茶茶Go

營業中

休息中

台式飲品在旺角的選擇實在太多，每次都會㨂一間未飲過既，偶然都會遇到伏店，一係就太甜，一係就無乜味，一係就味道太假，今次就比我搵到間味道好心意的飲品店。飲品選擇眾多，如果揀來揀去都揀唔到，可以參考下本季最Top銷售榜，我今次就試吓春滿金旺鳳梨，問番店員，原來呢杯係配四季春茶底嘅！另外，我仲叫了兩客店員推介的紫菜肉鬆小貝同蟹皇肉鬆小貝。春滿金旺鳳梨🍍- 比想像中好飲，不太甜，甜度挺合我的口味，仲食到大量小碎粒的菠蘿肉，配上四季春的淡淡茶味，非常清甜和解渴。紫菜肉鬆小貝和蟹皇肉鬆小貝 - 其實望到個配搭，肉鬆+美乃滋醬+戚風蛋糕，已經知道難食極有限，一拎返屋企已經比屋企人一人一舊搶哂黎食，果然真係好食到完全唔夠喉，下次要買多幾盒。

今日去旺角逛街，夏天到了，疫情放鬆了，可以肆無忌憚咁飲奶茶！經過登打士街茶茶Go，同朋友一起嗌左店鋪招牌飲品：逮丸芋頭1號和2號，雖然價錢貴左一點點，但勝在份量足，甜度適中，對於我哋呢啲想飲又怕肥人群講，會是種好選擇！而且珍珠和芋圓煙煙韌韌，有嚼勁，還唔會太甜。底部有份量勁多綿密滑溜啲芋泥，搭配鮮奶，口味杠杠滴！成杯飲哂，勁寶肚！白玉珍珠奶茶：可以調試甜度，嗌左少甜少冰，白玉珍珠同逮丸芋頭1號珍珠一樣，唔甜又有嚼勁！奶香味濃，味道都不錯！

平時最鍾意去旺角登打士街附近掃街🤩😍食完啲街頭小食之後點少得整返杯台式手搖呢🤤🤤肥仔必飲囉！呢間喺旺角登打士街街嘅台式手搖店除咗有唔同款嘅台式飲品之外，仲有好多特色嘅蛋糕甜品😍例如最熱門嘅盒子蛋糕同紫菜肉鬆小貝🤩見到都好想食呀！🌟京都抹茶玉露 (凍/ L) $30呢杯好有驚喜！因為十間手搖有九間嘅抹茶都係冇乜味同勁稀…一係就加到勁甜🥲但呢間好好飲！我哋叫咗半甜，佢飲落去係好濃厚嘅奶味，而且抹茶嘅濃度啱啱好，唔會太苦，亦都好易入口💚飲落又唔會好甜🤤真心有驚喜呀！🌟逮丸芋頭3號 (凍 / M) $45呢杯簡直係肥仔之選🤣🤣滿滿嘅碳水🥰芋泥同珍珠差唔多佔咗半杯，撈埋之後每一啖都係芋泥同珍珠🤣超肥！但好鍾意呢杯嘅原因係因為佢嘅芋泥同鮮奶係融合得好好👍🏻芋泥唔會搞到一嚿嚿，飲落去好smooth💜而且芋泥味道天然，唔會係死甜嗰啲！同埋佢嘅珍珠係黑糖珍珠，煙靭得來充滿着黑糖味😍好飲呀🤤🌟芋泥肉鬆盒子 $42一場嚟到點可以唔試佢嘅盒子蛋糕呢？呢個芋泥肉鬆盒子蛋糕係佢哋嘅招牌之一，個人覺得佢份量已經算比網店嘅大一點，最上層係肉鬆，跟住有一層慕絲忌廉，然後就係大量芋泥同海綿蛋糕🤩大大啖食落去，口感十足🤤忌

想要更多食物推介 follow me on openrice/instagram👉🏻@joyceous.tummy 👈🏻 🤑約$50 🪑方便take away 👍🏻 有個密封好嘅包裝 盒子甜品個盒都可以重用♻️ 店內有少少櫻花做裝修 🌸Ⓙ 楊枝芋露白珍 $40 🧋呢個幾特別 比較少係其他茶飲店見到 👀未飲就見到有幾個層次 有楊枝甘露 而且用左白色珍珠 而唔係最常見嘅黑色珍珠 楊枝同芋露個味都好夾 楊枝有少少酸酸地幾開胃 芋露就帶d飽肚感 整體口感豐富😋😋 Ⓙ 黑糖伯爵 $36 🍰見得番最後一盒 所以決定試吓 而且伯爵味無得輸 👍🏻 珍珠就分開另一個樽俾 可以自己控制加幾多珍珠上面 🤪 伯爵味濃 幾creamy 中間有少少蛋糕layer 唔會太甜❗️店員溫馨提示要即日食完👀另外見佢仲有其他盒子甜品 好似豆乳盒子（都係得最後一盒）/芋泥肉鬆盒子/紫菜肉鬆小貝

登打士街不嬲多野食1點幾買前面都排左兩三個人但好快就落到單想食呢間係因為見到有賣芋泥同其他小食而且啲野飲好多特別款紫菜肉鬆小方紫菜+肉鬆不嬲係完美組合中間仲夾左醬令到個口感濕潤啲芋泥肉鬆盒子芋泥控會很喜歡既一款甜度很適中加埋底層蛋糕一齊食層次會豐富啲個盒子都算重手所以可以同朋友一齊share 冇咁飽肚咁就食得落其他款啦本身仲想飲芋泥飲品但朋友話已經有芋泥盒子就想叫其他最後職員推薦左黑糖珍珠奶茶話係賣得既款珍珠煙韌彈牙一路飲都仲吸到珍珠黑糖好夠味食完咸咸地既肉鬆小方飲呢杯岩晒

茶茶go在我的打卡list內良久，不過一直未有時間到訪，今日放假終於有機會一試店內的選擇頗多，有奶茶系列，雪見沙的豆奶冰沙系列，奶蓋跟果茶，及咖啡也有此外還有肉鬆小方，豆乳盒子跟芋泥盒子等小食服務很好，細心也肯幫客人更換食品出品金皇芒果雪見沙$35 走糖豆乳冰沙系列，入口超順滑也沒有豆那種怪怪的味道，芒果🥭用上果肉跟糖漿混合，走糖後微甜這個很易入口，滿推薦的泰式奶凍冰沙$34走糖在順滑泰奶的底下加入同樣順滑的奶凍，既有些口感又不會像珍珠般煙韌，走糖後也還是微甜，好吃春滿金旺鳳梨$36果茶系，有真芒果🥭肉，忘了走甜所以有點太甜，但底調還是清新的紫菜肉鬆小貝$38四塊肉鬆包內含奶油，外層味道是還不錯的，可惜裏面沒有太多奶油，欠了一些衝擊新潮系 茶飲+肉鬆小方店

星期六去買左三杯水果茶 一盒紫菜肉鬆小貝 一盒芋泥肉鬆 咁一開始問個Tb咁既樣既女店員 黑口黑面 講野又未講得正 帶口音 問問下入左廚房唔理我 咁都算啦 番到屋企 啲水果茶難飲到傻 水果都爛爛地 又甜又苦 唔知咩味 到食果盒小貝 打開有隻細細地既小強屍 跟著即刻揼晒啲嘢 唔敢再食 永遠唔會再幫襯依間垃圾鋪 懷疑藍店扮黃 請大陸人 🤬旺角最垃圾鋪頭

呢間舖頭可以話喺旺角最旺嘅一帶 週末人流真係非常之多呀 附近好多小食 飲品 呢一間我覺得做得好特別呀 同埋有啲特色嘅台灣小食 飲品價錢 不會太貴 好有質素 所以一定要支持 佢嘅甜品有芋泥 肉鬆等等 台灣口味十足 試咗佢 店內暢銷嘅:紫菜肉鬆小方 $38 係海綿蛋糕加上佢哋個特色醬仲有紫菜同埋肉鬆 感覺鹹鹹甜甜好 特別 好好味 仲可以同朋友share 一共有四件 飲品:逮丸芋頭2號小芋圓 $45感覺都好台灣 有芋泥同埋小芋圓 唔會太甜 好有咬口 黏黏地好正 啱曬我呢啲鍾意 鍾意食芋圓嘅朋友 另外 我都係一個芒果愛好者 咗就點咗去嘅金煌楊枝甘露 $36係由新鮮芒果打成沙冰 啱曬熱辣辣嘅天氣飲呀 裏面仲有蒟蒻 啫喱等等 好解渴 以後行過旺角都真係好想去幫襯下

呢間啲蛋糕盒子好多出名，每次經過都總有人排隊！本來諗住去試下，點知4點幾已經賣晒蛋糕😣有少少失望唯有試下飲品🥹地方位置都幾方便，近油麻地站～而且款式都比較多，除左奶茶水果茶類都仲有芋泥味既飲品😋🧋真岩燒黑糖鮮奶 $32黑糖味濃，珍珠又彈口煙韌，甜味岩岩好😋🍹若葉百香玉子 $36即係百香果茶～百香果味濃酸酸甜甜的，茶味就相對無咁多🤓📍茶茶Go (旺角)旺角登打士街43P-43S號鴻輝大廈地下9B號舖

「品嚐旺角美食之旅：旺角茶茶go的必試美食」旺角茶茶Go是一家以茶飲和甜品為主的連鎖店，位於油麻地地鐵站附近。店內裝修簡約時尚，氣氛舒適。茶飲和甜品的品種繁多，價格也相對實惠，非常適合年輕人和學生。茶飲中，他們的珍珠奶茶是最受歡迎的，這次我試了松印桂花烏龍，茶味濃郁清新，非常好喝。甜品中，他們的黑糖珍珠伯爵茶盒子蛋糕是不容錯過的，蛋糕鬆軟，黑糖珍珠軟糯有嚼勁，伯爵茶cream清香幼滑，搭配起來完美。總體來說，旺角茶茶Go是一家性價比較高，品質不錯的茶飲和甜品店，是旺角／油麻地地區的不錯選擇。

呢間查查go 已經開咗好幾年，之前飲過覺得佢啲嘢飲好足料，今次經過旺角分店又叫左兩杯第一杯係抹茶奶凍冰沙，首先呢個杯好大，沙冰打到好碎，飲洛口有啖啖的抹茶味，唔算超濃郁，但都溝得幾好。佢嘅奶凍係好似豆腐花咁樣，好滑。另一杯係金煌芒果酸奶，呢個係新出嘅系列，酸奶味都好充足，成件事加埋啲芒果都好夾。一樣佢啲沙冰打到好碎好容易入口，唔經唔覺就飲晒全部我見到佢間舖頭，仲有其他蛋糕系列，但因為我太夜去 所以已經賣哂🥹🫣

店名：茶茶Go地點：旺角登打士街菜式：飲品，小食餐牌：冬季限定飲品，鮮果歲時記，牛乳入茶，果物芝士舞霜，原葉芝士舞霜，奶凍入茶，厚奶雪見沙香港限定產品，黃金比例逮丸芋頭，咖啡（可以加料，選擇冰量，甜度）。食品方面有各款盒子，另外都有蛋糕，可惜今日無貨。逮丸芋頭1號白珍珠 $45逮丸芋頭係招牌飲品，有3款配料揀，我揀左1號白珍珠，即係原味珍珠。甜度係固定，不過完全唔會過甜，下底係好多綿密滑溜芋泥，伴有唔少煙韌珍珠，原味唔甜，健康d，上面有鮮奶。成杯野飲唔甜，都好飽肚。檸檬若葉梳打 $29梳打係新品，檸檬味味道天然，酸甜味適中，氣唔會過多。包原味爆珠，份量好多，係口入面爆開好過癮。草莓蜜 $42草莓蜜係果物芝士舞霜系列之一，超大杯，係鮮紅色上面有芝士蓋，飲落天然酸中帶甜，而且仲有鹹香芝士味，多重味道，好飲。膠袋要加錢，記得自備啦。

上星期去旺角掃街，見到有呢一間茶飲店有我想試好耐嘅紫菜肉鬆小方，一於買黎試下。紫菜肉鬆小方 (4件) $38第一次試肉鬆小方，一盒有4件，面層係肉鬆紫菜，包住入面就係兩層戚風蛋糕，中間夾心就蜂蜜，口感豐富。蛋糕口感鬆軟，每件上面都有滿滿嘅肉鬆，味道鹹鹹甜甜，好味！😆巴斯克芝士蛋糕 $42原來佢地仲新出咗巴斯克芝士蛋糕，嗰日有朱古力味。蛋糕食落去朱古力味好重。草莓雪沙 好重士多啤梨味，唔會太甜，有啲似飲緊士多啤梨奶昔。

係旺角行街行到口渴經過一間台式飲品店叫「茶茶GO」鋪面細細但好多飲品選擇😍仲有特色小食😆正呀⭐️春滿金旺鳳梨：以四季春茶底加埋鳳梨肉及鳳梨汁🍍啖啖都飲到鳳梨肉😋夠晒凍又唔會太甜非常清新解渴😊⭐️逮丸芋頭2號：勁多芋泥 甜度剛剛好2號係小芋圓芋圓煙煙韌韌好有口感🤩鍾意芋頭同芋圓的朋友 一定要試下👍🏻⭐️黑糖伯爵盒子：以伯爵茶忌廉整成嘅蛋糕面頭鋪上珍珠一齊食蛋糕非常香軟熟😙忌廉唔會好膩粒粒珍珠好有咬口😁非常特別既甜品

係旺角行開街 見到呢間 茶茶go 唔止因為佢寫係台灣開過黎 之外佢啲芋頭系列仲好吸引添！叫左兩杯野飲同一個芋泥盒子第一杯係楊枝芋露黑珍 （$40）睇個名都好新奇當然因為入面有芋泥我先叫啦入面仲有埋楊枝甘露味沙冰，配埋黑珍珠好多層次 而且估佢唔到係夾既平時芋泥鮮奶嗰啲飲得多會膩，佢完美balance返 另外一杯 春滿金旺鳯梨 （$36）呢個唔會伏既果然係top 3 之一清清地既茶底 配新鮮既果肉唔係syrup 既假甜死甜味夏天飲應該仲好解暑！仲有最後芋泥肉色盒子（$42）面頭有好足既肉鬆，唔係hea你然後有層cream 有少少芝士味 鹹香味再係一層綿綿嘅芋泥 ！ 大滿足！最下面嗰層軟綿綿嘅海綿蛋糕夾埋一齊食鹹甜鹹甜嘅配搭唔錯呀芋泥控行過旺角記得試呀！