蒸廬 (Plaza88)

營業中

休息中

新式點心舖 ✌🏻🩷 全部都係自己整 好有心思 又夠新榮 好有驚喜！下次同屋企人飲茶飲到悶 可以過來試試🤣 價錢親民 員工又好friendly分店：啟德/沙田/荃灣蒸廬拼美點 (9件）($64) 首先如果你係自己一個來 又乜都想試下 一定要叫呢個！餐廳超級貼心 解決左 大部分人點解唔一個人自己飲茶既問題🧡🫖 我暫時係呢到最鍾意係 抹茶流心叉燒包🍵、燒賣、鮮蝦菜苗蝦餃🦐🥟滿足斑蘭咖央蝦盞 ($45)斑蘭醬幾香 含有少少椰汁味🥥 同埋罐頭蜜桃🍑 甜甜哋 醬汁下面係一粒充滿蝦既炸雲吞！紫金麻糬香芊包 ($42) 無論系麵包皮定係餡料都有滿滿的芋頭味 食到中間又有煙韌既麻糬 整體來講唔會太過heavy 可以接受的🍠冬菇蟲草花雞肉燒賣 ($35) 我幾鍾意呢個 又食到淡淡雞肉🍗 又有一粒粒冬菇/蟲草花 口感豐富 下次會再叫呢個！韭菜黃金魚餅🫔 ($35) 外皮係腐皮 炸得好脆 又唔會太油膩 裡面的魚應該是鯪魚肉 可惜唔係食到太多韭菜🥬瑤柱蝦滑釀魚肚 ($45) 蝦滑好彈牙 蝦味鮮甜🦐 魚肚好淋 油好掛汁！味道：🪩🪩🪩🪩/5 📍蒸廬 (荃灣)地址：荃灣楊屋道88號Plaza88 1樓107-108號

蒸廬啲嘢出曬名好食大家都知. 對於經常喺荃灣搵食嘅人來講蒸廬喺荃灣有分店係一件好開心嘅事. 雖然位置並唔係核心地段, 但都鄰近同埋有天橋駁通主要商場, 都好方便！我最鍾意食蒸廬嘅點心同蒸飯. 蝦餃更加係精選中嘅精選. 細個嘅時候曾經喺酒樓食過一啲好好食嘅蝦餃，但過去幾十年嘅香港，好食嘅蝦餃好似消失咗. 都市傳說話九七前後有大量經驗豐富嘅點心師傅移民外地, 所以導致人才同味道同時流失. 不論是否屬實，自己的確喺香港尋尋覓覓搵咗好多年都搵唔到. 直至開始幫襯蒸廬@荃灣, 好食嘅蝦餃味道終於返返嚟. 不用我多講試過你就知㗎喇！😋😋對於畀味精荼毒多年嘅香港人(包括我自己)來講, 初嘗蒸廬會覺得味道有啲淡,冇乜好食. 但個人認為幫襯蒸廬係讓自己味覺重新啟動嘅一個好機會. 喺蒸廬我會真正品嚐到食物嘅味道, 唔會係一味靠味精搭夠食到大家眼乾乾口乾乾嗰種技倆.繁忙時間嘅蒸廬@荃灣人龍都好長, 滿坐時嘅舖頭都算有啲擠迫, 大家去幫襯嘅時候就要有心理準備未必會坐得好舒服. 遇著繁忙時間我食完就會馬上埋單走, 好讓其他排隊嘅朋友可以快啲入座. 今日我讓人他日別人又會讓我, 來來又回回, 大家都會開心.如果

響荃灣Plaza88經過幾次見幾多人食今晚終於試下😝🙌🙌值得一試既小店～食物質素和服務都唔錯👍蒸飯、燉湯、點心幾多款式即叫即蒸熱辣辣🔥🔥都幾抵食❗️我地叫咗個$248二人餐：🔸黑椒蒜香美國牛仔骨飯🐮🥩🥩🥬🍚荷葉飯份量十足，個蒸籠幾大個。牛仔骨嘅味道都幾嫩滑，醬汁似黑椒金錢肚幾惹味～面頭重鋪上好多菜心粒、草菇幾健康👍🔸黨蔘天麻川弓燉魚頭湯🐟🐟🔸花膠蟲草花栗子燉土雞湯🐔🐔🌰兩款原盅燉湯非常足料！無味精的感覺，香濃藥材味好味道又有營養😋😋非常啱冬天飲！🔸晶瑩蝦餃皇🦐🦐🔸蟹籽燒賣皇🔸抹茶流汁叉燒包點心都大粒飽滿🤩蝦餃大隻但皮有少少偏厚燒賣新鮮彈牙，叉燒包都好好食，外層有抹茶香，蜜汁叉燒甜而不膩❣️🔸甜品香芋紫米露。滿足的一餐🤤🤤

本身係荃灣人，之前都食過難得有親戚過嚟香港帶佢試吓香港點心一入座桌面仲有啲污糟，叫服務員抹有小小面色再黎服務態度體驗實在太差，好似趕客走咁講真飲茶都係同屋企人閑聊幾句大家聚下冇諗過飲過茶會係咁俾人望，收走晒啲嘢感覺到要我哋食完就快啲走，唔好阻住佢做生意至於食物質素，真係大失所望。牛柏葉有浸粟味好韌，啲包入邊係微暖？士多啤梨蝦多士還好，比較油膩本身啲嘢食已經唔係特別好食，加埋咁嘅service，真係唔會再考慮囉

食物都是即制所以水準很好。份量應覺比大多酒樓還要大份。價錢實惠又不設加一。 只是閒日如要茶水加每人加5元茶錢也很可以接受。 因冷氣太凍店員主動安排換座又幫忙調節了温度好評

收藏好耐～終於有機會去食🥢 因為每次經過都有人等位星期日下午茶時段去兩個人，唔想諗所以簡咗「二人套餐」+馬拉糕本身坐二人枱，落單後店員話怕太多嘢放唔到主動幫我哋掉去卡位，話暫時唔多人可以坐鬆啲感覺貼心的🫶🏻👍🏻 如繁忙時間都明白要大家就吓😌「二人套餐」對兩個人嚟講都幾份量驚人😱兩個燉湯都真材實料，蝦餃好大粒😎抹茶流汁叉燒包好juice🤤 唔會乾爭爭當日「是日甜品」係紫米露 好味🤗下次會再去試其他推介😋

蒸廬除咗石門，仲有荃灣西店，荃灣西店距離地鐵站約10分鐘路程，位置較遠。餐廳係點心小店，有不少特色的點心黑椒蒜香美國牛仔骨荷葉飯牛仔骨吸收黑椒和蒜香，微微帶出辛辣味，刺激食慾，牛仔骨既骨位偏多，但唔韌。荷葉飯吸收牛仔骨嘅醬汁同荷葉味，非常香口，飯的口感則中規中矩士多啤梨蝦多士蝦多士配上士多啤梨醬作點綴，非常有層次，蝦多士的鹹配上士多啤梨的酸甜感，香口而清新雲石芝麻包雲石芝麻包非常特別，外觀感覺就好似雲石咁，包皮柔軟，內餡係芝麻，甜而不膩蒸廬拼美點點心組合非常豐富，有蝦餃、燒賣、菜苗餃、抹茶叉燒包、粉果、馬拉糕、薑汁糕同馬蹄糕。推薦當中的馬拉糕，口感軟綿鬆軟，帶有濃厚蛋香

假期中午光顧，等咗大概五分鐘就可入座。用手機落單，唔使五分鐘，所有嘢一次過嚟晒。張枱60cm x 60cm左右，放到已經放唔到 (如相中所示)。我哋已經有表示唔夠位，職員無回應，照塞晒落嚟，全程我哋都係要拎住隻碗嚟食。先飲燉湯，入面有鳳爪同土雞，都係要𦧲骨，我哋就用咗一隻碗仔嚟裝骨。飲咗1/3，實在太熱，冷氣又唔多夠，兩條友正面、背面全部流緊汗。咁抖抖食蒸飯先啦，問位職員拎隻碗啦 (因為其中一隻裝咗骨)。我：「唔該，我哋想要個碗仔。」孖辮姐：「我好忙㗎！你慢慢等啦！」哦，嘩，咩料？？結果我哋等咗大概三分鐘，佢都真係唔攞嚟，縱使見到佢企咗喺出餐位置無嘢做。另一位姐姐職員見我哋咁迷惘，反而主動問我哋有咩需要，就攞咗俾我哋。呢間餐廳喺一直我哋Openrice嘅bucket list入面，今次係專程嚟試，畢竟個位置唔算係好方便。成個過程都食得唔開心，感覺好壓迫。都有諗過可能係餐廳假期想快啲翻枱，所以一次過上晒所有嘢，催你快啲食完走。但望吓旁邊，又唔係喎，兩個大人加個B，坐四個位。媽媽買隔離SUBWAY入嚟慢慢食，爸爸叫咗個蒸飯，BB叫個布甸，that’s it，食得不知幾悠閒。所以⋯ 真係唔知

已經食過好多次，每次都試下新點心，固定蝦餃燒賣大路嘢係一貫正常好味，今次推介新派嘢❣️士多啤梨蝦多士🍤蝦膠彈牙好足料，多士炸完唔乾唔太油，加士多啤梨醬酸酸甜甜岀奇地夾啤梨角可愛版咸水角，新鮮熱辣唔會漏，外皮脆得黎煙煙韌韌好味又igable😋宇治抹茶豆沙餅茶味唔重但豆沙陷滿滿，甜度岩岩好，口感QQ😛黑金虎爪流沙包上枱熱辣辣，好多流沙，好足料香口，咸咸甜甜咁店內雖然細但唔算太迫，卡位會鬆動啲，地方都乾淨，一家人食都OK

呢間點心會創新啲，而且份量比較大，除咗點心之外，仲有燉湯同唔少港式甜品~ 如果一兩個人食仲可以叫一人點心拼盤一次過試哂好多款點心😙🌟🍚鰹魚絲金沙肉餅荷葉蒸飯 $52/ 黑椒蒜香美國牛仔骨荷葉蒸飯 $66/ 蟲草砂砂雞粒陳村粉 $52 特別推介試吓呢度嘅蒸飯或者陳村粉😍 比想像中大份而且豐富，呢三款我都食過，好有荷葉香味😋金沙肉餅係有啲咸蛋黃嘅咸香，肉餅係比較瘦啲感覺冇咁油膩，不過鍾意肉餅油脂感嘅人就未必咁岩喇😆牛仔骨飯黑椒味濃岩哂重口味啲嘅人🥰砂砂雞其實就係咖喱雞，陳村粉唔係好多地方食到幾煙韌加啲豉油幾好味😙🌟🥯抹茶流汁叉燒包 $28🥯黑金虎爪流沙包 $36包類都幾有驚喜😍 叉燒包係綠色嘅不過其實食唔出綠茶味😂 但叉燒有啲甜甜哋嘅蜜汁幾正😋 奶黃包好大個，比起出面嘅再流心啲😛🌟🦐士多啤梨蝦多士 $36 蝦多係一口size，蝦膠幾彈牙香口，多士部分會有啲油不過夾埋士多啤梨🍓醬幾清新特別可以試吓~ 🌟🦐蟹籽燒賣皇 $32🥬鮮蝦菜苗餃 $32燒賣同菜苗餃都勁充料，蝦食落好甜好爽口😛另外仲食左呢幾樣就普通啲🍆和風紫菜燒汁茄子 $42🦐瑤柱蝦米煎腸粉 $32🥕瑤柱臘味蘿蔔糕 $32📍蒸廬荃灣楊屋

幫襯開沙田嘅~不過今日經過荃灣想飲茶，就特登去支持下~水準都keep得到~不過真係好想佢啲鋪大間啲，唔駛長期等位要叫外賣~🔹蒸廬拼美點🔹 必食之選~有9樣點心，都係$62去邊到揾！？樣樣都好食~又會keep到新鮮感~今日有抹茶叉燒包同桂花馬蹄糕impressed 到我~🔹魚湯蟲草花鮮竹卷🔹唔飲魚湯嘅我都會食~傳統鮮竹卷嘅油膩不得比~🔹士多啤梨蝦多士🔹炸到好脆，又啖啖蝦肉~士多啤梨醬中和哂啲油膩~🔹啤梨角🔹可愛咸水角~打卡好味都齊~

下午茶小朋友想食點心，經過俾佢d特式點心吸引住。黑金虎爪流沙包 $36一籠兩個，大大個，一搣開，流沙奶皇多到好似瀑布咁湧出黎，奶黃味唔算濃，入面有粒粒蛋黃碎薑蔥牛柏葉 $35味道正常，可惜太大舊，有D韌抹茶流汁叉燒包 $27綠色包，好吸晴，但就唔覺流汁😅淡淡既抹茶味，感覺冇咁油膩士多啤梨蝦多士 $35 👍超脆，蝦多士配上士多啤梨醬，好味到食完一舊再一舊脆辣龍蝦汁鮮蝦卷 $43炸腐皮包住蝦膠，再沾上龍蝦汁，龍蝦杰身，仲就唔覺辣南瓜鳳爪排骨荷葉蒸飯 $52淡淡荷葉味，蒸飯粒粒分明店內免費提供茶品，香片溝普洱，如果係想自已開一壺，就要加錢啦！埋單先知原來唔使收茶芥，連加一都唔使🥰

士多啤梨蝦多士（頂）$35.0多士香脆，入面既蝦肉彈牙，配上士多啤梨汁，好開胃🤤黑金虎爪流沙包$36.0熱辣辣流沙包，食既時候要好小心，因為一搣開，啲熔左既奶黃多到好似瀑布咁流出，但食落去略嫌奶黃味唔夠重！抹茶流汁叉燒包（大）$27.0叉燒包就食得多，抹茶味既就真係第一次食，味道好有特色，叉燒餡仲好足料！脆辣龍蝦汁鮮蝦卷$43.0個汁都幾濃，但就唔覺辣，味道不過不失。南瓜鳳爪排骨荷葉蒸飯$52.0蒸飯粒粒分明，仲有淡淡既荷葉香，靜係鳳爪都有3隻咁多！薑蔥牛栢葉（頂）$35.0一般酒樓食到既味道，如果可以剪細少少會無咁韌！呢間點心店竟然唔收茶錢同加一，佢會提供一杯杯既茶比你，店員話係香片溝普洱，如果想開一壺壼既茶先要收茶錢！

🇭🇰蒸廬·鮑魚甘香雞煲盆菜$988/6位 $1588/10位就黎農曆新年 又到左一年一度食盆菜嘅時候 今年我哋就試咗呢一個蒸廬嘅盆菜 估唔到都幾有驚喜😈 佢個盆菜超大份 而且我幾鍾意佢配料嘅選擇 佢個鮑魚尤其做得幾好 質感好好 個冬菇都好厚身 炆到透曬😌之後個花膠都好有膠質 比較厚身 好有誠意😎😎另外我地大家都好鍾意佢個牛柏葉😍可能因為佢本身係點心舖頭 所以佢個牛柏葉係做得特別出色 佢係真係好爽口 食落口感好好🤤🤤另外金錢肚同鴨掌都唔錯既 不過佢個豬手我自己就覺得有少少偏鹹🐷🫢湯底方面佢就有清湯同蝦湯揀嘅 我哋就揀咗清湯 不過因為佢係雞煲底 所以其實都好夠味 而且好似有少少豬手既南乳汁咁🤣🤣之後佢入面都有海量既雞 而且雞嘅質感都好好 就算食到最後都唔會柴🐤·四川麻辣芋頭糕$158 l 奶黃年糕 $168 l 瑤柱臘味蘿蔔糕$138 l 桂花蔗糖馬蹄糕$108佢哋仲出左4款賀年嘅糕點 包裝勁靚 而且味道都好特別 勁適合送禮😈佢個芋頭糕質感好好 而且帶有少少麻辣 食落好惹味🌶️ 之後個奶黃年糕都好特別 係真係好似食緊奶黃包咁 都好值得試🤤之後傳統啲既蘿蔔糕同馬蹄糕都唔錯 質感都係好好 唔會太

一直好想試蒸蘆，見荃灣開左就去試下，叫左窩蛋牛肉飯，個飯好有荷葉香，但個牛肉係冇咩味，本身未來之前，已經聽到隔離枱話俾多碟豉油，個餅冇咩味，結果都真係冇乜味另外有食到蝦餃，但係冇影相，蝦餃比出面大隻，而且蝦餃皮冇痴筷子，係一粒好嘅蝦餃，而且入邊好多蝦，我覺得如果如果來蒸蘆可以簡蝦餃湯係足料的，但都係冇乜味，好似無落鹽咁哩個我覺得係好食的，蒸到岩岩好但因為唔近地鐵站，荃灣有好多選擇，下次就未必會再嚟