影片
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
荷里活有間大餐廳，一直聽聞好有人氣，今日終於有機會去試下。一入去，餐廳環境好唔錯，座位寬敞，燈光溫馨，好適合同親朋好友一齊嚟食飯傾計。睇餐牌嗰陣，見到有炒銀針粉，就忍唔住叫咗一碟。等咗唔耐，炒銀針粉就上枱喇。一眼望落去，銀針粉根根分明，唔會黏埋一嚿。炒得好夠火候，表面微微焦香，咬落去煙韌有口感。配料好豐富，有蝦米增添鮮味，洋蔥增加甜味同脆口，蔥段則帶嚟清香。味道調配得好平衡，醬汁唔會過鹹或者過濃，剛剛好掛喺銀針粉上面，每啖都好滋味。同我之前喺一間主打福建菜嘅餐廳食過嘅炒米粉相比，嗰邊嘅米粉比較乾身，味道偏清淡，而呢間餐廳嘅炒銀針粉就更重鑊氣，味道濃郁。不過，都有啲小瑕疵。價錢方面，呢碟炒銀針粉要$60，比起一般小店略貴。而且當時餐廳人多，服務員有啲應接不暇，加水同埋落單都有啲慢。其實我一直都好鍾意食炒粉麵類嘅食物，炒銀針粉又係其中我好鍾意嘅一款。細個時，阿媽有時會整炒銀針粉畀我食，嗰種溫暖嘅味道一直留喺我心入面。呢間荷里活餐廳嘅炒銀針粉，雖然有啲小問題，但都勾起咗我好多美好嘅回憶，希望下次嚟可以食得更開心啦。
繼續閱讀
大年初一去到利東，在商場找嘢食，見到這間餐廳，其實之前在其他地方都見過這餐廳的名字，今次就試吓啦！下午茶都算多選擇，叫咗餐肉蛋三文治+熱奶茶，另叫花生醬西多士+熱O蜜。食物夠熱，好。花生醬西多士夠厚，OK。適逢過年，西多士加咗新年快樂，應節，有D D 驚喜。整體來說，食物不過不失，茶記的味道。難怪眼見一家大細都係拜年後落嚟食個下午茶。坐位都有唔少卡位，地方都算乾淨，未採用QR code落單，係要人手落單，服務員都有禮貌。
繼續閱讀
我屋企人成日都會去食呢間㗎喎,佢個地點都幾近地鐵站幾方便！環境乾淨, 地方闊落！佢做開街坊生意，伙記嘅服務態度很好！晚飯時候坐滿。 出菜都算快，唔使點等就有得食！啲嘢食熱辣辣大大碟, 好好味, 兩個人晚飯食都食唔曬！一個晚餐有主菜老火湯同埋熱飲！今次嗌咗兩個晚餐set, 嗌一個肉一個菜兩個人食！🐑菠蘿咕嚕肉$72個咕嚕肉都整得幾好味！🐑鮮魚湯海味粉絲雜菜煲$85佢都算落足料㗎！
繼續閱讀
去屋村食飯來來去去都係嗰啲連鎖店，唔想食大家 x 、老麥…..我通常會幫襯茶記雖然價錢比快餐貴釘釘，但起碼吾使自己搵位，有人送餐，絕對是快靚正的選擇 😇荷里活冰室南區有兩間，今次去利東邨分店，地鐵上去吾使2 分鐘就到，見唔太餓就揀個大大份 #茶餐🥚火腿奄列奄列火候控制得好好裏面仍然保留嫩滑感，火腿不太幼，食落更有口感，最緊要唔油膩🍞煉奶牛油丹麥酥一般丹麥酥只係加牛油，佢哋仲加埋煉奶，誠意十足。🍜沙嗲牛肉麵首先沙嗲牛肉系一片片唔會食落碎濕濕，牛肉保留點咬口。沙嗲醬惹味份量適中剛好掛麪，沾上沙爹醬的公仔麪好易令人食吾停口。🧋紅豆冰
繼續閱讀
衛生環境可以，地方都闊落冷氣非常凍！不過食物就普通，個米粉唔夠熱，奶茶都唔夠熱，明顯今日師傅心情唔好。但我之前食過，味道同品質絕對唔差，所以只能夠話水準保持唔到，希望下次再返嚟又會變返好～
繼續閱讀