茶湯會 (新都城中心) (已結業)

上午在附近面試完畢，便在大型商場逛一逛，在寶琳站去新都城中心的門口就有一間連鎖的台灣茶飲店，店舖面積頗大，一邊是吧台，有四個座位，而最貼心的是吧台上有一個充電插座，真是好少茶飲店會提供此服務，甚至連麥記都未必有，我看見此插座，就二話不說就坐下點餐。燕麥觀音拿鐵(熱)$30一喝時就發現沒有咖啡味，懷疑是否拿錯了，後來上網一找，原來拿鐵不是咖啡的一種，而是代表『加牛奶』的這一種調味方式，難怪沒有咖啡味。其實這是一杯奶茶加珍珠和燕麥，但效果出奇是驚喜。我本來不太喜歡燕麥，嫌其零味道，但加了奶茶，燕麥就帶點甜，加上珍珠軟韌的口感，兩者是很配合。整體甜度剛好，而且可以用匙將燕麥和珍珠一起吃，感覺像吃麥皮早餐，感覺健康得多。新鮮水果茶$32這是外帶給家人的飲品，材料不多，主要是注滿大量的熱情果、一塊蘋果和兩塊橙等，不過有點過甜，令人感受不到熱情果的酸味，有點失去平衡了。香辣吞拿魚吐司$25(跟飲品)這是我的午餐，餡料非常多，吐司的中間都是脤卜卜，內有吞拿魚、雞蛋和辣醬。雖然是寫明香辣，但其實只有一點辣度，似有還無，所以可以再辣多一點，而三樣材料味道很配合，但不是突出，吃完後使人有飽滯感。三個之中我

來一客台式吐司多士配奶茶~爽~可選配爆醬奶茶吐司或爆漿珍奶吐司/香辣吞拿魚吐司有咸有甜,總有一款岩你口味呢~而家用開飯喇外賣自取仲有優惠碼用添,抵!燕麥觀音拿鐵 $30 ,珍珠紅豆拿鐵呢個系列無飲過,出奇地夾,雖然叫拿鐵,但咖啡味好夾紅豆,三者既調和好合適可以飲到紅豆,拿鐵既香同甜,珍珠係小粒既,茶湯會招牌果然有原因多士係夾式飛碟,中間放滿餡,辣既吞拿魚焗過味道更出,當下午茶一流燕麥系列飲落味道清新,觀音茶味香而不澀,加上醇香拿鐵,估唔到係幾好飲#茶湯會 #外賣 #台灣奶茶 #珍珠奶茶

經過見到尼間茶湯會竟然有吐司😱當然即刻衝去試下新鮮水果茶 $32水果有橙🍊、蘋果🍎、火龍果等等，甜度適中，冇嗌少甜味道都啱啱好爆漿珍奶吐司🍞 $25好脆卜卜，應該係即叫即做，一開頭食以為冇特別，食下下好驚喜，有好多珍珠，多到好爆😍同埋淡淡既奶茶味☕️，除此之外，佢仲有落煉奶同牛油🧈，令到成個吐司🍞香好多。價錢非常合理堂食仲要用碟，賣相既刻加分，睇落仲要高貴好多🤪😋店員服務都好好，會提客人可坐低等下

原來新都城開左間有堂食座位既茶湯會，可以同朋友傾下計坐低飲杯野🥰.燕麥觀音拿鐵 $30女生要少飲凍野，但又成日都好想飲奶茶，見佢出左燕麥觀音奶茶，只限熱飲，就要試吓😍其實熱台式奶茶都好好飲！有好多燕麥粒粒，估唔到原來又幾襯.新鮮水果茶 $32職員話冇甜度選擇因為係冇落糖，甜味全部來自天然水果甜味。水果有熱情果、火龍果、蘋果、橙等等，仲有果肉食，好足料！😋.爆漿珍奶吐司 $31由於冇嗌到珍珠奶茶飲，所以食返個珍奶吐司🤣珍珠粒粒係吐司入面幾得意，估唔到又幾夾，再加啲牛油煉奶甜甜地又香，幾好食👍🏻

Afternoon Tea Time Break✨ 珍珠飛碟多士🛸..下午茶時段，吃過午飯後又想搵個地方飲杯野歇歇腳。發現呢間茶湯會，有地方比人坐坐，仲推出左新產品，有得飲又有得食，趁住人少少當然要黎試下啦。.ll燕麥粗粒有咬口，吃下煙煙韌韌，令茶底帶點麥香，感覺健康。.ll紅豆蜜味甜甜，加上有種芝麻香，呢杯更加吸引，淡淡味道都很出，很滋味。.ll吐司烘脆，甜甜的內餡，加熱既珍珠加甜奶醬，趁熱食煙煙韌韌，不錯的新配搭。...×××××ש將軍澳貿業路8號新都城中心2期1樓1080號..

成日都經過依間台式飲品,但一直都味有機會試, 最近見到佢出左個爆漿吐司好似好吸引咁就同男朋友去左買黎食😋爆漿珍奶吐司($31)賣相同個名一樣,d珍珠多到瀉哂出黎,飛碟既吐司烤烘得外脆內軟,珍珠口感煙韌彈牙有嚼勁,而且仲加上左煉奶,味道帶甜好正🥰新鮮水果茶($32)水果茶叫左少甜同少冰,水果有蘋果,火龍果同橙,飲落去甜度岩岩好吾會太甜,平時我飲水果茶好怕好酸,佢既味道吾會好酸,口感清新好岩夏天飲!

好耐都冇乜點出去行下喇 難得出下去 行到攰緊係想似下野食下野抖抖嫁喇🙈 見到茶湯會出左啲新野飲仲要有埋set 不妨試下🤤.珍珠紅豆拿鐵飲落比較甜 可能係啲紅豆嘅甜味 有啲搶咗本身嘢飲嘅味道 可能我唔係特別鍾意咁甜嘅嘢飲🙈 如果怕甜嘅話就可以同佢講走糖 咁樣個甜度啱啱好.燕麥鐵觀音拿鐵（加珍珠）個鐵觀音茶底好濃郁 可能佢係熱飲所以個味道係特別出 而且燕麥同個茶都幾match 好有口感.兩杯嘢飲嘅配料係勁多囉如果鍾意食配料嘅話係正🤤.香辣吞拿魚吐司呢個吐司口感係外脆內軟嘅 而且啲吞拿魚十分之多 仲有蛋係入面 食落去辣辣地幾開胃 而且呢個吞拿魚食落去都幾好食 成個set食哂都幾飽下 咁又可以繼續行街啦🙈

今日早左收工，有少少肚餓但又未到晚餐時間，唸住食小小野頂下肚，經過茶湯會見有點心食，入左去睇見有茶配吐司餐，又幾吸引啊😘。-燕麥珍珠鐵觀音拿鐵飲落口其實似奶茶味，但個茶味好香，加埋燕麥同珍珠，珍珠大小過適中，夠晒Q彈牙，好多野咬😝夾飽肚。-香辣吞拿魚吐司即叫即制，加玉子夾埋微辣吞拿魚，吐司上面沈左啲黑椒碎，吐司脆邊，都幾好味啊☺️想叫埋點心試吓，但又怕太飽，唯有下次先啦😂食嘢時見可以手機外賣自取，好方便，下次都可以試吓。

依家台式飲品周街都有，放工經過新都城見到台灣過江龍−茶湯會，裝修優雅，有幾張枱可以俾人堂食，於是入去食返個下午茶。叫咗杯燕麥鐵觀音拿鐵，另外加珍珠，燕麥一粒粒口感豐富，鐵觀音味道濃郁，同一般奶茶味道不一樣，要視乎每個人口味，珍珠細粒煙韌，飲品略甜。至於個爆漿珍奶吐司，麵包不得不讚烘得十分脆， 細個嘅回憶返曬嚟 ， 好似食緊飛碟咁 。一切即爆漿，珍珠加煉奶的組合毫無違和感，不會過甜。下次有機會再試吓其他飲品。

去完新都城中心行街，臨走之前見到隔離茶湯會有賣熱壓吐司😱我仲未食過熱壓吐司🥺所以就同 frd 講一齊 share 一份🤪.燕麥觀音拿鐵+珍珠(熱)🌾觀音茶味突出😉加上拿鐵變得順滑溫和😋不過估唔到燕麥同熱觀音拿鐵會咁好飲😍.珍珠紅豆拿鐵🥤入口飲到粒粒紅豆之外❤️仲充斥住幼細沙質嘅紅豆，味道唔會過甜☺️不過無得揀大珠😔就無咁有咬口.香辣吞拿魚吐司🍞吞拿魚加上煎蛋🐟🍳帶少少辣🌶個人覺得呢個配搭幾惹味🤤而且吐司外表幾脆👍🏻.檸檬蜜凍飲🍋值得一讚係餐廳有提供免費試飲🤗味道酸酸甜甜😆涼快清爽💦不妨一試

第一次落單 13:20,到店後13:30 仍未接單，提醒佢又禁咗除消，第二次接單後，效率奇慢，14:00 先有得拎，拎完後仲好笑打嚟話未比錢呢個系統店員一 D 都唔熟悉🤔🤔其實呢個問題已經唔係第一間舖頭係咁次次都白等半個鐘 係咪人人都咁有耐性Openrice 究竟有無去研究下咩問題同點樣解決 😐😐😐否則你做幾多promotion 都無用 waste people money and waste people time!

一大早想去飲杯熱飲，去到一個員工都無😖😖😖叫左3次先有一個女仔行出黎，想點杯熱珍珠奶茶，職員話無奶茶，而佢有得觀音茶，已經唔太滿意。中午3點幾已經無奶茶，咁不如落閘啦！😒😒價錢貴左都算，佢之後到沖左出黎，杯野變左凍飲，要問佢點解變左凍飲，佢先話原來呢杯飲品無熱飲，本人其實唔飲凍飲，但已經沖到出黎，又趕時間，無再同佢爭辯就走左！但真心唔明無熱既唔講呢，好難咩？呢個服務態度完全接受唔到🤬🤬

茶湯會在新都城開業都有半年左右今次是第一次試啊～～店面都算闊落，有吧枱及圓枱等少量座位，可讓顧客在店內享用食物及飲品飲品款式都算多，沒研究過招牌飲品之下這次我選了蘋果百香益力多等了不用5分鐘就已沖調好飲品！膠杯的包裝可看到內裡的配料蘋果百香益力多，百香果帶酸的所以第一口喝的時候會感覺很酸！不過之後適應了酸度就喝到益力多的甜味～～滿咀都是百香果肉及籽～～～就是不太喝到蘋果的味道！但喝完整杯飲品後，會知道蘋果是真的存在！打開杯蓋吃蘋果粒，蘋果粒雖爽口，但淡而無味....整體而言，不怕益力多的那種甜，就會覺得百香果的酸味好清爽好適合夏天的感覺！若然怕甜，建議必定要叫微甜才可～～我和老公都不怕甜，所以覺得這杯飲品都算不錯啊！！下次可以再試試其他飲品呀！

幾天前，我下午去茶湯會買野飲，貪佢店面環境舒服，有幾張枱及椅俾客人坐下。我當時拿著一部手提電腦。點知飲完漏低左部電腦，就咁走人。回到家先發覺，我立即狂跑番去，勁心急。一到店門口，店員見我上氣不接下氣，就笑笑口問我：「你係咪唔見左野？」然後在櫃臺底攞番部電腦俾我。我連聲道謝，店員好友善咁講：「我地咁啱見到，就幫手收埋。舉手之勞。」真係好多謝呢位店員，完全不貪心。我以後都會幫襯茶湯會。

今日黎到將軍澳揾食同friends行新都城行左成日行到腳都跛, 就梗係要坐低飲杯野啦就行到去地鐵站既時候見到呢間野，即刻坐低啦可能仲未到晚飯時間，人唔算太多我就叫左杯益力多綠茶試下啦丫個綠茶雖然加左益力多但又唔係好甜咼飲左一大杯都唔覺得好漏再望下個menu原來仲有得叫小食我叫多個手工牛肉燒賣十五蚊八粒所以都無咩expectation 😂結果食落又真係麻麻地肉好實，應該係豬肉黎但粉好多無咩口感不過呢度環境唔錯人唔多可以坐大半日