華星冰室 (克街)

營業中

休息中

自己一個喺灣仔唔知食咩好，諗起華星冰室，二話不說就過咗去食。好耐冇食佢個餐牌更新咗，有簡單嘅頹飯😂今次嗌咗咖喱雞扒配煎蛋飯！佢呢隻係港式咖喱汁，甜甜辣辣送飯一流，雞扒煎得剛剛好，幾嫩滑！因為太肚餓 好快食哂。黎到冰室一定要叫佢嘅熱奶茶，茶膽靚 溝出嚟嘅熱奶茶先好飲

其實好耐無去食，今日就腳就幫襯下，叫左常餐，牛肉意粉 火腿煎蛋多士。牛意冇咩特別，ok 既，煎蛋都熱辣辣，多士夠厚，可惜塊火腿好唔掂，凍，係冰凍果隻凍，大佬煎煎或者比火辣辣佢唔係好大工程者。另外通常茶記都比柸熱水你浸下餐具，佢柸茶係凍 好似凍茶咁，點解我知？因我浸完叉，我會抹抹佢，發現係茶色 即係茶唔係水，但就凍冰冰既。有時咪就係輸左細節位，今日十一點零去，都坐唔滿，唔知係咪顏色事定真係質素差左。有得揀應該唔會番食

今日想食滑蛋常餐,唔近佐敦諗左好耐去邊間好,諗起附近有華星冰室久違了的華星炒滑蛋常餐好回味菜式如下 滑蛋加火腿片加叉燒通粉 凍菜蜜同澳牛差唔多速度就上菜超快,1分鐘左右就食得!叉燒係瘦叉,浸返雞湯通粉食唔會太柴,仲有4大片厚切既,份量好足,收貨厚多士真係超大份,好似比以前仲大件,滑蛋依舊出色,香嫩有蛋香,火腿片用黎夾麵包做三文治食牛油多士夠脆夠香平均消費$50評分8/10華星冰室 (克街) 灣仔克街6號廣生行大廈地下B1號舖

好似大半年都冇安靜咁坐低嘆下香港味道嘅早餐好想食早餐啊～～～一於搵間嚟滿足下先😌😌「華星冰室」因為支付方式啱我 so⋯我揀咗佢！裝飾同設計都好地道早餐、常餐、下午茶、小食menu好齊全每個時段嘢食都有幾版可以揭嚟揀下🙂我揀咗哩度嘅「沙爹牛麵套餐配多士炒蛋飲茶走少甜」首先係個多士炒蛋先上，然後到茶走，最後先係沙爹牛麵！佢哋個多士係用特定不含防腐劑、不含牛油🧈嘅方包整㗎🙃（留意牆身有簡介）留意個沙爹麵係自己落調味料&麻油㗎！！done！哩餐成為$48 可以電子支付😙

櫃檯職員態度極差，錢連單一齊俾佢，佢自己睇唔到仲要大聲夾惡問：「俾八達通定現金啊？」同佢講俾咗出嚟，佢仲大條道理「俾咗又唔講！」，咁嘅態度真心唔想再去幫襯間嘢！

去到茶餐廳，唔知大家會揀咩食呢😌小編呢個咩都想食啲既人就最中意食常餐～因為咩都有啲，細細份咁，岩晒我😍呢日去到香港都出名既華星冰室，梗係要試下作地既常餐😙🍳🍞🍜☕️ 常餐 $47+$3（凍飲）叫左叉燒通粉、炒蛋火腿、牛油多士同凍奶茶呢個配搭😍一個lunch黎講都相當夠飽～炒蛋好滑😚 多士係用上厚多士，好有咬口😌略嫌佢啲叉燒太過薄啦🥺 但完全唔韌！奶茶都正常發揮😋常餐永遠都係小編既至愛呀😍

同事推介要呢間好食，於是lunch過來同一齊來時。.十二點九到，唔洗等位直接入。.🌼牛肉午餐肉通粉 $34牛肉唔算好滑，午餐肉唔太厚，而且有d霖，口感唔夠厚實。通粉軟熟度一般。但勝在夠平，所以都ok..🌼老外套餐 $48同事食嘅呢個，佢話麵包好好食。.🌼雞扒火腿飯 $58.

午膳於華星冰室，因食客眾多，少不免需要在門外排隊輪候，人齊方可入座，並要接受搭枱安排。餐廳食品選擇不多，大部分人也是點選常餐。厚多士烘成微焦，脆中帶點鬆軟。火腿無乜特別。炒蛋夠蛋香，但滑度不算特別突出。叉燒通粉叉燒過瘦，一般。通粉富彈性，有咬口。凍奶茶茶底稍澀，OK喇！      如果你是哥哥的忠粉，那你一定要打卡灣仔的華星冰室。在這裡你可以看到哥哥的稀有照片、珍藏版黑膠唱片和影像，因為這家店就是“華星唱片”的高層開的。店內以黑白色為主，一面白板上寫滿了名人的簽名。華星冰室的菜單上寫著“用心做好炒蛋、奶茶”，這絕對是招牌哦！不得不承認，這裡的炒蛋確實鮮嫩多汁，據說炒蛋用的牛奶都是從北海道引進的，口感鬆軟香甜又分量十足，配上剛烤好的、邊緣香脆的吐司，即使沒有明星光環也確實是好吃的。臨近吃完之際，已有店員不繼收拾餐具。相隔一兩分鐘，更放下下手的清水餐具。當大家在飲餐飲之時，店員已叫下一回的客人在我們枱旁等候，效率之高!

多年前很多人讚賞的華星冰室，今日終於可以第一次去試了。今日下午經過灣仔，見到華星冰室內不算太多人，於是進入裏面試試店內的下午茶。睇睇餐牌內種類繁多，而價錢一般。今次叫了炸雞翼薯條及凍奶茶。只是稍等5分鐘凍奶茶便先到，凍奶茶是用保溫杯載着，茶味濃郁，勝在夠凍味道唔錯再等10分鐘後主角炸雞翼薯條也來了。熱辣辣，是新鮮即炸，味道唔錯，但不算太特別。服務也不錯，價錢和品質也算合理，整體這店是值得再次光顧的地方

今天往灣仔買口罩，午餐要醫肚，疫情前去過華聲，今日再想去吓地方依然都汗淨，因為要減肥，所以想吃雞扒，要了個雞🐥扒米粉加太陽蛋🥚服務好，因為枱不是附設櫃桶餐具那style, 服務員（有肉地但不是肥棕色髮哥哥）特別送上餐刀，平常茶記除非餐具櫃桶有，否則一般都是只給叉和匙羹，真是很貼心，而且味道不錯還想吃一點，叫了一份占多，因它相比其它款多士較低卡路里，wow 超好味，最重要是可以用刀叉品嘗

Never bored of egg sando but this particular one surprised me🤩 the scrambled egg was silky smooth and creamy (guessing milk was added). Especially liked the bread that was so thick, fluffy and nicely toasted

嚟到冇食炒蛋，可能真係一個錯誤嘅決定。去到門口，突然想食沙嗲牛肉出前一叮。咪試吓啲冷門野囉！索價$39完全唔平！就係想試吓有幾神奇。一試就知，真係其他地方未試過。出前一叮滾水上，出到嚟食嘢，梗係唔會好似屋企咁對待自己煲埋湯底啦！能夠自己動手加調味料，貴一貴都抵！健康在我手喎！老老實實，齋食一碗麵，真係好唔夠。於是叫個滷水炸雞翼。道聽途說，炸雞翼係一定要滷過先好食。但係呢一度，啲滷水真係唔得，唔夠味。炸，亦都唔係炸得香口嗰隻。最神奇嘅係，經過咁多步驟，竟然隻雞翼上枱嘅時間係見紅嘅！嘩！！薯條新鮮炸起，冇味。。冇嘢好講。最後講返，$25一杯凍檸茶。相信大家覺得一定係值得嘅！星巴克飲咖啡都要30幾蚊一杯啦！呢度又有裝修，又有情懷，仲要有應有嘅服務態度，點會唔係呢一個價啫！

好多年無黎華星冰室啦，想當年佢啱啱開，同啲同學仔黎食，成日想見到明星，但梗係見唔到😂😂當時啲茶餐廳仲未盛行呢啲炒蛋厚多士，宜家已經賣到周圍都係。講返個早餐先😋⭐️早餐⭐️炒蛋·厚多士·火腿通粉炒蛋又香又滑，多士烘底，口感一流！最正係佢嘅通粉，一望已經知佢嘅通粉同一般茶記唔同，好有咬口，好煙韌！一啲都唔會淋呀！而佢嘅火腿係金妹牌架！好味😋評分：8/10👍🏻價錢：$40⭐️老外套餐⭐️炒蛋·厚多士·煙肉·炸魚·茄汁焗豆炒蛋厚多士都係咁正！其他係正常水準。俾我都係揀早餐/常餐😂評分：7/10👌🏻價錢：$48

其實如果冇明星效應，華星好可能只係一間普通嘅茶記。。。本身只係想去食下午茶，咁啱路過所以試一試，入邊好多嘢食都同一般茶記無異，好彩價錢都冇特別貴。唯獨是校長多士都算佢哋嘅主打，所以叫嚟試試。究竟同譚詠麟有咩關係，定係純粹攞佢個名話比大家知咁多士係keep住$25 🤔，實在無從稽考，亦有請佢好鍾意食呢款多士。如果係後者，我覺得未免太㗎，雖然話係黑松露芝士多士，但黑松露味其實唔出，亦有可能因為烘得太燶，不論味覺定嗅覺都感受唔到黑松露。。。其他嘢食，就不過不失啦，但係唔會係一間令人好想再幫襯嘅餐廳。

從來都唔會特登寫食評，不過真係忍唔住，希望大家小心！同埋呢間鋪頭要注意下衛生！飲左幾啖發現左隻蟲，成個常餐即刻無心機再食！炒蛋個質素都下降左！曾經都會間唔中幫襯下，依家真心唔會再有下次祝大家好運！