茶木‧台式休閒餐廳 (Citylink)

營業中

休息中

以前食親茶木，都會揀牛肉麵，或者炸雞扒便當，但係近幾次去，都會揀食呢個撈麵，因為佢有得揀個配菜，呢一款係咩青瓜他他醬沙律？類似咁嘅嘢，但係除咗呢一款之外，仲有一個花膠雞，我都超鍾意食。花膠雞我就冇影相啦，大家鍾意可以睇吓佢個Menu入邊張相，呢一款個撈麵我覺得好食嘅原因係佢每條面都撈得好均勻，唔會話一啖喊一啖冇味，再加上茶木工廠制式嘅糖心蛋，真係冇得輸。另外果碟鴨血，我就唔識嘅每次都俾咗人，所以就唔評論咁多啦。今次除咗每人嗌咗個set之外，仲叫咗幾個小食，其中呢個唔知叫三小碟定唔知咩，我只可以講個咕嚕雞都還好，叫做食得入口，其他都係太飽冇食到。然後輪到我最鍾意嘅烏龍茶奶蓋，啲奶蓋鹹鹹地再溝埋淡淡地嘅烏龍茶， Mix埋一齊個味啱啱好，超鍾意飲。然後我最鍾意嘅甜品環節，點解我仲食得落？因為我冇食晒成個set。不過甜品來講確實有啲失望，今次冇嗌到佢嘅主打蜜糖磚塊，諗住試吓呢個咩拿破崙啦，點知係有啲失望嘅，雖然話大大件睇落好抵食咁，但係啲拿破崙太大件呢，就會好多碎，擺唔到入口，而且因為太大件，啲cream好似cover唔晒嗰塊皮，搞到好多時都淨係食塊皮，乾爭爭冇乜味，至於個心太軟就得過且過啦，

繁忙時間排曬長龍 ，唔想排好耐，就去返好耐無去過茶木食野，對上嗰次食都係食雪糕多士甜品，茶木出名台灣麵、台灣肉燥，多士甜品。我就叫左個香煎沙朗肉燥飯 $78不過不失一餐 ，d肉係幾彈牙🤔肉燥係幾好味，肉燥份量都比較多，撈飯一流，配菜都幾美味。但只係覺得套餐唔多抵🤣又要加$20先可以套餐，價錢偏貴。甜品有更多選擇就會好少少😹無咩興致落手揀甜品。整體感覺，都維持到以前既水平，不過不失。都唔洗點排隊就有位，快捷方便。

今日喺沙田附近行街 可能太耐冇出街啦買咗好多嘢 行到攰想搵間餐廳坐下食下野見到茶木又唔使等位所以就去咗坐低食啦由於下午茶時間所以價錢都幾平嘅我次次黎到都一定嗌糖心蛋滷肉飯呢個飯真係好出色 滷肉又唔會太鹹啱啱好個糖心蛋仲好入味 不過份量係爭少少 我覺得可以多番少少我女仔都覺得唔太夠飽😂😂😂跟住帶咗個甜品食草莓香草蜜糖磚塊我次次都係食中間啲正方形細細粒其他邊皮位都唔食 呢個甜品又大份又飽肚價錢仲好優惠 兩個人食一個飯一個甜品係啱啱好😘😘

點餐的時間很久，而且等候的時間十分耐，要等候半小時以上才有得食，又以為有得食一看炸雞塊乾爭爭十分之差，差到極點以後不要再去中伏，一食落口牙都痛又乾又硬而且淡不好食。

價錢貴，但服務及服務態度差。沒有電話預訂，及後有個應該係經理嘅人用唔咸唔淡嘅廣東話叫我去外賣App同一個完全聽唔明嘅英文名平台叫外賣自取。到食物包好，想要求加雪菜時，waitress話已經打包，拒絕要求。冇下次！

因為疫情，朋友每逢星期三都被迫放 no pay leave，咁我哋冇嘢做，就約埋去沙田行街！行到攰，就決定搵個地方Tea一Tea，好耐冇食過茶木，就決定入去食啦！首先我哋叫咗個炸地瓜條，我哋揀咗話梅粉，上枱時會跟埋個袋，其實就好似 shake shake 薯條咁食，將地瓜條放入袋，加埋話梅粉，shake 一陣，打返開，地瓜條表面都會痴住咗啲話梅粉。上枱時我哋試咗一人一條，沾咗話梅粉後係更好食！之後就叫咗呢個，入面有肥牛，煎蛋，青瓜，成個配搭好夾，真係食唔停口。呢個超級邪惡鹽酥雞髀，超級大隻，食完都覺得好有罪惡感，最重要係個心熱辣辣，個皮脆卜卜，正呀！食過茶木嘅朋友都知呢個甜品係必食，平時$8x，而家8週年優惠價$58咋，勁平！Tea set 仲包一杯飲品添呀！你問我係咪好鐘意士多啤梨，都幾㗎！其實士多啤梨嘅甜品/飲品都一定好飲！呢杯飲品跟嗰支飲管仲要係食得㗎！好鬼正！總結：Tea 真係好抵食！飽到捧住個肚走，好邪惡，又炸嘢又甜嘢，之後又要努力減見啦！

茶木是來自台灣一間休閒咖啡室。Café主打多款台灣平民美食，例如：台灣香腸、炸雞排、紅燒牛肉麵等，近日秋冬將至，增添了一人份量既打邊爐，不過係配以白飯同飲品。如果可以選擇台灣麵，就更佳。餐廳除了有台灣美食供應外，還有多款飲料和甜品，招牌甜品必定「雪糕多士磗」，至今仍令人着迷，放假不妨去歎返個甜品輕鬆下～職員方面比較遜色，服務態度不錯，但欠仔細。例如食多士磗，餐具只提供义和夾（但沒有提供刀）。運送食物時，建議使用托盤，效果較為專業。

話說都好耐無食茶木，咁用積分換左就食下，其實COUPON只係免加一既價錢牛筋撈面，分開上的，碗野就賣相一般個面質唔錯，UN UN地牛就還好豆豉水蓮，詳細名唔記得水蓮只在台灣見過，無估到呢度竟然有口感好似食芽菜咁，還好奶蓋黎，無味，好清叫左後上但係竟然同啲主菜一齊上是但還好的甜品，朋友相當滿意中間唔係吉士果啲，而係真CREAM黎，無味的整體個面可以encore

茶目嘅菜式，睇得出花過心思。蔭鼓九層塔爆水蓮係非試不可，畢竟，水蓮香港唔容易揾。水蓮味道十分有趣, 食得出加咗豆鼓及話梅，成個味道很有特色。我仲叫咗古早味三杯中卷，即係花枝卷，外觀上碟雖很細小，份量卻比目測大，二人份量雖說不上很多，但夠食的。由於為食我仲加咗22蚊追加酥炸雞亦，個雞亦炸得好好食，朋友竟說好味過KFC。套餐加30蚊除咗包飯及野飲外，仲有一杯涼粉愛玉豆花，配上红豆，賣相已討好，食落更係完美，十分有層次感，亦不太甜，我比滿分個菜同甜品。

飲食業難做但啲員工都要有心做先得既，依家疫情底下探熱都係好正常既事，一入門口就覺得被呼喝，如果我講國語可能好少少掛。今次叫左兩杯野飲先，因為太口乾，見到兩杯野都無咩特別，已經唔係好想影，一杯係奶蓋，另一杯係鮮果類飲品。 杯奶蓋唔靚又唔係好飲，得個甜字，完。果杯鮮果野飲，真心差，底部勁甜，個茶包連埋張品牌紙係茶中成可能係一種特色，真心諗住換過，不過知道水吧一定是旦加返兩粒生果當整過，所以都係取消咗個念頭，成四十蚊杯野可以甘樣。最後叫咗個意粉，小，有條頭髮既😢根本唔值得去，完全無質素可言。

本來想試吓這間野，但真係頂心頂肺🤬，又不是多人客，等成半個鐘都未有，仲要吹先比，比完仲要比漏兩碗糖水，啲員工又懶懶閑！真係不知所謂！冇以後！😡今時今日仲有啲咁嘅員工！。

以前一直有吃覺得味道不錯但服務態度一直平平無奇最近剛巧進這間分店用餐食物水準還是差不多但員工的態度不太友好對比中環的分店 那邊態度好很多而且食物水準好像更好基本的禮貌和笑容都有第一次去有個短髮女生叫他拿水 當聽不到整間店的服務氣氛都不太好店員好像匆匆忙忙 不太理會客人只有一位綁馬尾的女生感覺比較友善然後第二次是家人的反映員工態度照舊最可笑的是 甜品居然沒有上但照收錢然後到專頁投訴但沒有人理祝你公司好運。藍店還是不了

好耐無食同茶木，所以就去左沙田火車站附近個間食晚餐，疫情底下少左好多人，等都唔使等就入座，平時起碼等15分中或以上🤣今次我地兩個人去食，叫左三碟野，包括甜品：豉蔭野菌炒A菜、石板街朱古力蜜糖磚塊同埋津菜水餃麵。個豉蔭野菌炒A菜相當有驚喜，好野味，送飯一流，可惜我地無叫飯😂😂非常足料，好多菇菇個水餃麵就不過不失，麵質好彈牙，yin yin 銀銀😆黎茶木食嘢當然要食埋佢地個蜜糖磚塊啦，同以往水準一樣都係好好味🥰d吐司好脆又夠蜜糖，甜度啱啱好，配埋個雪糕，Y.U.M.M.Y

又一日起沙田工作，平時都無乜機會入到來沙田，再加上襯住禁餐令🈲🈲前把握時間食得一餐得一餐可能算早少少時間，唔洗等位之餘仲有得之間揀位添，而且疫情亦令餐廳少左一份人多嘅壓迫感，坐起上來都幾疏落🍂🍂Lunch Meun都算多野揀，平時唔多食茶木，所以都有少少選擇困難症發作，最後揀左<肉燥沙朗蛋飯>配<愛民芒珍珠鮮奶>🥛🥛先上係<愛民芒珍珠鮮奶>，望落去都好靚下，底層應該係芒果蓉，中肚係大大杯鮮奶有珍珠沉低配搭，面係令我最意想不到嘅野同冰😂😂，開頭以為係一塊塊嘅蘋果，但食落先知係一舊舊嘅鮮芒，認真驚喜。而沙朗飯就後到，而且仲教識我原來沙朗係牛排嘅意思，不過沙朗就soso，因為有少少韌😭😭PS Meun有食lunch加9蚊可以轉38蚊野飲，本身<愛民芒珍珠鮮奶>係38嘅，但last埋單要加19.........................

原本諗住買外賣, 但天氣咁熱, 唔想走嚟走去, 一於入去慢慢食.呢間食肆有好有唔好, 就係不時轉 menu. 好係無咁悶, 唔會食嚟食去都係嗰啲;唔好係有時好食嘅過一排再嚟就無咗。就好似今次搵唔返想食嗰款, 於是叫咗個蚵仔肉碎泡飯.等咗一陣, 食物送到兼比咗支”胡椒粉”, 本能上都落啲. 先食粒蚵仔, 又唔係好腥喎, 其實唔落胡椒粉都得. 個泡飯好多蚵仔, 粒粒脹卜卜, 好juicy, 好嫩, 但唔腥, 個湯唔重味精, 食晒全碗都唔會好口渴.嗰晚又係坐喺冷氣位下, 好彩食泡飯, 吹住無咁熱, 唔會一路食一路出汗.