華星冰室 (太和中心)

營業中

休息中

本身之前食過旺角分店今次第一次係太和食，一入到去落單落左野食先，野飲轉頭叫，但都只係10分鐘內既事，可能中午人多，隔離遲黎既仲快過我有野食，食完個野飲都未黎，店員同店員之間係店鋪嘈交，令到本身平靜既心情變得煩燥起黎。雖然個女店員不停唔好意思，但個問題解決唔到，同埋食物方面，中午叫左個蔥油雞扒太陽蛋撈面，一碗過上餐令到個麵好難有位撈起黎，一係個婉大d，一係就雞扒另外一隻碟上會好d，未知會唔會有下次，但如果有下次希望可以改善下，因為心情問題所以冇話特別影低啲相。

［香港］華星冰室 (太和中心) 今天跟老公到大埔區找下午茶吃，剛好有一個咪錶停車場有位置泊車，而旁邊就是華星冰室，於是進去吃下午茶。這幾天天氣都很炎熱，進去這間餐廳之後明顯感覺到有冷氣，爽！！餐廳沒有很多人，所以我們二人就坐了「卡位」。🥢 炸雞髀配薯條熱辣辣的雞髀，拿上手立即燙到，是新鮮炸出來的！！雞髀看上去有光澤，皮脆肉嫩，很是不錯。🥢 西多士我覺得牛油少了一點，不知道是因為西多士太熱所以溶掉了，還是本身就很少。西多士不會炸得太乾，糖漿是自己倒出來的，點了糖漿很好吃。🥢 加配火腿通粉這個加配火腿通粉要$12，有點少貴，幸好也不算很迷你，湯底也很濃郁，只是通粉我覺得有點兒硬。上網看餐牌，比起兩年前，加價得好像有點兒厲害，但是現在物價有點貴，也還算正常吧。要地方泊車，又要找個有冷氣的地方吃下午茶，這裏是一個不錯的選擇。餐廳資料：華星冰室 (太和中心) (太和)太和大埔太和路15號太和中心地下31號舖

隨意揀一間食有時都會有驚喜，例如今日揀咗呢一間茶餐廳，入面竟然有新豬肉(即素食肉)，於是就試吓啦，雪菜新肉絲米配熱檸茶，試咗一條新肉絲，感覺似乎呢類素肉唔係太適合放湯，如果係煎炒可能會好啲，不過咬落去都真係幾似真肉嘅。另一個餐叫咗乾炒叉燒意粉配熱阿華田，味道麻麻哋，太鹹太多豉油，完全冇乾炒應有嘅香味。

一見到冰室就諗起菠蘿油、紅豆冰、絲襪奶茶啊之類呢個配搭都係第一次見。菠蘿包+炒蛋多士真係第一次試😂感覺幾特別嘅🤭但會唔會太罪惡啊😆味道唔錯，脆脆嘅菠蘿皮加嫩滑嘅炒蛋，都幾特別嘅配搭😆再配埋杯香滑嘅奶茶🥰正👍🏻

第一次食炸髀會係咁既樣41$ 成塊雞皮無晒 ，唔知去左邊。知道生炸雞髀係要改肉，但都唔會改到咁，中間一大孔，好似俾人偷左D肉。肉又無晒，又無味道，非常失望。絕不再幫襯！

老人家對價錢問題詢問，態度極差，又唔解釋就大大聲咁話電腦出單係咁既…......另外，以前都冇咁差，近排已經係第三次外賣自取俾錯野….每次都係要薯餅俾多士，之後打去問就話電話聽唔清楚，唔該聽唔清楚就問啦，又唔覆單，每次都叫我拎去換返，一來一回，我不如堂食，又唔檢討自己啲職員經常俾錯order…………有次等外賣見到有位男職員對個客人態度好差，佢自己冇對客人手人既外賣飛就俾一份唔係客人既外賣佢，仲要聲大大

叫咗個下午茶餐咖央西多餐，一切開，發現無咖央。同佢講話係咪比錯咗？開頭個姨姨都好好心咁幫我拎入廚房問，點知個廚房話呢個係咖央西多。咁我就上網Google一下華星冰室嘅咖央西多，發現其他華星冰室嘅咖央西多都有一層綠色嘅咖央。於是我就拎住張相同佢講你哋華星冰室嘅咖央西多係咁樣個喎。之後個Auntie好好心咁再幫我去廚房問，點知廚房入面傳來一句說話：咖央西多係浸味嚟咋嘛。於是我就要求廚房出嚟對質，點知換來類似個大粒啲嘅，收銀叔叔話你再嗌其他嘢食，之後嚟唔切影相就收走咗個咖央既咖央西多。但係之後都冇再嗌嘢食，所以張單就咁計咗我個餐飲係單嗌。呢間大埔華星冰室，相關人等態度惡劣，雖然其他嘢食OK，但服務態度極其惡劣，又唔勇於承認冇搽咖央，唔會再去食。完！

The spaghetti is not bad but not perfect. The 叉燒 is not as soft as i expect.While it was not tasty.Yet, the cold lemon tea is OK.I do not think that nu order is a good ordering.I think u guys can choose another. The environment is not that good.Its dirty and there are some little trash in the side of the sofa.The servant attitude is not bad but I think the style of this restaurant is too fast and make myself feel anxious that is that I need to choose an order within 5 sec.But overall, it is a OK

華星一向用心做奶茶同炒蛋，今日三點三食咗個常餐，保持一貫水準。叉燒湯意粉湯底味濃，意粉煙靭，加埋多士炒蛋同濃滑奶茶👍🏻佢哋仲加咗幾個素友選擇，塊素豬扒炸得非常脆口，值得一讚。

女朋友住在大埔但喜歡吃這家餐廳的早餐，今日早上有行與他來到這裏品嘗他所欣賞的茶餐廳早餐！食物果然與眾不同,我點了個炒蛋炒蛋質感十分滑估計入面有加了鮮牛奶, 培根雖然煎得不透徹，但不因為這樣而令到培根的質感有所改變，反而不太焦吃起上來質感也不錯，同時雞扒要煎得十分香配上燒汁吃起來外脆內軟！ 反而家啡另外有少許失望，原本女友所說咖啡奶茶在這家餐廳是很不錯的選擇，但一看下去感覺並沒有很好喝的感覺，早餐已有驚喜，但咖啡也應該是早餐的靈魂，因而被我打了一些折扣！

色香味美的鮮茄牛肉雞蛋燴意粉，但係油就多咗啲，奶茶一般我覺得自己沖的仲唔錯。可能經開飯網落單特價所以份量偏細，我情願冇折扣好過。整體而言尚算滿意，一定會再次幫襯，等我下次叫通粉餐食。😋

一直都有光顧該店，一直都想寫個食評。悠閒星期天大約十二時半再來用餐，店裡員工依然親切有禮，不用多想就照舊來個常餐: 茶走少甜、叉燒意粉、火腿炒蛋多士。不一會，奶茶、叉燒意大利粉奉上。先嘗一口我的至愛-茶走。茶味濃又夠滑!  今天要品嘗一杯高質素既奶茶並不容易，呢度杯茶就給我大滿足!再來多士配火腿炒蛋，切塊火腿加炒蛋連多士一起品嚐乃指定動作。炒蛋滑、多士外脆內軟!再來多口濃滑奶茶，然後就係叉燒意粉啦。叉燒美味、量多(附圖叉燒放底)。意粉很有咬口。今次再來，發現此店數年來食物水準依然保特，菜式(看似)簡單，但心機絶不簡單。別以為又是常餐數款作招徠，我見對面食客叫來叉燒滑蛋飯甚吸引，而且還有其他新菜式，下次來必試。我應該係當日中午第二位客人，坐下不久，其他街坊一家大細都陸續來齊齊到食好嘢。

屋企人話有張積分卡，好易儲夠分玩嘢食或者禮物，我都幫襯多咗，食多兩三餐換禮物又真係幾抵嘅！豬扒炒意，包飲品$50，唔係貴唔係平，豬扒有時會腍得滯，今日就肥肉多得滯。炒意有鑊氣，今次味道幾好吵得幾香。鍾意呢度意粉質地，夠彈牙，無論係湯意粉或者炒意粉都好適合。炒意係12點後先至有，如果早左黎就要等到12點。熱奶茶熱鴛鴦，熱奶茶熱鴛鴦都好飲。奶茶係用黑白牛奶同好濃茶膽，每次水準穩定，夠香濃又滑。近黎熱鴛鴦水準都穩定，咖啡奶茶比例剛剛好，鍾意飲熱鴛鴦嘅應該都唔會失望。

假日的下午兩三點先岩岩訓醒想搵d全日餐食下但又唔想食西餐就諗起華星冰室啦！是關佢地除咗有冰室嘅常餐之外，仲有一個叫鬼佬早餐但我今日就揀左散叫一個麵！因為我想食佢個「重口味」。呢個要散叫先有，而且要加8蚊，雖然有啲貴，但成日食沙嗲牛都悶嫁嘛！而且呢個麵湯幾好味嫁，有少少似蕃茄湯又好似加左其他野？ 呢個麵我叫左鮮牛肉同牛餐肉做送，d送多到呢其實個湯我覺得以前「重口味」d，反而依家唔夠膿。另外，因為散叫無炒蛋配，我又另外叫多左份黑松露多士好貴啊！52蚊呀！ 但佢d炒蛋又幾好食嘅。算啦！飲品當然係凍奶茶🤩佢d奶茶真心無得頂！

我係食翠和里分店！不過可能太新未有鋪頭資料 我同男友都鐘意呢邊食飯 貪佢泊車夠晒方便😂😂😂😂今日同男友一齊放假 難得食到早餐早餐選擇都多。我同男友都揀左最普通既早餐轉炒蛋配咖啡野食送得好快 我係好鐘意食炒蛋的呢到炒蛋真係好滑 份量又夠多 好滿足火腿通粉係兒時回憶 呢到係雞湯做base我自加pepper調味 非常好👍多士都有驚喜 我放到最先食 竟然都仲係好脆牛油用料都係好 咸香味濃 咖啡正常港式口味 小妹腸胃好敏感 無肚痛 應該都乾淨😂早餐$38 值回票價👍