茶座 1952

晏晝去開荃灣西嗰度，一個人想搵啲嘢食，就入咗呢一間茶餐廳。呢度裝修都算乾淨同埋舒適，我一個人入座，但係唔使同人哋搭枱。佢哋Menu都好多嘢食，最後我揀叫咗一個蔥油豬扒飯，蛋我叫改左要煎蛋。覺得佢哋啲蔥油都幾好食，煎得好香口，配飯一流，兩塊豬扒都大大件，肉質唔會好硬好乾，反而都幾腍同埋好Juicy。隻蛋有兩隻，都煎得恰到好處，流心嘅蛋黃撈埋啲飯同蔥油一齊食都幾好食。呢個份量，價錢唔算貴，都幾抵食，下次可以再encore，試吓佢哋其他嘅菜式。…查看更多

大年初三跟幾位朋友騎完單車後食晚飯。態度友好歡迎我們摺好單車安排位置讓我們妥善擺放。食物質素中規中矩，價錢合理，離開時收銀員還給我們一些賀年糖果，態度友善親切。…查看更多

昨天惠顧了肉醬雞扒飯和咖哩雞扒飯我想反映一下雞扒是沒有問題的生熟程度剛好很好吃但是肉醬和咖哩有一股雪味，感覺是幾天前賣不去雪味，希望跟進一下好好的一間餐廳雞扒制作完美希望好好改善希望日後會有所更改…查看更多

星期六中午時間大約1:00，食飯嘅人唔算好多，服務員都好幫忙協助搵個座位，食物款式都多選擇，環境都乾淨整潔，落單到上午餐速度都好快，前後唔使10分鐘，整體來講ok！雞扒滑蛋蓋飯賣相好靚，但係個雞扒炸得好硬，唔算係多油，如果唔怕熱氣的話，都可以食晒成隻炸雞扒，個滑蛋就真係好滑嘅整體上都係好好食嘅，份量都算可以，因為唔係午餐，所以凍飲好似要貴多少少，如果無記錯係要加6蚊，埋單一位八十幾蚊，喺附近餐廳嚟講價錢唔貴。…查看更多

今天，與老公前往海之戀，行咗好耐都唔知食乜嘢好，就在海濱長廊看到有一家茶座，餐牌顯示每天也有午市套餐，由$58至$68不等，包括餐湯及飲品，連週末都有，今天星期四有老公最愛的福建炒飯，就入去試試啦！🌼 瑤柱福建炒飯$62老公就話食唔到瑤柱，但係是炒飯底，材料豐富有火腿片、雞粒、菇粒、菜粒、彈牙的大蝦兩隻等等，味道也不錯，讚！🌼海南咖喱薯仔牛筋腩飯或意粉$62咖喱唔算辣，好多薯仔，煮得好腍，牛腩也不錯，可惜完全沒有牛筋，向店員投訴一條牛筋也沒有，店員隨即補上一細碗牛筋腩，同樣全都是牛腩😅…查看更多

這是第一次的惠顧晚餐叫了一個焗飯，火候不足，最大問題係竟然有一大塊蛋殼在焗飯內！這個水準，連連鎖快餐店也會贏佢一條街！再加上，它的位置不是很起眼，想生存的話，必須要大幅改善！祝好運環境方面，裝修也尚算不錯，吸引頗為現代及乾淨的感覺，值得一讚!員工服務方面，員工數目太少，再加上落單不是自動化，要員工來幫忙落單，今時今日這種方法，已經落後了，必須改善！價錢方面，尚算合理，晚餐也不會超過$100 ，適合做街坊生意👍…查看更多

開業初期，食物質素良好，直至最近菜式配搭越嚟越古怪！不至於難食，但真係揀唔落手！員工時常三五成群傾偈喧嘩擾食客！員工對客人態度都不友善！餐廳設計有外廳及內廳，外廳滿客內廳都唔開，時常話留俾員工食飯！咁不如你就唔好裝修出嚟！有幾次外廳冇位，我及其他客人要求坐內廳，都比員工不禮貌呼喝叫我哋坐返出嚟，究竟餐廳老細係客人行先定員工行先？不知所謂！…查看更多

早餐 荃灣好嘅選擇唔算多 尼間食物質量就一般 煎蛋係唔熱 一早已煎好擺係度 面唔夠淋 麵包更加求其 只可以無選擇之下黎 一般時候以後都唔再黎尼間 it’s just wasting time if one think this is a reasonable cha kee Better find another place to get a really nice cha kee with reasonable food quality. I won’t recommend friends to this …查看更多

呢一間茶餐廳夜晚好趕收工，由8:10/15開始一位女員工戴眼鏡，頭髮長度到下巴左右，就會截客，態度極惡劣，基本上過咗八點，佢都會用凶狠的眼神不歡迎你入去，但如果你堅持入去佢就會俾啲好難聽嘅說話你廚房收㗎啦，你要而家嗌㗎，要食得快㗎到左8:30開始，佢哋就會執枱吹你走，服務差到不得了，唔知該店嘅老闆知唔知道自己請咗啲咁樣晚市倒米嘅員工不過呢間餐廳早市的員工是可以的，早上都幾爆滿客人，食過幾次暫時都覺得早上服務態度係OK嘅…查看更多

下午茶OK哩間話有海景的茶餐廳想去好耐，今日終於去到。下午兩點幾去到，開心窗口位置無曬。環境(4分)— 幾開揚，但其實只有幾個系窗口位置— 幾光，舒服。服務(3分)— 正常，人手落單都好快手衛生(2分)— 摟隻杯摟熱水，一個杯水面都系油。滑蛋牛三文治($38)3分— 蛋比較散—牛肉好少同肥—麵包OK乾炒牛河($48)4分— 牛肉算好多，吾”鞋”— 河粉系幾好但滑。— 茶走(2分)— 茶味吾香— 最吾好系飲完舌好”鞋”…查看更多

今日約左一位移民外國既朋友用餐，打算品賞香港茶餐廳味道。三位大人位小朋友用餐。一入店內侍應很好，安排卡位及兒童座椅，更主動調低冷氣。我們安排座位時阻到佢哋出入貨倉都冇唔耐煩，仲叫我地慢慢來。後來我們要求換去另一個吹唔到冷氣既地方佢哋都十分樂意和配合。為我地拍照留念時仲主動氹小朋友笑。 我哋坐左兩小時傾計都冇趕我哋走！好難得遇到每位侍應服務態度都咁好既餐廳！大讚每一位員工！…查看更多

住左係附近好多年，見住呢個鋪位成日轉手，忽然有日諗唔到食乜，見間餐廳新開未試過就入去試下叫左個黑椒牛仔骨煲同菜脯蛋，牛仔骨煲好足料，有好多塊，味道亦唔錯。菜脯蛋煎得岩岩好，好香蛋味。配埋餐湯同白飯，好有住家飯嘅感覺🫶🏻😄呢間餐廳嘅位置好唔起眼，係個商場出面，行入個商場都唔會知佢存在😂見佢餐牌上仲有好多款式，套餐係呢區價錢合理，希望佢一路keep到呢個質素，會多d黎試下其他餸，放工會多d黎幫襯…查看更多

呢間鋪員工有毒？#服務太差了 今時今日的服務態度喺香港...第一次遇到晨早去買早餐..•因為附近很多人坐船，入店時見到3-4個排隊點餐，我又去排，一時沒反應係排外賣的，排到我個收銀阿姐茶單都唔俾睇下，黑口黑面就行開了，我見到後面有就自己行去睇，果時又來左3個人排就到我了。我點完外賣轉身就見到同事果邊有位座，行去坐低想揾阿姐講返聲可唔可以轉堂吃，見到一個大姐叫佢唔應，我以為佢聽唔到，我又行去等另一個阿姐連問2個沒人理我，隔離臺兩個食緊嘅男人仲笑住同我講，佢地太忙了，所以忙到又盲又聾了然後第三個阿姐走過，終於幫我拿單去幫我轉，結果佢行好快出嚟話裝好袋了轉唔到無計我唯有去門口點外賣果度企住等，係我前面點餐的，都一齊等，之前又來2-3個點餐的，十五分鍾以後，一齊等外賣的都走曬，我後面來點嘅都走了，外賣單就我果張了，我見到收銀阿姐，就問左她一下，她應都唔應看了一眼我嘅單就就行開左了，我順住佢行方向，見到佢入去後裝緊餐，又過了5分鐘都不見她出來，有個男員工經過，我驚遲到就問一句，唔該我個餐搞掂未？頭先話入曬袋，………〈我等左廿分鐘都沒得又驚遲到……但我都沒講完〉果個男人一開口就大大聲鬧我，〈我唔嬲，可能佢屋企死左人呢〉佢話餐廳個個都在忙，又唔係做我①個人生意，噼裏啪啦係咁鬧，我仲沒反應過來佢點解咁大🔥，我示意佢細聲點，但佢好似當我殺左佢老母咁仲想鬧....好彩個收銀阿姐拎左個餐出來，拿拿聲走人，唔係都唔知俾佢鬧幾耐 Ps：工作忙係你嘅，有怨氣唔該揾你老闆，或者揾你都母都好，而唔係隨便見人就咬，忙？？咁辛苦唔好做啦唔知個老細有冇留意佢D 員工個個黑口黑面？無糧出咩？咁嘅態度？…查看更多

海之戀這個鋪位雖然有無敵大海景, 但位置較為偏僻, 並非從海之戀商場可以直達, 而要經過荃灣西鐵站才可以到達, 對於不熟悉這帶的人士較為不友好, 可能因為這個緣故, 這個位置的餐廳已經轉了幾手, 終於來到這次的茶座1952, 小編當然要支持一下。餐廳剛剛在聖誕節前開張, 內裡的裝修有點像船艦的感覺, 和海景非常匹配。餐廳提供早、午、晚、茶四個不同時段的食物, 要注意的是想吃小粉的話就只能在晚上6點後過來, 碟頭飯就在11點或以後已經供應。小編和友人叫了兩碟小炒, 小炒的價錢已經包括中湯(青紅蘿蔔湯) / 西湯 (羅宋湯) + 小炒 + 白飯 + 熱飲 (凍飲或特飲要額外加錢), 而且也按照一般茶餐廳的做法, 不收加一服務費, 7、80元一個小炒套餐來說, 性價比不錯。豆腐魚柳煲 $75這個煲仔菜幾乎每檯客人都有叫, 認真熱門。值得一提的是這個煲提供的是豆腐而非豆卜, 口感較為嫩滑, 非常好吃。魚柳是先炸過的, 就像粟米斑塊的那款魚柳, 配上鹹香的醬汁, 很好下飯。除了豆腐和魚柳這兩款主食外, 還有少量的大蔥、蘿蔔和草菇, 更為惹味。菜心炒牛肉 $78牛肉有事先醃過, 炒的時間掌握得不錯, 嫩口之餘不會太老和乾柴。菜心新鮮爽口, 配上少量草菇和薑味, 又是一道惹味又健康的下飯菜。整體來說茶座1952都是一間有誠意經營、有質素、價錢合理的茶餐廳, 唯一不足的是米飯的質素不太好, 非常乾身和泛黃, 除此之外已經是「無得彈」了。…查看更多