茶點

營業中

休息中

復活節期間去左大埔玩，途中搵到一間台式小店食午餐。時間大概12點，外面都有唔少人等緊， 不過大概15分鐘就可以入去醫肚。呢間小店叫做茶點，雖然佢空間細少少，但勝在服務質素好。睇完餐牌後，我同友人點餐叫左雞絲米線同肥牛米線，而餐飲就叫左珍珠奶茶同蜂蜜綠茶。食物同餐飲都幾好味，唔會太濃味同太肥膩，而且分量都唔少。見到有其他特色小食，不過太飽食唔到。今次埋單都係90蚊有找。 而家香港少左好多有風味同人情味既特式小店，下次黎開大埔會再encore。

平時好少會去大埔既我，去到都唔知食咩好，就打比住新界既朋友仔，問佢地大埔有咩好食，佢地就介紹左呢間茶點比我，話係大埔人既飯堂。茶點係食台灣野既，飯餐大約$50，唔算貴，仲包一杯台式飲品。我叫左肉燥+雞翼飯。雞翼入味，唔會得浸雪味，而且好大隻，好抵食。肉燥唔係正宗台式口味，不過佢加左D蒜容係入面，食落個味又幾夾幾得意。叫多左個炸豆腐，炸到卜卜脆就梗係好食啦，不過味道就真係淡左D，可能加番D味落去豆腐先炸會好D。

那天2點去大埔中心辦些事，路經茶點，我去吃下午茶餐，但其實我未吃午餐㗎。因有些肚餓，所以沒揀那些軽食下午茶，揀了鹵肉飯+珍珠奶茶醫肚，也是應該最地道台式食品！已經知道下午茶餐份量少，不過珍珠米白飯比較濕和比較涼凍咗扣了分，鹵肉味道是ok嘅，珍珠奶茶正常的！整體普普通通，不過此店也有捧場客，希望它們能留意保持出品質素！希望它們進步，因我都是支持小店！

前一日先係大埔墟熟食中心搵食完, 今日近近地就係附近搵食就算. 見到有間食店食台灣野同友人就決定入去試下.. 店舖細細大約有20人左右既座位,講真座就唔會太舒服, 但又唔會好迫已經好好. 我地未夠12點已經入座, 但入面已經差不多滿座,應該街坊生意多. 我地2個人各點左麵餐包一杯珍珠奶茶; 友人點左鹽酥豬扒配米線; 我就要左個肉躁撈麵 喜歡這店既珍珠奶茶, 珍珠煮得剛好有咬口又不會太淋, 甜度對我來講適中唔會太甜 至於食物就好一般. 米線同撈麵煮得有點過淋, 鹽酥豬扒亦似普通炸豬扒幸好炸得唔會太油夠脆身; 反而肉躁就夠入味用來配撈麵 整體上食物都算唔錯, 一般麵/飯餐都係四十幾蚊已包一杯珍珠奶茶, 咁又真係算抵食. 地址: 大埔安慈路1號海寶花園7B地下

突然想食台灣野，但又好驚又食到難食既～坊間實在充斥太多好求其又難食既台灣小店～飲品係死甜，肉燥得咸味個隻～但朋友介紹呢間台式餐廳，見到都幾多人排隊，決定一試！叫左個台式肉燥鹽焗雞絲飯，份量大碗，肉燥有臺灣風味，惹味之中帶點甜，拌飯不錯！雞肉都夠嫩滑，但唔係我想像中既雞絲，佢應該係雞塊或雞肉，偏大件～個午餐包一杯飲品，可以揀餐牌𥚃全有飲品～另外可以加＄13追加小食，今次加了個油菜～好甜喎，應該係用上湯灼的！飲品點了一個熱飲，龍眼杞子菊花茶！足料好飲唔太甜！相信女士們都會喜歡！有驚喜！

由中學時代已經在這間小小食店吃飯，吃的就是種熟悉的味道。到長大後也不時從這兒買外賣回家吃，但在這間新店堂食也是第一次。環境小小，可是很舒適很乾淨。今次點了個肉燥飯，味道濃郁，很多很多肉燥。隨餐點了百香果紅茶，也是香香甜甜的。另外點了鹽焗雞絲米粉，別看它看起來好像清清淡淡的，其實也是濃濃的味道。隨餐點了蜂蜜山渣茶，賣相漂亮，味道相當開胃。請注意！這店的味道是較咸的喔，較適合喜愛濃味的食家！提外話：跟店員要了一杯水，最後竟然來了杯常溫水加冰！

中秋佳節，跟好友初次踏足大埔，欣賞海濱公園花燈，也四圍覓尋美食。<茶點>是地道小店，雖然餐牌上的選擇不多，但套餐價錢十分大眾化，因為突然心癢癢想喝珍珠奶茶，便入內光顧了。肉燥飯絕對是招牌推薦，肉燥豬扒飯乃我的首選，我們也追加了炸豆腐(套餐+$13)，內心靜靜期待著。肉燥豬扒飯的豬扒有5大塊，配上惹味的肉燥，看見已經十分心醉。煎豬扒軟腍，不會太油膩、熱氣；肉燥的份量很多，令每口白飯也添上滋味；滷蛋香滑，沾上甜甜的肉燥汁，簡樸而美味。最特別是點配豬扒的蒜蓉甜醬，為豬扒添上不一樣的蜜甜。豬扒飯整體不錯，如果可以多加生菜或茄子作伴菜，感覺更有營。炸豆腐炸至外脆，內裡仍保持濕潤，口感厚實，可惜餐廳没有提供點配的醬油。我們用了點配豬扒的蒜蓉甜醬，結果出乎意料的合襯。珍珠奶茶是套餐免費附送，奶味香郁，茶味甘香濃甜，珍珠粒粒Q彈、有咬口，不是杰身粉團，味道不錯。總括而言，茶點是抵食的地區小店，食物味道不錯，如果餐廳能囊括更多特色台式美食，選擇更多元化，客人的回頭率更高。

近近地落大埔覓食，成日經過哩間小店，多數都因為俾隔離D大招牌同放題吸引住，所以埋唔到佢身，今日終於入嚟。店面很小，眼見約20個坐位，同隔離嘅陌生人被迫親近，香港地。。。寸金尺土明架喇，所以都唔好意思影內部。試台灣店必嘗香芋珍珠，說實話顏色唔吸引，香芋味有但唔香，只可評Ok魯肉飯味道不錯，肉汁份量都夠，同嘢飲一樣有味但唔香。跟餐少食炸燒賣，貪得意一試，炸得香脆，但男朋友就嫌佢炸過太乾身。跟燒賣個汁係鼓油加李x記蒜蓉嘅味，都幾特別嘅。前菜比較後來上，一食。。。個味好熟，哦～咪就係方才果個蒜蓉豉油味囉～夾落雲耳都可以，但重覆嘅味道，又點會令吃貨返轉頭呢？哩個小店雖然食品質素仍有進步空間，但價錢比隔離食店更貼地，啱較實際嘅食客。

如果係上水/大埔既老街坊一定會對仙茶居好有印象仙茶居係小公主中學時代最鍾意既食肆之一不過自從上水開始變左水貨之都之後呢D街坊小店就愈黎愈少早排有朋友話我知，大埔有間台式餐廳就正正開左係仙茶居以前個位 (以為上水同大埔都有分店)而且味道同食物都好相似一聽到呢個消息，小公主即刻去試一試肉燥鹽焗雞絲撈米呢個係我細個最鍾意食既Lunch之一雞絲好嫩滑，一d都唔鞋而且味道有少少咸咸地，唔錯肉燥就比較差，一黎調味唔夠二黎似落左生粉，而唔係煮成咁杰同以前一樣，佢會加少少蒜蓉比你撈所以食落會有一種特別既香味不過可能米粉太多同唔夠乾身撈起上黎有d淡肉燥豬扒飯鹵蛋好入味，個蛋黃會化開咁，正豬扒唔會好多油，而且好乾身，肉質唔老最好既係佢切埋比你，好細心朱古力吐司以前無咩蜜糖吐司呢個朱古力吐司就係我地幾個同學仔既tea time最愛吐司烘得好香脆，朱古力醬比得大方諗到都好想再食呀雖然我唔知呢間店同仙茶居有咩關係不過食物既種類同味道都真係有7成相似其實食物唔差，係個肉燥比較多進步空間店員好有禮貌同好主動如果你同我一樣好懷念仙茶居不妨黎試下搵番回憶中既味道

茶點的前前身是仙茶居，已經是我小學時期的飯堂。不過升中後消失了一段時間，無記錯應該是這一兩年才在原址重開。重開後改名為日月居，近幾個月裝修再改為 - 茶點。以前的菜式依舊在，但烹調手明顯不同，醬料亦比以前進步，味道更野味。下午茶餐 ( 直至六點 )炸芝士脆條( $37 連飲品)有圖有真相！拉得出來而又不斷的芝士，並不是每間食店可以做到，茶點絕對是能夠做到外脆內軟。 全日供應炸雞翼飯 ($37)另加炸豆腐($7)看似平平無奇，但雞翼炸得非常出色、非常香口，有食完再想食的感覺。炸豆腐味道普通，但沒有乾身的感覺。每個飯一定會跟一個辣汁，本人不吃辣都非常喜愛。其實辣的程度非常小，絕對是在小朋友都可以接受的範圍內。所以與其說是辣汁， 不如說是一個調味料。 跟餐額外加了杯蘋果綠茶($7)味道一般，個人認為可以加多小小甜

與女朋友晚上930pm才晚飯，找了這間簡樸的荼屋試試，點了朱扒飯及兩杯熱飲。兩杯熱飲不錯，但令人意想不到的是這個簡單的朱扒飯，選用珍珠米飯味好軟硬適中，朱扒鬆軟，有豬肉味(不是冷藏味😄)，感覺平平無奇，但內郤令人驚喜，好味，這間店晚上很寧靜，給人安心談天說地舒適的環境，一杯暖暖的熱飲，在冷冷的天氣中給人溫暖的感覺。😊😊

星期日最鐘意去屋企附近既小食店食個tea過一個輕鬆既下午！小店之前裝修左一段時間，重開返實左太好啦！好驚大埔又會少左間台灣小店下午兩點就有下午茶供應，今次點左之前未有提供既小食︰蜜糖窩夫(牛油蜂蜜味) 小店有多種口味提供。但我怕太甜而且想試原味，所以揀左牛油蜂蜜味。跟餐點左杯百香果綠茶。蜜糖窩夫有兩小塊，食落有蜜糖既甜亦都有微微既咸牛油味，唔會太甜。可惜係有少少乾，但下午茶黎講已經不錯。百香果綠茶不過不失，但不得不推薦一下呢度既珍珠，係屬於煙”un”型！鐘意食珍珠既朋友可以試下！炸燒賣亦都係我朋友最常點既小食之一，佢話一定要配埋個蒜頭辣椒油黎食會更好味！

住大埔多年都未發現有台式小食😦，可能我比較專注西餐😆吧！ 本來想去食金莎格仔餅，但是因為廣告效應太多人了😨，所以再四處逛逛！ 無意間發現有這間台式小食😀😀，等了差不多三分鐘便有位😄😄！剛好二時十五分，可以試一試他的下午茶！點了一個台式肉燥飯及一個鹵水蛋🍜🍱🍚🍛外加了兩杯凍飲🍵🍵一杯是阿華田珍珠，另外一杯是胚芽珍珠！😛😛肉燥飯真係好肉燥！很好味道！但是加葱好像有一點怪怪的😢鹵水蛋很好 ，蛋白已經入了味，非常好味！可惜胃只有一個，未能試他的鹵水雞翼，下次吧！😁 飲品方面亦不過不失，但種類不及於台式飲品店！ 不過大家應該支持小店，讓他們可以繼續生存下去！🙆🙆