茶館

營業中

休息中

味道系唔差，但由夜晚6點38分落既Order，7點50分先送到系咩一回。我好奇條魚係咪太過生猛 游走左捉唔實 定系重系到釣緊 可以等咁耐。第二，當員工將外賣送到，我晦晦氣地 咁講  ‘’ 咦 過左一個鐘 咁耐既？‘’ 個老女員工 就答我 ‘’唔關我事 ，唔好同我講 你同佢地講。‘’我心唸 我都知應該好忙，咁我洗唔洗落去同所謂既 ‘’佢地‘’ 講？

茶記雖不是我的飯堂，但偶爾也會挑選一間幫襯。今日嚟到石硤尾，見這間茶記幾精緻，不如來試試。入到去才知它絕不細少，用了綠色及木作主缐，頗為時尚，連燈飾也精挑細選，不錯。只是因為疫情關係，不透明的夾板影響了景觀。我抵達時已過了2點，連下午茶都有供應，選擇很多，飯丶麵丶小菜丶漢堡包及熱狗都有。我叫了和風义燒麵套餐（$52），它可揀辛辣麵丶讚歧烏冬丶或出前一丁，套餐有火腿蛋多士及飲品，多士亦可選厚多士或蒜蓉多士。我選了辛辣麵及蒜蓉多士。和風义燒果然用日本义燒，有兩大片，亦幾厚身，比好多拉麵店厚。义燒以廋為主，只有少少肥，食落啖啖肉，好味。拉麵煮得彈牙，無過時，义燒加埋辣辣地的拉麵，好夾。👍🏻👍🏻👍🏻滑蛋火腿多士都是一般茶記水準，蛋不夠一些出名食肆(如澳洲牛奶公司）幼滑，但亦不過不失。蒜蓉多士焗得香，有蒜蓉味，ok!檸茶也是正常水凖，不澀口。

因為工作關係，偶爾也會來這裡吃午餐，不過這次，我不是在平日前來，而是在假日裡獨自到來吃午餐。 絕對是健康敵人，令人又愛又恨的港式經典「乾炒牛河」是我這天的午餐選擇，河粉色澤雖欠了點深濃，味道可還是夠的。牛肉份量也足夠，加上銀芽、蔥與紅蘿蔔絲，仍能讓我把它吃得一點不剩。一大碟「乾炒牛河」，加一碗「青紅蘿蔔例湯」和一大杯「鹹檸七」，把肚子填得滿滿的。飽餐過後，可以加班工作了。

下午茶時間經過石硤尾邨😯無意中見到間裝修好靚嘅餐廳👍🏻所以決定入去試吓一入到去員工就即刻過嚟探熱 帶位🙈完全唔洗等👀我哋雖然兩個人👐🏻但係職員見到有卡位都俾我哋坐😼唔洗咁逼下午茶餐牌種類非常多😉價錢亦都相對便宜👌🏻嗌左個芝士磨菇釀雞中翼配烏冬🥤仲有紅豆冰😋個雞翼有超多芝士同磨菇👍🏻非常足料🤞🏻紅豆冰啲紅豆都好淋😼係好食嘅下午茶走嘅時候收銀都好有禮貌😉整體來講係一個罕見裝修靚價錢平又好食嘅屋邨茶餐廳🔥下次都會嚟👍🏻👍🏻👍🏻

食過呢度嘅早餐，麻麻哋，好記得個雞扒炸到又乾硬又冇味，但估唔到晚餐水準差天共地！茄子炆倉魚超級大碟，由於係是日晚餐嘅其中一款，連埋白飯例湯都係$74，份量足夠兩個人食。魚新鮮、茄子好好味，唔會好油或者過鹹。例湯係青紅蘿蔔，味精重手咗少少，不過係跟餐送嘅就算，放棄不可惜。單叫咗個蜜椒薯仔牛柳粒，又係超級大碟，結果食唔哂要打包。佢用即磨黑椒，寧舍惹味。不過有少少過甜，同埋太少汁有啲乾，但整體味道都唔錯。會再嚟！

近呢個幾月，換咗個新人做收銀，打去叫外賣由最初唔熟甩甩咳咳，到衣家講嘢無尾音，招呼、早晨都唔多講⋯咁趕客，真的食少左！好掛住之前個收銀。嘢食就普通茶餐廳，正常嘅

今日下午行經這間茶館， 2人行很快便有搭枱位，不過同桌食客好明顯不想與人同其他人坐，但無奈嘅午饍時間開始都冇得揀。回歸正轉，我們叫了一個午餐C 同H ，即係涼瓜牛肉飯及豬扒烏冬，配羅宋湯及茶。首先說説羅宋湯，侍應說d 湯會好辣，點知原來一d味都冇除了咸味，好明顯係溝淡左，所以有d失望，唯有寄望涼瓜牛肉飯，一吃之下都叫比較正常，豆豉有豆豉味，涼瓜有涼瓜味，牛就淡牛肉味不過完全是各有各味道，另外d飯比較硬，也沒有飯香，所以我也要很努力地去吃完碟飯。而豬扒烏冬內的豬扒還可以，但個紅蘿蔔最好切細件d，因為1/3 條蘿蔔斜切之後整條放上碗，是很難進食的。今次d食物唔吸引，所以冇影相。

Today 同girlfriend 試新嘢呢間嘢開咗唔係好耐架啫 叫茶館我以為係飲茶 其實係茶記一般茶記嘅食物環境衛生麻麻 地方唔夠乾淨我地係食咗兩碟嘢 lunchtime 黎價錢係街坊價粟米斑腩飯味道麻麻地唔稱得上好食 普通粟米湯味道溝成嘅汁斑腩幾件咁啦海鮮炒烏冬賣相好差差地好似求其一大碟再炒埋一碟咁味道一般 同埋佢好似放到凍晒咁烏冬比較硬嘅冇乜料嘅都 份量唔算多 但夠食叫多兩杯嘢飲好似冇餐但雖然冇餐加埋嘢飲都唔駛六十嘅但整體麻麻新開個地方已經痴泣泣

最近市面慘淡，經過呢間裝修幾精緻嘅茶餐廳，試下入嚟幫襯早餐，點咗一個咸牛肉蛋包餐，只係三十蚊，但係包身軟綿綿，蛋汁嫩滑，咸牛肉足料 ，味道出乎我意料之外，覺得很有水準，值得再嚟幫襯。

平常已經少同細佬妹食飯，都喺一年幾次嘅生日飯、做節飯，如單獨個別食就更少，不過，今晚就同細妹「撐枱腳」，因為有啲嘢交收，加上老婆上堂，小弟無飯開，索性交收完，一齊食埋飯先散。就番佢，當然晌番石硤尾食，佢建議嚟呢間「茶館」，咪睇個名以為賣茶為主，其實只喺間茶記，不過，新開唔耐，室內嘅裝修新簇，環境又光猛，眼見亦有唔少街坊幫襯，但冷氣唔喺好夠，感覺有微微侷促。座位旁插住啲餐牌，首先睇睇喺個「精選晚餐」嘅餐牌，主要喺啲小炒套餐，賣$54-$72，跟例湯及白飯，但唔包嘢飲，另叫有半價。結果，「精選晚餐」嘅選擇我哋兩個都唔啱，因為細妹都嚟過食嘢，所以，佢就鍾意個「撈一丁麵」餐，可選配唔同嘅配料，仲包埋火腿炒蛋多士及餐飲。吉列豬扒撈一丁麵餐 $52好快上咗碟火腿炒蛋配蒜蓉多士，睇個樣大概都知個炒滑蛋唔算好滑，而件蒜蓉多嘅蒜粒烘到濃晒，我就無試到味，但個賣相就肯定唔太得，細妹嘅評價喺普通。而個撈丁選咗XO醬，但無諗過啲一丁煮完就咁放晌碟面「風乾」，而啲XO醬則就咁撻上面，所以，等到細妹食完份炒蛋多士，啲一丁真喺好似「乾晒」咁，撈好耐先撈得勻啲XO醬，味道OK嘅，但處理上有啲敗筆；而件吉列豬唔得，細妹

新開茶餐廳，menu 多選擇，中西日餐都可以揾到，而且經營時間長，肚餓都可以黎醫下肚既。#椰汁紅豆冰(左) ，跟餐加$8。椰汁好香，唔會好甜，紅豆佔左成半杯，好滿足。#芒果椰子奶，跟餐加$6。非常甜，唔推薦。#豬排配沙律 $40本身叫雞扒，點知落錯單，比左豬排都算，豬排好乾，又簿又細塊，成個餐份量較少，個人覺得唔值$40。#咖哩牛腩飯 $52咖哩唔算好辣，牛腩煮得幾淋，而且唔會好多肥膏位，份量都OK ，仲有根位。

假日早上自然醒後，去食個悠閒大早餐先區內的五十嵐變身茶館，係一間茶餐廳區內搵食又多個選擇店舖面積都夠大裝修都新穎嘅～～啲座椅同檯襯晒色咁走木系路線，呢區好少呢種裝修style的餐廳餐廳裝修唔錯，有悠閒的感覺價錢都算親民最平唔洗$30，選擇都夠多平過區內翠x一大截我們2人都點了A餐1. 仿鮑片絲通粉+煎雙蛋（熟蛋）+烘底牛油多士（加$1）+熱holic =$302. 五香肉丁出前一丁（加$4）+芝士腸+煎一隻熟蛋+凍奶茶 = $37店員勁快手，嘢食勁快到，唔洗2分鐘已陸續上桌芝士腸、煎熟蛋、牛油多士、凍奶茶正正常常，叫熟蛋都有煎熟，唔流心已叫OK好多餐廳我話要熟蛋，出到嚟都唔係嘅五香肉丁麵算足料肉丁唔係三兩粒，都有大大粒7、8粒，五香肉丁唔洗加錢，份量又夠算好好出前一丁就要+$4另外個餐係仿鮑片絲通粉+熱holic通粉係茶餐廳用開嗰隻通粉除了鮑片絲，仲有幾粒粟米點綴吓厚身嘅通粉，我鐘意佢唔會烚太淋湯唔口渴，早餐清清地幾好我呢個餐要了煎雙蛋（熟蛋）+烘底（+$1）多士烘底做得幾靚，金黃色嘅上桌時仲見到半溶的牛油，明顯塊多士是即烘叫熟蛋都有熟蛋多士係平時啲方包夾住2塊包中間冇茶嘢嘅烘得脆卜卜

行入門口，無一個職員帶位。等左一陣先有職員問幾多位，然後明明有雙人位，但不停叫行啦行啦去入面，坐埋一邊，叫你同人搭枱。問左幾次呢度咪有雙人枱，先好無奈咁講坐啦。其他枱坐底就有水，我地要叫先有。水杯又洗唔乾淨，有好明顯污跡。落單果陣職員先講有一版餐單全部都賣晒，又要重新揀過，明知無又唔一早講。落左晚市套餐，湯同飲品（另付）都上左，但個飯等極都唔上。等左26分鐘，問個職員，話要等埋一齊煮，咩事，無其他人叫係唔係就唔煮。又等左一陣，再問職員，個職員又問其他職員，先有職員問豆腐賣晒轉支竹得唔得，過左成大半個鐘先話無材料。終於等到上菜啦，支竹雜菌各幾塊，班腩兩塊，火腩（勁大舊肥肉）六塊，份量咁少，收$72，貴到呢。因為新開黎試一試，唔會有下次。

新開，大家都係貪新鮮，今晚父親節去試下，8點去到等左半小時有位。4個人叫左4個小菜：魚香茄子肉鬆煲、啫啫雜菜煲、生炒骨 & 椒鹽豆腐。食到中途仲叫左個 豉椒排骨炒河外賣。飲品半價。加$8 有白飯 & 例湯，上晒菜先同你講今日的例湯無晒，當時只不過 8 點幾，吹到啤一聲，但都係照收$8。如果佢一開始落單前就同人講無晒例湯，我地會走人去第二間食，因為附近有2，3間食小菜的餐廳，白飯 & 例湯都係跟小菜送的。魚香茄子煲味道 ok , 算係咁多個小菜最好味的一個，但份量少到 ...... 茄子大約只有10 件左右。啫啫雜菜煲，不知所謂 雜菜呢？成煲野只得菜心，都算，仲要係老到有渣咬都咬唔郁。上菜時 d 菜亂七八糟...... 飛晒出煲邊都唔執返靚仔一下，一睇就知道係炒完就咁扔上個煲度。講真，做餐廳上菜就算唔求靚仔最起碼都唔好飛左出煲邊囉 ...... 生炒骨，炸到太老，外皮有點兒硬，味道可以。椒鹽豆腐，可以接受，醬汁要問先俾。豉椒排骨炒河最後取消左。中途叫的，但食完晒小菜都未到，問佢，佢話頭先無落單，依家落返即刻整俾你。等左3、4個字，再催佢，佢話廚房煮緊好快有，好，再等下唯有，再等左5分鐘