華星冰室 (太和中心)

營業中

休息中

華星冰室一向都是地道茶餐廳代表，分店愈開愈多，每間的水準又會有不同，以今之大埔分店為例環境：人不多，等候時間接近零，室內裝修與一向的華星差不多食物：炒蛋略為老了一點，只可以說不同時間不同地點，味道的確有所不同，本人認為繁忙時間奶茶質素更高，可能茶不會放太耐令茶變老，奶茶叫保持水準，其他沒太大出入，不錯

屋企夜晚有party，由起床開始忙準備，晏晝嗰餐唯有叫外賣(網上外賣平台), 好想食出前一丁，所以叫左個餐蛋麵，屋企人就叫咗個煎蛋豬扒會意粉。1點order,~1:35期待左好耐嘅午餐終於送到，預算之內既，因為都幾遠下。點知一打開，我個餐蛋麵變咗意粉，即刻睇返張單，餐廳張單就寫單拼意粉（午餐肉 煎蛋），明白佢哋忙嘅時候未必樣樣都要咁準，只要最後銀碼OK就得，但係我叫嘅係出前一丁，佢俾咗意粉我。重點係我都唔食意粉嘅☹️☹️，都唔緊要啦，照食佢啲餸，食咗一舊豬扒，又”un”又”鞋”，好唔開心，未試過咁。雖然唔鍾意食意粉，不過試咗少少佢嘅蕃茄會意粉，味道係唔錯嘅，個汁教得幾好，鍾意食意粉嘅人呢個粉都幾好食，但揀餸就建議唔好揀豬扒。

有食過營養餐既都知佢平時唔會係咁上，今日整到成份三文治咁，仲要冇烘底冇搽牛油！前題係我叫既係一份冇special order既餐。外賣冇check到就變左咁！！！下次外賣記住要check下先走😡😡

華星冰室係名就大家都知，係大埔開左分店咁耐一直冇幫襯過，今次終於一食。開左幾個月都仲好多人食，而且我發現係熟客居多我食叉燒湯意，一開頭望落都真係呆左呆，驟眼睇好似得一舊仔叉燒咁，好在原來啲叉燒係哂底火腿炒蛋+多士奶茶偏向多奶，但好滑幾好飲啵叉燒炒意，睇樣又係奇貌不揚，但係食落又幾香口，幾有鑊氣！冰室出名但冇令人失望！熱啡，港式茶餐廳黎講係高質既！食緊野途中老闆又來送花比佢啲伙記同食客，估唔到我未做人呀媽但係母親節都有花收，真係窩心呀

大埔呢間分店係正屋企樓下，周末最鐘意黎食下午茶餐，夠哂平靚正快😆又唔洗點等位！每次黎都必點佢既出前一丁雙拼餐餐，出前一丁煮的岩岩好仲有少少硬身，俾調味粉你自己落～加沙嗲牛煎蛋🍳係個Good morning arr😋😋

依間位於太和食街集中地，餐廳設計以單車為藍本，最特別是其中一架單車是周星馳踩過基本上每次食都會叫常餐，下午茶就會叫出前一丁餐炒蛋，多士每次水準都很高，不過湯底較淡，不如灣仔總店

唔知係唔係香港壓力真係好大， 今日呢度華星茶餐廳， 服務嘅態度真係好差。 對客嘅態度呼呼喝喝， 全無禮貌。而佢哋嘅食物， 全部都係一pat一pat畀你。 下次應該唔會再幫襯。

秋高氣爽 入黎行山前嘆返個good morning!華星一向以快見稱 一坐底就會有個哥哥係隔離行幾轉睇你落得單未 一落完單隔左5分鐘唔洗已經上齊哂食物今次同平時一樣落左個常餐 火腿通粉+滑蛋+多士+熱奶茶火腿通用上湯去煮 入味之餘通粉又夠爽口滑蛋做得出色 唔會好老 而且雞蛋色澤好黃 應該用本地/外國雞蛋去煮而熱奶茶我自己就覺得係華星招牌 茶味濃奶夠滑 茶同奶比例好完美 一飲就知同其他茶餐廳有好大分別！P.S. 大埔呢間分店門口係內街入面 平時少入黎都搵左少少時間

茶餐聽都算係香港的特別文化，入得去都唔會有咩期望，只係想平平地填下肚。weekend 例牌冇野食，屋企有又唔想煮，外出走走搵野食。🤷🏻‍♂️上網睇先知呢間原來係連鎖店，入面其實都算乾淨，同環境比其他茶記係唔錯。叫左常餐，例牌都係toast 加火腿蛋。多士其實唔錯的，厚厚的方包唔洗加錢包烘底👍🏻👍🏻叉燒意大利粉都係普普通通，原全意料之內😂conclusion: 平傭的茶記，搵唔到野食都可以試試嘅。

之前食過普通茶餐都吾錯。今日又唻叫左個干炒意粉同黑多士... 個意炒除左得豉油味、食到底好多油到有點可怕喔而我叫左個校長多士...點解我會話黑多...因為我吾明白點解整到黑曬都可以拎比客食除左燒焦味我咩都食吾到食個普通牛油多士好過...重要賣$25簡直o咀 吾會再唻，分店都吾會

黎到華星冰室食常餐是常識吧？🤷🏻‍♂️今次個常餐組合係火腿炒蛋厚多士燶底牛肉通粉熱奶茶其實每次黎都係為左佢個炒蛋真係炒得好滑但又唔會有種油膩既感覺夾埋塊厚多士食真係一流享受至於牛肉通啲牛肉稍嫌太硬有啲難咬開😂

今日同朋友北上，先黎太和食個 lunch，呢間從未試過，就決定一試。佢個餐牌好簡單，唔多選擇，但價錢都算合理。餐廳環境都可以，唔大，一般都要同人搭抬。叫左個常餐，都多野食，有火腿炒蛋，多士，牛通，配熱奶茶。個多士有兩片，係厚多同烘底，正炒蛋好滑同有蛋香味牛通就普普通通熱奶茶用黑白淡奶沖，好香滑口

由於今天要乘搭下午機出差，寶寶特意過來跟我見個面，吃個早餐才送我到機場。想起一直沒有來過附近的華星冰室（只去過旺角分店），今天就來嘗嘗吧！非常喜愛港式茶餐廳沙嗲牛肉麵的我，點了個餐肉沙嗲牛肉出前一丁麵🍜沙嗲牛肉一如既往沒有令我失望，沙嗲汁香濃，牛肉不肥也不韌，麵也沒有煮得太熟/過軟👍🏻寶寶則點了個早餐—火腿通粉，炒蛋，牛油多士。多士很好吃！牛油份量剛好，不多也不少，麵包熱騰騰且外脆內軟，口感很好。炒蛋很滑，有蛋香亦有微微的牛油香，炒得生熟剛好，兩者配搭一起吃感覺更滿足😋火腿通粉不過不失，但我個人偏好港式茶餐廳獨有的這種通粉，很特別很好嚼🙈

員工落錯單，仍然態度惡劣！！特別其中一位剪平頭裝的中年呀叔伙記，在對上一次的光顧，我已經見到佢對另一位排隊的客人惡言相向。今時今日，如何容得下如此態度惡劣的服務業員工？客人為何要俾錢買難受？ 希望餐廳的負責人可以正視。..............................

早上11點，相比起隔離數家茶餐廳了了無幾的食客， 華星已是人頭湧湧。 試下老外早餐＄41，0k啦ok啦唔差嘅，冇乜特別。環境比普通餐廳好。marketing好。 食物質素OK。