萬芳茶記

點了辣雞丁湯意粉，嚟錯沙甸魚湯意粉，即時同黑衫嘅職員講，佢第一次回覆叫我照食，另外比返雞丁我，已同佢講因為好怕魚味，所以拒絕了。見佢拎返入廚房，再拎有雞丁嘅意粉出嚟，但明顯見到頭先啲沙甸魚嘅魚皮碎，再同佢反映，佢再次拎入廚房。過咗一陣另一個白衣職員又再次拎返頭先咗碗雞丁意粉出嚟（重覆因本人好怕魚腥味）所以一聞就聞得出又係頭先咗一碗，即時再投訴，佢哋先重新整過一碗辣雞丁湯意粉比我。落錯單都算啦，你哋整過比我咪得囉，點解要將同一碗意粉拎出嚟三次？第三次以為搵另一個職員拎出嚟扮唔知就得呀？你哋係唔係當啲客傻㗎？…查看更多

食物質素還可以，但是身為客人要受那位收銀大家姐惡劣的態度，連那些同事們也要聽那大家姐的話。大家姐忘記了客人的order又要發脾氣在同事身上，我也替他們辛苦。如果你是老闆的話，請好好地對待你的同事們。現在香港經濟差，請好好地守護那間茶餐廳，替香港做好一點，好客之道是不可或缺的！…查看更多

呢間茶記唔係要係附近搭小巴都唔多發現，因為好少行去呢邊，通常都只係行市中心位置。有朝早去咗呢間茶記食早餐，覺得啲嘢都幾好食。我叫咗沙嗲牛肉公仔麵，個沙嗲醬夠濃，牛肉就正常，無咩根，同一般茶記差唔多，幾鐘意佢個湯底，似係茶記忌廉湯。炒蛋都幾好，夠滑，幾岩我口味。另外d friend叫咗墨魚餅油麵，夾咗佢一舊嚟食，都ok，不過就細舊咗啲，仲有個friend叫咗豬扒油麵，個豬扒好大塊，煎得夠香口，都幾抵食！下次再經過會再encore！…查看更多

明明係肚餓，去到茶餐廳叫完嘢咪等一陣食嘢就算，等嘅時候又有嘢玩，扭計哭鬧又有咩好處喎，🤷🏾‍♀️不過小朋友就是如此，見到唔如意，太肚餓或是太過無聊嘅時候，就會扭計。作為大人，特別是侍應，其實你都係喺嗰度做嘢，對住個靚仔頂多咪半個鐘至一個鐘，佢啱啱開始喊你就開口話「你可唔可以叫佢靜啲，或是叫佢細聲啲喊」。其實，能夠自己自由控制情緒嘅小朋友，究竟有幾多個呢？我諗，無論幾天才嘅人，🤗小時候應該都難免會有哭鬧嘅時候吧。零售業百上加斤，執下一間執下一間，都係慎言好啲。不過話說回來，這兒的炸雞脾配薯條，份量夠晒大，好大份的薯條，呈少許波浪形，符合茶餐廳的感覺，:)薯條外皮香脆，內裏的肉又夠多，都算是相當不錯的；炸雞脾好像比起平時的雞脾更加大，攤開了雞地放在碟子上邊，而且雞脾肉很容易可以和雞骨分開，不用特別大力用刀叉切，吃起上來也相當方便，無論你係男女拍拖定還是大人帶住細路仔，都會方便進食。因此，這樣收費$50-$60 ，亦都係無可厚非。再者，雞脾除了肉多之外，上邊的皮夠香脆，調味亦都剛剛好，不覺得太鹹，但是又夠晒香味，帶點鹽，味道相當好的。:)以前印象中喺元朗最老早那一間萬芳，就會點煲薑檸樂，這是隨便試吓啲奶茶咖啡鴛鴦，味道尚可，不算特別濃厚，不過至少係有茶味嘅味道。呢啲常餐嘅多士同埋炒滑蛋都普普通通，沒有什麼特別，不過滑都夠滑，多士都算帶點牛油，味道尚可，如果大概$50個常餐嘅話就太貴。不過始終佢係位於呢啲路口中間，門口都有三兩張枱，因此啲乘客如果喺門口進食，大多都會變吸煙，因此建議不喜歡的人是不要坐近門口的位置…查看更多

今次去咗‘元朗萬芳茶記’食早午餐，叫咗個‘常餐’黎試吓我用咗唔同嘅角度去分析一下今次嘅餐飲體驗。份量：正常，唔會太飽。味道：辣沙甸魚有一條半，辣度十足相當惹味。公仔麵煮得啱啱好，彈牙唔會太腍。加咗$4叫咗個火腿奄列個蛋煎得相當好食，如果鍾意食熟蛋嘅人會相當喜歡，咬入去亦都有蛋汁滲出嚟，整體個火腿奄列亦唔會太油，好好食。牛油餐包正常發揮。整體上唔會太鹹，亦唔會太油，相當推介。餐飲：凍檸茶走甜正常發揮上餐速度：茶餐廳速度上菜店員態度：良好店內環境：茶餐廳有分店外店內座位，雖然坐在店內，但係坐喺店內嘅人食煙亦相當困擾，聞到煙味亦是美中不足之處，雖然知道無法避免。人均消費：$49改善方案：希望下次嚟食，聞唔到煙味，而味道方面無需再改善，因為已經好好味。下次希望試吓濃湯沙嗲牛公仔麵。…查看更多

今日星期六放假較為遲先起身，本來諗住出去食午餐順便再去補充日用品，不過有雷暴又落雨，決定周日先去買。於外賣平台揾到萬芳茶記，相信同另一間名稱十分類似的餐廳並非同一集團，就決定試下。家人叫咗沙丹豬扒午餐 (跟意粉，洋蔥汁，加錢要埋栗米火腿忌廉湯)豬扒大大件，煎得算係啱啱好，火腿及菠蘿都OK, 唯獨洋蔥汁唔夠，同埋個湯反而係麻麻，加咗餅乾但其實同個湯唔算太配。我就叫咗焗鮮茄豬柳套餐 (配飯)整體係焗得唔錯，豬柳份量OK，而且亦唔會太滯，焗飯如果再乾身啲會更加好，至於蕃茄方面亦OK。…查看更多