華

營業中

休息中

深水埗西九龍中心係學生行街同搵食飯堂，當中亦有滿滿的黃店，而依間日本進口軟雪糕店就喺food court下一層電梯位隔離，雪糕性價比很高又黃，但可惜見無乜人幫襯☹️星期四晏就一點半去幫襯，但明明food court都爆哂人😗👓8.0牛乳+黑朱古力 雙層軟雪糕$32雪糕店招牌的意大利黑朱古力雪糕，好濃郁黑朱古力味帶點苦澀，唔太甜亦唔會有朱古力死甜嘅假味。質地都香滑厚實，唔係嗰隻好淋身好快溶嘅軟雪糕。雪糕筒香脆好食，完全冇淋身或油膱味。見好多人都叫佢做平民版Godiva，當然相比下佢質地冇咁幼滑同黑朱古力味冇甘苦澀濃郁，不過整體嚟講好食，價錢平一半喎，性價比高！不過其實淨食黑朱古力味雪糕都幾漏，於是決定兩溝叫埋牛乳味，再加上平時最多都係見到4.4牛乳但呢度竟然有雙倍去到8.0，食落奶味真係重亦帶甜味，係好食嘅，不過老實講又覺得未去到叫8.0甘誇張。最後相比下黑朱古力稍為略勝，牛乳味甜左少少！評分：8/10

出開深水埗就一定會去西九龍中心行一轉🙆🏻‍♂️今次俾我發現到呢間雪糕小店 價錢唔會好貴之餘 味道都唔錯 性格比很可以💖身為抹茶控就當然試返啲抹茶野啦🤤所以我嗌咗北海道8.0牛乳雪糕加由政小山園抹茶粉 ($24 + $2)🤤 牛乳雪糕口感幾滑 牛乳味都幾出 喜歡牛乳雪糕嘅朋友要試下呀🐮值得一讚嘅係只係加兩蚊 估唔到佢俾嘅由政小山園抹茶粉嘅份量都幾多 鋪滿咗成個雪糕面🍦連埋香濃嘅牛乳雪糕一齊食真係幾滿足㗎💚💚💚

喺ig見過foodie推介過呢間日本軟雪糕店🍦對上一次同朋友經過個陣個肚冇位🤭 今日同媽媽經過深水埗，我就拉埋佢同我一齊些牙喇😌本來想試下🍵抹茶盆栽，但媽媽抗拒抹茶，表明「你嗌呢個既話，我一啖都唔食架喇！」好啦，就就下佢叫佢想食個個👇🏽➿ 雙色扭紋：黑朱古力 + 白桃 (L: 28)雪糕質感幼滑～🍫黑朱古力味真係超濃郁，仲回甘添～黑朱古力迷必試啊！🍑白桃味道果香味唔出，酸酸甜甜，似乳酸既味道～睇其他foodie影既餐牌發現軟雪糕🍦既口味會定期轉，有時係黑朱古力拼唔同茶🍵 不過我都係覺得分開食會好味d 😋 唔會搶左各自既味道～下次再黎試下抹茶盆栽睇下北海道8.0牛奶到底有幾濃先😚

叫左一個伯爵茶口味雪糕，有少少失望，因為之前見好多報導話好高質。佢一唧出黎就已經係咁樣，好縮水同埋塌曬。而一試味道就食到伯爵茶味，但坦白講唔算好濃，咬落個曲奇筒都無特別，唔係難食，不過同價錢我會選擇其他。

對於好鍾意食雪糕嘅我來講 呢個雪糕係一流 叫咗一半係伯爵茶一半係朱古力 好似係其他限定 特別啲 朱古力個味濃好多 冚左少少伯爵茶嘅味 不過兩邊啲味都好食好creamy 個cone 又好脆 最重要先$30以內 推介大家食

🍦意大利黑朱古力雪糕($28)好厚實好濃朱古力味，完全冇cheap cheap死甜朱古力味雪糕嘅感覺！食完一啖仲要有苦苦澀澀嘅黑朱古力味( ˘ ³˘)♥︎雖然冇𝐺𝑜𝑑𝑖𝑣𝑎咁細滑，不過$28有80% 𝐺𝑜𝑑𝑖𝑣𝑎質素，性價比很高！🍦波子汽水雪糕($24)雪葩的質地，我食咗一啖又唔至於好甜，幾清新，好啱夏天消暑食～好彩男朋友鍾意波子汽水味多啲，我先有機會食晒成支朱古力雪糕🤣總括嚟講，呢到嘅雪糕絕對係可以無限loop🤤尤其係意大利黑朱古力雪糕！

唔知有無人同我哋一樣好鐘意跟 @foodki.may 搵食呢?👅今次嚟到係西九龍中心嘅 @hanasoftcream 試吓係咪真係會有去咗日本食雪糕嘅感覺先🇯🇵呢度嘅雪糕選擇好多，又有脆皮、又有波子汽水味、又有紐紋、又大又細等等，真係可以用花多眼亂去形容😻.anyone else huge fans of @foodki.may 😆 went to the ice shop that they recommended @hanasoftcream for some japanese style icecrean 😊 tons of ice cream choices to choose from 🍦 for the price you are paying its very high quality ice cream! definitely recommend the italian dark chocolate 🍫 .💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 8/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 6.8/10服務 𝐬𝐞𝐫𝐯𝐢𝐜𝐞 7.5/10性價比 𝐚𝐟𝐟𝐨

難得去一次深水埗，咁就順便去呢間位於西九龍中心的雪糕店。之前友人推介過，話呢間嘅雪糕好好食，我呢個雪糕控就一於去試試!!今次叫咗意大利黑朱古力雪糕，首先入口已經係好濃好濃的朱古力味，而且食得出雪糕本身好厚實，係有咬得開嘅口感，不是一般好快溶水汪汪嘅雪糕，有係歐洲街頭的gelato小店的感覺啊。呢個質素，只係某些大牌朱古力店雪糕嘅一半價錢，真係好抵食，果然無介紹錯!!

行下西九龍中心，突然想食雪糕就搵咗間黃店支持下！有好多口味，最終1516之下揀咗伯爵茶，本身好鍾意伯爵茶，雪糕味伯爵茶又唔係成日食到，所以就佢啦！伯爵茶味道適中，唔會太淡，雪糕筒都好脆，好味！好過食haggen dazs😋😍

唔知西九開左間雪糕店，淨係比佢門前既雪糕公仔吸引左，感覺有d日本feel。作為朱古力控，見到佢多款選擇，都係會揀意大利黑朱古力雪糕。平時都鍾意飲特濃朱古力既多，鍾意朱古力味濃d既野食。呢款雪糕就滿足到我，朱古力味濃郁，甚至比好多人排既Godiva黑朱古力雪糕好食。廿幾蚊我覺得價錢okay。本身個朋友當日肚唔舒服，冇打算食雪糕既，佢試左一啖之後都忍唔住食多幾啖。可能我食唔同雪糕既經驗少，又或者佢咁岩中我口味，呢款暫時係我食過最好味既黑朱古力雪糕。好彩我咁岩冇人排既時候買。我見keep住都有人排，生意算唔錯。我相信呢間鋪會越黎越受歡迎既。

今晚出來深水埗掃街，經過西九龍中心，發現自己好耐無行過，就突發其想行下，經過呢間雪糕店，見佢 LOGO 都幾日式，就停底腳步睇下，覺得熱熱地都想涼下，所以就決定試下，口味都幾多，款式多樣化，仲有水信玄餅，窩夫，飲品可以揀～又想試牛乳，又想試朱古力，睇相個朱古力好深色，覺得應該會相當濃味，所以索性兩樣一齊試曬佢，要左個雙層軟雪糕 (8.0 牛乳 + 黑朱古力)，滿足兩個願望～賣相非常靚仔，份量都ＯＫ，其實對於 8.0 牛乳我有D期待，因為就算係日本買牛奶，最多都係見到 4.4 左右，不過佢呢個 8.0 牛乳令我有少少失望，因為我覺得其實奶味唔算特別好濃厚，感覺佢唔太似係 8.0 咁？而個朱古力都感覺還好，唔算真係好濃，又可能自己畀太多期望，同想像有落差，個雪糕筒就相當鬆化既，無意慾試其他。

如果你鍾意食牛乳軟雪糕，就要嚟西九龍中心，試下呢間嘅北海道 8.0 牛乳軟雪糕，奶味超濃，質素絕對拍得住其他大牌子，但係售價就平一半😍。呢度嘅另一名物係意大利黑朱古力軟雪糕，店主話曾經有顧客稱之為平民版嘅 Godiva😱，我今日試咗，朱古力味的確濃郁，但係感覺上稍為偏甜（幅相係食咗一半先記得要影😂）。所以雖然我勁鍾意食朱古力，但係下次再去幫襯，應該會返兜牛乳雪糕。如果怕肥又想過下口癮，可以試下呢度嘅一口雪糕，只有一隻手指咁長，好 cute，售價係八蚊，食哂十隻手指都唔驚破產😆。另外，小店亦有賣雪糕雪條造型嘅文具，包括水筆同擦膠，同樣好 cute🤗。同店主傾過兩次偈，雖然佢哋冇告急，但係呢幾個月生意其實非常差，但係業主堅決唔肯減租，而家只係苦苦經營😔，加上佢哋只係攞住冰凍甜點製造廠牌照，未能受惠於政府發放嘅抗疫基金，可謂雪上加霜🥺。如果有雪糕控去開西九龍中心，希望可以過去幫襯下佢哋啦🙏🙏。

西九有間好出名既雪糕店係6樓就係呢間 Hana Soft Cream有好多唔同既雪糕種類亦都有野飲我中意食 8.0 牛乳盆栽 抹茶 $30首先 我個人係幾中意抹茶佢係配一條抹茶味既kitKat雪糕上面有好多抹茶粉好幼細 一d都唔粗糙佢個雪糕唔係一般雲尼拿咁簡單而係充滿牛乳味 好滑個盆栽就好脆店員好貼心咁用紙巾包住個盆栽雪糕保持衛生之餘食完又可以拎黎抹手之後叫左一口軟雪糕 $8因為太細舊無影到相個名改得好岩 真係一啖就食完都黎唔切品嘗佢既味道就落左肚

之前見有Foodies介紹過所以一直想試佢個牛乳雪糕，地址位於西九龍中心內，更有”米豬連”認證，大家行過經過都要好好懲罰下佢。食完晚飯都想食番啲甜品過下口癮，【一口雪糕$8】用上8.0北海道牛乳，奶味香濃，雪糕筒香脆。

朋友抵受不了濕熱的天氣，不一會已跑進西九龍中心乘涼，光是涼冷氣是不夠的，吃個雪糕降溫那就完美，所以我們走去樓上的華買雪糕吃。朋友買了小杯的白桃雪糕，他說這白桃雪糕比日本時所吃的美味，白桃味極濃郁，果香十足，雪糕入口滑溜順口，而暑氣瞬間亦消退不少。至於我這個相機食先的打卡派，當然必選動物造型雪糕系列，可愛的樹熊雪糕最合我意。樹熊頭我選了薄荷朱古力雪糕，頭上的則是北海道8.0牛乳雪糕，夾心朱古力餅乾則為樹熊耳朵。最好吃的部份當然是北海道8.0牛乳雪糕，牛乳味濃厚無比，柔滑綿密，不過牛乳雪糕很快融化，故要趁早吃完。薄荷朱古力雪糕濃濃的薄荷香夾雜朱古力粒，加上脆脆的夾心朱古力餅乾，雪糕口感豐。