荳子 (PopCorn 2)

營業中

休息中

以前成日都食beans，裝修了之後第一次去晚餐，walkin就有位了。叫了八爪魚risotto及軟殼蟹意大利粉，感覺份量有點小，味道ok，意粉同以前一樣味道，但感覺軟殼蟹不夠酥脆。八爪魚飯賣相不俗，但八爪魚硬過橡膠，雖然很大一條，但是原條的烹煮方法感覺不太可行，吃完感覺要去看牙醫了。幸好waiter有幫忙重新烹調，不過也沒太大分別，還是很硬，建議餐廳換一下這個菜式吧，聽聞有另外的食客也有一樣的問題，也是回去再煮了。叫了抹茶蛋糕，味道不錯。謹慎點菜，味道還是不錯的。

今日同朋友黎食lunch 唔同分店都食過好多次不過多數食早餐今日試左個沾麵上面舊豬有啲似叉燒偏甜+硬個麵係好有咬口但個沾就乾左啲食到最後太漏搞唔掂試左朋友個意大利飯係好濃蕃茄味不過個飯就有啲啲硬整體主食都係重口味甜品賣相係幾靚打卡一流不過味道一般打卡、環境係唔錯但個人覺得早餐出色啲

百試不厭架Beans將軍澳popcorns呢間beans長期要排隊，難得平日放假，真係晤可以放棄呢個機會去試返個靚lunch~~Beans岩岩重新裝修左一下，不過今日睇到其實個裝潢又無野太大架分別同以前，以餐廳來講都算係闊絡同埋坐得好舒服架，好岩真係住低傾下計同埋chill下飲杯野~我地2個人叫左2個Lunch set, 埋單$236主食手撕豬漢堡+薯條 (必叫) $96次次來親都會叫呢個漢堡，都可以話係呢間野架招牌主食。超級足料架手撕豬肉，多到真係淡淡都係手撕豬，今次個配菜都令我覺得有驚喜，佢個薯條新鮮即叫即炸，點埋個茄汁真係無得輸!!黑松露軟殼蟹意粉 $89呢個又係我次次來會點架餐，因為我真係對黑松露意粉情有獨中😊 今次都係保持到應有架水準，真係無令我失望。熱辣辣架意粉加埋黑松露醬汁，仲有炸到脆BOBO架軟殼蟹，真係百食不厭~~甜品 山政小山園抹茶蛋糕講真呢個甜品就真係令我有小小失望啦，因為佢似響雪櫃凍左好耐，硬bun bun ☹️野飲凍檸蜜杯野飲出到來真係好靚啊，真係好岩打卡姜母茶熱騰騰，響濕凍架12月來講飲返杯都真係暖立立😊

錯過早餐時間唯有貴d 食午餐，餐廳幾休閑，不過感覺似茶記多過coffee shop, 定價偏貴，雖然食物唔錯. 彩虹咖啡要另叫，都幾貴，味道冇乜特別，係gimmick 野純打卡po 下相用. 可以一試，但冇太大意慾回頭.

今日朝早11:18分落單叫左3個餐Order時都有定心理準備預左20分鐘等野食。落單後等左30分鐘就叫個waitor幫我地跟一跟，之後先上個french toast同risotto, 差個all day breakfast 未到到落單後50分鐘個all day breakfast都仲話整緊，其間仲要見到Waitor拎住All day breakfast比左第二枱客，中間有一兩枱客遲過我地落單都食完走埋！講真我等左30分鐘時都提左個Waitor已經比多次機會等多20分鐘都仲未有！到12:15我都唔想再等，就同Waitor講取消個All day breakfast，因為屋企人都食完。之後先上個All day breakfast比我，等左成個鐘！個經理佢地都整左，咁free個all day breakfast比我，其實都無意思，本身都想取消。浪費我既時間！以後唔會再幫襯！

呢日同同事你食嗰Tea,想為繁忙嘅工作氣氛打打氣，嚟到呢間店，都被到呢一種放鬆嘅感覺。呢間店主要以灰色系裝修，裝修清新有格調。枱係白色雲石枱，我哋今次坐梳化位，坐得都好舒服。黑松露軟殼蟹意大利粉軟殼蟹香脆蟹味濃，意粉彈牙，唔會煮得太淋，個醬黑松露好香，菇味好重，正~煙三文魚凱撒沙律加配炙燒五花腩片沙律清新可口，去買麵包粒食，好有口感。煙三文魚煙燻嘅鹹味，配沙律食，剛剛好。多士烤得香脆，好香牛油味。炙燒五花腩片好厚，脂肪均勻又入味。黑松露蛋黃醬薯條薯條夠粗，外脆內軟，同黑松露蛋黃醬，簡直係絕配，令你食唔停口。焦糖香蕉窩夫蜂蜜窩夫鬆軟有口感，暖暖地甜甜地，配上香脆面嘅焦糖香蕉，同雲呢拿雪糕同餅碎食，好好味！

休閒的星期五假期下午5點左右，最喜歡就是吃一個early dinner，而今次選擇了大家絕不陌生的Beans，完全不用等位之餘，居然還有 ‘午餐＆下午茶’ 餐牌選擇，非常適合追求飽肚的我；而且現可用QR Code 自行下單，非常方便。🦀黑松露軟殼蟹意大利粉 $89外脆內軟的軟殼蟹剪開了一半，方便進食，很貼心；份量都頗多，還有很多菇，雖然每條意粉都沾上濃濃的黑松露汁，但除了第一口感覺最強烈，之後就不會，所以吃完都不算很膩。🍕千島醬蟹棒蟹籽帆立貝薄餅 $92推薦👍每塊薄餅上都有一粒帆立貝，配料及醬汁都十足，面層再舖滿拉絲芝士，再以脆口餅乾做底，此配搭很match，口感十分豐富。🥣牛肝菌湯 (跟餐加$40)非常濃郁及足料，不是湯，是糊😂，每一口都很有飽肚感。🍠蕃薯條 (跟餐加$30)即叫即炸，比薯條偏硬身，外脆內軟，而且本身帶點甜味，不用點任何醬料都非常可口。跟餐免費餐飲🫚熱黑糖姜母茶選擇少甜後，姜味偏濃🍋熱檸檬蜂蜜蜂蜜味濃，有多片檸檬，覺得太甜可以自行調較味道另外，轉飲［我想與你無所事事］任何飲品，可享減$8優惠。

BeansMenu 有不少選擇，all day breakfast，沙律、特色burger、意粉、牛扒、小食如雞翼、薯條，當然有精美既蛋糕。Q R code 落單，方便易明而可以customise。今次點了羽衣甘藍藜麥沙律同埋彩虹拉鐵。沙律材料新鮮，份量啱女士，拉鐵可以在QR code 選擇少糖、全脂奶或燕麥奶。餐廳一向保持食物質素！今次特別欣賞在門口迎接既那位姐姐，很親切！餐廳擺放了一些不同香味的消毒噴霧，姐姐自然的介紹，香味很清新，為用餐體驗昇華。加分！🤩

颱風之後都係熱辣辣，匿埋係商場就最好了，但行得耐就會搵地方休息下，5點左右，諗住去Beans尼間人氣餐廳博下，因為無論早餐、午餐定晚餐都大排長龍，可能我地早咗少少，等咗差不多10分鐘就有位，真係太好了🥹同樣可以用QR code 點餐，今次點了：1）蟹膏甲羅燒黃金蟹肉🦀意粉🍝 - 淡淡嘅鹹蛋🥚黃味，蟹膏唔鹹2) 黑蒜🧄機燒鮑魚🦪蜆肉🥠意粉🍝 - 有微酸，磯燒鮑魚🦪好冧3) 卡邦尼煙肉🥓闊條麵 - 味道正常.卡邦尼濃郁4) 黑松露軟殼蟹🦀意粉🍝 - 好香黑松露，軟殼蟹🦀好脆5）黑松露醬薯條🍟 - 薯條🍟炸得香脆.黑松露香燶餐飲🍹點了套餐嘅美式咖啡☕️同檸檬蜂蜜🐝賣相好靚，好味😋😋😋🚶🏻‍♂️👉📌Beans 🍽️地址：將軍澳Popcorn2 1樓 F95舖

這間Cafe 在將軍澳區真心人氣爆燈，相信不會有一個將軍澳人會不認識！因為你每次經過，都會經常看到大排長龍，坐無虛席！尤其是晚市時間，多數都要等位，所以叫佢做「超人氣Cafe」真的不過份！但到底這種「排隊現象」係「實至名歸」？還是「虛有其名」呢？就等我去探個究竟啦！餐廳主要西餐為主！中午走「文青 Cafe」路線，加上透光大玻璃，給人一種舒服的感覺！晚上環境則偏暗，加上一個個好似「月亮」的球狀燈飾，又顯得挺浪漫！食物方面：千島醬蟹子帆立貝薄餅黑松露醬薯條白松露醬烤肉眼扒卷。山政小山園整體來說：餐廳環境氣氛一流，服務員也很有禮貌，加上食物質素很好，是值得你去排隊的餐廳！

慢煮紅酒牛脷燉得好入味，加埋紅酒嘅香，味道更加豐富有層次😋香煎龍蝦汁闊條麵嘅龍蝦同醬汁好夾，每啖都有濃濃嘅海鮮香氣。闊條麵煮得啱啱好，加埋龍蝦汁，味道更加濃郁😍食完一定會滿足到你嘅味蕾！

⭐️All day breakfast⭐️今日放間，休閒咁去餐廳吃brunchAll day breakfast包括了黑松露炒蛋🥚、香腸、煙肉🥓、烤蕃茄 🍅、等等。好豐富，食完成個下午都好飽個set最特別係有冬甩形🥯既pancake⭐️黃金蟹肉意粉⭐️呢個意粉有個蟹蓋做裝飾，打卡一流😍除咗打卡，呢個意粉味道好濃郁，充滿蟹肉嘅味道🤤蟹肉份量都唔少🦀🦀 食完好滿足除了食物之外，呢間餐廳的環境非常舒適好岩放假去食 brunch☺️

《高質人氣大排長龍cafe🤤 品質保證🫶🏻》1. 車厘茄馬蘇里拉芝士薄餅 ($98)薄餅厚度適中，外脆內軟，芝士味濃郁，可以拉絲，分量大小啱啱好，整體都好好食！🌟 評分: 8/102. 安格斯牛肉漢堡 (8oz) ($168)漢堡包偏乾身，唔夠鬆軟。安格斯牛肉嘅肉質正常，不過煎得7成熟幾好食。醬汁方面，如果再多啲醬料會Juicy啲。薯粉新鮮炸起，keep到一直以來嘅水準！🌟 評分: 7/103. 黑松露醬薯條 (跟餐價: +$28)每次食beans，我都一定會加呢個黑松露薯條！🍟因為餐廳嘅薯條好少可返炸，同埋炸得外脆內軟，再配上黑松露醬係絕配！🌟 評分: 8/10🎖️整體評分🎖️❤️ 味道: 8/10🧡 環境: 8/10💛 服務: 8/10💙 性價比: 7/10✨Beans📍將軍澳唐俊街9號PopCorn 2 1樓F95號舖#hkoverfood_將軍澳

排大隊都係值得既beans將軍澳呢間舖成日都排長龍，如果唔想排隊就要早啲去食先得！🦀蟹膏甲羅燒黄金口蟹肉意大利粉 🍝9/10呢間餐廳嘅蟹膏甲羅燒黃金口蟹肉意大利粉真係太好味啦❗️第一啖就可以感受到濃郁嘅蟹🦀味同燒烤香氣，令人垂涎欲滴。意大利粉🍝都煮得剛剛好，彈牙又不會太軟爛，好適合配合蟹肉同蟹膏嘅濃郁口感。蟹肉鮮甜多汁，帶有微微的甜味，配合蟹膏更加添豐富嘅味道。燒烤嘅味道令蟹肉更加濃郁，同時又帶出蟹膏嘅香氣。每一口都可以感受到這種絕妙嘅組合，令人回味無窮。蟹肉嘅鮮甜口感同蟹膏嘅濃郁滋味絕對係呢道菜嘅亮點❗️總括而言，呢款蟹膏甲羅燒黃金口蟹肉意大利粉絕對值得一試❗️🥩烤肉眼牛扒配鮮忌廉薯蓉 3/10首先，我要提到肉扒上菜的時候已經不是很熱的問題🧊。這對於一道熱門的肉扒菜式來說，確實是讓人有點失望。其次，肉扒🥩明明是五成熟，但口感像是十成熟一樣韌🥵。這絕對是一個令人困惑的問題😨。最後，鮮忌廉薯蓉給整道菜式增加了豐富的口感，濃郁滑順，呢道菜唯一好評😛。🍓士多啤梨慕絲蛋糕 🍰10/10呢個士多啤梨🍓慕絲蛋糕真係好正💯！首先，士多啤梨慕絲層次分明，每一口都可以感受到鮮甜士多啤梨嘅香味🍓，令人心曠神怡。

Weekend瞓得晏喺附近食個brunch我叫咗個焦糖香蕉all day breakfast我叫咗配窩夫窩夫有配到糖漿同cream焦糖香蕉非常好食焦糖夠脆皮炒蛋同煙肉就不過不失另外仲叫咗個carbonara上面有啲黑松露醬撈埋一齊食，好好味每個餐都陪咗一杯嘢飲我哋到咗檸蜜已經叫咗少甜都仲係好甜😂