茶豆冰室

營業中

休息中

比狗食嘅食物，根本個廚師冇用心去煮，啲食物真係差到極點，員工態度又極差，唔明點解仲可以開咁耐，員工態度對人懶理，根本就唔用心工作，可以揀冰室嘅老闆應該又係差唔多咁嘅人，都係唔會用心嘅人，正所謂上樑不正下樑歪。

今日中午十二點，我同媽咪嚟到貴餐廳食飯。點完餐後，我哋慢慢享受美食，食完都已經係十二點十五分鐘左右。媽咪去廁所期間，我坐喺度等佢，點知侍應生竟然接二連三過嚟騷擾我！首先，佢哋二話不說就收走晒我枱面嘅餐具，連我未飲完嘅水杯都想拎走！我忍唔住問佢哋做咩，佢哋竟然反問我：「你哋重有幾耐先走？」語氣極不耐煩，彷彿我哋阻住佢哋做生意！我明白餐廳繁忙時間需要翻枱，但係我哋並冇霸佔座位，只係合理時間內用餐。侍應生嘅態度極其惡劣，完全唔顧及客人感受，令我哋感到非常不受尊重。貴餐廳嘅服務質素實在令人失望，希望管理層正視問題，改善員工培訓，以免趕客！

食物非常難食，服務非常差。點咗一份公司三文治，但係佢用腿蛋治加餐蛋治，扮公司三文治。同嗰度嘅姐姐講，佢話公司三文治係咁樣，好心唔好當人哋係傻先得㗎。講多幾句，可能連自己都心虛，先至俾咗兩塊蕃茄嚟，但係嗰兩塊蕃茄個樣都唔新鮮，最後我都冇食。如果唔知咩叫公司三文治，就唔好寫呢個菜式出嚟，仲要死拗。餐蛋治加腿蛋治就話喺公司三文治，喺度欺騙觀眾，根本就係唔想整，蕃茄呢？芝士呢？生菜呢？叉燒呢？以後唔會再去幫襯，不推薦。

【大埔區】【茶豆冰室】去到太和，個人有啲攰，唔想行太遠，就喺火車站附近搵嘢食。我就對飲食冇乜要求嘅，唔太過份嘅話基本上我都會容許啲餐廳蒙混過關。畢竟香港地生意難做，租金奇貴，都好難要求性價比每次都咁高，我好同情飲食業架。因此我寫 foodie 嘢嘅時候好多時都寫得溫和過溫和達，而喺選材方面更加唔介意食一啲好平凡嘅餐廳。縱使被人詬病為「茶餐廳 foodie」，但亦有唔少讀者講返我嘅餐廳選擇夠親民、夠貼地，亦都有效反映出現實情況會係點。鋪墊咗咁耐其實都係為咗講我喺太和街市求其搵間茶記食咗個 $50 嘅「常餐」，希望大家都支持啫。主食幾特別，可以揀 1+2 嘅餸，我揀咗「雞扒」加「五香肉丁」同「煎蛋」配「米粉」，味道正常，茶餐廳係咁上下水準。不過佢個配菜冇奄烈，得件「厚多士」，正正常常。飲品方面，最近公司加咗我人工，所以我有勇氣加 $3 飲「凍杏仁奶露」，略嫌有啲淡口。埋單價 $53，都冇咩好講，不過晚市佢哋都多人食客飯小菜之類，睇嚟係唔差嘅。。。（地址：大埔太和路12號太和廣場地下太和市場T-TW01號舖）#1amfoodie #foodie #hkfoodie #thatfoodieth

今日難得去太和街市買餸煮下飯仔～～見到太和街市入面新開左間餐廳～～買餸前就走去食d野醫下肚仔先～～以茶餐廳冰室黎講～～呢間野都算裝修得幾靚仔🤵‍♂️坐得舒舒服服啊～～去個時間都幾多人食下～～點左個招牌咖喱牛腩飯食，好快有得食啦～～個咖喱🍛真心勁正，又夠香又夠濃，非常之好味～～牛腩唔會un炆得剛剛好，配埋薯仔食最正啦！見佢地夜晚重有d鹽焗雞，雞煲咁樣，下次如果懶唔想煮飯等我又試下佢好唔好食再報告下先😉

買咗一份魚柳早餐，從未試過食嘢係食咗兩啖食唔到落去，杯華田真係冇得輸，係我飲過最淡嘅華田，慳到咁但仲要唔係特別平，等又等得耐過人，整個早餐等成25分鐘，樓面話因為多人堂食所以要等，忠告唔好食魚柳。

一直經過太和去游水嘅時候，都見到茶荳冰室嘅招牌，今日專登去試因為唔係咁熟路，所以唔識去；於是上OpenRice去搵佢地址，一睇之下，竟然一個食評都冇。原來佢喺街市出面第一間餐廳。見到個招牌咁靚，基本上我都非常有信心。去到啱啱趕得切21:30 last order，侍應都超級服務態度好，完全好關注我嘅需要，想搵水嘅時候，已經行過黎問我想要乜叫咗個茶餐，居然有邪惡嘅豆士靚魚同五香肉丁加炸雞扒平時我都冇乜食多士，但係佢呢度都做得好好，濕度同趣身都攞到平衡豆豉鯪魚同唔香肉丁交足功課，不過塊雞扒就比較平凡少少整體來講$50 ，絕對冇詐型原來佢依度仲有打邊爐，非常好