茜廊餐廳 (上水匯)

營業中

休息中

今日放假入左上水朋友新居探訪佢話有一間餐廳食西餐唔錯 原來我幫襯過係樂富既分店 原來上水也有架 餐廳環境簡潔乾淨 幾有情調推介之選焗田螺薯蓉 焗得金黃微燒焦面層 陣陣香味撲鼻 食落田螺軟綿 薯蓉入口即溶 香煎美國鵝肝 煎得香脆內嫩 夾埋多士 太美味 西冷扒配芝士焗龍蝦 西冷扒七成熟煮得啱啱好帶點筋變得有嚼頭配黑椒汁 食入口有肉汁焗龍蝦肉面層滿滿芝士 蝦肉唔算爽脆 但都好夠味 比利時朱古力香雪 無得輸 香濃朱古力味又唔會過甜 飲落又好似奶昔咁有少少冰碎好有口感

如果你有個港女女朋友，佢真係九唔九就話想去食燭光晚餐。好彩，好好彩，真係好好彩，我家嘅A姐絕對唔係、唔係、真係唔係港女嚟架！如果咁不幸，你都有個好鍾意食据扒嘅女朋友，budget又唔多，不如試吓M佬呢個介紹啦！酥皮忌廉湯配蒜蓉包：酥皮焗到金黃色，靚靚!! 不過嗰忌廉湯就比較淡!! 反而嗰包好正，一個有提子，嗰蒜蓉包好香脆，加分。法國焗田螺薯蓉：細細個嗰陣，老豆成日帶我同媽媽去佐敦牛屋食焗田螺! 特別鐘意食田螺下面嘅薯蓉，吸晒啲精華! 牛屋執咗，好耐無食過田螺啦! 呢到嘅田螺焗到表面有少少燶，田螺彈牙有口感! 薯蓉入口滑好香香草同牛油味，正!黑松露脆薯條：同我哋想像嘅有啲出入!! 嗰黑松露醬唔香黑松露味，無咩味!香煎鵝肝配法包：跟餐可以加$24就有鵝肝法包! 嗱，講句公道說話，唔好以高級餐廳嗰把尺嚟度呀! 以$24嚟講，不過不失，食得過!特級牛柳配阿根廷大蝦：牛柳份量一啲都唔小，煎得啱啱好，鎖住晒啲肉汁。入口淋身，好濃牛味!! 大蝦都好正，燒到燶燶地，勁易就可以拆開嗰殼，仲要啖啖肉，正! 跟餐仲有New York Cheesecake，細細舊，啱啱好。芝士焗龍蝦(半隻)配英國皇室豬柳：有

坐落燈光昏暗，拍拖黎食情調環境唔錯茜廊西餐廳源於1981年，一按Openrice 見原來已經有三間分店在天水圍、樂富及九龍灣，相信上水呢一間是最新開的，地點有點難找，但總算找到..既然生日就豪dd叫左佢個晚餐dinner set:1.葡式烤BB豬套餐（$158）套餐價BB豬🐷理想係'皮脆肉嫩'可惜這個事與願違，皮是局部性脆口，肉很少，肥肉很多，如果是熱騰騰皮脆卜卜就話姐，可是實情是用利用都比較難鋸開，可想而知都幾厚實，所以唯一這個令我感到有點失望反而小食方面有驚喜，另加左份''開心小食''包少量沙拉菜伴碟一款餐湯品（野菌忌廉湯）+麵包，要讚一讚個好多料既忌廉湯，食到由好多鮮磨菇打成融，真係好好味好開心啊另(+$39)半打串燒沙嗲雞肉串，呢個跟埋個爐，個爐頭好'的色'，可以自己食果陣再加熱，而最好味係個沙嗲汁，係成串雞串既靈魂。叫左d小食:-芝士煙肉焗帶子$20/隻，好多芝士，帶子亦好大粒$10/1隻追加都算超值招牌烤雞沙律$98（有雞肉、青菜沙律、羅馬生菜、橙肉）菜很，新鮮，雞肉乾身都幾好，可惜個醋汁有點過酸了，破壞了整盤沙律

又到同男朋友撐枱腳嘅時間，今晚揀左上水匯嘅茜廊，其實一直想試好耐😍😍餐廳環境真係唔差，燈光柔和，音樂適中，枱上仲有蠟燭杯點綴，邊食邊談心真係好浪漫👍🏻餐湯&面包:羅宋湯好好味好足料，湯汁微辣幾開胃，好味程度係想叫多一碗😋😋相對香草忌廉湯好普通，只有湯無其他料🙈蒜蓉包焗得好香脆，提子包普普通通。法式焗田螺薯蓉 $38茜廊嘅焗薯蓉好特別，平時食嘅薯蓉偏咸同乾身，依個薯蓉反而好綿好水潤，帶少少咸香味，食完唔會覺得漏👍🏻👍🏻烤雞沙律 $98沙律菜新鮮爽脆配上酸酸嘅沙律醋，幾開胃。值得一讚係烤雞，之前其他地方食過係好乾柴嫁，但茜廊依個烤雞沙律真係俾到驚喜我，估唔到仲嫩滑仲有肉汁😱😱芝士焗龍蝦拼西冷牛扒 $268五成熟西冷牛扒切開肉質粉紅無血水出，少少牛味肉汁偏少。芝士焗龍蝦普普通通，開邊龍蝦芝士味偏淡，相反齋焗嘅龍蝦鉗比較好味，可惜啲肉痴住個殻，要慢慢咁食😂😂德國風味咸豬手配酸椰菜 $108我本身以為係脆皮嘅豬手，點知🙈🙈賣相真係唔吸引，都失望左一陣。但一食，咦~又幾好味喎。豬皮好Q彈，好似食左好多膠原蛋白咁。肉質紅嫩，偏咸，整體唔錯。

原來依家要係上水食餐好既  其實都唔係一件易事要搵一間坐得舒服既 更加難上加難誤打誤撞既情況下 又同朋友搵倒間 又食得 又坐得既餐廳晚餐主要都係叫SET為主  有湯有飲品呢個就緊係基本只不過其實佢做得最出色既反而係佢個羅宋湯   可以用濃郁黎形容唔會好似一般餐廳咁太水太冇味我叫左個板燒美國肉眼牛扒 (Medium Rare)出到黎肉質嫩度岩岩好  有咬口之餘仲可以用Juicy黎形容汁方面我叫左蒜蓉汁  配落去牛扒度 真係我既最愛配菜其實仲配有薯仔  香脆野味  唔係求奇堆砌出黎嫁!朋友叫左 寶雲酥拼深海魚 羊架最基本兩樣野  冇羊酥味  冇魚腥味聽倒呢兩樣野  我當堂都放鬆哂  自己仲食左幾舊同樣朋友都要左蒜蓉汁  不過我覺得唔需要都OK  本身都已經好夠味我地另外再叫左個挪威三文魚沙津好老實   真係俾足料你  唔係就咁簡單幾塊簿簿三文魚就咁睇都見三大塊三文魚  都厚疊疊嫁二人份量岩岩好  其實三個人都應該岩岩好唔多唔少中意食清D既朋友可以考慮呀住咁耐上水 其實都係第一次黎呢度食晚飯不過又OK呀   人流唔算太多  反而可以慢慢靜靜地傾下計正!

貶下眼我已經住了在上水二十年，可算是見證著這個小社區的變遷。隨著大量藥房、金舖侵佔，許多特色小店已無奈被迫遷或倒閉......我相信不少人也像我一樣惦掛著從前那個多元化的上水。現在很多時候我也苦惱著午飯吃什麼，又不想老是光顧連鎖店，最後貪方便到上水匯看一看。這天跟家中的菲傭姐姐乘小巴出外用餐，商場就正正在小巴站對面，走幾步就到了。她少有機會吃西餐，所以我便挑了「茜廊」。午餐選擇多得花多眼亂，全都奉送餐湯、餐包、咖啡或茶，價錢亦相宜。我點了廚師推介的寶雲酥羊扒拼深海鰈魚柳。加$8可以轉酥皮忌廉湯，個人很喜歡喝酥皮湯，蓋著一塊大大的香脆酥皮，令白湯增添層次。套餐升級加$20可轉士多啤梨雪香，飲品比想像中大，但對我來說偏甜。我們還以套餐優惠價($29) 享用原價$38的法式焗田螺薯蓉 (半打)。焗田螺熱辣辣，田螺肉夠肥美，舖滿幼滑薯蓉，且散發著牛油香~吃過小食便到主菜，寶雲酥羊扒拼深海鰈魚柳擺盤用心，賣相更及得上很多高級餐廳呢真的頗有驚喜！羊扒點了七成熟，卻有點過了火喉，肉質乾但幸好不韌，羶味亦過於濃烈。反而鰈魚柳處理得不錯，肉質鮮嫩滑溜，充滿脂香配菜也絕不馬虎，薯粒煎得香口，還有各種各樣的

搬左去上水咁耐都無周圍行過，今晚同老公一齊周圍行下當認識下，上水匯原來都新新地，同埋都近火車站，火車站A出口行條天橋就到上水廣場，上水廣場再行一條天橋就到上水匯啦，我地本來想食KFC，但發現有西餐食，我地揀左茜廊∼茜廊個名真係好熟，我睇返openrice先知原來係九龍灣德福個間！原來仲有天水圍同樂富tim！我今次就試下上水呢間先！我地叫左兩個Set Dinner，老公揀左牛扒，我叫左魚∼先黎兩個湯，今晚係南瓜湯，好Surprise地除左包入面有麵包粒，仲送多兩片麵包呀！南瓜味不太濃，但勝在夠甜，加蒜蓉包有d咬口真係不錯！而且仲配上兩片包，一片提子包，一片蒜蓉包∼主菜黎啦，老公叫既板燒美國肉眼牛扒，揀左蒜蓉汁，汁是另上的，望望塊扒，份量十足！肉眼扒出名厚肉，呢扒都是，起碼有2-3cm厚，入口鮮嫩多汁，成片油同肥膩既部份都好少，入口啖啖肉同埋柔軟。由於係碟上，老公揀左七成熟，牛扒不是全熟，切開還是會見到血淋淋的肉眼肉，牛扒肉汁同蒜蓉汁加在一起，更增添左肉眼既味道！到我的主菜：BB菠菜鮮蜆煮鱈魚，鱈魚我一向都知好味，所以一睇，$168又唔貴，就揀佢∼菠菜好多，唔苦架，汁有好多，是白汁。鱈魚好

之前都係食晚餐估唔到今次試早餐都有啲驚喜叫左個羅宋湯通粉好夠味啲通粉好大粒，幾有咬口個羅宋湯都好夠料啲雜茶都入晒味其實仲有食炸魚柳但唔記得影相🙈但魚柳就偏咸，要同多士一齊食先得

港式早餐超抵食，$3x就有餐包、蛋、腸仲有粉面選擇同嘢飲，味道賣相都唔錯，不過其他餐就冇咁抵食，就算你11.25先落單，都一樣食到早餐。扒類質素就差少少，意粉質素超水準，每次下午茶買一送一，一定要意粉

今日星期日同男友喺上水行下街買下少少野，行到晚飯時間就去搵嘢食喇，原來上水廣場旁邊有個上水匯，係個小型商場嚟嘅，見到水牌上面都好多嘢食，所以就行上去睇吓，行到去5樓，見間餐廳幾有情調又坐得舒服所以就入咗去喇，睇個餐牌，都好多嘢食，因為我哋唔想諗食咩所以就揀咗個二人晚餐，佢頭盤有湯，餐包，沙律（牛肉丸，煙三文魚，薯仔沙律）叫咗個香煎鵝肝欖油蝦球意大利粉，自己本身鍾意食意大利粉，佢呢個整得唔錯，意粉好爽口，鵝肝亦都好好食，蝦亦都好新鮮美國特級西冷牛扒買相都好靚，叫咗4成熟，食落去都幾有牛味，牛扒邊煎到鎖晒啲肉汁係入邊，一切開啲汁就流晒出嚟配埋個蒜蓉醬食一流之後再叫杯朱古力沙冰，都好飲唔係太甜原來茜廊有三間分店，喺天水圍，樂富同九龍灣，咁下次喺出邊行過就可以試埋其他食物囉

很久之前吃過天水圍店，而因為上班多了來往上水，發現上水亦有分店，試過覺得水準不俗，值得返兜。進內感覺是沒天水圍店大，位置比較迫，不過堅持有卡座，和朋友家人吃得較有私隱。 選擇非常多，圖文並茂的餐牌讓人心思思(笑)最後決定點晚餐，懶得想太多。套餐可加小許錢換各款小食，今天是來慶祝出雙糧，就決定大吃一頓！小食當中有幾款都甚有特式，首先必數沙嗲雞肉串燒，上桌連一個少少的火爐，雞肉串本身已調味好，亦是熟的，但自己可以燒一燒返熱，再塗多一層沙嗲醬，又有得玩又有得食還可以影相呃like真是無敵。雞肉好滑，老實說真是幾有驚喜的！ 黑松露醬薯條ok啦，是開心share一定點的。 套餐配餐湯，賣相不俗，麵包籃才是亮點，竟然有鹹的蒜蓉包和甜的提子乾包兩種，不錯不錯，感覺幾有heart！ 老公加錢要了蘇皮，現在很少餐廳有，大概太花功夫了吧？看到就覺得，未吃主菜就要飽了的感覺... 這個份量大得驚人的是加拿大特級T骨扒，足21安士，真是食肉獸的最愛！五成熟稍稍有點烤過了，感覺是牛扒實在是太大和太厚所以在控制火候有點難掌握了吧？不過我覺得還好，口感是沒那麼軟，肉味依然很好，而且21安士真是好滿足，大

約了朋友在上水用餐，來到茜廊，先前食過天水圍同樂富分店，覺得都幾好味，價錢又不貴，最好係沒有限制用餐時間，朋友聚餐都適合。餐牌選擇多，有晚餐set，散點加28蚊亦可轉餐，仲有優惠價加小食，真係包羅萬有。隨意點了幾款小食同主菜，百幾蚊有頭盤，主菜，小食等都幾抵食。先送上餐湯，是晚係粟米忌廉湯同羅宋湯，兩款都試試，朋友點的粟米湯很傑身，味道還好。自己點的羅宋湯有點過酸，茄膏重手左，但都好重蔬菜味，ok啦。餐包有兩款，一甜一咸，甜的是提子包，咸的是蒜容多士，兩者都烘過暖呼呼，幾正。小食要了黑松露薯條，薯條香脆，醬料係黑松露醬加沙律醬，味道正正常常。另一款要左焗田螺薯容，賣相雖然不佳，但好好味，田螺肥美，加了芝士同酸忌廉去焗，美味又不膩，正。仲有三文魚沙律，菜新鮮爽脆，配上蜜糖芥末醬，食咁多野要返一個沙律菜中和下，自我感覺良好。主菜點了一份pizza，蕃茄芝士，最簡單的款式但夾埋一齊就好好味。仲叫左牛柳併帶子，牛柳兩張塊抵食喎，肉質嫩滑又有牛味，五成熟剛剛好，帶子用芝士焗，幾香口，另外仲有一大堆薯菜，滿滿一盤，椰菜，三色椒，翠玉瓜等大雜燴。仲叫左魚扁意粉，魚煎得香口，已去骨方便食，扁意粉有

因為最近有位舊同事生左BB，於是同另一位舊同事入左上水探佢～探完之後就逛左上水廣場一陣，之後仲無意中發現果度有另一個商場 "上水匯"，入面好多餐廳！諗左一陣，就決定入茜廊食DINNER =]未夠7點入到去都幾FULL，餐廳都坐滿9成，！ 叫左 2 個 dinner set~奉送 2 個湯及 2 籃麵包，酥皮湯額外加$8。 之後叫左個清酒煮藍貝，藍貝味道好鮮、甜，酒味剛剛好，唔會太嗆～ 另外仲叫左個辣味翡翠螺～翡翠螺非常大隻，而且螺味重，肉質鮮甜！ 之後主菜有：香煎大蝦拼美國牛柳～蝦非常香口，肉質亦好爽口，彈牙，不過如果有2隻蝦會好d，1隻唔係好夠喉！而牛柳就好軟熟，易入口嘴嚼！ 另一個主菜：葡式烤BB豬～烤豬好大份，有 d 似中式乳豬，豬皮超脆，超煙靭，又唔會好肥膩！而豬皮下既豬肉，香濃又爽口，食上口啖啖肉，正～ 臨尾再加個甜品 - 朱古力心太軟，大滿足！

好耐無出過咸面post，最近已盡量體諒餐廳辛苦經營廢事打爛人飯碗，但今晚呢個甜品真係離譜左，咁都拎得出黎比人食，個廚唔發覺有問題？伙計又睇唔到？我知你係西餐廳唔係甜品舖，但個甜品真係唔係咁求其呀？！?！?收緊55蚊個心太軟，未上枱已經爆哂，啲朱古力醬成碟邊都係，中間雪糕完全下陷，未食都知唔合格啦。爆漿心太軟，新品種？？啲朱古力味勁怪，完全無朱古力味，但食到鹼水味同香水味？隻碟未洗有洗潔精？？定係過期心太軟？？呢野真係好軟，軟到無哂外形，求其食左個雪糕算，雪糕尚算正常味。唔係家人話多一事不如少一事，一定唔收貨。

時間真的過得很快， 轉眼間爸爸媽媽已經結了婚四十週年， 愛簡單的他們不喜歡鋪張慶祝， 這天作為女兒的我就幫他們去吃一頓慶祝吧！小食：芝士煙肉焗帶子 $20帶子份量都很大， 用芝士和煙肉加在一起焗芝士煙肉味道很香之餘， 帶子的味道沒有因為芝士的味道而被嗆過， 依然很鮮甜湯：羅宋湯餐廳選用了蒜蓉包作為餐包，焗至熱哄哄未食已經聞到好香，配湯再食， 一流BB 菠菜鮮蜆煮鰽魚 $168雖然菠菜用忌廉汁煮，但食落不覺得膩鰽魚表面煎到好香，內𥚃十分嫩滑即使沒有澱粉質的食物伴隨住吃完整個主菜都覺得很飽香煎立魚配蒜片蝦飯 $128本來這道菜是配闊條麵，但媽媽愛吃飯所以轉了忌廉燴飯 立魚表面蘸了鹽再煎， 少少咸， 食落很惹味焦蕉朱古力布朗尼雪糕 $58香蕉表面鋪了焦糖， 所以才叫做焦蕉名字很有趣， 而且食的時候， 表面焦糖帶點脆富有口感，中間有熱熱的布朗尼蛋糕，連埋上面雪糕一齊食，又凍又熱，感覺好得意因為最近有點熱氣，所以我們個套餐+ $12點了檸檬薏米水 好足料，飲完整個人都覺得很清潤