茶豆冰室

見到呢間喺美荷樓附近嘅連鎖茶餐廳，環境企理又多卡位，除咗街坊仲有內地遊客幫襯，諗住食個早餐，點知係中伏嘅開始⋯⋯食物賣相望落正常，但全個早餐最好味嘅，竟然係塊加$2嘅烘底方包🍞。太陽蛋雖然做到半熟流心效果，但完全唔香，似唔係用鑊煎出嚟咁。至於個五香肉丁米粉更加係災難，個湯淡而無味，完全唔似應有嘅味道😣。杯咖啡☕️都係一言難盡，難飲到令人印象深刻，好難得一個早餐可以每樣嘢都伏成咁⋯⋯食物質素真係不敢恭維，應該唔會有下次。…查看更多

海南雞飯好難食，啲雞俾啲雞骨，間唔中有少少肉，$55嘅海南雞飯得個6舊雞，仲要係細嘅，大部分都係骨，仲有啲不知所謂嘅花生+菜，極不推薦！難食到爆！賣相都好差，一上到黎，唔講仲以為係廚餘，啲雞似係斬剩嘅料，掃埋一碟，跟住加啲花生，加啲菜，咁就一碟海南雞飯上俾我......啲菜又係冇味嘅，凍嘅，飯又係無味，凍嘅，成碟飯唯一好食係啲花生......好難想象我得到嘅係一碟海南雞飯，唔講我以為係啲師傅要攞去丟嘅廚餘垃圾添…查看更多

茶豆冰室Chatto Cafe-深水埗北河街134-136號銀河大廈地下B號舖愛上吃德國咸豬手之旅，源起是一次與小絲去了宜家傢俬的餐廳吃他們的德國咸豬手，一試就愛上了。之後的日子裡都吃過不同食店的德國咸豬手，自已偏愛是外表是黑椒味，脆皮+肉是帶咸味的。有一次再去令我愛上德國咸豬手的發源地宜家傢俬餐廳，己經沒第一次試的時候好吃。因為肉欠缺咸的味道。今次給我找到一間在深水埗的茶記竟然有德國咸豬手，而且價錢很便宜，那就當然要Call埋小絲飛去試試。這裡的鐵板餐若鐵板上菜是要加錢，很奇怪的設定。我是點了餐之後才知道，若點餐前知名我必定會加錢要鐵板上，因為鐵板對於鋸扒來說都幾緊要。肉眼扒+什菜沙律+凍飲($83)因為不是鐵板上，所以賣相真的是大打折扣，甚麼氣氛都沒有了，這個肉眼扒太薄了，只是早餐牛扒厚些少而已。最眼突的是那個什菜沙津，根本就是茶記的沙津，薯仔+紅蘿蔔+沙津醬。好像在吃下午茶餐似的。幸好大愛仁慈的小絲說味道都不錯那就算了。而且還漏了給我們洋蔥汁，當晚客人已不多，但仍有漏單的情況，真不知員工在做甚麼工作。德國咸豬手(半隻)+薯條+凍飲($83)目測咸豬手的份量很足夠，食的時候份量真的很足夠，而且還有不少配料，非常飽肚。但這隻咸豬手味道不太足夠。肉身沒有味，咸豬手應有的咸味都沒有。膠質很足夠，但皮不脆，不是我期望的咸豬手。幸好有黑椒汁配咸豬手來吃。阿偉食價：價錢雖平，但出品，服務都是一般。推介指數：6/10…查看更多

在此區試盡不下百間茶餐廳，諗唔到都會中伏中到應一應！怪只怪忽發其想、想轉下口味試吓啲新嘅，就一行四人行咗去石硤尾村附近，開頭想入大X活食，點知入到去食山人海，揾個位都好難跟手走過去斜對面渣豆茶座。惡夢就係咁開始了，首先叫咗四個下午茶餐，沙嗲牛肉蛋麵、餐肉蛋三文治、奶油豬仔包、雞扒包連同餐飲。出餐時間正常，第一個出場係奶油豬，見到人造牛油仍然是膏狀的，已經唔講佢啲牛油唔掂、但竟然連朱仔包最基本嘅外脆內軟都做唔到！摸落去只微暖的所以牛油仍是凝固着。第一個失敗☹️之後晦氣亞姐擺低咗碗清淡如白開水的米粉上面放着煎蛋，然後佢好燥咁講冇晒沙嗲牛肉、你哋揀咗第二樣啦！咁我哋就再點豬頸肉，過咗一陣，晦氣姐擺低咗碟好唏噓嘅豬勁肉，睇上去死灰一遍，毫無血色、睇見都唔想食！第二個失敗😔到最後嘅餐蛋治叫冇咁衰，只係啲麵包比較乾同硬少少，第三個失敗🤪，但比較起前面嘅驚嚇呢啲算係咁啦！最後冇出事嘅雞扒包係正常嘅，真係還得神落😅所以解釋咗點解呢間餐廳有咁多位剩低，隔離就坐無虛席。下次都係唔好三心兩意、貪新鮮感係要付出代價㗎！😫…查看更多

深水埗美食多，行到攰攰地搵下間企理舒適入去叉下電先「茶豆冰室」啱我心目中的要求，就入去醫肚先😉午餐、下午茶款式有好多選擇午餐包個餐湯(羅宋湯)，雜菜幾多，最緊要係個湯又夠熱德國咸豬手配薯菜 $57中午有得食「德國咸豬手」的地方真係好少有咸豬手幾大隻，外層彈邨、內裡嫩滑，性價比高凍檸檬茶，茶底夠香濃，檸檬🍋厚切波浪紋薯條新鮮熱辣，好耐無食過粗薯條🤭小店採用獨立包裝的茄汁，衞生度值得加分吉列魚柳都幾大塊，魚質嫩滑天花多光猛，並採用木製吊扇，配搭合宜下次再試埋「金牌鹽焗雞」先…查看更多