華嫂冰室 (皇廷廣場)

營業中

休息中

華嫂冰室一向都出名，之前係元朗，對於我呢個唔鐘意搭好耐車既人黎講，點會走入去元朗食！如今係勁近我屋企既觀塘開分店，可以拜會一下！星期六一點去到 超多人係門口等位！我要等30張枱，最後等左30分鐘就入座，餐廳安排得好好，等位既時候已經派曬餐牌，未入座之前已經幫我地落定單先，入到去好快就有野食！黎到當然要食招牌菜啦！招牌菠蘿包個包又暖又脆又香，夾左塊厚牛油，蛋，蕃茄，本身個包既感覺好肥膩，但出奇地無呢種感覺！可能夾左塊蕃茄，令個包fresh左！真係值得一試！ 招牌芝士咸牛肉蛋豬仔包個包又係又熱又微脆，咸牛肉炒蛋一向係絕配，點會唔好食，仲要加埋邪惡既芝士，再多一份香味，依加打住食評都流口水呀！ 蕃茄豬排雞翼出前一丁湯底杰但唔夠蕃茄香，有點失望，豬扒有2大塊，整得好好，唔韌，雞翼已經炆得林，離骨，易咬！我覺得一般！唔會再叫！ 奶茶算滑但唔夠奶味又唔夠茶味，飲落去就係覺得爭d咁！檸檬益力多好多人叫，應該係夠特別，不過益力多味唔夠，飲品方面好像差一點。 包類價錢相宜而且味道好，但麵類就一般，下之要試試其他湯底好唔好食！

觀塘區是爸爸上班的地方,今天來接他吃午飯,順便看看有什麼好吃的一間叫華嫂冰室的,之前在FACEBOOK非常聞名,今天終於可以來到一試餐廳裝修骨子,座位相當舒適簡單的菠羅油,吃出不一樣的味道菠羅包烘得剛剛好,入口不錯,牛油未完全溶掉,等一下吃才吃得出味道凍咖啡相當濃味,提神一流,而且小冰真的是小很多冰,沒有呃人呀另外吃了個腸蛋麵,腸的味道平平,蛋也是煎得麻麻但公仔麵煮得剛剛好,不算太林,有家的味道吃過午飯後,跟朋友到旺角逛街又一天呢

假期去一定排長龍, 難得放大假, 我地一行5人平日11.45am, 竟然唔洗等位, 實在太好彩, 我地唸都唔唸即刻order奶茶同 2個茄蛋波蘿油 超邪惡勁厚牛油, 食完真係覺得好有罪惡感, 但好鐘意佢個半熟蛋, 不過菠羅包皮較硬身, 可能入係佢特別之處, 不過有少少頂口 豬潤鮮牛芫茜米線~ 我平時唔食芫茜但呢碗我竟然接受到之餘仲一食愛上, 好香好好味, 奶茶亦好濃茶味 豬扒雞亦茄通, 湯底好濃郁, 豬扒好入味, 雞亦好似係老水雞亦 呢個係新出品, 反而無乜味, 可以不試朋友們超愛鮮油多, 一開始食完都唔夠, 食包仲要再order作一個完美結尾, 不過真係好正!! 當我地用45分鐘食完, 門口己經超多人排隊, 所以大家想食就請早啦

朋友好鐘意余文樂，一直都好想試，今次比佢捉左入觀塘個間華嫂冰室，經朋友介紹下得知原來元朗有分店，黎到已經排哂隊，等了半小時有多，咁多人排隊。算是很快有位。所以十分期待有好野食。座位不多，人十分多，自然地就是坐得不舒服。不要緊，食物質素重緊要。招牌菠蘿包大片牛油、煎蛋和生蕃茄的菠蘿包整個份量算大，面頭外層炸至金黃色，酥脆表面已經深深吸引我，再落一屠大大塊牛油，慢慢在溶入夾著蕃茄煎蛋，蕃茄片算是新鮮多汁。又甜又香又Fresh。

前排見呢間餐廳係facebook勁洗版，咁岩又係附近反工，見近近地咪去試下囉。未行到去已經見到成堆人排隊，雖然已經成4點，不過都係攞左飛，等左差唔多20分鐘先有位。因為唔係太肚餓，就點左魚片頭魚湯芫茜米線（應該係叫呢個名瓜）試下，本身好鐘意食魚，見到用魚湯做湯底的米線必叫！而華嫂呢碗米線就一般，湯唔夠濃厚，米線又過硬。同事點了聽講好出名的奶茶，都覺得一般。不過未試過的可以來試下嘅，畢竟各人口味唔一樣嘛XD

相信有部分人認識華嫂冰室係因為余文樂。一直都好想試好想試，但要山長水遠入元朗食，又真係好似好遠。好彩，佢終於喺觀塘開分店喇！終於可以去探個究竟！第一次去係佢開張嗰日，但去到籌已經派晒，連樽裝奶茶都好似話未有，唯有Sad住走。今次終於有得食，雖然等都等咗成半個鐘，但為咗食好嘢又無計咁多。點都叫做係一間人氣冰室，人多都明嘅，要同人搭枱都無可避免，好彩佢上菜速度都算快，唔洗係度有得睇無得食咁慘豬。叫得【招牌】都無有走雞，果然層酥皮好鬆脆，都幾足料，咬落去口感好豐富。但一塊凍牛油加一層無味煎蛋加一層無味番茄，感覺上好似無咁油膩，但味道又好似融合唔到，好明顯食到上面係咸咸地、凍凍地，但下面真係無味。但口味呢D嘢都好個人，咁樣好唔好食就見仁見智啦。另一樣【招牌】我就無食過，但朋友就話好好食，仲食唔停口呢。我係蕃茄湯嘅忠實粉絲，所以一見到有呢個即刻眼都發光。呢個湯底都稱得上「濃」，而且可以食到蕃茄肉，而雞翼滷得夠入味，豬扒都夠鬆軟（最怕食到韌到咬唔入嘅豬扒），成碗通粉一共有兩隻雞翼、兩塊豬扒、幾條生菜，都算豐富又飽肚。原本睇圖都對佢幾抱有期望，感覺上呢碗嘢會幾開胃。但原來係我諗多咗，火腿絲、午餐肉、

因為好晏去到，已經無唒豬扒同菠蘿油！最後叫左雞翼蕃茄通 撈米 同 豬仔包蕃茄通麻麻，通粉好硬 味道太酸豬仔包都ok 幾新鮮但係價錢真係唔值食左三碟野加埋一杯凍奶茶已經百幾蚊埋單覺得不爽，覺得佢恃住個名就開間難食ge分店

是日到觀塘開業不久的華嫂冰室用膳，接近午餐時間，要等十來分鐘方可入座，選了份豬潤煎魚餅米缐，加八元配芫茜皮蛋湯底，豬潤爽滑冇渣，亦無腥味，魚餅煎得香口彈牙，只是湯㡳略嫌味淡，熱奶茶茶味香濃，怪不得餐廳人氣鼎盛。

今日趁早來試試經常排長龍的華嫂冰室，點了雞翼豬扒番茄湯米粉。湯底極濃，有些「潔撻撻」感覺，勝在溫度夠熱。廚房亦細心，將雞翼放係豬扒上，令味道不會被湯底溝淡。豬扒亦煎得香口，味道不錯。惟成碗粉收$44，不算太值。綜合餐廳環境、服務態度、價錢和食物品質四大評分準則，推介指數有6分（ 10分為滿分），失分主因價錢較高，坐位擠迫。

華嫂呢個名聽就聽得耐…終於的起心肝黎等位！元朗店實太遠無心機去，唯有黎觀塘店潮聖門口人龍不長，等了大約20分鐘已經有位，對於名店黎講算是很快有位了。鋪面不大座位不少，沒有卡位的餐廳，坐的都是圓枱圓櫈，很自然造成的就是坐得不舒服。也罷，相比總店的環境算是衛生得多了(好似係) ，反正也是來潮聖，食物質素較為重要吧 招牌菠蘿包先上場的是招牌菠蘿包。有別於傳統菠蘿包/油，華嫂的招牌菠蘿包有鮮牛油，蕃茄和煎蛋。吃下去沒有一般菠蘿包/油的油膩感，加上內涵豐富了，是很有趣的配搭。之但係由於餡料多了，鮮牛油的size就略嫌不夠大，很難令每一口咬下去也能有齊所有配料，略嫌不足。 豬扒雞翼蕃茄湯出前一丁緊接上場的是豬扒雞翼蕃茄湯出前一丁。豬扒醃得入味亦處理得宜，不會過韌或過淋。雞翼滷得亦算夠味，不過不失。蕃茄湯濃稠亦帶蕃茄肉，即使配的是出前一丁亦能輕鬆做到掛湯效果，但湯底偏酸，整體配合度略嫌不足。 熱奶茶天氣寒冷，店內另一名物樽仔奶茶只好有緣再會，取而代之的是茶記的鎮店之寶—熱奶茶。華嫂的奶茶茶味十分充分，濃濃的茶單用看的已能輕鬆感受到。果然一入口，茶味在口中爆發，蓋過了奶味。潮聖是可以的，但

華數冰室一直都好出名可能我期望太高了 下午茶時間3點幾去 等左大概20分鐘 3個人叫左4款包同3杯野飲 個人認為只係 豬仔包比較好 特別d 個包脆脆的 同咸牛肉好夾 其他2款不過不失吧普普通通 蛋沙律多士其實唔難整 仲有奶油多都幾好牛油好厚 面包都熱辣辣不過無影相

咁多人排隊係有佢嘅原因。呢個招牌菠蘿包，有厚牛油，半熟煎雞蛋同埋生菜蕃茄。一啖咬去個菠蘿包，個包䁔䁔地，個皮夠脆，咸咸甜甜，雖然覺得怪怪的，但食落去都好夾，好食！ 番茄湯底雞翼豬扒米線，個雞翼好似鹵水雞翼咁，但係好入味！最重要個湯底非常之有番茄味，湯底夠熱，味道濃郁又鮮甜，可以飲埋D湯，堅好食！

呢幾日凍到不得了，得幾度的香港都算少有。寒風襲人的一早專程來到這間在觀塘新開的華嫂冰室食個正早餐。又凍又早所以難得不用排隊就可以坐下食。 點了一個招牌菠蘿包($17)，豬扒雞翼蕃茄湯通粉($43)和觀塘店限定的忌廉湯通粉($32)。 招牌菠蘿包先到，至愛的蕃茄見不到，見到一大塊邪惡牛油。唔理邪惡不邪惡，狠狠先咬下一大口。咬開先見到原來蕃茄太細片，被煎蛋擋住了。一入口感覺有點失望。夾著蕃茄煎蛋的菠蘿包吃不太出菠蘿包外層那酥脆的口感，蛋不會太燶很香口，不過蕃茄片不夠新鮮多汁鮮甜，包中夾著滿滿的饀料突顯不出麵包的鬆軟和菠蘿包的香甜，略感可惜。 再試蕃茄通，湯底最重要，所以先喝一口湯底試一試。頗濃郁的蕃茄味！不過不夠蕃茄那特有酸酸甜甜的酸味。雞翼和雞排都普通而已，難得也有兩條菜。雞翼嫌被湯底浸得太腍太軟了。不會不好吃，也不會特別好吃。 最後試觀塘限定的忌廉通配香腸和煎蛋。原以為會很膩很rich，吃下去又不會！濃濃的甜忌廉還ok，頗特別。香腸麻麻地，是那種很幼的不彈牙，不好吃。名氣很大一直想來試試，不過今次的食物質素普通，有機會再試一試屯門的總店。

說到近期本地最火熱最具人氣的冰室或茶記，又怎能不提到這兒 ?食物聽聞有水準再加上明星效應，故此就算位處隔涉至屏山亦大排長龍。不等個一至兩小時都休想可以坐下來點東西....對我而言，屏山實在是太遠了，所以一直只聞樓梯響而沒的起心肝攀山涉水去試.....及至得知她竟在觀塘工廈區內插旗，自己當然喜不自勝了。不過歡喜過後，立時便想到那人潮就怕怕。此刻心念 : "橫豎等了那麼久，也不急於一時啦。還是等熱潮過後才算吧"....於是一等就是好幾月。最終卒之等到沒那麼多人，又碰巧放假才能前赴....九時許來到門前，基本上完全不用等就直行直入。挑了一個近窗的位置，是日陽光普照，溫暖的光線邊照著邊嘆著杯鴛鴦，不羨仙也....但可惜的是，眼前的這杯鴛鴦，回甘味尚可但卻有太over太濃的茶酸，有點不太對勁....有點詫異這杯作為評估茶記水平的飲料是沒如預料中出色。那另外好幾味的招牌又如何呢 ?鮮油多士烘得外脆內綿且最重要是相當厚身 (好說也應有多至吋厚吧)；夾於多士中除有一大片的全脂牛油外還加有不少的煉奶，味道甘香豐厚但亦十分的膩。這樣的組合弄出來的滋味固之然令人極滿足但吃後卻讓人充滿罪咎感....店內最為人

閒日2:30pm左右諗住少啲人等位，點知都多人！ 不過等左半個中就入到去，都算快。其實裡面都算幾大，有好多張檯，但都幾逼，所以大部分人食完都會急急腳走。兩個人叫左餐蛋麵、冬陰公雞翼米線同菠蘿包，都食得晒！招牌菠蘿包真係好好味！個包好鬆化，又係即烘熱，已經好好味。再加上夾住一片牛油同蕃茄蛋，完全加晒分!食落口無覺得肥膩，反而好夾！ 太正啦~~~！好後悔無試埋佢個咸牛肉包添啊！ 冬陰公雞翼米線有驚喜嘅冬陰公雞翼米線！同個冬陰公同我想像有出入，因為絕對唔係泰國舖個種冬陰公，食落口又唔算太辣，亦唔會太酸，味道岩岩好！ 加埋夠晒濃味嘅鹵水雞翼，食得好過癮 華嫂冰室，絕對有下次！