茶聊

營業中

休息中

呢度呢嗰啲服務生態度呢真係相當之差，係睇緊餐牌嘅時候呢，佢就即刻隊個二維碼就怪你小人話啦咁跟住呢再問佢啲Menu呀嗰啲餸呢係幾時會上到枱呢？咁樣佢態度呢就好惡劣。

第一次黎有驚喜。其實一直知道呢個餐廳，已經開左幾耐，但冇黎過。而家試完覺得餐廳咁多like系有原因，會encore服務幾好，我哋同行有小朋友入座已主動問需唔需要小朋友chair｡之後用apps落單唔知點解落多左，可能上手系system按左，所以多左（？），立刻同男店員講返，店員都好好態度，即刻處理。食物：芝士漢堡，一上枱覺得好靚，而且味道幾好。連配菜沙津ge調味都唔馬虎，好多汁。影完相，侍應見我要切漢堡時仲主動問駛唔駛拎開個籠方便切，貼心。焗比目魚，外脆內軟，份量超大，而且味道好，唔系cheap魚，好有魚味同好香。留意個魚系有骨，所以我冇比小朋友食。不過因為個魚好大，基本上啖啖肉，值得推介。 下面有d汁同薯蓉，所以好夠飽。忌廉三文魚意粉，汁都幾香濃，幾好食，三文魚如果多d更好。飲品：水果茶：大杯，清清地幾好飲百香果芒果奶昔：好清新，亦幾濃，推介全部都好大杯！

這間樓上餐廳，在 Open Rice 評分幾高，所以特別想去試吓，而在 Open rice 這裡預訂，最夜只能訂到5:30，唯有照訂入門口氣氛幾好，樓底高，設計不錯，但是坐底後，發現座位的枱偏細，比茶餐廳的細好多，好似去咗歐洲路邊咖啡店，之後每次上菜，都要盡快把之前的吃掉整體味道都唔錯，價錢唔算貴侍應們服務都可以唯獨是用餐時間只有90分鐘，食物送到之後，真的要快快手食，其實當晚都唔係坐得好滿，他們未必真的要這麼快叫客人埋單

好耐冇食cafe喇😭同朋友見到你呢間咁多好評就試吓🙂‍↕️香煎北海道帶子配南瓜忌廉意大利飯 $128見到呢個個名咁吸引就試吓啦😳一上枱真係差少少吓出聲😇個碗就大😃但啲content就真係少得有啲過份…意大利飯得超少🙁兩粒帶子就合理嘅…食完真係一啲都唔覺得飽😕味道方面係ok嘅🫡不過以我平時一啲都唔大食嘅經驗咁睇，份量真係有待改善🙏🏼飲品都ok，整得幾靚🫶🏻不過等候時間成半個鐘先有…

今天來到旺角砵蘭街的人氣店「茶聊」食晚餐，一進餐廳，見到一座紅色的電話亭和一大串花朵在轉角位，甚是吸睛。如客人坐吧枱，可以一邊享受美食，一邊望著街景。《N10. 風乾北角脆豬手配薯角》$178皇牌菜之一的脆豬手超級大隻，見到已令人垂涎欲滴，外皮脆得來不會韌，肉質 juicy入味，超讚。《鵝肝芝士牛肉漢堡配凱撒沙律及薯條》$158重頭戲來了，整碟漢堡包放在鳥籠內，賣相吸引，當然要打卡啦！厚身Juicy 的和牛肉上是濃郁的芝士片，另一邊相是肥美的鵝肝，還夾著新鮮的蕃茄片和生菜，簡直是人生一大享受。《自家製蝦多士》$68肥嘟嘟，脹卜卜的蝦多士，非常惹味，外層炸到脆，裏面的蝦肉軟腍，好吃。《自家製維也納焦糖卷蛋 》$48《玫瑰焦糖燉蛋》$48自家製的甜品也很有水準，卷蛋和燉蛋都十分美味。《牛油果乳酪奶昔》$48《百香果芒芒》$45

|呢到幾年前已經食過一次，最大印象就係佢個soufflé，今次就黎食個tea😆原來佢依家仲出埋tea set，岩哂同女仔朋友黎打下咭傾計。不過今次未食野都係叫返主菜食下😜🥭超級水果茶$35性價比幾高😆好足料既水果茶有西瓜🍉檸檬 🍋菠蘿 🍍百香果 蘋果 士多啤梨荼底偏清爽唔會太甜😆飯後飲幾fresh解到油膩感！🐻 Ice Bear Coffee $34咖啡味偏濃同苦少少🤏熊仔嘅造型好可愛會另外跟上咖啡同奶之後自己倒進杯中可因應自己口味而控制個份量喔~🌱午餐價錢都好優惠！腸好食🤪蛋炒得剛剛好🟣英式早午餐 $108都幾豐富有三文魚沙律丶煙肉丶腸仔烤蕃茄丶炒滑蛋丶牛角包🔻牛肝菌鮮忌廉汁意粉 $78首先面頭係牛肝菌汁而意粉上面就係忌廉感覺幾得意個汁好好食 夠creamy😜食完早餐就梗係要嗌返甜品食啦～⚜️75%朱古力蛋糕🍰 $48呢個朱古力好濃郁唔會做到好甜朱古力海綿蛋糕夾住朱古力cream都唔會感覺好漏~🍰朱古力卷蛋配焦糖杏仁脆脆 $48呢個相對上淡啲不過都幾好食😋⚜️🌙茶聊旺角砵蘭街189號1樓：營業時間： 12:00-22:00

辛苦搵嚟志在食😛, 所以對自己好啲今日中午就叫咗個鵝肝🧀芝士🐮牛肉漢堡🍔再嚟多個🍕海鮮Pizza添, 飲品就選擇咗🥑牛油果乳酪奶昔🥛除咗好食之外賣相真係打卡📸able ，鍾意打卡嘅朋友真係啱晒因為食物嘅賣相真係好靚😍❤️就算幾飽都會食埋🍧🍨🍮🍦🍰甜品先有個完美嘅句號，個開心果💚巴斯克蛋糕真係好出色, 咁細又鍾意開心果同巴斯克🍰蛋糕俾我🤪午餐已經咁豐富下次過嚟試埋佢哋個晚餐先😛

⭐️芝芝桃桃🍑超級鍾意佢個奶蓋，成寸咁厚，飲起上嚟勁爽😋飲完個奶蓋先知，原來下面係滿滿嘅桃肉，好正，鍾意桃嘅一定要試吓～～～⭐️髒髒黑糖珍珠鮮奶🧋佢嘅掛杯整得好靚，滿滿嘅可可粉，中和番黑糖嘅甜味❤️一開始冇用飲管，雖然飲得比較狼狽，飲完成嘴黑晒🤣但飲得好開心，因為原來佢側邊全部都係奶蓋不過佢嘅黑糖珍珠相對較甜，鍾意飲甜嘢嘅應該幾鍾意呢杯～～～⭐️慢煮西班牙八爪魚配蕃茄蒜蓉扁意粉🍝🐙扁意粉煮得啱啱好，最怕意粉煮得太硬或者太淋🥺而且佢嘅醬汁有滿滿嘅蒜蓉粒，好香蒜香味，但又唔會太過喧賓奪主，唔會蓋過八爪魚嘅味道～～～第一次試慢煮嘅巨型八爪魚🐙口感好特別，肉嫩得來唔似生食有咁多根，亦都唔似外邊熟食咁韌～～～⭐️風乾德國脆豬手配薯角（芥末蜜糖醬）薯角好香脆，薄薄一層脆皮，而且佢厚薄適中～～～風乾過嘅豬手，竟然係皮脆肉嫩，一啲都唔嚡口，而且中間嘅油脂好少，唔會好油膩嘅感覺～～～另外因為佢原隻上，所以可以保存住豬手嘅肉汁，好嫩滑，好好食😋佢焗嘅溫度同時間啱啱好，唔會皮肉分離，都唔會過熟有陣燶味～～～⭐️朱古力蛋捲呢度嘅甜品真係好靚，忍唔住鼓起勇氣問吓店員，先知原來佢哋喺特登聘請酒店嘅廚師過嚟整，唔怪得咁靚啦💖～

(*˘︶˘*).。.茶聊:*♡好耐無去過旺角茶聊！🫖 思思念念佢地杯髒髒黑糖珍珠牛乳！黑糖珍珠煮得夠淋，咬落去QQ彈彈，配埋香濃嘅牛乳，甜度適中，雖然有點邪邪地惡但完全抗拒不了！飲一啖所有美好回憶都番晒黎❤️❤️佢地的意粉同樣都咁有驚喜佢哋嘅香蒜欖油海鮮手工意粉做得不錯！意粉煮得啱啱好，口感彈牙，配埋青口魷魚等，簡單但係好食❤️By the way,個人超喜歡佢地的焦糖忌廉蘭王卷蛋,用上日本蘭王蛋製作的卷蛋蛋香果然係濃郁,即使配上焦糖忌廉也沒有很膩的感覺，大愛🙌🙌#旺角美食 #旺角 #珍珠奶茶 #髒髒黑糖珍珠牛乳 #茶聊 #朗豪坊 #旺角cafe 茶聊旺角砵蘭街189號1樓

朋友台灣訪港．同佢嚟旺角呢間Cafe食飯店內放上英式電話亭作點綴．環境舒適揀咗兩款套餐．即叫即製✨ 茶聊招牌黑松露野菌牛肉漢堡放入鳥籠賣相非常精緻Burger夾著 黑松露蘑菇厚厚嘅牛肉．豐富肉汁配上薯條同沙律菜．份量充足✨ 茄汁芝士焗豬扒飯熱辣辣嘅豬扒飯．口感香脆即叫即焗．芝士充滿拉絲感每粒米飯都沾滿醬汁．水準超出預期✨髒髒黑糖珍珠牛乳牛奶加入黑糖．味道唔會太甜面層舖上奶蓋同朱古力粉珍珠軟軟糯糯．充滿嚼勁✨開心果椰香咖啡開心果同咖啡 層次分明搞拌均勻．椰香味都唔會被咖啡掩蓋鍾意飲咖啡．一定要試✨自家制甜品+$48 追加兩款不同款式嘅蛋糕今餐滿足又好味

旺角一間樓上Cafe ，餐廳空間大，仲有窗口高枱位，感覺寫意悠閑，有個角落擺放了英式郵筒、電話亭做打卡位。午餐Menu都多選擇，而且擺盤賣相都好靚。🔶茶聊招牌黑松露野菌牛肉漢堡🔶見到個鳥籠真係嘩左一聲😍，估唔到漢堡擺盤咁特別真係好打卡able ，配埋凱撒沙律及薯條非常豐富，個包好軟熟好食，牛肉漢堡Juicy，配搭濃濃的芝士和黑松露野菌，仲有蕃茄生菜，薯條熱辣辣脆脆的。🔶香蒜欖油海鮮手工意粉🔶手工意粉質地幾煙靭，用橄欖油、蒜蓉炒香意粉，配料有大蝦、青口、魷魚增加鮮味。🔹熊仔拿鐵 超級打卡的咖啡，熊仔冰本身已是咖啡凝成，可以自己加咖啡同奶落去調教濃度，咖啡味飲落香濃。🔹四季春芝士奶蓋上層的芝士奶蓋香濃，四季春茶清爽，喝到甜鹹交融的感覺。♦️焦糖拖肥忌廉蛋捲♦️紐約芝士餅兩件甜品賣相靚亦都好好食😋

一直都好鍾意cafe嘅chill氛圍而樓上cafe更有額外清悠嘅感覺黎到茶聊一入門口已經比佢裝修吸引係黑色主調嘅簡約風入面有一排bar檯位望住落地玻璃都好寫意再入去有啲乾花等等裝飾坐低都已經覺得好放鬆不過一坐底已提醒只有90分鐘用餐時間於是乎就掃QR code拿拿聲落單啲食物同飲品每款都好吸引作為開心果愛好者 飲品甜品我全都要！叫左杯開心果椰椰 係椰青水做底 開心果奶做面2者溝埋清香得黎又有淡淡開心果香不得不提佢個豬手超級好好見介紹係用慢煮方法處理肉夠嫩滑唔韌 塊皮又脆卜卜跟嘅薯條都好好食😋雖然只有90分鐘用餐時間但佢上菜速度十分之有效率未到一個鐘已經飽晒下次會同朋友再黎試埋佢啲意粉同其他嘅主菜！

食物方面：海鮮飯：海鮮ok既，但個飯同個汁就嫲嫲地😂牛肉漢堡：外觀好靚，適合打卡！食物味道都唔錯既😆蝦多士：好香好味，配埋個醬好正😋😋😋飲品：兩個杯凍飲都好飲😋特別係開心果嗰杯，好濃郁得黎，又唔會膩😆😆😆服務方面：ok環境方面：適合打卡，有自然光！性價比方面：ok如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆

知道旺角「茶聊」有開心果飲品同甜品就一直好想去試下😆雖然款式唔多，但都幾有驚喜！英式早午餐（煙三文魚） $108有煙三文魚沙律、原條煙肉、香草腸、炒滑蛋、牛角包、烤蕃茄，好豐富嘅 All day breakfast!! 慢煮西班牙八爪魚配蕃茄蒜蓉扁意粉 $168原條八爪魚配意粉，八爪魚勁大條！而且嫩滑多汁，扁意粉就煮得偏淋~ 整體會重口味少少~ 開心果巴斯克蛋糕 $48蛋糕質地軟滑而且開心果好出，濃度同甜度平衝得幾好，所以蛋糕食落唔會太膩自家制巴斯克芝士蛋糕 $48呢個都好食，但最後太飽唔係好食得晒~ 開心果椰椰 $45本日MVP!! 上層係勁濃郁嘅開心果奶蓋，下層係清甜嘅椰子水，加埋杯邊嘅開心果碎粒，層次感好豐富🤤髒髒紫薯鮮奶 $44紫薯味好足，唔會被鮮奶蓋過，又唔會好甜，仲有啲紫薯粒！

聽朋友講呢間Cafe好靚，而且成日都滿座，今日終於book到位，就同朋友兩個嚟試吓啦。朋友話呢度嘅意粉最好食，咁我就叫咗呢個海王櫻花珍寶巨蝦配忌廉意粉。一上枱見到佢嘅賣相都好靚，隻蝦真係好大，忍唔住即刻影相。估唔到佢食落都好好食，除咗隻蝦餃新鮮之外，佢嘅意粉嘅味道啱啱好，而且咬落唔會太硬，口感一流。另外我哋仲叫咗風乾香草燒三黃雞，隻雞食落好嫩滑，燒嘅火候啱啱好。雖然佢嘅皮好脆，但係入面真係好嫩滑，好食到半隻都唔夠食。見到隔籬枱好多人都飲緊呢杯開心果椰香咖啡，我哋都叫咗一杯嚟試。估唔到真係好好飲，佢開心果唔係好甜，襯落咖啡到異常咁夾，雖然係夜晚但係都忍唔住飲晒成杯咖啡。呢間餐廳又靚又抵食，唔怪得成日都冇位啦。