如佢所願影張相證明。係。無。細。字。寫。明。雙。丸。係。乜。丸。架！！！）莫講話佢個肉餅唔係好食，即使好食到飛起都

haven't been here for ages but had such a taste for grumpy lady's chicken wings that we made a takeaway order. it was a quick in and out affair to pick up the takeaway order so grumpy lady had no time to be grumpy, although she did snarkily say, "your chicken is behind you!" , when I couldn't see where I was suppose to pick up the package. chicken wings highly recommended.

本來星期六早上開工心情都唔太差，諗住去到跑馬地搵早餐食，但唔係道道有位停車，所以道停左0係蓮園粥麵小廚外邊。 一落車見有開門就入左去睇睇，有個呀婆著拖鞋好似未開工咁。 我就問問有無早餐食？ 呀婆話有，有粥麵飯。咁有粥食麵好呀，跟住佢話叉腸幾好食，咁我就話好呀。 諗住跑馬地腸粉加粥貴極六七十蚊有找，點知超越左我既想像。 首先黎左碗皮蛋瘦肉粥，皮蛋得個三四粒，所以瘦肉更加唔洗講。之後碟腸粉都係普通一碟叉腸，都食唔出有咩咁特別，但食左兩樣野埋單要一百蚊，有無攪錯！ 絕對絕對要杜絕呢d咁既克店！！！

替蓮園打響名堂的並非不是食物質素，應該是老闆娘的另類服務態度，十個著八個客也說永不回頭。記得五六年前光顧，簡單的叫老闆娘加添茶水，落落柯打，卻竟換來一肚子氣，未能接受如此態度，自此自己也說此後不幫襯。服務態度差，粥粉麵飯的食物又不是特別好味，為何貼錢買難受？幾年後，見店舖有盅頭滑雞飯，很想吃，又冒險再走入蓮園一趟。可能已經親身經驗過，有心理準備，而當日她又未曾有惡劣態度，尚算順利度過。滑雞飯也好吃，但仍看不過眼那像雜物倉擺設的樓面舖，如坐在貨倉吃飯的感覺。

呢底蘿蔔糕，$140左右竟然係咁既樣👇🏻👇🏻如果隔離屋陳師奶，整底蘿蔔糕俾你，都會鋪到靚靚仔仔咁丫，見到呢底野第一下真係o哂咀，都唔係expect 你抽真空定點，至少賣得呢個價，個樣都整得體面啲啦。😩😩切開真係無乜餡料，三幾粒蠟腸咁，唔多覺有其他野😑😑😑蘿蔔糕都無一絲絲既蘿蔔，應該就係你堂食嗌粥，幾蚊一底送粥果D 蘿蔔糕咁。味道有d 咸，食完有D 口乾，好彩淨係煎左幾片，不過已經要係咁隊茶黎送。

係養和睇完醫生，記起呢間鋪有得買粥想買d野食。入到去好有禮貌話想買外賣，比個阿婆(唔知係咪老闆)？”要買乜快D講啦，一係返屋企煮” 嘩！串都呢🤣點解仲有人去？特登去比人串？快d收檔啦，唔想做生意開呢做乜？正垃圾餐廳

話說在呢區探完病，求其在附近搵野食，坐低剛睇一陣餐牌，個女仕就走埋黎。女仕：點呀，諗好未呀。我：睇緊，等多陣女仕：快啦，阻住晒我：…………………起身走人呢區得你有野食？已經係特別貴，仲對客人呼喝，唔知係咪我多個背包，真係阻住晒，還是佢對所有客都係咁，D客都係有被虐待狂，鍾意比人鬧？ 還是我得罪左你，而我又唔知？相我就冇法影，鬧完仲唔起身走咩，聽講佢F粥唔錯，但我就冇法證實，亦無福享受。最後祝你生意興隆啦