荳子 (PopCorn 2)

「BEANS」的分店有不少，其中一間就在將軍澳的 PopCorn 2。常常經過的時候都看到門口有人排隊，忍不住想試試。晚餐時段需要等候，大約等10分鐘，都可以接受。用餐環境亦頗舒適，不過從梳化座位看得出歲月痕跡🤔主食加錢可以點湯品，選了 🍄牛肝菌湯 (+HKD 40)入口質地濃稠，喝起來幾濃郁且有一種焦香的味道，頗重口味。🐙羅勒香草醬原條八爪魚鬚闊條麵 (HKD 238)八爪魚鬚的外層帶點微焦的香氣，咬落很有彈牙感，並不會韌。掛滿羅勒香草醬的闊條麵，味道清新而不膩，還有堅果香。吃的時候也可以擠點青檸汁，增添一抹清酸能提升味道的層次。🇮🇹香濃腐乳忌廉海鮮意大利飯 (HKD 128)這一道料理融合了中西元素，吸滿醬汁的米飯帶有軟糯的口感，濃厚的奶香與腐乳獨有的發酵味道亦恰到好處。另外再加上鮮蝦和彩椒，為這份濃郁增添了平衡感。🐑摩洛哥燉羊膝 (HKD 238)羊膝燉得幾入味，配上醬汁來吃都幾惹味。肉質算是軟嫩但不是一切便能骨肉分離的程度，仍然保有咬口。另外配上烤馬鈴薯、薯蓉等一起吃，超有滿足感。飲品方面，除了咖啡/茶，還可用優惠價點另一間茶飲店的飲品。若是對茶飲沒興趣，也可以用 HKD 28 的價錢將餐飲升級成橙汁暢飲。🥤法蘭西芝士奶蓋鴨屎香青茶 (HKD 22)轉了果仁香氣突出的開心果奶蓋，加上無糖的青茶，喝起來很不錯。🧋是諗但泰式珍珠奶茶 (HKD 22) 可以選微糖不會太甜膩，這杯還有法蘭西芝士奶蓋多添一層奶香。最後，還加購了 Cheeseful Moment (+HKD 30)是濕潤濃郁的朱古力蛋糕和細滑奶香的焦糖布蕾甜品組合。整體甜度偏高，與朋友分享會更剛好。…查看更多

因為餐廳很近自己屋企，網上讚賞很多，所以難得放假去試吓他們的早餐，怎知道換來一肚氣。手機落單點了豆乳通粉，然後侍應走過來話冇晒豆乳通粉，企喺我隔離叫我換，咁我記得menu好似有個牛油果Toast，咁就換啦。因為原本order杯黑糖薑茶係唔夾，所以我問可以換杯奶茶嗎，佢話冇奶茶，咁我就叫佢可以換杯紅茶跟奶，咁佢話可以，咁咪換啦。咁等咗陣，多士到咗，味道還可以，但食哂份多士，茶都仲未到。催促咗兩次，侍應返轉頭問我落咗單未，都算啦，咁咪再等啦。期間仲要不斷有人攞錯單攞錯攞食物過嚟，又話我嗌咗其他龍蝦湯之類嘅嘢，混亂到不得了。好啦，最後杯紅茶嚟啦，咁咪飲完快啲走啦，但係最後埋單竟然杯紅茶要加$15，咁我問侍應點解會加$15，佢話係呀，跟餐紅茶係要加$15 㗎，咖啡，黑糖薑茶，檸蜜之類先免費跟餐。我問佢點解頭先改單又唔出聲，我原本杯嘢飲係唔使加錢個喎，咁佢又冇答我…..最後呢個餐食咗差唔多$70, 只係多士跟一杯紅茶，大家覺得抵唔抵呀？咁嘅service咁嘅價錢，我就唔會再去啦，…查看更多

整體來講不錯！甲羅燒黃金蟹肉意粉 - 呢個真心推！蟹肉鮮甜，同個醬汁超夾，每啖都食到蟹肉嘅鮮味，意粉煮得剛好，忍唔住食晒成碟～冬陰海鮮沾麵 - 整體唔錯，麵彈牙，海鮮足料。芝士薯條 - 正常發揮，芝士醬都幾香，不過同其他菜式比就冇咁突出。羽衣甘藍沙律 - 估唔到個沙律汁咁出色，清新得嚟帶少少酸甜，同羽衣甘藍好夾，解膩一流！開心果拿鐵 - 堅係濃開心果味！叫咗少甜都覺甜，不過鍾意甜飲嘅朋友應該會中意。再總結：我哋會再食！…查看更多

約了朋友慶祝生日，本來擔心會像香港大部分食肆一樣限時交枱，但可能那天是平日，餐廳不算極繁忙，所以雖然曾有客在門外排隊，餐廳也沒有催促我們交枱，最後我們從6點多坐至收舖。食物方面，我們點了三款不同口味的 pasta， 分別是牛舌柚子汁沾麵、鮑魚蜆肉白酒汁意粉 和蝦子汁大蝦意粉，另了焦糖蕃薯條和每人加了飲品和蛋糕， 都很好味和食材質素高。店員聽到我們有人生日，還主動免費其中一件蛋糕， 最後每人平均消費200 元，性價比高！服務方面，店員都主動有禮，尤其是店舖經理和店員Henry特別落力，招呼週到。…查看更多

BEANS有好多分店，呢間就第一次嚟。早餐喺0800-1100供應，夾到時間就抵食好多。點咗素食早晨全餐，可加錢加選其他食物同升級飲品，彈性大。素食早晨全餐：$62；有香烤粟米、焗芝士南瓜蓉大啡菇、牛油果、羽衣甘藍、蛋（1隻；可揀煮法）、焗香草蕃茄、酸種吐司；食材豐富，擺盤吸引，各款食物的調味恰到好處，基本上都見到食物原貌，感覺健康；味道方面，牛油果颜色靚，熟度剛好；焗香草蕃茄食落多汁；焗芝士南瓜蓉大啡菇軟腍帶汁，南瓜蓉口味清淡，有芝士但唔膩；羽衣甘藍新鮮，冇草青味；酸種吐司係搽牛油再烘烤，而電子落單系統冇明確標示，想走牛油最好直接同店員溝通雜菌：+$10；強烈唔建議加選，佢隱沒喺烤栗米下，份量極少，煮法係清蒸/白烚，冇調味；「雜菌」好似只得2款菇同少量菠菜鮮奶拿鐵：+$15；咖啡味淡，以全脂奶沖調，入口濃厚，但主要係鮮奶味美式焦糖芝士蛋糕：透過App登記成為會員，喺生日月惠顧，向店員説明同出示身分證，可獲贈1件貨款蛋糕，份量大，優惠非常吸引！店員了解蛋糕存貨後表示有2款可以揀：（1）美式焦糖芝士蛋糕；（2）開心果芝士蛋糕，各$45/件。芝士蛋糕濃厚、結實，質感近似紐約芝士蛋糕，味道可以，焦糖面甜甜地，令增加味道的層次；蛋糕較「漏」，建議配忌廉食，入口濕潤、好食啲。餐廳位於商場，方便、易搵。呢間分店的環境同其他Beans分店差唔多，佈置簡約、乾淨、清爽；服務麻麻，侍應較忙，冇主動俾水（雖然已斟定並放咗喺出餐位置的檯面）。價格尚算合理，早餐人均消費$70-100（視乎會否加選食物同升級飲品；朋友以$10加咗香腸，有2條豬肉腸，而我加選的雜菌就好唔抵）。生日月不妨嚟多幾次~…查看更多