茶舍 (儲金閣)

營業中

休息中

收左工唔想煮飯係屋企樓下食算了去到堂食都幾full，見都多人等位，就轉叫外賣，選擇都算多，total叫左2個焗飯1個炒飯等左大約15分鐘咖哩牛腩焗飯（$58）拎到返屋企都仲熱辣辣，咖哩味濃，味ok，牛腩就比較多筋位，除左牛腩，仲有薯仔同熟蛋，飯比較濕菠蘿鮮茄三層芝士焗豬扒飯($58)飯比較濕，乾身d會好d，面頭好多芝士，番茄十分足本，豬扒都夠大塊，份量足蒲燒鰻魚炒珍珠米($68)鰻魚份量幾多，甜甜地，味道不錯飯中加入不少冬菇絲、粟米、木魚碎珍珠米加入左蒲燒鰻魚汁，濃淡度控制得不錯外賣嘅飲品有Starbucks 嗰種杯托裝住，好穩陣，拎到返屋企都無倒瀉，檸樂係俾一罐可樂同一杯檸檬冰咁，啱晒食完濃味野飲

大埔新開 長長方方 個座位設計簡單直接 一個內圍長方形加一個外圍長方形 內圍全卡位 外邊就彈性座位設計👍🏻整體來說 視覺效果舒服 樸實無華早餐時間尼食 都keep住多人香煎牛扒$45配丹麥包焗流心蛋自選雙拼意大利蕃茄濃湯通粉雞扒米粉 熟焗流心蛋香草雞扒 $40煙肉 熟蛋配丹麥包鮮奶滑蛋三文治$30三文冶烘底🙈別有一番風味如圖所示 極厚蛋 爆蛋三文治 🥪抵食足蛋鮮奶炒蛋係滑d 口味一流 同朋友外賣拎去野餐食🙊蒜香豬扒$48熟蛋 炒滑蛋 配 丹麥包蒜蓉味豬扒 味道岩岩好 唔會太咸 有厚度就有味道 食豬扒最怕薄切 呢間算係有誠意茶舍大埔大明里12-14和18-19號儲金閣地下A舖

呢日去開大埔行山，行之前梗係食返個早餐補充體力。平時少去大埔，見呢間新開茶記靚靚仔仔就入去試下。有梳化坐係舒服嘅，叫咗個扁意粉早餐。比較特別係落咗雜菌仲要係雞扒切粒嘅雞絲，可惜味道都係普通鹹鹹地嘅味，意粉都煮太淋。其他丹多火腿炒蛋係正常味道，熱齋啡夠熱嘅。合格嘅茶記早餐啦，夠大份填飽俾我行山嘅。見佢menu 有得食甜品蛋糕咁，可能蛋糕先會係比較有驚喜嘅嘢？坐住梳化歎茶食件蛋糕都好似chill chill 地嘅，有機會經過大埔先再諗lu。

早前經過大埔墟發現譚仔三哥旁邊新開一間茶餐廳，門外不時大排長龍，外賣自取預先用手機下單省卻等候時間更加方便。雖說是茶餐廳但店內環境寬敞明亮，裝潢簡約舒適得好比咖啡店，下次有機會定必再到訪堂食。食物款式於早餐、午餐、下午茶及晚餐各有不同，但中式、港式、西式、日式料理包羅萬有，定能滿足所有人喜好。蒜蓉汁香草雞扒滑蛋包飯 ($48) 雞扒煎得皮脆肉嫩，惟滑蛋略微過熟可再更加嫩滑。照燒汁鰻魚滑蛋包飯 ($60) 鰻魚肥美肉厚並燒得略帶焦脆，照燒汁加上木魚絲別具日式風味。三層芝士焗鮮茄牛脷飯 ($58) 舖滿芝士味道香濃，雖比較油膩但菠蘿加上茄汁酸甜自然，牛脷更每件厚切份量十足，肉質軟腍得有如忟牛面頰肉一樣。意大利栗子法式布朗尼 ($26)及柚子芝士蛋糕 ($21)加配價每件只需$16，前者栗子蓉香甜綿密，當中更包住鮮忌廉及朱古力蛋糕層次豐富；後者質感軟滑並混有粒粒柚子肉酸甜清爽。

多元化 好多選擇既茶餐廳今日系大埔經過呢個餐廳 裝修好光亮 都幾吸引顧客 見到佢入面都唔粉人 即管去試下叫左三樣野1）蒲燒鰻魚炒珍珠飯 $68用咗珍珠米，所以每粒飯都粒粒分明👍🏻搭配左柴魚片，上枱時都仲郁下郁下haha食落去略嫌鰻魚汁唔太夠，唔太夠味鰻魚份量適中最入味既應該就系d菇 ~~2) 黑椒汁美國安格斯配薯條🍟 $88五成熟，切落去唔會太韌，有少少血煮得岩岩好👍🏻不過略嫌唔太有牛味有沙律做底 油膩同清新嘅感覺可以一齊融合 所以食落都唔會話太有罪惡感薯條有少少驚喜，新鮮熱辣炸出，佢唔同麥當勞炸出嚟嘅薯條，佢嘅炸法有啲唔同，幾香口，唔錯👍🏻3）火箭菜煙三文魚pizza建議火箭菜可以剪細條啲，因為一大條就似分開煙三文魚pizza同火箭菜兩樣嘢，好難一次過食 , match 唔到入去不過佢Pizza就新鮮即焗，同埋佢個煙三文魚都幾厚，一大塊！有啲驚喜套餐配兩杯飲品 熱華田&凍央最後埋單$224 免加一如果下次我會試佢其他嘅焗飯會比較好，因為傳統茶餐廳食中式嘢應該會好啲

叫咗個忌廉野菌烤雞皇扁意粉，我竟然係白汁意粉入面見到芫荽。其實知唔知好多人唔食，什至好憎 。既然加咁重口味既調味，你個名應該加埋芫荽兩個字，我知我一定唔叫！（可能我見識小唔知白汁會加芫荽..）都算…完全無味…係真係無味…好似用滾水淥完直接加芫荽。意粉淋就意料之內，因為好多餐廳都係咁。然後食左兩啖就頂唔順走咗！我咁大個女未試過難食到食兩啖就走人，都好小難食到特登走上黎講。新開都搞成咁，我覺得自己煮仲好食🥲加油啦下🥲

經過大埔墟，見到間新開嘅茶記叫「茶舍」，見到新開裝修都唔錯，諗住去試下個早餐，點知好失望。餐廳都係用「QR CODE」落單，我地點咗個鮮茄午餐肉通粉$38配炒蛋火腿丹麥酥包凍檸茶+$3🥚炒蛋火腿丹麥酥包火腿炒滑蛋都還可以，丹麥酥包就正正常常。🥤凍檸茶完全無茶味，淡如無味。🍝鮮茄午餐肉米粉午餐肉粒粒厚切，鮮茄湯好淡微酸，米粉冇味。朋友點咗個🍝白汁粟米雞肉扁意粉，個湯底都係偏淡。☕️茶走又係勁淡，好似唔用鍊奶用淡奶咁。總結：冇下次。

在假期經過時，正好看到以前中心點的位置換了間新餐廳，之前來旁邊的所以甜時就留意到了……我還記得那滲汁的心太軟。既然經過了，就試試吧。我是11:30左右進內，當時店𥚃已經坐滿了人，不過一個人來倒不用等很久，這就是單身的好處。這裡可以用手機點單，不過不明白為何要分午餐AB，明明一點分別的用處也沒有，查找起來特別麻煩，而且沒有照片，點餐時最好跟著餐牌的照片。這是我等了20分鐘的菠蘿鮮茄三重芝士焗豬扒飯（$56），味道不錯，就是豬扒不如照片大，另外那些飯很軟，就像珍珠米一樣沒口感，如果飯硬身一些會更好。這個冬陰公雞肉比薩（$68）我足足等了40多分鐘才來，可不只有我是特例，我對面的情侶也等了半小時才來，叫比薩的人要有心理準備。這個比薩我是不建議的，不只是等待時間，這個比薩除了有股冬陰公的酸辣味外，還時老樣子的菠蘿蘑菇洋蔥芝士栗米，沒其他冬陰公的地方，不如叫冬陰公醬雞肉比薩更合適。還有上頭那根草真的很礙事，擺在上邊也不好看，甚至有種他們是不是隨便放條草上去算了，還不如放些小香草更美觀，也不會浪費掉，再不然切丁灑上去也行。另外冬陰公跟比薩，比薩跟冬陰公的味道是真的不搭。最後當然是甜品，我怎可能不點

早排見開咗間新茶餐廳，正所謂新屎坑三日香，鬼死咁多人，近排開始冇乜人，又咁啱到下午茶時間就去一試。叫咗個白搭自選（炸魚柳一口西多士，凍奶茶）。先試一口西多，見到所有醬料已經落好晒，好處唔使自己搞，但個口味唔啱/加多加少就冇辦法。食落去其實唔食一口、係一口半（男人口）。如果細3至5成就真係一口！再試魚柳唔熱唔大塊，炸得都ok ，魚肉嫩口，還可以！凍奶茶正常！$45蚊收費，認為偏高，如減去新鋪新裝修（7，8蚊）。在$40蚊樓下就抵食！

坦白講，食物係最最最失敗之處，本來諗住輕鬆食個茶餐，點知啲好簡單既野佢可以攪到唔好味兼偷工減料，食左幾樣野，只有個沙律叫正常，但都係太多醋唔健康，個炸薯條同花生醬西多好似唔用技巧，諗住油炸佢就冇事，佢全部燶哂垃圾哂，麵包邊全部唔駛入口，薯條每一條都炸到好似老麥勁細條果啲得脆冇哂薯味同咬口既質地，個肉醬麵同杯華田又勁孤寒用料極少，真心唔推介兼冇下次會黎食至於其他方面，員工服務態度良好友善既，裝修係美觀舒服既，不過偽Cafe梳化坐得唔舒服，想親自試下既話，坐卡位及普通位相信較好

大埔墟大明里開咗一間新嘅茶餐廳，見裝修都幾新穎🌿所以就過嚟試一下臨近2:00已經有好多人喺門口等下午茶☕️，餐廳入面都已經坐滿晒人坐低其實見到啲嘢食都幾大份，所以都滿心期待😚。我同朋友一人叫咗一個下午茶餐，朋友叫咗個蕃茄通粉配魚柳而我呢就叫咗個牛角包鹹牛肉炒蛋朋友個蕃茄通粉配魚柳份量比較細，名副其實嘅下午茶份量🤣🤣但係都要成$42，凍飲加$3我呢個咸牛肉炒蛋牛角包個炒蛋炒得好滑不過個牛角包就有啲冧身。唔知店舖新開係咪太多人，我覺得個地板就唔係太乾淨，有食物殘渣在地下🫣🫣

路經望落店面裝修唔錯乾淨就去買個外賣早餐返去公司食，由買外賣到食完後得出兩個總結。１。一位年輕女侍應態度好唔友善，可能佢果日心情唔好加上我運氣唔好所以變左佢出氣袋。買個外賣都估唔到要受氣，各位想考驗自已EQ同情緒控制可以去踩線試試。2.我叫左一個早餐返到去打開望落賣相都幾吸引，裡面其中有一塊雞排外面金黃色滿懷期待放落口。咬到一半發覺唔對路愈食愈難咬拎開一睇大半未熟。由於公司同餐廳有一大段距離所以亦無打算再去投訴同拎去換。奉勸如果想挑戰自已個胃同腸道亦可以一試！

新開店，試完一次，無下次。大埔食早餐的地方大把。唔須要在1間新開冷氣不足的cafe, 滴住汗無了期去等水準超普通的早餐。不值得，吃了一肚氣及一身汗。咖啡燶，蕃茄湯淡，及追了2次單。

新開張多人排隊，過嚟試試佢😋n🌟柚子雞翼到九月中like佢哋社交平台page就可以送兩隻雞翼，熱辣辣雞翼，食完有陣陣柚子味👍🏿好食🌟香煎豬扒蛋包飯賣相幾唔錯，可惜爭緊啲汁，下低白飯完全冇汁，變得勁光有啲難入口，豬扒大大塊！味道唔錯。蛋有少少太熟，冇咗蛋包飯滑滑嘅口感。🌟蕃茄芝士焗牛舌超大份，亦都有好多芝士。雖然我冇乜所謂，但啲牛舌個賣相就有啲奇怪😂有脷胎係上面👀 煮得好腍👌🏿🌟芒果特飲俾佢個餐單個賣相吸引到，點知完全冇失望，勁多芒果！超滿足🌟海賊王凍飲杯可能老闆係海賊王fans😂凍飲鐵杯上，正！概括而言，味道唔錯嘢食都OK，唯一缺點上飲品比較慢，吹左兩次先上晒🤔不過我覺得飲補返分，真心推介芒果特飲😋🤤可能純粹會為咗杯飲品而入嚟食😂

第一次光顧食物環境都OK，可惜第二次第三次幫襯水準走下坡。第二次嘅堂食唔得，堂食送嘅柚子雞翼；雞翼入面有血紅色同埋咬到一半肉見到半生熟，唔明點解咁樣都可以拎比客人食。第三次今次外賣食物真係唔得，今次沙嗲牛肉嘅牛肉有微酸🤮😑外賣仲要我等咗九個字有多，外賣只得我一個人喺出面等，早餐食客得嗰三分之一，我眼見佢哋舖頭嘅侍應人數係足夠，但佢哋做嘢真係好Hea，我見唔對路，就入去問吓我嘅外賣得未，我離遠見到佢哋廚房枱，一早已經放咗碗外賣，但我見其他侍應已經喺嗰度都冇人理，淨係掛住出餐，其中一個隻眼望一望我冇理到我，行埋去收銀度企，當時又冇客離開去找數，真係當外賣嗰啲人唔係生意😤！富臨嘅hi tea冇下次冇下次～～