荷里活冰室 (大興商場)

營業中

休息中

最近我去咗荷李活冰室，真係食得好開心！我點咗沙爹牛粉，味道濃郁得嚟又唔膩，牛肉切得厚實，咬落去非常嫩滑，搭配啲沙爹醬，香味四溢，正！仲有炸雞脾，外脆內嫩，啖啖肉，咬下去啲汁爆出，簡直好好味！加上佢哋特製嘅醬，真的好有味道，食一口就停唔到，根本想再點多一份。最後，我仲試咗佢哋嘅開心果奶綠，色澤靚，味道清新，唔會太甜，啖啖都可以感受到開心果嘅香氣，真係好過癮！荷李活冰室嘅環境又靚又舒適，唔論係朋友聚餐定係一個人靜靜食，都非常好。我真係好中意呢間，肯定會再嚟！如果你都鍾意食嘢，記得試下佢哋嘅沙爹牛粉同炸雞脾，真係唔會失望！

當日約左朋友1pm食飯侍應安排左我坐門口附近位置但朋友因工作而一遲再遲，我就一等再等，一邊睇書，一邊等⋯😔居然一直都冇人追過我落單&同催我還枱多謝你哋呀‼️🙏侍應朋友們後來，朋友1:43pm嚟到餐廳，我哋落單啦叫左兩個常餐，一個堂食、一個外賣朋友堂食，我食外賣欣賞👍返到屋企見到外賣包裝，既整齊又自動分湯食落仲暖食物味道，就比較普通啲，無咩太特別但整體⋯都係鐘意嘅！可以en call再嚟，唔會再遲到！

之前經過呢間舖頭見到晚市坐滿場，就諗住揾日試下下午茶先！今次食左西多士配紅豆冰，西多士擺盤好出色好吸引，完全唔似一般冰室同茶餐廳既擺盤，味道亦正常。紅豆冰相對上就一般，冇乜椰汁味。

抵食二人套餐$238 可以自選三餸，包括魚、雞及小菜等等 套餐配兩碗白飯、兩個例湯及奉送熱飲，凍飲及特飲另加除咗2人套餐外，仲有4、6、8人套餐選擇今次叫咗2人套餐：薑蔥油雞、 椒鹽九肚魚、 鮮魚湯時菜，份量夠曬3個人食，好大碟薑蔥油雞超嫩滑，好好味 椒鹽九肚魚整得好有獲氣，外脆內軟，一口咬落去熱辣辣，爆曬魚汁 👍🏻👍🏻 不過加咗好多椒鹽及胡椒粉，唔啱小朋友食鮮魚湯白菜仔個湯超出色，好甜，用黎撈飯，但我本身唔中意食白菜仔 🫠🫠

7點到 7點15分落左單，肉餅要時間10分鐘到，但西雞竟然要50分鐘，7點55先到，我7點45已經提出取消，先再話3分鐘到，只能說，美食沙漠碼頭， 咁就坐牢一小時。

媽咪話唔想煮飯，想出去食，我就介紹佢一齊去食【荷里活冰室】。其實我想去呢間茶餐廳好耐嘅，但係一直冇時間去，咁今日就啱啱好有機會去啦! 我哋點咗呢幾樣菜色都唔錯嘅。肉絲炒麵 🍜肉絲炒麵炒得乾身香口，夠哂鑊氣，肉絲嫩滑，麵條彈牙，每一啖都好味無窮。加上啲蔬菜嘅清爽 ，整體口感非常豐富，令人食過返尋味。粟米石斑塊 🐟🌽粟米石斑塊鮮美多汁，魚肉鮮嫩，粟米汁甜而不膩，令到魚塊更加美味。呢道菜式無論老人定小 朋友都會愛上。凍奶茶 🧋港式凍奶茶香滑濃郁，茶味同奶味完美結合，冰涼爽口，係炎炎夏日嘅絕佳選擇。熱奶茶 ☕️港式熱奶茶茶味濃郁，奶香撲鼻，每一啖都暖在心頭，係最適合配搭晚餐嘅飲品。呢度嘅品質高、價錢合理，仲話係屯門區入面嘅一股清流，食物好味指數爆燈，一定能滿足你嘅 味蕾。評分:味道 :⭐️⭐️⭐️⭐️ 【4】 環境: ⭐️⭐️⭐️⭐️⭐️【5】 服務: ⭐️⭐️⭐️⭐️【4】衛生: ⭐️⭐️⭐️⭐️⭐️【5】 抵食: ⭐️⭐️⭐️⭐️⭐️【5】 整體評分: 😋【笑】

煙燻芝士蛋豬扒包嗰日同屋企人一齊去食下午茶，依間下午茶有唔少選擇，除咗湯粉麵、炒飯炒麵，仲有三文治麵包類個啲，咁我就叫咗個煙燻芝士蛋豬扒包嚟食。豬扒包份量超大個，賣相亦都唔錯，豬扒包餡有芝士、炒蛋、豬排同生菜上菜嘅時候個包係一分為二，芝士蛋都有好香蛋味同芝士味，豬扒都好厚肉好大塊，食落啖啖肉。所有嘢夾埋一齊食非常之配，食到好飽。豬扒包都只係$42蚊仲配熱飲，性價比好高。依間下午茶好值得再去食多次。

路過亂入快食咗餐家常便飯，估唔到賣相唔錯、大件夾抵食📍蝦醬通菜炒牛肉 唔知點解一一最近好鍾意食通菜，多菜少肉、炒得好有鑊氣，佢自己密密食咗半碟…📍粟米斑塊一上碟，嘩！左一聲，魚塊蘸炸醬deep fried，賣相非一般，外皮香脆，要趁熱食😋📍蝦乾銀魚土魷蒸肉餅即叫即蒸、等咗廿分鐘，timing上因為太肚餓，已經清晒其他嘢，最後要齋食肉餅味道以為土魷會撈埋入肉餅，點知係就咁鋪喺肉餅上面蒸… 略略稍欠層次

今日重陽節放假可以瞓晏啲，早餐和中午一次過食好胃口啲， 知道荷裡活啲餐牌嗰個星期轉，會多選擇所以就去， 點知識到唔開心，受氣包，其實儲埋啲單一齊做冇問題，炒得差收$59蚊，仲要等鬼死咁耐先至炒出來先係問題，期間見到其他枱都食淨好多，已經覺得鬼鬼地，原來炒出嚟碟嘢比鬼都唔想食，河粉唔上色，色唔夠，唔夠味，河粉炒出來冇鑊氣，可能係儲埋咁多張單一齊炒，都冇力拎喺隻鑊啦，肥牛炒得太耐韌到食唔到，嘥曬啲食物， 肥牛又唔上色，好似食緊塊爛布咁，希望下次你唔好再撞到呢個廚師啦，今日重陽節總括而言差差差、十分差。

勁大份西檸雞，好好味🧡套餐有老火湯，有飲品，CP值高。最近日日都去食，太多菜品好想試晒佢！粉絲煲，脆脆麵，魚，花膠等等都好味道！大推街坊一齊去食，吾洗排隊又抵食！

開工前同老公來食午餐，星期日既特惠午餐餐牌真的是沒一個能吸引到我簡，好彩有個酸菜魚餐咋！那我們便點了一個酸菜魚及 籠仔蒸肉餅飯，酸菜魚一大碗，魚片配菜都很多，69元來講包埋飲品都好抵食。

落單嗰陣時叫分單唔分，叫我哋出去逐個逐個俾錢，之後點知道個收銀發脾氣，喺度叫「咁樣點樣收啊！玩我咩」唔收我哋錢，一直叫我哋等，企成十分鐘先肯處理，仲要唔識數數又怪我哋唔分單。態度惡劣😩學生哥爭少少遲到。唔平，味道普通，員工態度惡劣！唔建議大家喺度食