茶木‧台式休閒餐廳 (卓爾廣場)

偶爾發現呢廳嘅下午茶都幾抵食，牛肉麵接近半價❤️「招牌紅燒牛肉麵」🐮湯底濃郁，帶有牛骨、花椒八角嘅香味，厚切牛腱肉同筋分布均勻，牛肉軟焾，手工麵煙韌彈牙，口感幾好🍜。仲可以用優惠價加$8加碟炸油條，性價比ok甜品「黑糖芋圓仙草」有齊芋圓、地瓜圓、珍珠、白玉丸子同仙草，淋埋黑糖醬，食落清甜涼爽，夏天必點,份量比想像中多😆🌞❄️⟡紅燒牛肉麵（下午茶）$58⟡ 黑糖芋圓仙草$40⟡炸油條（半條） $8…查看更多

其他店的茶木也有幫襯過，印象味度ok但份量較少，卓爾居這間第一次幫襯，下午五時四十分到不用排隊，座位不算多，但兩人安排了四人枱空間較多，環境也乾淨舒服，叫了二人餐，份量非常多，蟲草花鮮菇湯好重菇味，天然好味，也有很多菇及瘦肉粒，但瘦肉粒較硬；手撕盬水雞配菜飯，份量大，好多花生、青瓜及雞，雞是凍，但味道夠；柑桔醬芥末蝦球，個沙律芥茉醬偏鹹，蝦都彈牙，底有炸脆的麵條，好脆也好食，配手作麵，麵貭煙韌，湯係牛肉麵嘅湯，好濃味。麵不太大碗。甜品黑糖芋圓仙草，配料很多，紅豆夠甜，仙草軟硬適中。另一款甜品台式米麻糬粿條，粿條煙靭，有玫瑰花碎，米麻糬好似米漿，味道可以，但較飽肚。飲品叫咗洛神柚子茶，酸酸甜甜，但沒有柚子味。紅豆薏仁水好足料。二百幾蚊二人晚餐都好抵食，餐廳侍應細心有禮，提醒我落漏了一杯飲品。…查看更多

自從之前加咗價再加食物份量減少咗，已經好耐冇幫襯茶木了。不過佢依家改咗餐牌，仲特意寫住增量，珍珠奶茶亦調低返只需加$5，整個午餐嘅價錢也有調低👍 於是就入去試吓，現在份量真係返反去之前👍 湯底亦都跟返之前一樣濃厚😋值得一提嘅係我叫咗一個炸雞扒手工麵，佢嘅蔬菜份量真係比其他餐廳多好多🤩健康好多！ 不過職員嘅態度比較差，依家喺香港食嘢最難受嘅就係俾錢仲要睇人面色🙈 餐廳職員比例都算足夠，所以如果態度可以再正常一點就好了😊會繼續多啲幫襯！…查看更多

啱啱去完台灣，佢哋嘅小店早餐，雖然有米芝蓮推介，但味道一般，餐廳環境更加係低水平。茶木嘅早餐湯米味道不俗，湯溫夠燙，十分欣賞。可以配搭刈包肉糉等台灣小食，選擇豐富。推介肉鬆吐司，肉鬆下配沙律醬，微酸清新，有驚喜。咖啡奶另上，仲伴有酥餅，40幾蚊個早餐，絕對超值。餐廳環境衛生企理，感覺良好。食厭了港式茶餐廳早餐，台式早餐絕對值得一試。朝早7:30開門，唔似一般餐廳要等到十一點，感覺方便，以後有機會會多啲去。…查看更多

經外賣平台落單外賣自取，遲遲都唔接單，查銀行帳戶又見到嗰筆扣數。去問佢哋究竟接唔接單，個店員check完先話佢哋部機可能冇電所以冇接單。之後我響個apps見到我張單被拒絕。個店員想我落多次order但係個menu已經轉咗，佢又話唔識用個外賣apps唔知點樣可以做返之前嗰單交易。如果佢哋唔想有咁多途徑畀啲客落單，又或者唔夠人手去check嘅話，咁佢哋不如cut緊一啲途徑啦. 飯又食唔到，又要我打去平台處理返單交易。不過嗰個店員都算helpful，畀咗張單我去做supporting。但經過今次經驗我諗我唔會再幫襯佢。…查看更多

上網見到卓爾廣場的茶木是有早餐時段，想嘗試他們的台式早餐。然而，除了肉燥米粉搭配醬油粽稍稍帶點台式風味外，在整體菜單和一般的茶記沒有太大區別。而當天此套餐已經售罄，未能夠嘗試。台式三杯牛肉湯米粉這道料理與沙嗲牛肉相比，並沒有太大的不同之處。牛肉的質地似乎使用了過量的鬆肉粉，即使加入濃郁醬汁，仍感受到了鬆肉粉的味道。九層塔豬排湯生力麵豬排同樣過度使用了鬆肉粉，並且還添加了大量的酒來進行醃製。與九層塔毫無關聯。熱咖啡咖啡是整個早餐中最有誠意的，附上了一塊脆酥的方塊酥。小總結❤️📌肉類使用了大量鬆肉粉📌整體台式風味一般…查看更多

臨近端午節心血來潮想食隻粽應下節知道最近茶木推出了「台式早餐」系列見到餐牌其中一款有「台式醬油粽」供應賣相更非常吸引🤩一於試試！早餐平時一向多以西式或中式比較多今次嘗試台式就真的是一個不錯的新選擇👍如果大家有時吃厭了也不妨考慮試試吧！🥢台式肉燥米粉拼台式醬油粽+飲品🌟台式肉燥米粉自己一向覺得台灣新竹米粉好好吃，幼滑又彈牙爽口。每次吃台式料理也會選擇米粉，簡簡單單配搭肉燥，帶點鮮菇及肉汁味道已經好夠味，是台式料理中一款比較受歡迎的地道美食！🌟台式醬油粽份量剛剛好，裡面材料還有半肥瘦肉、鹹蛋王，配上醬油味道不錯👍🌟熱台式珍珠奶茶配酥餅奶茶香滑，黑珍珠煙煙韌韌，口感非常好，是台式飲品中最受歡迎飲品之一！環境：🌟🌟🌟🌟🌟衞生：🌟🌟🌟🌟服務：🌟🌟🌟🌟抵食：🌟🌟🌟🌟🌟…查看更多

之前外賣自取$84連珍珠奶茶（另加$1外賣盒，$1外賣餐具。） 今日買嘅時候$1的外賣餐具無比，（明明比左錢），仲要另加$14先有珍珠奶茶😮😮😮😮😮😮😮😮😮因為係叫我老公去買，所以佢返嚟我先發現貴左咁多！份量仲要好少。（第一次外賣自取呢個餐所以之前唔知）咁嘅份量你覺得值唔值100蚊，唔怪之得香港飲食業步入夕陽。仲要等成20分鐘先有得拎😒明明餐廳入面已經無咩人了。真係有排都唔會再幫襯！…查看更多

本身好鍾意食茶木，因為覺得佢食物品質、台式飲品都好吸引👍自從市中心店餐牌改咗，價錢貴咗份量又少咗（一份餐一個男士根本唔會食得飽。炸雞扒份量減少，麵的份量更少得不合理，根本不對應價錢😑）已經少咗去。之後開咗卓爾居店餐牌不一樣，價錢比較相宜，同埋份量合理一點，之後就一直捧場😊 但最近餐牌同份量都跟咗市中心，連綜合水果茶都沒有了😢 即刻唔想再幫襯☹️。…查看更多

期間限定💙食糖水送明信片新出糖水好好哋，芋圓 紅豆 珍珠 糯米糍 芋頭 沙冰 充滿台灣風味特色，難怪可以開甘多間分店。食糖水送三張精美可愛貓明信片，又食又拎真係誠意滿滿，大家一定要收藏啊！…查看更多

今日帶呀仔返學，放左學約左朋友仔去會所玩，點知一玩就玩到5點幾，推推下車太攰呀仔已經訓著左😴，我費時推返屋企整醒佢，所以陪朋友仔去食個下午茶，等佢起身食埋晚飯先返屋企。因為未到飯市，職員好好人比左最入的位置我哋，等我可以吾洗收車，訓左1個鐘都無佢就醒左，我哋叫左一個“開心呠呠車“🚙。兒童餐本身有芝心雞翼，地瓜條，魚蛋，水果，肉醬幼麵加橙汁🍹 ，樣樣都幾好食，調味吾會太濃，真係幾岩小朋友食，份量都大份，但水果吾知點解變左巧克力頌窩夫，甜品有朱古力醬，所以變左我食，哈哈哈！📍茶木‧台式休閒餐廳 (卓爾廣場)📌地址: 屯門石排頭徑1號卓爾廣場1樓110號舖…查看更多

茶木台式休閒餐廳 @屯門 中午天氣咁炎熱，真係無乜食慾🤣同屋企人去左食茶木，諗住有下午茶餐輕食而且新開無耐環境唔錯又無咩人又坐得舒服👍🤩 💥 （下午茶餐）醬汁肥牛刈包 HK$56拼褔州魚丸肉條紫菜湯醬汁肥牛唔算好濃味，配上刈包好食，有塊菜底層次感分明，無咁膩。魚丸肉條幾爽口，紫菜湯有蔥蒜芫荽好香口食完刈包後飲返啖湯都唔錯👍 👍🏻 評分 : 7/ 10 💥（下午茶餐）草莓香草蜜糖磚塊 HK$69呢個招牌甜品真係大人小朋友見到都愛😀草莓唔酸🤤麵包已切成一舊舊脆磚再配上冰凍草莓雪糕、草莓醬、奶油、蜜糖同棉花糖一同入口，真係好滋味，而且食落唔會覺得好膩。又靚又好味🤤打卡必點👍雖然邪惡但食極都唔厭🤤 👍🏻 評分 : 8/ 10 💥（下午茶餐）台式肉鬆起司香蔥蛋餅HK$49拼古早肉燥飯蛋餅皮略有啲硬，餡料都足夠好食，中規中矩。肉燥飯唔錯👍肉醬唔係太咸配上白飯會食唔停口👍 👍🏻 評分 : 7/ 10 📌下午茶餐贈送飲品一杯（價值$38）💥黑糖珍珠奶茶💥柚子蜜茶💥脆脆黑糖瀑布珍珠奶茶 （需另加HK$10） 茶木台式休閒餐廳 @屯門📍屯門石排頭徑1號卓爾廣場1樓110號舖 …查看更多

午飯時間來茶木多數會點他們的手工拌麵，麵身質地煙韌彈牙，吸附著香辣惹味的醬，越食越開胃~ 而且拌有我最愛的半生熟蛋，十分滋味；牛肉頗多，肉質炆到十分淋身，一啲都唔痴牙，而且非常入味，很有滿足感！…查看更多

在卓爾廣場內有間茶木 去吃下午茶餐 選了(台式肉鬆起司香葱蛋餅餐)+$16元愛文芒抹茶歐蕾 因為本人減少油．鹽、糖、要素食所以選擇這個餐 飲品ok 座位寬闊 近輕鐵菜意橋站...…查看更多