茶棧

其實我平時跑完步都會嚟呢度食嘢可能我對常餐嘅滑蛋有感情大部分都係會點常餐今次點咗沙嗲牛肉通粉再加炒滑蛋呢碗湯底用雞湯，雞湯味道好濃而且滑蛋都係超出冀望咁滑另外我朋友都話炸魚外層又脆又薄，魚肉又厚又多汁，五十幾蚊就有塊大大塊既炸魚，薯條都唔錯，厚切之餘份量都多，食完真係好飽！午餐仲包忌廉湯同飲品，所以真係物超所值架！喺呢度食飯，真係港味十足，感覺融合咗舊與新嘅美味，下次一定會再黎打卡，試吓其他招牌菜！👍…查看更多

咁行開旺角太子就求其食一間茶餐廳見隔離係銀龍咁咪試吓呢間囉咁嗌咗兩個餐一個沙嗲牛通粉跟齋啡（唔知係個湯唔夠熱定係放得太耐？啲醬溶唔晒！）餐肉炒蛋就無特別啦啲通粉都唔係好好食，另外一個雪菜肉絲米（雪菜唔夠新鮮，應該係罐頭）跟住仲好似有一浸味，但講唔出口係咩味😔同埋佢隻米粉都唔係靚果隻米粉（同價係佐敦我介紹過嘅嗰間爭天共地）咁嘢飲叫咗茶走都一般，茶底唔靚唔建議大家嚟食，自己亦都唔會再食！同佐敦嘅茶餐廳比真係爭好遠都係差唔多價錢！…查看更多

經過太子想食個沙牛麵早餐，見左邊係銀龍，右邊係茶棧，銀龍$42, 佢賣$38, 見平幾蚊即管入去試下，心諗沙牛面應該都唔會差得去邊。首先落單時企門口個男人（應該係老闆）勁串咁唔行埋嚟張枱落單，要我喺張枱大大聲嗌出去，之後個麵嚟到勁鹹，完全冇沙爹味，諗住落啲胡椒粉，點知樽胡椒粉同側邊啲調味包個包裝全部潮濕曬，入面變曬一舊舊，埋單時唔知點解張單變咗39蚊，我都費事問，出去畀完錢到行出門口一句多謝都冇，真係試一次都嫌多，…查看更多

以前有幫襯開既街坊， 衛生味道正常有鑊氣今日再去晚餐叫小菜食飯， 真係無下次 非常失望1. 味道 難食 炒菜啲菜超老又黃又硬2.白飯似隔夜飯味 又黃又硬3. 最難大譜係白飯食左1/4就發現有手指咁大隻曱甴， 店員無反應無道歉，輕輕地拎走碗飯就完，完全係見慣不慣咁既態度，最好笑見你黑面佢先問話洗唔洗換碗飯 。 咁我地緊係無要啦 ，曱甴飯成煲都係啦 之後佢話減錢 ， 佢減個白飯錢 。 由發生到走無一個店員係有講過一句唔好意思其實佢真係愈做愈衰 ， 以後都唔會去食 大家都唔好去食 最蠢係我應該影低佢相 …查看更多

其實絕大部份茶餐廳既早餐, 款式同味道都唔會相差太遠.  而正正呢間茶棧, 喺正我屋企樓下, 我貪方便, 所以選擇幫襯左佢幾年.直至今年五月二十七日呢一日, 而我亦同樣喺呢一日選擇唔再幫襯呢間茶餐廳.呢間茶記, 早餐食物質素一般, 唔會有驚喜, 收費亦都只係市價, 唔覺貴, 亦唔係平. 但係啲樓面同埋有個相信係老闆既瘦男人, 服務態度就非常之惡劣.都係果句, 唔係貪方便, 我唔會揀佢.幫襯左幾年, 都眼見有幾個客日日會去幫襯, 可能同我一樣心態卦; 貪方便. 而其中一個客我印象好深刻, 佢行動不便.之前見佢都仲可以行路入餐廳食野, 但係最近就變左要坐輪椅. 而自從佢用左輪椅去餐廳食早餐之後, 相信係老闆果個男人, 日日就大聲喝個輪椅客. 但係個輪椅客照舊沉默, 食完就即刻走, 完全無比任何麻煩餐廳.到左五月二七日朝早七點左右, 我見住個輪椅格話想入去幫襯既時候, 個男人就趕個輪椅客走, 話無位招呼佢.我當時喺現場食緊早餐, 舖頭入面仲有大把位.結果個輪椅客真係離開左無入去.一間咁唔友善既茶餐廳, 我唔會去幫襯.希望個輪椅客唔好比啲衰人嚇親.…查看更多

今日經過太子打算去搵間餐廳食下午茶見到呢間”茶棧”感覺正正常常就入咗去揀咗個自選配對A+B款咁點知就開始伏伏地一嚟到個餐份量少到一個點😂$43呢個價錢食呢個份量真喺好貴同超級伏其次味道喺唔好食，我相信呢條街求其一間都比呢間好食，又貴又難食。估唔到喺太子美食天堂都可以搵到間咁難食又少份量嘅餐廳第一次嚟亦都喺最後一次。自己蠢，入呢間餐廳前唔記得先睇Openrice 評價點知就中哂伏，呢間餐廳真心差，唔會再嚟。…查看更多

今日行開太子,諗住買個下午茶餐外賣,見到呢間茶棧下午茶餐牌都有幾多選擇,諗住貪方便就快快買個鮮茄炒蛋飯外賣連熱飲 $46+$2 外賣盒錢...返到屋企打開個外賣飯盒,真係好失望,小格係餸,大格係白飯, 已經係細格,個餸蕃茄蛋連二分一滿都冇,蕃茄得兩小舊同少少炒蛋,連汁都比得十分孤寒,白飯就滿哂呀, 但啲餸少到得2,3 啖,根本就送唔到飯,雖然價錢唔係話貴,但係我覺得個餸都要畀合理嘅份量,你今次畀少咗以為慳咗成本,但係就難有回頭客,我就肯定唔會再幫襯. …查看更多

嗌左個明太子豚肉炒烏冬，好難食，成碟也只有洋蔥味，而且根本唔係炒，只係撈左d汁水就當係炒左，啲肉好少，得果4-5片，仲要無味，旺角好多其他野食，伏伏伏，唔好黎呢間。…查看更多

星期日同個女食完午餐，行完一陣，又未夠鐘食晚飯，又有d肚餓就入黎呢間食個tea。我叫左個美極叉燒炒蛋飯。叉燒同炒蛋正正常常，反而加咗啲美極豉油，個味道又出奇地夾，改變咗我一直以嚟對美極冇乜嘅好感，可以話係幾好食。個女就嗌咗魔鬼炸脾同薯條。所謂既魔鬼只係加左d辣份，不過脾係新鲜炸起，所以幾本上都一定好食。至於薯條就一早炸定，又凍又霖，認真把鬼。好左跟餐可以配其他野，如果其他係新鲜即整，應該會好好多。…查看更多

純粹系貪方便來到太子「茶棧」入去已經覺得幾污糟，地下不少垃圾，餐牌也痴立立，睇完即抹手。客人一半都係低消費遊客，大家都係求其吃飽。剛巧下午茶時間就點下午茶，炒飯類$46 起、麫食$43 所以我揀左飯餐感覺抵啲。先上熱央溫度足，咖啡味佔咗7 成，冇乜茶味，有啲鞋口，中規中矩。繼而 鷄絲炒飯 也上枱睇落已經覺得好炒得好濕，但超多蛋絲，蔥花得幾粒；但至恐怖要數鷄絲，入口完全冇味，好似咬緊膠咁，完全吾知系乜嘢黎，整體味道也非常淡口，本想加鹽，但樽鹽又潮濕左，倒吾出….. 哎！食幾啖已經可以收工。…查看更多

太子茶棧（金魚街旁）本人經常出魚行下，好多周邊餐廳都試下。早2日見到呢間，睇落企理，第一次幫襯，咁入到去坐底，叫左個焗豬扒飯，等左一陣，飯到，的汁蓋在豬扒上，望落都好似正常，食左一口飯連汁，其實都好淡下，亦唔熱，但呢樣算了。其實我食野算高要求，唔難食，份量正常就可以。咁，開始食豬扒，共有4件豬扒，想食第一舊，發現係骨，得小小肉，心諗有一舊連骨，好正常。再食第2舊，又係骨連小小肉，Ok,算，再睇埋第3,第4舊豬扒，Cls,得一舊係全肉，一碟飯，50+，4舊豬扒，有3舊係骨，真好野。食咁多年焗豬，第一次遇到。但我都算，當食”迷你焗一舊豬扒飯”，冇即時反映。食完後，打算善意同經理/老闆講聲，睇下佢有咩反應。咁就問一問個落單姐姐，有冇經理係到？佢答冇，但可以搵樓面唯個個瘦男人（可能係老闆掛）。咁我就叫佢幫我叫佢過唻。（我仲未同阿姐講發生咩事）姐姐之後話叫左個男搵我，但佢未得閒，要等等。見個男人真係做野，一直在送餐，及收錢，咁我就玩下電話，再等等佢。之後真係等足10分鐘，佢都好似唔想理我，咁我就直接叫個男人。我就正常語氣同佢講，”你好，我第一次唻呢到食，呢個焗豬扒飯，4件扒入面，有3件係骨，結果，呢位疑似老闆答我一個字“哦”，就唔理我想走開。我即時同佢講，”你的態度真好野，我已經影晒相，會幫你宣傳一下。佢就答我，“好呀”.就走左去。之後奶茶都未飲晒，即走，當自己黑仔。大家出金魚街，小心呢間極品餐廳。*可能金魚街人多，又多遊客，可能唔憂做，但都想出個post 提提大家。*…查看更多

放假有時間落去金魚街買魚用品同落花墟買吓蘭花買植物，攪掂完只想簡簡單單食個T，是是但但入咗茶棧.又是是但但點咗兩個T餐，菜遠排骨河同腸仔沙爹牛麵多汁.好奇怪，初初見到菜遠排骨河果D茨汁，好似槳糊質感無咩好感，但撈均D河粉之後質感變哂，即時變得惹味! 神奇! 而且河粉夠熱夠哂鑊氣.沙爹牛麵要求多汁，嚟到真係多汁，最起碼跟足要求先，牛肉嫩滑 Juicy 唔韌，份量又足，即時諗起土瓜灣果間偷工減料得過份嘅一家茶室! 幫襯佢地正餐(唔係T餐!) 沙爹牛麵竟然得兩件細牛肉! 離譜! 其實..... 今次茶棧表現只屬中規中矩，但一同其他餐廳比，茶棧已經好好了.…查看更多

下午茶叫咗個雞髀薯條同埋榨菜肉絲意粉，個雞髀教得好脆非常之有肉汁味。個薯條亦都非常之好味，以40幾蚊嘅價錢你食個下午茶來講我冇咩意見。由落單到嘢食上枱嘅時間超過10分鐘，可能亦都係下午茶嘅關係，所以慢慢上菜…查看更多

買外賣早餐，沙爹牛公仔麵+炒蛋+午餐肉+方包+奶茶正價$36外賣就+$2.拿 外賣如果係需要分湯或者方包炒蛋擺埋，我理解嘅。但最有趣嘅係...如圖！see!!!!炒蛋同餐肉擺入個沙爹牛公仔麵入面，1兜過！點樣計+2蚊外賣呢INTERESTING~~~膠袋又另外收1蚊？okay 你話事啦..講返d嘢食，公仔麵仲未煮散，脆口嘅！我以為食緊媽咪麵啊真係好有脆嘩潮流嚟㗎？由於滑蛋同午餐肉已經浸咗係湯喇！冇理由濕林林咁拎返出黎夾入塊方包㗎...所以結果個方包齋啪囉，好乾架，都照啪囉唔係點呀，啲牛油又冇味🤷🏻‍♀️…查看更多

外賣早餐豬扒未熟，通知老闆只回一句唔好意思。外賣早餐加錢轉多士俾咗白麵包，回一句明日補返俾你。明日我一定幫襯你？要食多件多士？外賣早餐留咗茄汁豆，又回一句明日補返俾你。我第日有幫襯佢，食多個茄汁豆。外賣早餐又留茄汁豆，通知老闆只回🙏🙏，我唔想明日食多個茄汁豆，我叫佢退返錢俾我，佢話好呀退返1蚊俾你，仲話1蚊啱數。外賣盒都收我2蚊，轉多士加2蚊，一個茄汁豆你話退1蚊啱！一個豬扒早餐三十幾蚊，下次你留豬扒退2蚊定3蚊？留奶茶退2蚊都啱數？其他係你要賺嘅？…查看更多