茜麵(西口西麵)

營業中

休息中

🇭🇰茜麵·蒜香花甲湯$41 l 雞扒$9 l 蘿蔔$6我哋最後仲買咗個花甲湯返屋企食 佢呢個蒜味真係好香🧄而且佢啲粉絲係真係煮到岩岩好 就算攞到返屋企都唔會糊晒 仲係有口感既🤤之後佢個花甲份量都幾多嘅 不過就比較淡味少少 反而佢啲配料全部都做得好唔錯😎😎佢原本入邊有啲金菇同埋豆卜 全部都索晒湯 超好食 之後我哋加既蘿蔔都煮得好透 好入味 個雞扒都煎得幾好 不過我哋攞到返去就有少少淋左 但係都仲係嫩既 整體都相當之唔錯😋·📍土瓜灣銀漢街21號地下B舖·#rbyeat #rby好去處#rby港式 #rby土瓜灣

見到網上有人推介這間食店，剛好星期日路過附近，就決定幫襯，睇吓係咪真係咁值得讚。店舖小小，最多只可以坐到8個人，店內裝修簡約，但張貼了一些香港人的回憶，那些場景記憶猶新，但恐怕往後不會再復見。據聞如果要食蠔仔就要碰運氣，因為未必有貨，即使有貨都好快會賣哂，這天我就好彩可以點蠔仔🦪食。蒜香花甲湯 - 花甲鮮味配上蠔仔加粉絲，仲要有埋辣菜甫，加埋濃郁蒜香味，雖然食完個口勁臭，但真係令人好滿足。魔鬼雞扒粉絲 - 個雞扒既肉質出乎意料地嫩滑，魔鬼程度只是小學生程度，如果想食得辣d，可以落單時點埋指天椒 🌶️同叻媽辣油。腐皮卷 - 呢個就正正常常啦，都幾好食嘅。

今日忽然間諗起🔸茜麵🔸就即刻打電話去問吓仲有無得叫外賣, 好好彩可以留2 碗比我地, 去到現場再慢慢揀湯底同配菜。🥢 蒜香花甲湯配粉絲有12 隻蜆, 完全無沙, 好鮮甜, d 肉都脹卜卜架。湯底除咗有花甲嘅鮮甜味, 仲有大量蒜茸, 好惹味, 不過唔會覺得鹹。粉絲軟硬適中, 吸收曬d 湯顯得更入味。配料仲有生菜, 豆卜, 金菇。我另外加咗魚蛋, 細細粒, 不過好香魚肉味, 同花甲湯好配襯。🍢 炸花枝丸老闆好貼心, 擔心用紙盒裝會焗到淋曬, 所以用吸油紙幫我地包住。花枝丸炸得好香脆, 好好食。💭 整體食物都好好食, 不過唔容易買到架, 想食就要早少少打電話留定喇。

喺疫情籠罩之下，就算中午，我都寧願自備膠兜，出去買外賣上樓，安心食用。不過，我似乎太過貪心，令到其他嘅食材，包括：午餐肉、蘿蔔、金菇、生菜，完全被遮蓋，見唔到佢哋嘅蹤影囉！🤣🙈😋💖🤣🙈😋💖

小店位於轉角位，主要做外賣生意，旁邊有堂食位置。見網上評論主要係推薦蒜香花甲湯粉絲，所以特登來到叫一碗外賣。店主好好人，見我拎咁大個自備盒仲問要唔要多湯多芫荽本來有啲擔心唔加餸會唔會唔夠飽，但花甲份量唔少而且新鮮，湯底蒜香花甲味好重，亦有好幾舊豆卜，金菇，少量生菜。 高質，推薦，會再食！

睇完介紹幫襯咗 2 次外賣，一次食香蒜花甲，一次食爆炒花甲，2 次食完夜晚都勁比人投訴個口好勁（臭）蒜蓉味 🤭，真係真材實料無花假架。2 次都係經 whatsapp 落單，第一次去到等咗一陣，其間有人想落單，老闆娘話手頭有 8 張單未整，怕要等好耐，結果嗰個人走咗。老闆算係有良心 💖，唔會收錢由你等。蒜香花甲湯好清甜，爆香就有小小辣，花甲數量都唔少，價錢唔算貴，碗粉仲有齊豆卜金菇，性價比夠高 👍👍 位置離公司唔遠，可以再幫襯 😋

一路都想搵機會試下呢間麵店，但試過幾次打去問仲有無蠔仔既時候，每次都賣光。今日打去問終於有蠔仔喇，即刻Whatsapp下單。🤩爆炒花甲湯配烏冬+蠔仔🦪湯底好濃郁，豆卜，金菇完全吸晒個湯，食落幾好味，不過建議唔食得辣既朋友，可以問下有無得少辣，因為個湯都幾辣下。個湯入面本身有花甲，豆卡，金菇，芫荽同麵底。份量個人覺得較少，建議加餸或小食。另外我加左蠔仔，不過有點失望，因為得好少蠔仔，Size亦都偏小。花雕雞扒麵配薯粉🍜相對平淡的一款，其實沒有太重的花雕味，所以不會讓人有深刻印象。雞扒份量足夠，比起爆炒花甲湯會飽肚一點。總括而言，食物味道合格，不過個人覺得未去到網民瘋狂盛讚的層級，但值得一讚的是外賣盒極度保温，天氣涼的時候仍能吃到熱辣辣的外賣，感覺十分開心。整體而言也是一間值得支持的小店。😊

事實證明，早起的鳥兒有好嘢食，一早醒咗瞓唔返，look IG 發現有是日 special，我當然唔執輸，預訂咗話會堂食，另外再加一份蠔仔啦！ 預定時間去到，同老闆娘講低，就去隔離入坐等食。食之前，當然影下佢哋嘅新裝修啦！部份舊嘅有保留之外，亦都㖭加佢哋自己嘅新元素，店舖光猛舒服，令人食得好舒適。食物嚟到，依舊大碗到我會擔心，究竟自己食唔食得哂，不過，喺美味又滿足之下，我依舊連湯都同佢哋青埋，期間，因為粉絲太索湯，結果，搞到我忍唔住，仲加咗湯添呀！😍😋😍😋😍😋😍😋

蒜🧄炒花甲湯底薯粉，加$10有新鮮蠔仔，芫荽多多，好在有堂食空間，上台熱辣辣食好D，天氣清爽，環境企理乾淨，秘製辣油一流夾味道！下次去食爆辣炒湯底的花甲！今日個花甲算無沙$38+$10 CP值高，好大碗，再加埋芫荽我至愛！回頭率高！原來可以WhatsApp order,就到前問定有無位都不錯👍🏻飲品另加錢的！我喜歡食辣單點，不用配drink ，真材實料！如果女士食5晒，叫粉絲會好D，個紅薯越食越大碗！

念念不忘佢個爆炒花甲粉，上網見網友話，佢新增咗一款隱藏餐單食物：蠔仔，我當然唔執輸，過到去土瓜灣時，就梗係試下啦！以我所知唔一定有，所以，我一早就去到，落單前再問一問老闆娘，今日有冇蠔仔？好好彩，因為早去所以有得食。 結論，不愧為早起的鳥兒有好野食，除咗本身碗粉依然好味之外，啲蠔仔都好大、鮮味、飽滿又好食，“ 茜麵 ” 實在係一間會令人，忍唔住返頭幫襯嘅小店呀！我知好多人，都因為芫茜慕名而來，可惜我唔食嘅，只好同佢個名無緣了！😋😍😜🤣😋😍😜🤣

本身見網上好多人話好食，所以叫外賣試咗一碗要爆炒花甲湯烏冬。雖然等得耐，但去到真係好多人係度等，唔怪得要等成大半個鐘先有。試咗一碗但真係唔錯。味道有少少辣，不過個湯好有鮮味。花甲大約有十幾隻，好有鮮味。金菇同烏冬吸咗湯味都好好食。

在 社交平台 香港芫茜黨見到人post即刻黎試！晏晝去左轉 食材已經賣晒！好彩住得近！老闆娘話下午補貨，叫我夜晚再黎！果然不枉此行！Menu 好簡單！雞扒、花甲、蠔仔！每碗麵都係即刻整！因為本身都係愛食蠔！所以叫左個蠔加花甲！碗麵性價比超高！大大碗足料又熱辣辣！食材新鮮！因為即刻煮，所以好好味！蠔仔黎計，size 都算肥大！花甲剛剛熟！唔會太韌！成碗麵真係可以湯都飲晒！仲有個墨魚卷焗爐焗的！無咁油膩！腐皮脆、墨魚肉爽！拿！唔好話我唔提你地！最好預先WhatsApp 問下賣晒食材未！最重要係入面果幾隻字！加油！撐！

食過唔止一次，平時自己食開外賣，今日難得過開黎就去食堂食，事頭婆同老細照舊都係好nice，仲要難得8號風球都有開門。得知老細又有新嘗試（新配料），當然支持啦。今次試左蠔仔加蒜香花甲湯底，一試嘩左出黎，比平時食既湯底多左一陣鮮甜味，蠔仔都唔算細隻，啖啖肉，花甲雖然今次細隻左，又或者可能d蠔仔太大隻，完全被比下去，蠔仔蜆湯加上超多芫荽，簡直一試難忘。另外一碗就較辣嘅爆炒花甲湯，再加埋應該係用花雕醃製既雞扒，簡直係完美嘅組合，可惜美中不足係今日無雞翼。由於係每碗即煮個湯，可能有時會等得耐啲

去開土瓜灣，見網友話開利小食已經結業，不過，就由熟客接手，改咗名兼有新菜單，新增花甲同爆多雞扒，所以，就去會一會佢啦！特登等過咗午市先至去，佢係逐碗煮，要等，因本身有心理準備，所以冇問題。碗粉嚟到，我忍唔住數一數，學網友話齋，一樣都有十三隻花甲㗎！嚟到，質素同價錢，我都覺得非常之唔錯，睇我連啲湯都飲埋，就知道咩事啦！希望大家行過，都可以幫襯下呢啲小店，等大家都可以，有更多不同嘅選擇啦！ 😍😋😎😜😍😋😎😜