茶痴 (文咸東街)

營業中

休息中

入鋪頭幫襯買咗兩杯熱飲（$25冬瓜茶同$25綠茶鮮奶），見到客人連招呼都唔打聲，竟然由客人做主動say hi，佢都無反應，只係一邊聽我落單一邊入機。Fine~ 等咗陣，見佢係咁痴膠紙落個蓋度，覺得奇怪。諗住環保就無問佢拿袋了。但拿上手，feel到熱，問佢有無紙巾可以隔住拿走，佢指住包紙巾意思係叫我自己拿。拿走行左半分鐘，覺得好唔妥...愈來愈熱，頂唔順，但周圍都係車同馬路，完全無位放低，D液體又「朗尼朗去」，驚驚地，點知D紙突然變軟，蓋無啦啦自己打開，兩杯野即場好似爆煙花咁倒瀉落兩隻手同條褲度，濕哂！omg!!! 真係燙死我......... 隻手發軟，即刻變紅，面前只有一個垃圾桶，我諗都無諗理唔到咁多，放咗兩杯野上垃圾桶度..... 途人見狀拿拿聲拿紙巾比我，仲叮囑我小心呀滾水！無錯，今次真係滾水...監生碌熟咗隻手～即刻衝咗去藥房買燙火膏，老闆仲問我咩事。佢都叮囑我下次要小心啲.... 手又紅又腫又刺痛，不停查藥膏，都仲係痛咗成日。Anyway 想講嘅係，賣野飲連隻杯同蓋都要慳到盡... 整親人好咩？希望你見到呢個po，為下一個買熱飲嘅客人著想，換過隻杯同蓋啦⋯⋯仲要做埋quali

被譽為香港 TOP 3 芝士奶蓋茶終於輪到我可以一睹佢嘅廬山真面目同事由我哋中環Office行過去買⋯為咗飲可以去到幾盡😂一路都有聽好多唔同嘅朋友推介呢間肥仔水今日終於一嘗究竟✌🏻雖然大家都好推介佢嘅白桃烏龍茶但我怕蜜桃味嘅嘢做得唔好浸味會好假幾經掙扎叫咗杯綿芝金萱烏龍綿芝金萱烏龍奶蓋唔算話特別好濃厚/好傑既果種但絕對係好滑好creamy 可以用匙羹食一啖奶蓋再飲一啖茶茶味好清香 明顯飲完仲會有一種清新嘅味道留喺口腔👍🏼以佢嘅奶蓋濃稠度 對我來講未夠合格😬暫時我心目中最鍾意嘅都係NUTTEA嗰種杰撻撻嘅奶蓋雖然奶蓋唔夠濃稠⋯⋯但係整體來講呢間絕對係可以再訪！✅下次就即管試吓佢嘅白桃烏龍茶

💛黃店🔱今次要介紹嘅食物就係位於上環！📜”茶痴 (上環)📌 地址:上環文咸東街14號地舖🕐營業時間:11:00-20:00🍽分店地區: 上環 九龍灣📝評價💬📢 全港數一數二最好飲既奶蓋茶👍🏻之前一直都聽朋友推介😆😆 好fresh既配搭😍😍茶底好香濃 奶蓋好滑 桃味淡淡咁出😋😋😋 係星星推介既飲品⭐️⭐️ 只係試左上環 吾知九龍灣質素如何🤭希望都正正！💛🏵環境指數:⭐️⭐️⭐️⭐️🏵味道指數:👅👅👅👅👅🏵抵食指數：💰💰💰💰🏵回購指數:❤️❤️❤️❤️

好味指數😋😋😋😋回頭指數⭐️⭐️⭐️⭐️開心指數🤗🤗🤗🤗剛好去咗上環，想飲杯手搖茶，朋友推介呢間，話佢係全港最好飲嘅手搖茶，芝士奶蓋好出色，講到係超勁好飲咁，見佢咁有誠意，就去試試啦！🍴綿芝青森縣蘋果 （$45）+ 珍珠（$5）呢個係季節限定嘅，份量係大大杯，開頭覺得有D貴，$50基本上都食到個飯咁滯！呢個係用日本青森蘋果加綠醇茶底製作，係會飲到果肉粒，奶蓋夠厚夠滑有鹹香味，茶底清新，珍珠夠煙韌，好味！而市面上好多鮮果打造嘅茶都要40幾蚊，咁佢嘅質素係值回票價嘅！👍🏼

係一直好想試既茶痴🥰• 台灣蜜柑四季春 $38季節限定新口味，又咁特別，點可以唔試😝飲落真係好清甜，不過用左碎冰唔多唔少都影響到個口感，經常啜到啲冰入口😟果肉量都好多，但係浮哂面就有啲難同茶底一齊飲落肚，雖則如此，四季春嘅茶底味道好出，混合埋蜜柑既自然甜味整體黎講都幾鍾意😌• 綿芝四季春 $32朋友嗌既，淨係試左個芝士奶蓋，口感綿滑有咸香，係數一數二好飲，香濃不膩😝

相信有唔少人都為芝士奶蓋著迷😻提到奶蓋點可以唔提 #黃店 茶痴！🤪被譽為比喜茶仲好飲嘅奶蓋係咪真係咁犀利?!.1. 綿芝日本靜岡抹茶（$39）// 奶蓋係偏杰身☁️第一啖係要用飲管撩先飲到💫奶蓋鹹度岩岩好💛唔會太鹹但好夠味😻至於抹茶茶底茶濃得嚟帶澀味，而且抹茶好醇🍵唔會好多奶好杰身飲到好飽咁🥳 半甜岩岩好好！//Food：🌕🌕🌕🌕🌕🌗2. 綿芝白桃烏龍（$34）// 白桃飲落好清新🌸先飲到烏龍嘅香醇，之後桃味慢慢係後勁淡出🍑好香好fresh！配埋奶蓋勁正～同埋無嗌少甜少冰都唔會好甜😻//Food：🌕🌕🌕🌕🌕🌑.整體絕對可以再encore🌟同埋店員都好nice🥳不過店舖比較細 所以order完都要出返街到等一陣🙈不過見佢咁好飲就原諒佢啦✨.🎗茶痴 (上環)上環文咸東街14號地舖（🎈九龍灣另設分店）🍮#aiiifoodie 🍔#aiiifoodie_sheungwan #aiiifoodie_上環 #aiiifoodie_kowloonbay #aiiifoodie_九龍灣 #aiiifoodie_黃店

去開西營盤 去埋上環試下朋友推薦的茶痴😋沖繩黑糖珍珠鮮奶(💸$30)R小編選擇困難之下 店主極力推薦 自然要試下😊飲落同出面既珍珠鮮奶有分別🔎黑糖味非常濃郁💘鮮奶味加上黑糖味 當然係絕配 驚喜係珍珠方面✨每粒珍珠同好似包裹住黑糖一樣 每啖咬落去都會有黑糖味湧出黎💥令人一試難忘💭綿芝白桃烏龍(💸$34)芝士奶蓋配上微酸既白桃烏龍🍑有種好fresh既感覺🌱適合中意奶蓋又唔想太濃味既人去飲 我地就叫左走甜 自我感覺比較健康😜呢款飲品亦係鋪頭top銷售系列👍🏻證明適合大眾既口味❣️

每次lunch time經過都好多人係度等好想試試今日午餐食唔飽又有啲時間可以等下就黎買下啦，估唔到今日唔洗等好耐呢間嘅選擇都幾特別唔會得普通嘅奶茶口味揀咗杯芋頭紫薯鮮奶烏龍茶因為本身鐘意有口感又唔想食珍珠芋頭都係一個我認為同奶茶好夾嘅野黎等咗5分鐘左右就有了雖然好忙，但無論係落單或者取餐，店員都好有禮貌咁回覆👍🏼美中不足嘅係拎完杯野飲先發覺有少少芋泥痴咗係杯外面冇紙巾在手又抺唔到手不過杯野係整得幾有心機首先飲落去層次分明，真係飲得出4種配料佢地將芋泥紫薯沿杯身抺咗一層再加烏龍茶溝鮮奶外表好似紫色嘅雲朵內裡就有滿滿嘅芋泥，好足料！因平時飲芋頭奶茶，好多都只會將芋頭擺最底但呢間呢杯好有心機！

以前過海淨係行銅鑼灣，其他地方真係好少去😂呢排喺上環返工，終於有機會發掘下附近食肆，同事推咗呢間茶飲黃店，仲話芝士奶蓋好味到上癮，今日終於試到🙈#綿芝草莓 $42 8.5/10———————————「綿芝」系列，即係芝士奶蓋。極度鍾意🍓嘅我第一次緊係試下草莓奶蓋啦。嘩！面頭芝士奶蓋真係好濃厚😍🧀可惜太少🥺舀多兩殼就好喇。底下士多啤梨味blended tea味清甜，假如有士多啤梨肉或果蓉就更加分👍🏻————————————

《 上環巷弄間嘅手搖茶店 》 去過上環一次之後，就會成日都想去試哂佢成條街嘅野食！今次就試左呢間聽講好出名奶蓋嘅黃店 “茶痴“🍑 綿芝白桃烏龍 $34芝士奶蓋超級綿密，鹹甜味道剛好，份量十足。白桃層層果肉飲落啖啖桃香～同烏龍茶配合得好好。🍊 粒粒西柚 $36味道酸酸甜甜，解渴之選！望落有好多西柚果肉，仲有大大片西柚，岩哂用黎打卡📸！果味豐富整個口感，令人一喝愛上。#伏遊上環#上環美食

食完悠閒嘅lunch, 要介紹我個friend飲my favorite芝士茶，即刻帶佢過嚟~ 諗起都開心又要再講， 呢間芝士茶係我暫時飲過最好飲嘅芝士~ 真係好好好好好好好飲x1000000!!!我個friend飲完都好認同，佢都覺得好好飲 佢入面又乾淨，d姐姐仔都好有禮貌，一路keep住都有唔少人買嘢飲， 我即刻心諗 "識貨". 我今次又試佢嘅期間限定， 綿芝日本富有柿， 佢係用日本和哥山縣富有柿，仲可以拉花， 但係因為我唔係即刻返去，響條街度冇得慢慢欣賞，所以我都費事咁浪費， 同佢講唔駛拉花喇~ 我個friend就飲綿芝芒果，佢都非常滿意 我個富有柿當然好好飲，有好多柿肉響底， 正呢間茶痴我都飲咗成年，keep到水準， 仲周不時有新口味，不斷尋求進步，真係抵讚， 抵我久唔久嚟支持你

🥰👍🏻綿芝提子x綿芝紅火龍x 綿芝紅火龍首先面層係濃厚既芝士奶蓋，真係好飽滿，好香好滑！同埋啲奶蓋係唔會飲左一陣就會溶埋啲茶到，啖啖果肉，又同時飲到真茶味😌每杯都份量十足，好出色！暫時覺得係最好飲既奶蓋茶飲😍

🥰👍🏻粒粒紅柚+綿芝奶蓋首先面層係濃厚既芝士奶蓋，真係好飽滿，好香好滑！同埋啲奶蓋係唔會飲左一陣就會溶埋啲茶到，啖啖果肉，又同時飲到真茶味😌每杯都份量十足，好出色！暫時覺得係最好飲既奶蓋茶飲😍

茶痴又係encore之選😎揀假日/夜晚去會少啲人排隊✌🏻因為平日係勁多order要等得耐少少但佢地既野飲係值得等架👍🏻👍🏻另外佢地九龍灣都有分店🙌🏻🙌🏻🙌🏻成日都有季節性水果既飲品😋😋🌟綿芝青森縣蘋果🍎最頂層係綿滑既芝士奶蓋🧀🤩🤩🤩中間係打成沙冰 飲落🍎香氣十足👍🏻😋😋😋底層係綠醇茶底 成杯野係超夾😋飲完只係想講 呢款係季節性想飲既快啲去試 過左就無🤪

今日俾朋友個story杯茶痴吸引左，咁岩自己又喺附近，就即刻去左喇🤤 朋友推介芝士奶蓋系列同果茶，我選擇困難症發作，叫左同行既老豆幫我揀～➿ 綿芝青森縣蘋果 ($45）飲頭啖湯既老豆話：「嘩，好杰啊！」原來形容緊個芝士奶蓋🧀，奶蓋好厚身，芝士味道又濃厚😋 青森縣蘋果同茶底比例唔錯，飲到蘋果既清甜，整體好清新🌿 茶飲黎講，價格係相對高，但睇佢地既唉豬就會知用料有幾真材實料，選料講究，唔當造都唔會推出相關茶飲～有呢份認真，出到黎杯野飲又真係好味😋 真係值得欣賞同支持啊💪🏽😀呢度仲有冰滴咖啡添～學生買大部份系列既第二杯有半價啊，好羨慕🥺 希望自己快d做番學生，享用到呢個優惠，哈哈哈！佢地最近仲喺九龍灣開左分店！太好喇，係我呢個新界人既福音☺