茶舍 (北帝街)

營業中

休息中

南瓜野菌烤雞意大利飯超級好食!色澤好靚,好似食緊南瓜蓉咁咁甜,不過衰在應該唔係用意大利米,似燴飯多啲😂但係味道真心唔錯牛油果龍蝦沙律好好食,龍蝦開左邊好方便食👍🏻龍蝦好鮮同好多膏,配埋酸酸地嘅沙律食好好食好開胃養眼又好食👍🏻

今日試佢地個午餐-蛋黃煙肉卡邦尼長通粉。個粉一啲卡邦尼既味道都無， 啲汁又稀勁似湯咁。個西式粉麵無啦啦加芫荽，淨係食到芫荽味，如果討厭芫茜可以慳返啲錢，簡直不知所謂，完全係垃圾。

每一個周末嘅朝早我都會食茶舍嘅營養早餐A佢嘅營養健康早餐A包括迷你鮮茄通心粉配沙律，仲送一杯熱飲佢嘅沙律非常多菜，而且仲可以選擇2個配菜，而我就非常推薦煎蛋同豬柳，而個迷你鮮茄通粉亦好好味，整體嚟講都覺得好健康，而且又好味，正！

呢間新式茶餐廳原來已經開咗一年幾，之前經過咗北帝街咁多次一直都冇食過，見呢到主打新派茶餐廳菜式，除咗港式味道，仲有日式西式等等，任君選擇😋今日一於喺呢到食個返early dinner🍽️ 5:30pm呢個時間剛剛好又唔使等，仲可以叫到下午茶啲輕食，如果想食飽肚啲亦都可以叫晚餐嘅主食！而且餐廳座位都夠闊落，幾好坐👍🏻(晚餐 set)照燒汁鰻魚滑蛋包飯 💰HK$62 加跟餐飲品(樽裝洛神花茶)+ HK$18呢到最出名鰻魚炒飯，不過見到佢個滑蛋非常吸引，所以都係簡咗照燒汁鰻魚滑蛋包飯😋呢度啲飯主要係用珍珠米，口感粒粒分明，鰻魚同滑蛋都超大舊，面頭仲有一大堆木魚絲同蔥，感覺好日式，好足料👍🏻飲品就簡咗健康啲嘅樽裝洛神花茶，可以解膩消滯。呢度嘅洛神花茶好特別，唔係平時飲落酸酸甜甜嘅感覺，佢似係有淡淡花香味嘅茶，唔鍾意酸味嘅人都可以飲到😉(下午餐set)香烤雞扒包配滋味脆薯條 💰HK$38 加跟餐飲品(樽裝桂圓紅棗茶)+ HK$18一場嚟到梗係要食埋下午茶嘅特色包啦🤩呢個包睇上去好似好硬，但其實食落係好軟熟，包嘅內層食得出係揸咗一層牛油先再拎去烘過的，所以個包一嚟到入邊都仲係暖笠笠，而且有超多千島醬

今日係frd屋企玩，佢成日食，今日第一次試土瓜灣嘅茶舍。d姐姐服務態度好好，點解我屋企附近d茶記係串到爆😂😂😂3個人試咗幾款菜式，其中最令我印象深刻嘅係穀飼牛扒，加埋配意粉。牛扒賣相好好，唔係落鬆肉粉牛扒。煮得剛剛好，咬落去啖啖有汁，肉質鮮嫩。個餐配埋龍蝦湯同沙律，好抵食。另外，鮮蜆白酒煙肉蒜香天使麵都值得一試，屬於健康之選。麵條煮得彈牙有嚼勁，加上蒜香汁同煙肉嘅香味，再加上白酒同蜆嘅鮮甜，口感豐富，令人回味無窮。最後，蒜蓉汁香草雞扒蛋包飯都好好味。雞扒煮得嫰滑多汁，蛋包飯夠熱，蛋身蓬鬆，口感好。配上蒜蓉汁同香草，更加提升咗味道。總括而言，土瓜灣茶舍嘅菜式質素唔錯，抵食同埋有人情味。野食份量大份。

呢一間茶舍位於九龍城近土瓜灣站，鋪仔細細一眼睇晒。食物方面就咁睇同意x餐廳有啲相似，都係行一啲新派茶餐廳路線，除咗典型嘅通粉意粉炒焗飯之外，都加入咗一啲新元素。今次就試吓佢嘅軟殼蟹吐司同埋水果茶。一上堂已經俾佢嘅份量嚇親，軟殼蟹非常大隻，配上蕃茄生菜沙律將相當足料。由於太大個，有啲無從入手，我先夾開咗隻軟殼蟹，一切開相當Juicy，不過外殼有啲淋。軟殼蟹吐司可以選擇跟返薯條或者沙律，我揀咗沙律，佢用咗柚子醋，酸味十足。水果茶以橙汁作為基調，加入火龍果士多啤梨等等，非常Fresh 。小朋友一定鍾意。芝士蛋糕相當抵食。

去左土瓜灣呢間茶舍，都是朋友介紹我去，今次係特登去食的，真係平靚正啊！果然冇介紹錯。首先menu已經好多選擇，有西餐意粉，西冷，港式焗飯炒飯，日式蛋包飯， 鰻魚炒飯， 連pizza都有， 真係想食乜就有乜呀。最後我就揀咗鰻魚蛋包飯 ，老公就揀咗慢煮咖哩牛腩飯，再加多個千島海鮮pizza，連兩杯凍檸茶一杯凍奶茶，食到勁飽！連pizza都飽到食吾晒，打包返屋企啦！先講我個鰻魚蛋包飯，賣相好吸引，啲蛋係流心嘅，而且鰻魚超大嚿呀，價錢先62蚊！超抵，就咁買個鰻魚都唔止啦！煮得又好食，醬汁就好味，甜甜地好開胃！個飯唔係止白飯，係有醬汁嘅，所以食落真係好好食，加上少少日式嘅木耳，賣相一流呀！見到都食指大動呀！回味。老公嘅咖哩牛腩飯，都好大碗，咖哩入面有好多牛腩同埋薯仔，好入味！而且係煲得好諗，見佢都食到津津有味呀，價錢都吾貴，都只係62蚊，晚市呢個價，算好抵啊。最後想講埋pizza，我朋友話必點的，見附近食客都有點到，我地揀 千島海鮮pizza 價錢都好抵先68蚊，而且都好大塊，芝士好多，拉出來有拉絲，而且吾乾，仲有少少軟身嘅pizza底，即叫即整好正！果然冇介紹錯，真係平靚正！

我8:58落單叫美式全餐，足足等到9:25先比到我!我斜對面個先生遲我10分鐘坐低叫餐，轉頭都黎第一碟，我心諗太慢，我叫個待應，想問有未，仲問返我轉頭叫咩，根本連單都未出比我咯!😡😡我趕住9:30返工，上左餐我就用九秒九時間食完佢...

中大伏！揀咗張單人檯，坐低畀夥計要求轉同人搭細檯，但完全冇商量。轉去嘅檯面仲有食物殘渣未清，要要求夥計先肯執。並且完全冇同搭檯嘅人打過招呼，搞好耐。點咗龍蝦燴意飯，一上菜先知唔係餐牌上印嘅圖咁一隻，係半隻！食落就更大鑊，不單止龍蝦有沙，而且僅有嘅一小舊蝦肉完全嚼唔爛，亦冇咩入味，放低舊蝦肉，扒兩啖飯，亦有沙沙嘅感覺，並且發覺飯還飯，汁變湯咁！餐飲點嘅芒果沙冰之類，轉檯嗰位夥計居然送錯去我原先嗰張檯⋯⋯ 然後轉送過來 已經瀉咗出來，搞到張檯都有，就若無其事離開。飲咗一啖感覺味道都唔對路，於是起身、買單走人。收銀檯居然問都唔問要唔要打包（雖然我一定唔會）就收錢。呢間餐廳無論服務定餐食都係完全唔入流，亦冇評論中講嘅咁抵食，簡直就係垃圾，我保證我及我啲親朋戚友絕對唔會再幫襯佢！唔講喇，去附近粥鋪醫肚先。

以前都有去過茶舍食飯，今次下午約了朋友到他土瓜灣家打牌，所以，諗住買d外賣上去，咁樣就唔駛住啦！2個炒飯🍚，再濃蝦湯海鮮意粉，都係200元，所以，咪話性價比高，真心講真係好超值。而且，食物好味，所以，每次我上呢個朋友屋企，附近經過茶舍，都一定會幫襯。👍👍👍鰻魚炒飯😍😍😍，唔會好似出面咁，剩得幾粒鰻魚。鰻魚都好足料，而且炒得夠鍋氣。既然，我覺得呢間餐廳，炒飯有一手，當然會叫多個啦！就係魚籽三文魚🐟炒飯，呢個飯，我喺九龍灣分店，已經食過，要俾過‘贊’👍估唔到今次嚟土瓜灣店，水準仍然能夠保持。😋😋😋😋😋仲有一個濃蝦湯海鮮意粉🌟🌟🌟💗💗。認真足料，有蝦，青口，蜆，墨魚，只係收72元。你話喺咪超值先。總之，有機會喺附近行開街，就真係忍唔住，會入嚟幫襯。🤭🤭🤭🤭

叫咗嗰早餐外賣，包括煙肉餐肉，但打開外賣盒發現裏面沒有煙肉餐肉，有諗過打電話去，預咗補救方法應該係叫我去攞返，天氣咁熱仲要走過去攞，食咗都補唔返，算數！所以係評語留言算啦，希望餐廳多多注意。

今日繼續在土瓜灣試食店，比起早餐，午餐的選擇多很多，大部分食店都會開，只要你是一個人而非一班人去，通常都可以插針式入座。這間hi tea就是，我一個人入去，安排我坐最入的吧檯，與員工同檯食飯。這裡大部分都是4人位，幸好有些單人位可以坐，看menu鰻魚滑蛋飯才$60，當然點啦。鰻魚是很少失敗，很安全的點餐食物，因為鰻魚都是叫貨，有order時再翻熱，味道好穩陣。這個滑蛋鰻魚飯就是如此，正常的鰻魚+滑蛋+飯。都幻想到是甚至味道。這個地方；這個價格；這個味道；沒投訴了。

今日放工去北帝街搵食，喺街頭見到呢間餐廳裝修幾靚就揀左佢。餐廳名叫茶舍，以為係賣台式飲品嘅餐廳，入到去望一望個格局再睇埋餐牌先發現係茶餐廳。食物選擇都幾多，有鐵板、蛋包飯、芝士焗飯、意粉等等。嗌左3個餐，分別係焗豬扒飯，薄餅同軟殼蟹吐司，另外加錢叫左兩杯沙冰。食物一黎到就已經驚食唔曬，全部都好大份。↘菠蘿鮮茄三層芝士焗豬扒飯 $56首先嗌個飯黎醫肚。寫住「三層芝士」就被佢吸引，真係好多芝士。茄汁偏酸，好開胃。豬扒有煎過，香口，唔會過薄或鞋口。↘脆炸軟殼蟹芥末醬吐司選配薯條  $72一睇menu就俾佢吸引左啦！  一上枱就「嘩」一聲，吐司同薯條都好大份！軟殼蟹好大隻，好香脆。吐司都唔係白麵包，有煎/炸過，都係脆口。蕃茄片、生菜，加埋芥末醬，食落唔會感覺得膩。最鍾意佢用芥末醬而唔係普通沙律醬。由於個吐司太豐富，要擘大個口先會食到，初相識嘅男女或情侶進食呢樣食物時要注意下儀容啦↘千島海鮮比薩 $68都有好多芝士，仲可以做到拉芝效果。↘鮮草莓冰沙  和 鮮芒果冰沙 各加配$18飲品叫左草莓同芒果冰沙，芒果味比較淡，草莓香甜啲，會推介草莓冰沙。另外叫左杯熱朱古力都好夠濃。所有食物價錢唔貴，好大份

雖然餐廳有提供預定座位服務，但到達餐廳後都要在櫃檯取籌號等位入座。如果吃快餐來說，大家都會快快吃飽了就走，都不會坐超過45分鐘，座位空間也比較狹窄，職員安排二人一邊坐，桌面中間有一塊透明膠版阻隔，會望到對面適合比較尷尬，擺放食物不太方便。上菜時間合理，大概需時8分鐘。食物夠熱，軟殼蟹炸得夠脆，但多士沒烤得夠，不夠香口，感覺像吃普通甜麵包，口感不配合。凍檸檬茶甜度適中，下單時選了少冰，茶底清，感覺清新。午餐整體滿意。

收工外賣左土瓜灣北帝街嘅一間新式冰室-茶舍，同老公2人真係食到好滿足啊！等外賣時留意到佢地嘅裝修同氣氛好舒服，落單時店員都幾親切。我叫咗幾道菜，其中包括日式特製蒲燒鰻魚丼飯，咖哩牛腩焗飯，煙三文魚沙律同濃蝦湯。先嚟講下日式特製蒲燒鰻魚丼飯，真係好正啊！鰻魚煮得岩岩好，肉質仲幾嫩，蒲燒醬汁嘅香甜味道好搭鰻魚，真係好味。啲飯都煮得岩岩，食落有口感。如果你係鰻魚愛好者，真係唔可以錯過。咖哩牛腩焗飯焗得非常出色，咖哩味估唔到咁濃郁，牛腩肉煮得好軟冧，焗飯上面嘅芝士令整個飯更豐富邪惡。如果你平時食開咖哩，一定要試下佢地嘅咖哩。煙三文魚沙律係一道清新嘅開胃菜，三文魚煙好唔錯亦唔會太咸，配上新鮮嘅生菜同埋沙律醬，真係好開胃。成日去街食都要食下菜保持健康，呢個會係一個好嘅選擇。最後，蝦湯一入口幾鮮甜，湯底濃郁，有濃濃嘅蝦味，令人食完之後都暖好飽足。茶舍係一個好就腳既新穎港式餐廳，位於土瓜灣美食街-北帝街既街頭，座位設計舒服，食物都非常多選擇，質素出色。如果你係土瓜灣附近，而又想食親民款式多啲嘅餐廳，茶舍係一個唔錯嘅選擇。