華

噚日（1-11-2025 Sat）晏晝， 同老公食完齊柏林熱狗後，就搵呢間食雪糕，佢唔係喺food court，係扶手電梯嗰邊，我哋睇有咩味雪糕，有紫薯，榴槤，開心果，店員主動同我哋講新出奇異果味雪糕，用50%以上嘅奇異果汁製造，冇化學材料。哦？！奇異果味真係未食過，而我哋研究要一個定兩個雪糕筒，即使我哋對開心果味開始厭，但我都係想試，但如果要兩個雪糕筒好似多咗，喺呢個時候，我見到menu有分別$49 .00同$58.00嘅任選三種同四色雪糕，就問揀咩味？佢指住menu左上角嘅北海道8.0牛乳，特濃黑朱古力，濃厚開心果同奇異果。我想食兩隻味，又喺呢個時候，我見到$39.00嘅雙層開心果+奇異果，就決定要呢個。店員問要脆筒定杯，老公揀杯。而我又諗，食完雪糕會口渴，又見到佢哋有鳳梨阿薩姆紅茶，但由於我哋真係逗留咗好耐，所以都唔買嘢飲，要咗杯雪糕先。我先搵到位等，老公就嚟喇，見到軟雪糕影完相要快食喇，佢份量唔多，面嗰啲係奇異果味，佢味道好清，感覺輕盈；下面開心果味厚啲濃啲，好味，令原本開始對開心果有啲驚都180度扭轉返。奇異果味：2.5分開心果味：5分食完後再研究買唔買嘢飲？研究完一輪，都係要試埋$58.00嘅意大利開心果8.0雪糕奶昔，買咗後等大約5分鐘至有。返埋位先，啜啖奶昔，開心果味係有但冇咁濃，北海道8.0牛乳味雪糕味道濃郁，但杯嘢嘅口感唔似奶昔，佢唔夠杰，甚至似沙冰，呢個好失望。北海道8.0牛乳味：5分開心果味奶昔：1分…查看更多

喺西九龍蘋果商場6樓間「華記雪糕」，絕對係我反反覆覆翻兜最多次嘅愛店！講到最愛，一定係佢哋嘅混合雪糕——特濃朱古力溝牛奶雪糕！個特濃朱古力真係無得彈，味道香濃到爆，但完全唔會死甜，食多幾啖都唔會膩。而個牛奶雪糕呢，口感滑溜，奶味香醇，味道啱啱好，唔會搶咗朱古力嘅風頭。兩隻味道撈埋一齊食簡直係絕配！濃郁嘅朱古力同清新嘅牛奶互相中和，口感同味道都層次分明，每一次食都覺得好滿足。由我第一次幫襯到而家，水準一直keep住，真心抵讚！如果你行開西九龍，一定要上6樓試下呢個黃金組合，保證你會同我一樣，不斷翻兜！…查看更多

星期六係美食廣場食飽後， 開始洗樓掃落去，行到6樓，同行朋友話一定要食哩間雪糕， 話黎親都會食。一睇餐單，都好多唔款口味選擇， 除左雪糕仲有野飲 /奶昔雪糕有唔同SIZE選擇， 有一口 , 有細, 有大。 可以筒裝或杯裝今次我要左個細既意大利濃厚開心果。 又真係幾香幾好食。之後朋友叫左個雙層- 牛乳+黑朱古力。佢就大杯我撩左D黎食， 哩間牛乳味好香奶味， 好好食，下次再黎會揀佢北海道特濃8.0牛乳試下。哩間餐廳除左軟雪糕仲有雪糕球可以選擇，下次經開既朋友仔都可以試下哩間雪糕，真係唔錯。…查看更多

😎每次去西九龍中心，除咗好多嘢玩之外，食都係一個好重要嘅環節。除咗一啲主食之外，呢間雪糕店永遠都唔會錯過。👍🏻👍🏻你今日開心咗未啊？😜 飯後嘆一杯透心涼嘅開心果雪糕🍦可以將全日嘅不甘和氣憤通通呼呼呼出來😆😆Hana Softcream 主打嘅三重開心果雪糕，超正，食落有咬口，少少甜多多脆🩷🩷🥳 又真係幾好味嘅😍開心果雪糕上面有開心果果仁及開心果醬，比足三重享受你，問你開心夠唔夠🤩☺️人，開心真係好緊要😄😄…查看更多

#20250510 💛📍 #華 @hanasoftcream 深水埗欽州街37K號西九龍中心6樓628A號舖➖➖➖➖➖➖➖➖➖➖➖➖➖➖➖➖➖#自家製特級雪糕 #荔枝果蓉 $35💭 經過見到佢個menu有非乳類製品既雪糕，兩隻腳已經不由自主咁行左過去，見到老闆洗個雪糕羹唔只用水浸咁求其，佢真係會拎去用流動水沖，身為乳糖不耐症既人見到真係覺得極度窩心💞講真佢個雪糕無話十分特別，無落奶其實食落就好似雪葩咁，荔枝味唔需要有驚喜，甜度亦正常，但老闆咁貼心既行為絕對值得開個post啦🍧.#深水埗美食 #🐷在深水埗 #🐷_食 …查看更多