華樂咖啡室

今早，叫左個沙嗲牛肉麵+多士腿蛋+凍檸茶，黎左杯檸茶，隔左陣又擺低個沙嗲牛麵，突然佢又黎放低個炸魚，我咪同佢講返無叫炸魚，之後收左碟炸魚，轉頭睇住係後面枱拎返個腿蛋比我，我咪講換碟新，佢發脾氣咁收返，一句野都無講，隔左陣先黎返碟腿蛋。自己做錯野，發咩脾氣，比錢仲要受你氣，又唔係好食，又唔係平！無下次囉，其實我朋友上次食過都肚屙，今次黎都聞到有少少up味，純粹係行過未夠鐘搭車，先諗住食個早餐咋……查看更多

上水祥龍圍邨華樂餐廳新開張我第一次入去買外賣買1份滑蛋鰻魚飯同1份太陽蛋免治牛肉飯拎回家開餐打開D飯蘭飯唔熟。, 我第二次幫襯鰻魚飯好好食不過汁甜咗D。, 我比較中意食咖喱牛腩飯。, 我下次再來幫襯入去上水祥龍圍邨華樂餐廳食野。…查看更多

買了一個葡葡汁雞皇飯，點知成個餸都係全部得薯仔得3塊好少嘅雞肉，乜而家啲肉好貴咩？上次買乾炒牛河也是一樣，只得幾片少得可憐嘅牛肉。唔可以再幫襯。情願去隔籬間大家樂食好過。…查看更多

今日到呢度食下午茶，叫咗一份豬扒包同凍檸茶。食物及飲品質素不錯，環境亦都很舒服，價錢亦非常合理，員工服務態度及水準亦很高，唔知啊，一個時候不明白。 為何所有食評都係差的，大家可以嚟呢度試一試。I will come back again next time. This restaurant provides a lot of choices. It is good place to have good meal if u visit North district hospital.…查看更多

首先，全部侍應態度都非常之差！特別係個四眼扎辮嘅阿姐，叫佢追下條蒸魚，即刻話：唔知喎！全部都係咁耐架喎！個個都要等起碼四五個字㗎啦！但係我哋已經等超過半個鐘以上！之後仲聽到佢鬧一個埋左單岩岩走嘅客，話：好心佢食碟頭飯就算啦！仲要連續講幾次！全程喵嘴喵舌，另外個高大嘅男仔侍應永遠好似未訓醒咁，乜都唔想理，又落錯單！以後咪搞！茶餐廳嚟講，呢間絕對係極品！其實已經係第二次幫襯，可惜連續兩次都係會落錯單，落錯仲問返我轉頭，仲問我究竟叫咗啲乜，落單已經指住個餐牌同埋講埋個號碼，重複一次都係會錯！我真心奉勸唔好再去幫襯啦！因為我相信個老細都唔在乎！如果唔係都唔會有得啲侍應態度咁差！全間餐廳嘅侍應都咁差，真心少見！永遠唔會再去！…查看更多

今晚是第二次幫襯，昨日食完晚餐，雖然環境一般烏蠅四圍飛，味道一般份量正常，諗住俾多次機會佢，今晚收工宵夜時段去買了一盒星洲炒米外賣，點知中伏，因為只有一個廚師，所以湊埋幾個order一齊炒，見到堂食嗰個客比我遲來，但係同我個外賣同一時間出，然後外賣拎到手已經心感不妙 ，非常輕飄，打開外賣袋睇只有半盒，即時同服務員反映，但係得到嘅回覆是正常份量，我可以講比一般正常茶餐廳嘅茶餐還要少，味道就不用講了！絕對不能再幫襯！…查看更多

今次係第二次食呢一間嘢，之前嗰次係食早餐覺得一般，所以就試吓食晚餐，諗住俾第二次機會點知都係伏。一開始坐咗一陣就發現個環境有啲惡劣，首先係有隻烏蠅係咁飛來飛去，咁我覺得可能外面嘅餐廳係難避免完全無蟲飛來飛去，所以我覺得係情有可原，但係點知佢窗邊嗰啲罅位一堆死蟲，死烏蠅仲有其他拍死咗嘅飛蟲，唔係幾明白點解可以冇人清理。食物嘅質素都唔係幾掂，所有菜都感覺好預製菜feel，係冇鑊氣，啲菜唔似啱啱煮出嚟，比較似整好咗好耐之後幫你整返暖，個茄子煲勁似微波爐嘢食，隻色好唔吸引，個小炒王又完全唔香，剩係得個鹹字。唯獨比較正常啲嘅係個炸雞髀同個西多士，佢唔係超級好食，但係佢係一個普通餐廳有嘅質素，我會話係抵食過晚餐，但係都有可能係我哋唔識叫，叫中晒啲唔好食嘅～咁佢開咗一兩個月，都算係一間新餐廳？過多幾個月食佢可能會有改善會好啲？但我會覺得佢之前嗰間越來越愛定越難越愛，都好似好食過佢🙈如果真係想食茶餐廳嘅，可能富園茶餐廳更加好，希望佢真係有所改善…查看更多

生意雖然好，服務質數超級差，有位男士員工態度極差，你叫他聽到，但唔會理你，起初我以為他冇聽到，叫多次，依然唔會理你，向收銀同事投訴，好隨便甘敷衍我，話會話態度不好的同事，難道華樂咖啡室就冇人管理嗎？…查看更多

見到新開貪新鮮，門口大大個餐牌有鐵板餐食，啲小菜又多選擇，冒險試一試，點知大跌眼鏡。老婆想吃鰻魚，就叫左鰻魚拼雞扒鐵板餐，嚟到打左個突，鐵板餐竟然係用白色碟上，咁你個餐牌唔應該寫鐵板餐，張相片都唔應該用鐵板，誤導人。得罪講句，呢碟野應該叫黑椒汁鰻魚雞扒碟頭飯，送半塊多士，雖然你餐牌有寫住圖片只供參考，但我感到非常失望和憤怒，去隔離大家樂食雜扒好過，起碼有鐵板俾我淋汁。味道就一般，就係大家午餐去茶餐廳食既黑椒雞扒飯一樣，加多塊鰻魚係上面。…查看更多

終於有得留食評,開左幾日個陣去食人多預左要等但係感受極差,真係超級垃圾想落單D服務員十個有十個都係睇到我舉手都直接行左去,叫既野食同飲品要一追再追先有,杯野飲仲要個飯食完十分鍾都未有要再追先肯比你,仲要係搵一個疑似係老闆既人先肯幫你追,叫凍飲D冰都就溶哂杯野仲係熱既,最跨張係無餐具,叫服務員幫我拎,叫左幾個都無應機終於有一個行過黎,佢行去其他枱睇左2張都無,佢唔係去入面拎比我而係直接走左,個下我真係O左咀最後係要我自己去搵,食物方面叫左一個咖哩薯仔豬扒飯,黎到係無薯仔既我朋友叫左個豬扒焗飯,塊扒明顯得半塊,可能人多佢唔夠材料,每張枱都CUT左一舊離哂大譜,唔會再去…查看更多

見祥龍圍邨開左間新野就去試下，點零鐘去到，爆場，排咗一陣就入得不過要搭枱，坐低阿姐叫我哋快啲嗌嘢食因為人多，諗好叫人寫單，啲人一係見到掂行掂過，一係就應咗你話搵人幫手然後冇咗下文，咁樣我想快都快唔到喎叫C餐話牛腩賣曬，叫雞扒又話冇得返豬扒，先點幾咩都冇，咁我就揀咗E餐焗豬扒飯，同行嘅兄弟就叫咗薯仔咖哩豬扒飯，到啲飯嚟到喇一肚火，又話鮮茄焗豬扒飯，無番茄嘅，豬扒係切開三件仔，似兩塊豬扒開三份，收我60幾蚊，份量真係爭啲喎，個薯仔咖哩豬扒飯又冇薯仔，不過個咖哩算係好食，食個陣見佢冇餐具問佢拎，個呀姐去左隔離枱睇一睇又冇既，然後走左去就冇下文，交代都冇聲，要我自己再去第二張枱拎，得支叉，算，照食，見佢仲不斷有客入，我哋都諗住拿拿林食完就算，點知嘢飲都未到，催咗兩三次，黎到又唔啱嘅，飲咗兩啖走咗埋單只係想講餐廳食唔到咁多人流，其實就唔好安排搭枱，真係好影響出品，廚房啲出品咁樣根本趕客，水吧又係，直頭難飮，唔會再黎，想試嘅朋友最好揀啲冇咁忙既時間可能會好啲，可能我衰要揀繁忙既時候去食，出品唔好又冇即場投訴，不過嗰個情況我諗投訴左咗都未必有用…查看更多

樓下新開嘅冰室，見係正常冰室價錢，諗住收工入嚟試下佢個晚餐一入嚟，個收銀企咗喺度，同佢講幾多個人完全唔理我，當聽唔到，咁我咪隨便坐囉睇完餐牌叫咗佢嚟落單，一句冇鰻魚呀，就走咗去，等咗陣先叫到另一個人嚟落單新開就已經串串貢，冇啲禮貌…查看更多