茜廊餐廳 (上水匯)

營業中

休息中

今日同朋友去咗呢間餐廳食tea, 一入到去就有waitress帶位，下午茶嘅選擇都幾多，有意粉,串燒,甜品等等、開頭都唔知揀咩好，最後揀咗雲呢拿雪糕班㦸配凍檸茶，仲有coupon送嘅tiramisu。野食好快就送到，份班㦸都幾大份，夾着係裏面嘅除咗雪糕仲有cream, 食起黎唔會太溜，係個唔錯嘅選擇！另外送嘅tiramisu就有少少苦味，可能唔太適合鍾意食甜野嘅我。值得一讚嘅仲有呢到嘅環境同waitress, 坐得舒服又有音樂，坐好耐都唔會俾人趕，有咩需要都即刻有人過黎，係個消磨時間嘅好食處，下次黎再試吓其他野食先！

晚飯時段, 反正時間充足, 決定到西餐廳悠閒一下羅宋湯, 夠熱, 味道濃郁, 於上水鮮有;但法包有點強差人意, 不夠脆, 有待改進主食是咖哩牛腩, 咖哩汁夠味, 牛腩也夠焾,薯仔也很好吃, 沒有溶溶爛爛很粉的感覺雖美中有不足, 整體上比不少餐廳優勝, 希望下次再來時會有驚喜

是日休假，跟媽媽到上水新開的"上水匯"會一會先。原本打算去潮江春一盅兩件嘆茶，但被門外的人山人海嚇怕。發現了這新開張的西式快餐店又不用等位，於是進去一試。下午茶尚算多選擇，價錢以西餐廳來說也可以接受。我們都點了焗餐，奉送咖啡／奶茶。另加錢有餐湯跟田園沙律。餐湯一般茶餐廳水準，而沙律則較有驚喜，清新的蔬菜令人開胃非常。焗白汁芝士龍脷飯　＄43以下午茶份量來說是頗多的，而且龍脷亦一整條上。白汁不過不失，只是不夠芝士味跟焗得不夠火喉。焗肉醬意粉　＄ 36肉醬鋪滿芝士，味道很不錯，但能吃出只是後加焗一焗，同樣是焗得不夠但味道是可取的。這頓下午茶埋單接近＄１００，但份量跟味道都是可以接受的眼看其他客人點的串燒很是吸引，有個獨立迷你炭爐一起上，下次一定要再試試！

聽聞上水滙有間老牌西餐-茜廊餐廳進駐，想試好耐了，終於等到個仔得閒一同前往，聽到茜廊餐廳呢個名 ，就令我想起以前在九龍灣工作時，成班同事成日都要去餐廳食的開心日子，果d蒜茸包+蒜茸油👍👍👍我地早到，見未有什麼客等可以直入。厚切安格斯肉眼扒，正 ！厚切肉汁多，有肉味口感好，唔似出邊d餐廳淹到完全無肉味無咬口，個仔話下次來都食呢個。我的選擇，西班牙燒B B豬$118，皮脆肉汁多，熱辣辣，食到豬仔本身的肉味，個皮色淺些就仲正，超值 ，在中環餐廳無食無$300都食唔到 千層麵我太太話好味 多料，又有些磨菇，但我就唔鍾意食淋的食物 pat pat 的食物 不俗的一餐，是d 檯就逼d 臨尾個仔重要整多杯日本紅豆冰 超正

今天去完教會，跟家人去上水吃下午茶。去了新開上水匯，最後選了茜廊餐廳。茄茸蜆意粉 $48今早沒吃早餐，這是我的早餐暨午餐暨下午茶。 味道不俗，有點像羅宋湯，有好多蜆(食極都有)，意粉彈牙。公司三文治 $49公司三文治一般，和美心的公司三文治差不多，內容為火腿、蕃茄、煙肉、雞蛋、芝士和生菜。價錢略貴。還點了炸雞脾配薯條 $3x (忘記價錢)。飲品 - 凍奶茶 凍檸茶飲品 - 即磨咖啡門口派coupon 送甜品 - tiramisu

比起九龍港島既分店，呢間差太多，西餐完全唔理上菜次序，另外仲要落單叫勁耐都無人，埋單又係咁，好難唔燥，不過有一個應該係大粒D既女經理黎，佢態度真係好好，又有效率。 講味道其實還好既，可接受度都有4粒星，不過個羅宋湯唔夠辣 如果辣D就更好!! 啲餐汁都好夠味，不過就真係無咩特別。。。

難得今日放假吾洗番工，同朋友走出九龍，入左上水行街食飯。原來係九龍塘搭港鐵去上水只係需要30分鐘，同friend傾下計，話咁快就已經到左上水，出左地鐵站之後，發現有好多人係天橋到派傳單，其中最顯眼既係幾個著住制服的年輕人係到派優惠劵，我都攞埋一份，細心一睇單張，原來係茜廊西餐廳在上水開左分店，呢間餐廳係九龍區都算係區內既老店，但冇諗過開分店開到去上水，我同友人即刻興致勃勃，去左茜廊食lunch。當時係12點幾，餐廳入面仲未滿座，所以吾洗等位。知客帶我地入座之後，一位女侍應即刻比左餐牌同水，都幾話頭醒尾。餐廳入面環境氣氛不錯，開放式水吧，仲有music做background，整體上餐廳環境都幾舒適。☝️☝️羅馬經典凱撒沙律口感一流，份量十足，價格合理，可以做主菜，真系幾抵食！👆👆意式薄餅個人覺得味道一般，冇咩特別，薄餅入面D料太齋，過於單調，冇咩肉食。☝️☝️朱古力飛雪冰--必叫既特飲👍👍正，夏日炎炎，啱啱可以消暑解渴，有濃郁既朱古力味，甜度適中，啱晒我地呢d怕甜既人。是次進餐多謝每位$180總括而言，環境氣氛，菜式同service都吾錯美中不足既系店鋪吾大，檯凳太close令我覺得有小小壓迫感

本人是居住在上水，聽說朋友話開了一間新店茜廊西式餐廳，我便約了朋友走去試試。首先說店內環境，裝修簡單樸實、擺設用心，形造一個舒適的環境。可是，桌子與桌子之間的空間比較狹窄，客人和待應出入比較不方便。食物方面，我點了西班牙BB豬、串燒和抹茶雪糕紅豆冰。先說西班牙BB豬，乳豬表面的脆皮十分可巧，吃上去不太覺得肥膩，再配上蘋果汁沙律，是一個不錯的選擇。如果可以配上獨特的汁在這個t菜色，相信會有別有一番風味。另外，我很喜歡店內的串燒分別有雞肉和牛肉，店內提供小型爐供給顧客自行燒串燒，再配合沙嗲汁帶有少辣，入口十分美味。最後，我點了抹茶雪糕紅豆冰，抹茶雪糕與紅豆冰味道剛剛好，不太過甜。整體來就說，這間餐廳的食物質素不錯，服務態度幾好，值得去品嘗。

今日約左粉絲喺呢頭見面傾下心事~呢個商場開左好多飲食''名店'',咁啱大家都冇咩心水就諗住去試新野~喺下午茶同晚餐之間~可以選擇的餐廳唔多~最後揀左呢間~一入門口服務員們就好熱鬧地歡迎我地光臨~心中確實覺得有點大聲.佢地需要每位客人入門口都咁歡迎,顯得有D嘈~..舖頭冇咩人~服務員帶我地去左埋邊的位置,相信係想盡量令客人同客人之間有D空間感~坐得都舒服~服務員放下我地同餐牌就走開了...我地睇左又睇~呢個時間下午茶同晚餐同時供應~真係估佢唔到~最後我地點左個公司三文治同埋燒豬仔腳套餐羅宋湯 - 質地唔算好濃厚~幸好唔算係加水無限次的貨色,細心品嚐的話除左菜渣之外,仲會食到一D牛肉絲~公司三文治 - 超級令人意外~同張相講的相差有數百里~三文治的麵包一D都感覺唔到佢係有烘過~就如白方包一樣~~!饀料比茶記的仲要少~睇落去好似點左腿蛋治,配菜一般黎講都係用薯片或炸物的~但呢到用的就唔同Ｄ～居然係用會出水的沙律菜，仲要就出奇地多~連三文治入面都有~我都分唔到我係點沙律餐就係三文治餐~又可能係廚師覺得我呢個米之連人需要食清D需要排毒...所以加重菜!!沙律菜沒比醋汁或沙律漿汁,可能怕有汁的話會

我係好鐘意食去食下午茶～因為感覺好relax~今日又抽到時間趕到去tea~其實之前好多人話呢間嘢難食！！但我又唔覺～綜合結果話難食嘅人大部份食晚餐同食扒～所以我只係簡其他試～今次叫咗個沙嗲串燒，雞牛各3串＄48/6～初初睇份meau張相有個爐，我以為係圖片只供參考～點知個waiter一擺上份沙嗲串燒，wow!!!之後就加埋個好似椰青嘅爐仔，爐仔上面寫咗D好似九此皇帝字！D串燒其實已燒好，不過可以有DIY感覺燒熱佢食，再茶D沙嗲上去燒！！簡直一流呀～另外我點咗個公司三文治～之前見人地食好似都唔錯～都ok，不過不失咁啦～相比一定唔及串燒～話說有個promotion~如like facebook再upload 相就有一份甜品or沙律or小食送～我同友人各order甜品,沙律一份～以為送嘅唔方好，但見個甜品師傅又唔hea 喎～最後個經理（黑面版石修）同個廚師（黑面版吳鎮宇）係度影緊一大盆炸海鮮嘢～好似好正咁～＊我心諗：不如搵我影請我食番件～haha~

平時睇人啲食評就睇得多，自己寫就真係第一次。今日放假同我好朋友係上水行下街，到左差吾多七點左右經過茜廊見有人派coupon，又有卡位而且個帶位小妹妹又講到啲野好好食咁，就即刻衝左入去點餐的時候先發現原來啲coupon星期六日係吾用得，真係有點被騙既感覺。幸好問清楚個waiter。點餐既時候個男侍應的服務態度都不錯，落單時面帶微笑，好nice！最後點了個乳豬及西冷牛扒。首先一位女侍應用佢吾純正既廣東話把兩個湯拎過來。我心想，一間外表像高級西餐廳點解會請那些就連廣東話也說不好的新移民？羅宋湯太鹹，不過夠熱。忌廉湯就只是忌廉溝水，沒有配料。西冷牛扒，七成熟，黑椒汁，配薯菜跟餐牛扒刀有鏽漬牛扒跟本不是七成熟的，像九成熟牛排亦比較鹹，不知是牛扒還是黑椒汁的問題黑椒汁亦不夠辣薯菜，不值一提。薯仔太乾身，好像是返炸的乳豬配沙律乳豬夠熱，但有蘇味。完全沒有汁醬的，完全沒有味道好在那位男侍應經過，主動問我們需不需要點芥末。份乳豬配左芥末我才覺得有返小小味道。最後餐飲點了兩杯熱咖啡咖啡是即磨咖啡，可是太細杯若果可以加錢Refill會更好。總結:食物有待改善，價格與食物質素不成比例。值得一讚的是帶位的小妹妹

本來和媽媽到那兒吃壽司，但因為要排隊，所以唯有來這兒吃！我們二人共叫了兩個午餐：乾炒牛河及鐵板牛扒，得鐵皮牛扒好滑，因為好滑！但媽媽的那個乾炒牛河則好難吃，河粉好淋，個汁好鹹，不知什麼味道！而那些待應則是懞下懞下的！所以和媽媽決定以後亦不會來這兒吃！

同好多人一樣在九龍灣試過茜廊，而家在上水有分店都想一試！星期二晚上約7時，祇等了5分鐘便有位。環境較迫，入座時要等侍應退出後才可入座。三個人點了三份晚餐，費城BBQ豬仔骨$138、西班牙燒BB豬配沙律$118、鮮蟹肉蝦球黃金飯$88。點餐時侍應木無表情，點餐後又無取走餐牌；任由它放在細細的餐枱上。餐湯：羅宋湯ok，仲有件大牛腩。  忌廉湯就變成忌廉水。主菜：1) 費城BBQ豬仔骨 (味度)ok，但無需使用跟餐的大刀！感覺上，用水煮熟再加醬料，祇需用刀在肉上向下壓便把豬仔骨分開。肉入口無彈性，祇是一件有醬料味的肉！2) 西班牙燒BB豬配沙律，賣相ok, 味度幾好。祇是皮太硬。  配沙律，祇是幾條生菜。3) 鮮蟹肉蝦球黃金飯，賣相ok，味度幾好。蝦球有三件，但找不到鮮蟹肉。餐飲：凍朱古力(無味)、凍檸茶、凍奶茶(有苦澀味)。結賬：侍應用極快速度而無聲地放下賬單便走了，撿查賬單後要另叫主管結賬。總結：環境一般，尤其坐向商場一面會被外面的人用目光同你一齊食。侍應服務一般，個別木口木面。見到三個人點三份上述晚餐，都應該知道一齊分食。但唔會主動送小碟。明顯訓練不足！價錢：三份餐連加一共$378.4

還2天到我哥生日 請佢去吃晚餐在門口有侍應遞上一張優惠卷比我地我地就入左去坐 然後點了一個板燒肉眼餐配薯菜,餐飲凍奶茶,餐湯忌廉湯,同埋佢優惠卷上送的 Carbonara, 還有70後火焰富士山落單阿姐都算唔錯 叫我地食之前20分鐘要落火焰富士山 果個要等咁等一陣餐湯黎啦 但係就勁稀 勁鹹 仲有一陣水喉水既怪味飲左2啖就放埋左一邊 據我哥所說個蒜容包都OK之後到個鐵板肉眼黎如圖所見啦, 唔可以話好好食 但係咩價錢咩貨 我都明GE 個扒算OK啦凍奶茶我哥冇特別出聲話好唔好飲 我諗都OK GE之後黎個 Carbonara我本人對Carbonara有情義結, 呢個係原價88蚊既話 我絕對建議大家落地下果陣食Italian Tomato意粉無小麥味 仲有一大陣水喉水沖完過D水味 (我住村屋, 對樓果陣水喉水味真係好敏感),仲要意粉還意粉既水喉味 芝士洋蒽煙肉蛋黃味全部都各不相干咁不過P.S. 佢地有比COUPON我話呢個意粉係送既 就心諗最多之後黎唔再叫呢個食之後呢個經典到不得了既70後火焰富士山黎果陣~都幾歡樂既 "嘩~有火呀" 好似前世未見過火咁 "好神奇呀~"實在真係不能不提 佢入面你真

上水既食肆真係食黎食去係個幾間, 確實有點悶, 趁上水滙開落成, 便去試試已進駐的食店. 見到sidewalk, 之前響九龍灣食過, 質素都OK, 於是便試下呢間. 點了兩個set dinner, 先來很多料的羅宋湯, 幾好飲啦, 但加多些少茄膏, 令味道濃郁一些會更好. 塗了少許牛油的法包加了poppyseed在面, 幾有新意, 奈何…面包是韌的, 不浸湯食的話, 應該會扯甩牙.主菜來了, 真係意想不到, 大蝦意大利飯….原來是這樣, 我還以為是揚州炒飯…好似用普通白米去煮似的, 汁…僅僅包著每顆米粒, 飯裏有數片薄磨菇; 大蝦一隻, 肉質尚算實淨, 但這個飯是徹底讓人失望!到另一主菜 – ribs, 共有九條骨, 見隔離枱的嬸嬸都有點這個, 但她一邊吃, 一邊說很有肉腥味, 而且唔係咁易切開. 聽到這裏, 我們都有點擔心, 但…我地呢碟又OK喎, 沒有嬸嬸說的不是, 反而…用湯匙也可將其骨肉分離, 而且濃濃的醬汁蓋過了肉腥. 不過…這碟的賣相毫無美感…一排ribs搭兩條菜….想點??!! 伴碟薯條…唔太油膩, 無乜油‘益’味, OK.餐茶點了熱檸茶, 一見到用青檸片就知唔會好飲.