華嫂冰室 (皇廷廣場)

營業中

休息中

人齊落座 也沒有等很久 不過其實食物呀沒有期待的那麼出色吧 明星效應啦總體來講 面裡面加了很多人推介的豬扒 肉很嫩 但是味道無功無過吧也就算 凍奶茶是真的很醇厚！讓人很想喝完再打包帶走幾瓶！

閒日既朝早去華嫂 唔洗排隊，真好，不過餐廳都坐滿人。我想講食物質素進步左唔少。尤其係冬蔭公湯底，記得上次個湯底好一般，唔似正宗泰式冬蔭公，味道偏重香矛同指天椒。(今次無影呢碗，所以用上一次果碗補上 比大家作參考) 今次湯底除左有冬蔭公香 仲帶微微蕃茄味，texture濃稠左好多，令米線可以嗦到啲湯，今次有被impressed👍另外，招牌菠蘿包 個包都有進步，之前一直覺得菠蘿面偏硬唔夠鬆脆，今次個皮鬆化左好多，包內加入煎蛋、蕃茄同牛油，材料新鮮，蕃茄中和牛油、蛋既油膩感。莞茜皮蛋湯係家的味道，好清好下火。煎魚餅好食，煎得夠香口，而且有魚味，如果再厚身少少 口感應該會更好☻不過豬潤同墨丸就一般，豬潤唔夠厚身，而且唔爽偏硬。喇唦湯底偏重椰漿味，如果麻麻地椰漿既人，可能未必太鐘意，不過我自己ok既，而且湯底散發出淡淡蝦米香，佢既texture 唔算太濃稠，所以食落無咁heavy，豆卜索晒啲湯好正。豬扒都幾大塊，雖然唔算好鬆軟，但豬扒帶有肥肉，所以未至放好硬。

隔左一日再黎食華嫂，今次醒目啦，過左放飯時間先黎，唔洗等就入得今次叫左撈米線、鮮油奶多、凍奶茶同凍檸檬益力多。由於太肚餓，撈米線黎到時已經忍唔住食左幾啖，唔就得左影相，之後先影番米線配料有豬排、紅腸、午餐肉同青瓜，醬汁就酸酸辣辣咁好開胃，仲有啲炸蒜粒。米線就凍既，撈埋一齊就食得，青瓜中和左肉既濟既感覺，係令成碗米線功成既一點，平凡材料但加埋一齊成件事就好好食。鮮油奶多，牛油凍、奶多、多士夠熱夠脆，好食！奶茶好濃，擺耐左冰溶左都唔會好淡，益力多就岩啲好易覺得濟既朋友飲，因為濟果陣飲一啖酸酸甜甜好開胃，又可以再食啦！

今日終於食左人氣的茶記之一，華嫂冰室。由於都見到大家推薦人氣滿滿的華嫂，所以曾經有諗過山長水遠咁去屏山，但因為真係住得太遠的關係，打消左此念頭。好快華嫂就開左係觀塘，但又成日排隊。最近開埋係灣仔，灣仔近我，所以華嫂冰室又再一次記載在我的to eat list。今日因爲工作關係，可以在觀塘食午餐，立刻飛奔去華嫂門口排隊。因為落大雨關係，門口人龍不多，等左三分鐘就有位，十分好彩。叫左個雞翼出前一丁，加$8轉蕃茄湯底，份量充足！秘製雞翼係似瑞士汁雞翼，有三隻，雞翼入味，咸得來帶甜味，肉質嫩滑。蕃茄湯底夠熱，夠酸，茄味濃，而且湯底係杰身個種，感覺上好似用左好多蕃茄先煮到的湯底。飲品叫左凍奶茶，茶味較濃，飲得出茶底厚既，但自己偏好奶多的，反正奶茶的口味就係人人不同。見到隔離檯叫左多士，波蘿包好似好正，有機會會再試一試！總結來說，如果要排好耐，就不太值得，如果人龍唔多，亦不防一試！

相信華嫂大家都唔陌生，除左666既加持，其實食物都唔錯既！今次食晏，12點半左右去到，由於放飯時間，好多人等位，我地等左30分鐘先入得。食物方面我地叫左冬陰功米線配肉眼根雞翼煎蛋同埋鮮油腿菠蘿包米線冬陰功湯底勁濃！充滿香茅味，酸同辣夾得好好，好開胃，飲完一啖好想再飲多啖。雞翼鹵得好入味，肉眼根係豬排切條，口感比豬排更爽，有啲似厚切既豬頸肉，米線就正常。菠蘿包勝左夠熱同好鬆脆，夾住冰凍既牛油食，冰火交加。整體黎講係好食既，但如果要等半個鐘就唔會了。

平日早上華嫂冰室人流比起星期六不多，不用在戶外日曬雨淋等位，感覺好多了鋪坐下立即看看吃什麼⋯大早來個菠蘿包，一整日有大把時間可以消化平時我不吃菠蘿包，但每每來到華嫂冰室不知為何總是忍不住吃我這個是走醬版的豬扒菠蘿包，豬扒仍有肉汁，又有蕃茄和生菜，不會 乾爭爭 ，菠蘿皮超香脆天氣熱忍不住叫了一杯紅豆冰這兒的紅豆冰相比其他茶餐廳嘅體積較細，奶和冰超多，比例上紅豆少，冰太多之故奶變成奶水般，豆並不是像是煲至起沙那種⋯

今日唔使返早，就揸架車去搵好西食，話說華嫂日日都大排長龍，早餐時段仲要11點，諗住博一博，去到見到竟然都要排隊，不過好彩2個人搵位都易同樣係一塊面包，唔知點解呢到既鮮油多士特別好食，但邪惡食物不且食太多，一人一件算了菠蘿包係出面都食唔少，而呢個菠蘿包，個咀細D都食唔到，但個味道好複雜，好好味

華嫂冰室係元朗好出名，又話好多明星藝人都去食，又話好多人等位。但住九龍區真係好少出城，好難有機會食到。點知係觀塘開左分店！😁😁緊係要去試試，睇下係咪真係咁正啦！係觀塘間分店都幾偏僻，唔近地鐵站。要搵一搵先搵到。同周圍都係工業大厦，成為OL 既恩店。可能太偏既關係，唔洗等好耐就入得。叫左出名既凍奶茶。飲一飲。都幾香既茶味，都幾好飲。再試一試個 芝士蛋咸牛肉豬仔包！熱辣辣，都唔錯。但食到好“”弄盡“”要食得好小心😂😂再試 蕃茄雞翼豬扒烏冬。我就覺得唔係話好特別。雞翼個味都幾入味。但豬扒就普普通通。整體黎講，都唔差，經過會食。👍但呢個程度，若果沒有分店，我又應該不會特登去到元朗咁遠食。

豬扒雞翼蕃茄湯通粉🍅話說好耐都冇食過華嫂以前去親都要入元朗宜家可以係觀塘就食到, 係方便左!蕃茄湯底依舊濃郁但豬扒過於腍, 始終都係中意元朗多d😂😂😂😂                 

早前朋友試過灣仔分店，午飯等足1小時，朋友都讚清湯豬扒米粉勁讚，於是我就搵日去官塘分店試試先。上星期六見天陰陰，就計劃過咗午飯時段才去，希望排隊時間短d。我3點到，拎到75號籌，果時叫緊34號。最後等咗45分鐘，好彩5係曬; 否則實俾人炳。我估果位叫號既男士係店長，他叫到70號就先叫籌，先落單，再等入座，5知係咪趕收5點，所以用咗呢個方法，等上菜時間縮短。入面環境5寛敞，都預咗。我地3條同另1對情侶逼坐1張4人枱。坐定無幾耐，之前叫既食物好快上枱 :1) 招牌菠蘿包 : 呢個真好味，不愧為必食之選2) 秘撈米線 : 呢個落咗好多辣椒粒，有d 辣度。同埋餐牌寫住有4款餡料 : 紅腸、豬扒、餐肉、青瓜，當然全部係一絲絲上，但摷晒成碗，無青瓜，但勁多芫荽。滿口芫荽，5得。。。。3) 喇沙豬扒米線 (官塘限定) : 呢個勁失望。。。豬扒係腍，但有筋，無喇沙味，只有顏色4) 2杯杏仁霜+1杯咸檸七之前睇過有人寫味道。。。官塘不及元朗店好。我無試過元朗店，但我就覺得官塘店真係一般。。。。

話說以前一向食開元朗個邊嘅華嫂 呢年係唔同地方都開左分店但都冇食過 琴日黎開觀塘呢邊 所以決定一於要去拜訪下 去到11點到 都唔係好多人唔使排隊***我地叫左個豬扒雞翼蕃茄湯通粉🍅蕃茄湯底依舊濃郁 但豬扒過於腍 食落唔係話好有彈性 雞翼係滷水嘅都ok 個人始終都係中意元朗多d😂之後仲叫多杯冰花奶茶 唔知係我要求高定其實咁啱係咁 我覺得奶茶真係麻麻地 談唔上茶味濃 但甜度都算適中嘅 ***我諗如果下次要食 都係入去元朗食算 起碼水準比較穩定

下午約了在附近上工作坊，難得星期天沒有睡過三竿，當然要找點好東西吃。 觀塘工廈餐廳雖多，但很多都過十二時才開門，想吃個brunch的話，倒不如來個港式的，晨早就開門了。華嫂是元朗名物，開分店到觀塘後相對方便很多，人龍更是不絕。想不到分店開業至今，十一時多來到仍然要等約十張枱。幸好人流快，約等二十分鐘便能入座。沒有套餐供應，夾包、麵食、飲料全部都要散點，其中麵食如要特別湯底都要三十多四十多元，加起來都頗貴的。我們二人點了兩個最有名的夾包、一個麵食、兩杯飲料，都算夠飽。很快兩個夾包便來了，饀料滿溢，賣相很是討好。大大的豬仔包新鮮熱辣，非常軟綿，上面的芝麻很香。工整的切開兩邊，夾口放入大量鹹牛肉、煎蛋和芝士。鹹牛肉不會過鹹，肉醬塗滿了整個夾包，咬下去不會有一口包沒有餡料的。這是夾包的橫切面。蛋是煎雙面的荷包蛋，但內裡仍然有少許軟心。始終夾包來說用流心蛋會很狼狽，又會浸糊麵包，這種生熟程度剛好。再加片車打芝士，令整個夾包更為豐富，而每種餡料之間也更為融洽。勝在菠蘿包是新鮮出爐，上層菠蘿皮脆口，下層麵包鬆軟，這樣已贏了一半。中間的餡料卻相對地沒豬仔包那個出色：大大片牛油、軟心煎蛋和新鮮番茄片。香

一直都聽講華嫂嘅豬仔包好好食, 見星期六放假一於就同男朋友黎試下啦. 大約三點鐘到達, 在場都有唔少人等緊位, 果然人氣高企. 等左大約四十五分鐘就入得, 我地都覺得可以接受.一場黎到就當然要試下個豬仔包, 果然好好味! 個包好軟熟, 再加埋咸牛肉, 芝士同蛋, 好鐘意呢個配搭.另外仲叫左個喇沙米線, 我地揀左雞翼. 個湯好重椰汁味, 好飲. 雞翼亦都好入味, 啲肉夠淋.仲叫左2樣野飲, 樽裝奶茶茶味好夠, 咸檸七透心涼, 好解渴. 呢餐實在係好滿足, 我地都有興趣試埋其他食物.

Lunch時間門口好多人排隊等位，起碼等半個鐘以上，不過野食都算出得快，入到去坐就要迫少少。試左佢個蕃茄湯底，濃得黎又唔會好酸，越食越開胃，朋友叫左冬陰公湯底，聞到好香。呢2個湯底都值得一試。食華嫂當然要食招牌菠蘿包，怕自己一個食唔曬可以同朋友一人一半，再加埋枝樽裝凍奶茶，比普通凍奶茶好飲。

点了招牌菠萝包 和冻奶茶 还有鸳鸯。菠萝包的酥皮香脆，上来的时候只闻到酥皮的香味，感觉光吃包都OK。里面的馅就吃不大出来了，番茄有点生，口感不大好；鸡蛋挺香滑的，吃起来有点腻。奶茶不知道是不是用茶粉冲的，感觉入口粉质感挺重的，奶应该是用炼奶冲的？总体感觉一般，不大推荐。鸳鸯OK，入口顺滑，可以试试。因为太饱了，没有点粉面类的，下次再试，看起来很诱人。人均消费50左右，挺接地气的，就是距离地铁站有点远，不大方便。对了，可以用微信支付，方便。