茶木‧台式休閒餐廳

陪媽咪去旺角覆診，但係旺角食晏真係好多人，我哋去朗豪坊茶木，排咗一陣隊總算有位。今日真係好肚餓，我地叫左：香煎沙朗肉燥飯配紅米薏米水 $80紅燒牛肉麵配紅豆薏米水 $84滷水拼盤 $80有找紅燒牛肉麵，麵質彈牙，湯底鮮甜，牛肉好入味又淋，滿分。香煎沙朗肉燥飯，塊牛扒真係煎得好好，繼續滿分。不過滷水拼盤就麻麻，但係媽咪話想試吓，冇所謂啦。我哋餐飲叫咗紅豆薏米水，可以走冰，好好飲，值得推薦。最後埋單兩個人$270，我哋因為叫多咗個滷水拼盤，所以好飽好飽🤣…查看更多

今日同老公去旺角行街 行到又熱又攰去到朗豪坊想休息下經過茶木 又見好耐冇食 就入去食番餐茶木我地最愛係食佢地既牛肉麵 就叫左半筋半腩牛肚麵麵條係粗身既手作麵，掛湯有咬口牛腩份量都唔少 肉夠淋亦都好入味紅蘿蔔同白蘿白都好甜好味我地另外叫左 微辣半筋半肉椒麻拌麵拌麵麵條相對幼身 個人覺得口感會比粗麵好拌麵醬份量調得岩岩好 唔會太鹹又不失惹味套餐另有兩款小食有煎素鴨配麻辣鴨血同半筋半肥牛都不錯！下次再黎會想食番椒麻拌麵😆…查看更多

朗豪坊呢間店其實發生咩事？琴晚20:30喺舖頭門口等位，我前面有對情侶等緊，但係見完全冇人理佢哋同我，幾個waitress掛住喺度執嘢，之後終於得到恩賜入去，我落單時有個阿姐嘅態度令我即刻走，可能佢哋唔想入客阻住收工，我早幾年幫襯呢間店係幾ok，試過有次嗌杯沙冰係水狀嘅而另一杯係淡到接受唔到，我同個員工講，佢竟然係問我想點？好想知呢間店係咪請咗義工？定係佢哋係老闆？其實佢d伙計咁唔想做，咁咪畀佢哋求仁得仁囉！…查看更多

同朋友出旺角食完個early dinner，唔想咁早散，就決定去朗豪坊嘅茶木坐下食下甜品繼續吹水，平日嘅7點半去到，唔洗等位直入唔想淨係叫一個甜品咁樣衰，見到有晚市套餐就幫襯下啦，好彩有叫呢個餐，如果唔係坐到發毛都未有野食🥲松露塔塔醬雞絲+麻辣鴨血拼素鴨+自家制椒麻拌麵$69前菜嘅雞絲唔錯，雖然唔係好食到松露味😂平時食雞絲多數撈麻醬，但呢個塔塔醬都幾夾，份量都唔少👌🏻拌麵食落真係有少少麻，但冇咩辣，不過我本身都幾鍾意花椒個種麻嘅感覺，所以整體都👌🏻話就話係晚市套餐，不過要加$30先會有野飲同甜品，我地見冇咩特別就冇加了草莓香草蜜糖磚塊$58茶木嘅招牌甜品，味道份量就正正常常啦，因為9週年嘅關係，特價$58，唔知因為平左多，左人叫丫，定平左所以要等耐d，一落單店員已經話要等45分鐘，初頭我地諗住食完個撈麵再等下都ok，點 知 足 足 等 左 一 個 鐘 頭 先 有 得 食！！唔講重以為佢由搓麵粉整麵包做起所以要咁耐，最奇怪嘅係，我地一直望住出菜位都唔覺佢有出緊蜜糖磚塊，姐係唔係因為多人叫呢樣野而整唔切😒最慘嘅係見到出面有條人龍等緊入座，甜品遲遲未上客人無奈喺度等食，回唔到檯出面d客又要等餐懵🙂下次佢話要等咁耐真係咪搞喇🙂🙂…查看更多

Openrice今日食評有✍🏻 Teawood@朗豪坊試食指數⭐️⭐️⭐️⭐店舖衛生⭐️⭐️⭐侍應態度⭐️⭐️((每項5⭐️為滿分)) · 午市套餐好抵食我們點了1️⃣ ⭐️⭐️⭐️⭐/5水餃麵配熱柚子蜜湯底一定有味精，所以好味麵底爽口彈牙水餃同下面的紅油抄手差唔多味唔知係咪同一餡料飲品正常2️⃣ ⭐️⭐️⭐️⭐/5豬軟骨麵配凍紅豆薏米水豬軟骨好入味夠腍麵底都是一樣的·加38蚊配兩個小食3️⃣菜芯⭐️⭐️/5家常菜味道說不上好吃但也不差4️⃣紅油抄手⭐️⭐️/5比起茶樓點心遜色了一點不夠熱味道尚可接受·二人盛惠212·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講…查看更多

首先啲嘢好難食,食咗個蓮藕牛仔骨同炒菜花,咸到難以下嚥,飲品同甜品又係甜到一個極端,同我喺其他地方食嘅差天共地,十分滿分我會畀零分。令我最接受唔到嘅係成間餐廳啲侍應嘅服務態度都好差,差到一個極點,揀咗晚市套餐,本身有飯同麵線兩個選擇,我揀咗麵線,落單嗰位小姐話佢哋餐廳冇賣麵線,請問貴 司根本冇賣嘅嘢點解要擺喺餐牌上面😅咁冇計只有白飯簡啦,侍應小姐仲好似有啲咩障礙咁重複咗三次問我白飯o唔ok,我就問返佢我有得唔ok咩,侍應小姐西口西面咁同我講唔ok可以唔要套餐,其實返工唔開心可以唔返😅但冇權利將脾氣發洩喺客人身上😅😅😅最嬲係埋單嘅時候,我見唔到門口處有收銀地方,我坐喺外面,亦見唔到有任何指引係要行入收銀處埋單,我嗌咗三次埋單,有另一位侍應小姐黑口黑面企喺我枱前面禁電話,完全冇諗過理我,聽到都扮聽唔到,第四次我嗌得超級大聲先有另一個侍應呢話畀我聽要入去收銀處俾錢。完全係畀錢買難受,因為朗豪坊依間分店我此生此世唔會再去任何茶木🤮同埋如果返工真係返得咁唔開心可以辭職,但係唔好發洩喺客人身上…查看更多

突然間想食台式野,就返朋友工作地點就去左茶木！大約下午3點時間去,好彩唔洗等位叫咗個紅燒牛肉麵牛肉肉連筋2條長長的、蘿白煮得好淋麵質就咬落去韌韌地，湯偏咸野飲叫咗芋香奶茶少甜、唔知佢有無做到啦！都係甜到癲咗，飲咗兩啖頂唔順放棄！…查看更多

好多時去茶木食嘢，堂食的味道和份量，一向ok。現在無晚市，今晚買外賣，份量小得過份。今日食滷水五福拼盤，三杯地瓜牛腩，跟飯，和2杯珍珠奶茶。合共$140。可以話每份餐跟飲品，$70。五福拼盤，有蛋，豆腐，腩肉，牛肚，腎。味道和份量ok,跟飯和凍珍珠奶茶,$70，都可以叫ok.地瓜牛腩，一碗仔好小，好細，好濕碎的地瓜牛腩。有3粒1.5cm x 1cm的牛肋條，2粒2cm x 2cm的地瓜，1粒1cm x 1cm的地瓜，2粒0.5cm x 0.5cm的牛筋(可能是牛脂肪粒\肥膏)，1碗1.5cm高的腩汁。跟飯和凍珍珠奶茶,$70。真係好差。牛腩小，好多時都因為來貨貴，係腩碎，肉小，都理解。地瓜＝番薯，咁平的，都要慳。真係…查看更多

又再開始限制兩人食飯 😪 疫情期間真係冇乜節目……到朗豪坊食飯，有個好處就係食完飯可以行吓商場當運動 😂今晚試咗兩個套餐，另加小食， 分別有：豬軟骨，炆得幾林，係有少少偏甜培根炒椰菜花，有差不多10隻🌶辣椒， 其實係嚇你 🤣🤣只有少少辣味小食拼盤（糖心蛋+秋葵+鹽酥雞），鹽酥雞是即炸黑糖冬瓜茶 還可以柳丁沙冰，有西瓜和橙味，幾清新 😄芋圓仙草豆腐花，配埋紅豆及寒天，吾太甜🤭俾自己藉口食甜品😛整體不過不失…查看更多

突然好想食台式野想搵下旺角有咩選擇最後決定茶木好耐無幫襯了都想睇下有無進步呀可能星期六關係都要等位呀(仲以為而家熱潮過晒唔駛等呀)等左十零分鍾就入座點左~豬軟骨麵有豬軟骨三大件麵就似係手工麵咁少少似刀削麵質感感覺良好湯底都算濃味同個豬軟骨好夾我都忍唔住飲左好多啖湯~微辣手工拌麵套餐有個素鵝同鴨血一個半筋半肉拌麵拌麵幾好拌得非常均云而且好惹味份量都OK唔會好細個唯獨個肉好好笑係類似肥牛咁唔係一般台式牛肉麵既肉~水果茶少甜(凍)呢個唔知係咪我叫左少甜既關係好似個味少少苦澀咁無以前咁好味…查看更多

臨近生日，又係D朋友仔約我食生日飯嘅時候正當星期五周圍都迫爆人又有時限跟住朋友仔同我碌過去朗豪坊諗住睇吓有啲咩餐廳可以坐得耐啲結果行吓行吓見茶木有位即刻衝入去其實我真係幾鍾意食茶木㗎😆不過每次入嚟唔係食牛肉麵就係食飯所以本身諗住今日想試個面線，點知賣晒😕算啦，咁我都係食返飯啦佢哋啲餐加$30可以有甜品同埋嘢飲杯嘢飲係紅豆薏米水，好似好健康咁不過好似每次去親都飲呢樣嘢😆另外個甜品就係豆腐花😋仲有芋丸好耐冇食過台灣嘅甜品即刻嗱嗱聲叫呢個，唔叫沙律可惜原來好細杯㗎咋😆仲有我嘅主餐小牛排好惹味😋…查看更多

下午跟朋友約會之後想找一個地方休闲，記得朗豪坊四樓的茶木於是進去下午茶。下午茶時間客人不少，所有位置都給屏風擋住以保障客人安全。下午茶點了柯仔煎和黑糖薑茶。坦白說柯仔煎真的很一般。蛋不夠多而且蠔仔也很少。整體感覺麵粉過多。黑糖薑茶也很一般實在太甜。越喝就越甜。可能因為是我不太喜歡甜的緣故吧。服務也是很一般。服務員大多沒帶笑容，而且說話也不是很有禮貌。唯一可取之處就是這裏的WiFi速度還可以。最後埋單46元實在感覺一般。…查看更多

今日超級早起身，要外出工作。因為工作關係仲未食過野落肚，所以超級肚餓🤪🤪，一做完嘢第一時間要醫肚先，係呢頭附近突然想食台灣菜，就咁啱見到茶木就二話不說就入咗去，先係門口量度體溫，再安排入座，環境都幾好幾衛生☺️☺️，坐低之後我叫左個沙朗肉燥飯再加杯紅豆薏仁水，雖然要成8十幾蚊食過lunch ，係有dd貴，但係食物質數高，所以都不錯👍🏿🤗。仲有一點，我自已覺得係幾好嘅，係因為未到中午食飯時間，所以餐廳無咩人😍…查看更多

今天去到朗豪坊，再次嘗試這間連鎖店的台灣菜。我叫了一個麻辣拌麵套餐、鹽酥雞、芝士雞翼、紅燒牛肉麵。麻辣麵很好味，不是太辣，面質也有咬勁。還有半隻流心蛋，留心蛋也入味，好吃。豆腐皮造成的卷和麻辣鴨血是我最愛，很美味。加上雞味濃郁的湯簡直是一個絕配。鹽酥雞炸得香脆，雞肉還是很嫩的，值得推薦。芝士雞翼上來的賣相已不錯，點上了芝士醬，味道濃郁，雞肉嫩，好吃。牛肉麵的蘿蔔和紅蘿蔔煮得很淋，也很入味，牛肉也煮得很久，充滿了牛肉的香味，配上了湯汁和軟硬度剛好的麵條，很是滿意。總的來說，每項食物的水準不俗，值得一試。…查看更多

今日中午突然想食台灣菜，即刻就諗起茶木。呢間餐廳好多區都有分店，相信好多人都時過或者有見過。可能因為疫情關係，平時一到飯點茶木都排曬長龍，但今日唔係排隊都可以直接入座，座位都好寬鬆。午餐嘅選擇唔多，今日揀左份糖心蛋肉燥飯。糖心蛋有點太熟，蛋黃唔夠流心，不過整體味道同口感都ok，影響不大。青瓜係沒有調味，個人不喜歡沒有調味過嘅青瓜，所以都係要連飯同肉燥一齊送入口，夾硬食左佢唔好浪費hahahaaa😂。肉燥同酸菜份量都好夠，不過配飯都係有點乾身。柚子蜜就唔多作介紹了，都係平時柚子蜜嗰啲味。個人認為今日沖嘅呢杯柚子蜜太甜了。呢杯有好多唔同種類嘅水果，果汁味較紅茶味重，整體有點酸，不過味道同口感都唔錯。其實仲有個酥炸排骨肉燥飯（$77）（$13加配上面介紹嘅鮮果冰紅茶），不過唔記得左影相😅。排骨炸得幾酥脆👍🏻 有半個糖心蛋，有青瓜，肉燥飯嘅份量係同糖心蛋肉燥飯一樣。如果本身都OK炸排骨，飯量又大的話，建議揀酥炸排骨肉燥飯，抵食啲😂…查看更多