華嫂冰室 (皇廷廣場)

營業中

休息中

好唔開心亦好嬲，其實可唔可以聽下客人想食咩?! 為免中伏，其實落單時已經再三叮囑要米粉，你出到黎俾公仔麵...,你係有心以客為先的話，你可以主動換過一碗俾客，唔係話你收少我3蚊再出單俾我（因轉丁麵加3蚊）。食左兩啖，氣難下，難再幫襯！請緊記，尊重一下，以家咁嘅營商環境，要識分邊D人係你米飯班主lor!

今日又嚟到觀塘工業區，做完嘢見4點幾又有啲餓，我就提議去華嫂冰室，貪佢呢個時段唔駛等位。其中一個餐牌圖文並茂，當然係佢哋嘅主打啦！不過其實麵類係任你配搭嘅我今次揀咗芫茜皮蛋豬扒米線，個湯底清得嚟亦帶鮮味，我幾乎成個湯飲哂豬扒夠淋又醃得好味，呢個真係推介呀！同事就叫咗餐蛋丁，我又理解唔到可以有幾所向無敵喇，不過佢隻蛋的確係煎得好靚，同埋蛋黃係橙黃色，所以特別香一場嚟到點都要食番個招牌包，今次揀咗鹹牛肉豬仔包，麵包烘過再夾鹹牛肉芝士同煎蛋，開心share又滿足到自己嘅味蕾飲品叫咗檸檬益力多同埋柚子蜜，估唔到柚子蜜都會加片檸檬，飲落更加fresh

之前和朋友試過食呢間觀塘既華嫂冰室，足足等左一個小時以上先食到。今日星期六約11時，剛好見到人流無平時咁多，決定再次幫襯。一如以往，佢鋪入面都無咩變化，依然可以透過落地大玻璃望到入面鋪內裝修！餐單亦都冇咩變化。如果枱和椅子可以再乾淨啲的話，咁樣客人亦都可以坐得再舒服和稱心。招牌菠蘿包一向都知新鮮好食，價錢只需要二十元，性價比較高。今次決定試吓秘制撈米線（47$），因為我覺得佢賣相非常吸引，每次望到都流哂口水，實在忍唔住想試下唷！上菜後發現秘制撈米線係凍食，米線配咗豬扒、紅腸、餐肉和青瓜，食落味道唔錯，但本人對凍食比較一般，口感亦一般，扣咗少少分。個餐沒有套餐，所以要叫嘢飲，需要另外加錢，加嘢飲價錢一般需要十幾蚊以上，略貴！以呢個價錢，我唔會叫一般例飲，會叫啲有特色飲品，例如：檸檬益力多特飲，感覺新鮮同過隱，但糖分頗高，對於健康人士可能不適合！

以前來過食午餐,今早路過所以又試吓早餐喇幸好不用排隊等候。豬扒面嘅湯底其實有幾種,不過伙記話要另加錢,所以無改到。豬扒大大塊,厚身而帶骨。調味Ok嘅,本人比較喜歡略帶肥邊果種(香口啲)面嘅份量反而少過塊豬扒,奇怪整體而言,一般街坊嘅食味喇。菠蘿油有幾款,咁第一次幫襯當然係點提嘅推介喇。咁又無揀錯喎的確係有新鮮感,(蕃茄+煎蛋+牛油嘅菠蘿包)。食味多重,入口香軟。好味另外單叫一杯奶茶,味道好啱飲。奶與茶都平衡得好好,香滑而入口有餘甘嘅

📍 華嫂冰室觀塘敬業街55號皇廷廣場1號舖檳城喇沙湯米線(雞翼）💰$49湯底濃烈椰香味 不過好快就好口渴 味精較重 雞翼好入味 配埋豆卜 索哂d湯🤤豬潤牛肉芫荽皮蛋湯米線💰$47薄切豬潤 好爽口 芫荽味重 好鮮！

🐹肥老鼠跟鼠友平日三點左右到觀塘華嫂，店外有三四人排隊，而店內也是是充滿客人，果然是高人氣的發燒店。等了一會就可以進，立即叫個招牌蕃茄通和咸牛包豬扒雞蛋蕃茄湯通粉（$51）這兒的蕃茄通湯底極濃，稠到不得了，就像野x生活支蕃茄汁倒下來做湯底，真是十分足料蕃茄湯少少酸味沒有假甜，光飲湯已經很滿足。因為湯底很稠的關係，所以是不能轉公仔麵。雞翼是用瑞士汁弄的，微甜挺入味，肉很淋很容易和骨分離。豬扒很嫩，一點都不鞋口，而且還保留少少香口感，正芝士咸牛肉蛋豬仔包（$23）最愛的芝士咸牛肉豬仔包！肥老鼠很怕食到周圍都是，所以沒有試過菠蘿包版。不過豬仔包已經好滿足了，包熱軟熟，夾住充滿咸香的咸牛、滿滿熱融了的芝士片、媽媽式的煎蛋好味杏仁露，熱（$15）杏仁露的杏仁粉落得很足，沒有淡口開稀水，杏仁味濃凍奶茶（$16）鼠友叫了個凍奶茶沒拍下來，未試過招牌樽裝那款凍奶茶，不知道會否有分別。但個人嘗了一口普通版凍奶茶，感覺普通啦。總結而言，華嫂的觀塘店都不失水準，比起總店還有冷氣涼更好。芝士咸牛肉蛋必試呀！

今天早上刻意步行很遠路去食早餐。餐廳內部裝修算新，環境狹窄，大部份座椅有背靠，少部份沒有，近馬路的幾張枱冷氣不足。秘製雞翼出前一丁34元，有三隻卤水雞翼，卤水味道甜美，雞皮嫩滑，雞肉粗糙，應該是煮得太久，配有少量生菜，新鮮翠綠。加12元可配熱奶茶，有茶味但不濃。早餐一碗麵一杯飲品合計46元，太貴了。

完全唔係唔好食直頭係難食。難食都算啦，最緊要要乾淨，個次食完個通粉又痾又嘔，唔知關唔關事呢？但我個日只食過佢既通粉做lunch 🤔好失落係因為以為咁多人排一定好食，點知貼錢攞難受。以後都唔會幫襯。

當日食12點 , 叫同事早少少接我位方便早D去取票 , 等左大約5分鐘果然未到12點就叫到我張票 , 不過我同事仲未到 , 先應左店員 , 一齊人就轉頭到我 , 同事12點10分到場我即刻向店員報數 , 大約2分鐘有位入座 , 算快吧! 我落單時仲未知蕃茄湯底係另加既 , 我又怕清湯底會好"寡" , 都係叫蕃茄湯底加$8啦 , 但食雞翼已夠晒味 , 呢刻覺得另加湯底唔抵 , 飲品呢...單叫$15 , 跟碗麵就加$12 , 都唯有咁叫圭飲品啦 !

每次係觀塘都想食華嫂冰室，但次次都遇著排長龍，難得星期一放假又係觀塘整完嘢，就去碰碰運氣。幸運地趕得切係五點收舖前做最後一位食客。香煎豬排大大塊，肉質鬆軟有肉味。皮蛋芫茜湯底果然大讚，芫茜味濃之外仲有大量嫩滑芫茜及皮蛋做湯料。另外通粉煙韌份量多。多士非常厚，熱辣辣烘底加上厚厚一片牛油，牛油半溶加上少少鍊奶，雖然邪惡但非常美味。奶茶出色，茶味濃夠香滑。

這間網紅茶餐廳中午12點前來吃都不用排隊，12點後就開始多人，所以我每次都在11點多去吃。這裡最出名的就是雞翼、豬扒、蕃茄湯底、招牌菠蘿油、鹹牛肉蛋豬仔包。相對於蕃茄湯底，我個人還是比較喜歡皮蛋芫荽湯底，因為味道清香，不會這麼油膩。平時我會選擇肉眼筋、魚肉皮蛋芫荽湯米線，但今天沒有肉眼筋所以改選擇雞翼。肉眼筋的筋位剛好，爽爽的魚肉是我的最愛，以前是煎魚餅，可能製作費時，現在是普通魚肉，但也十分推介！蕃茄湯底濃郁，與米粉搭配更好。不過吃多一點會很飽，有點油膩。華嫂的凍奶茶一般奶茶苦澀味較重，奶味也不夠，味道偏淡。今次沒有吃麵包，下次再來分享包類。

觀塘華嫂冰室 早上11:30前都唔洗點排隊下就就要到3:30後 先可以排短d時間一個人食 等候時間比較快基本上每次都會叫 蕃茄豬扒雞翼米線🍜豬扒有成個碗禁大 而且肉汁好多 好林而滷水雞翼都好入味 配個濃既蕃茄味湯底 好開胃（如果您想食辣 可以落辣椒油）飲品普遍都會簡凍奶茶 除左係個人偏好外 奶茶係的確比較香滑 而且可以簡杯裝/樽裝 （當然睇您簡凍/熱飲啦）女仔一個麵已經好飽啦 如果想叫其他小食/飽點 最好有多個朋友同您share 否則會好浪費

之前次次黎觀塘呢間華嫂都起碼要等一個鐘，多數都等到唔耐煩去左其他餐廳😂但上星期六見到唔算多人排，就決定乖乖地比啲耐性等下啦🙂係排隊期間，可能天氣太熱啦，有個食客中左暑，但華嫂員工好好，好快安排比佢入去先👍🏻今次試左個蕃茄豬扒通、雞翼麵、菠蘿包同奶茶，個菠蘿包用蕃茄同雞蛋做餡料，做法都幾特別，個豬扒麵我就覺得佢啲扒硬左小小，不過最鐘意都係佢個奶茶，好香滑，感覺好似上環瑞記個啲，值得一試👍🏻

今日放假好想食豬扒米線，諗起華嫂，打算碰碰運氣。3點幾去食下午茶，避過左午飯時間，果然唔駛排隊，太開心啦。除左米線，豬扒菠蘿包都係必食之選。價錢合理，味道不錯，下午茶之選，食飽左晚餐可以食少D😁😁。

華嫂一向係元朗推介餐廳之一，但位置不就腳，一路都未有機會去。雖然觀塘開左，但其實位置都不是近地鐵站，但都叫做喺市區，算方便左。所以，搵左個星期六專程來幫襯下先。來到門口，已見到一堆人潮，最終都等左差唔多45 mins, 但好在排緊隊其間，已幫我地落定order,一坐低就有得食。見有隻叫冰花奶茶，好奇下問下同普通奶茶有咩分別。原來係碎冰，咁當然飲呢杯啦！唔駛大大粒冰。個奶茶好飲，夠滑夠香夠茶味。order左蕃茄湯底+香煎豬扒及秘製雞翼。個湯底好濃蕃茄味，食食下都好快飽左。但唔得咁快飽呀！我地仲要試埋佢地2款出名既包。 招牌芝士鹹牛肉蛋豬仔包，聽個名已feel到好豐富。而家好少茶餐廳有鹹牛肉包食呢！好味!推介另外，招牌菠蘿包都好味，有牛油有蛋做餡個人覺得2款包吸引過通粉。唔知可唔可以下次只order食包呢？