茗港酒家

本來諗住年初二同屋企人黎食餐團年飯，點知d菜上得咁快，搞到30mins食晒成個十人套餐。真係完全冇癮，態度極度惡劣，d菜雖然不過不失，但服務態度真係令人憤怒，未食完d送就夾硬塞晒上檯，真係食到好趕。d菜式上到咁快，仲好意思上黎攞利是，搞到成家人食團年飯都唔開心，叫做要就老人家先係屋村附近食飯，如果有得揀，真係唔會想黎呢間，價錢又唔平，而且仲要冇服務，完全唔值得落黎食，真係好令人失望，俾錢買難受。唉唉唉！…查看更多

1. 冇飛仔，冇人理，自己揾位，同阿姐講兩位，一個就叫你自己搵，另一個就鬆一鬆肩，連答你都費事。d阿姐淨係會安排自己d frd坐位，我同我老豆係都等位，枱客差唔多走，d阿姐仲敢死叫佢d熟客過嚟爭位，唔鬧都佢我都對唔住自己2. 本來係搭枱，我地三位人佔半張，對家剛剛走，個經理鬧個呀姐做乜唔擺返新碗筷。然後阿姐就過嚟我哋點解唔坐疏d，累佢俾人鬧，痴鬼缐！3. 飲一個鐘茶，全程d侍應同經理不斷因為大少問題嘈交…..…查看更多

有幾張酒樓現金券，月尾到期，諗住約兩個朋友，在到期日之前用晒佢。怎知惹來一肚氣。已經知道用現金券，一定要點選正價餸菜，不能夠用在套餐或特價食品上。於是便選擇餐牌的單點餸菜。當其時，酒樓每20分鐘便會有廣播，說每一台人客均會獲贈乳豬一份，之後有一個女夥計走過來，告訴我們，除了乳豬，可以選擇其他燒味拼盤。為免之後有爭拗，我告訴她，我們是用現金券的，也有這個優惠嗎？誰不知，大件事了，那個夥計，立即黑面：「咁就梗係冇啦，仲有啊，頭先點嘅餸，要全部再點過。」之後她便很晦氣地行開了。過了一會，那位女夥計，很晦氣地把一張影印紙，所謂餐牌放到我面前，把其他餐牌，全部收起：「呢張先至係你地可以點嘅。」我眼見，所有嘅餸菜，大概加多20至 30%價錢，冇所謂吧，便告訴夥計：「剛才點的餸菜，照舊吧，價錢你們自己處理，我會照俾這個價錢。」那個夥計，晦氣兼黑面：「梗係唔得啦，你要全部再點過。」之後，在我面前，把之前的手寫落單卡撕掉。繼續很晦氣的說：「呢張唔用得㗎喇，你要全部再點過」之後更走開了。等了差不多10分鐘，我大聲地說，唔該我要點菜。之後那個晦氣的女夥計又走過來，要食啲咩啊？我告訴她：「其實就係頭先我點果啲，一模一樣」女伙記：「都話咗頭先嗰張單唔可以用囉，你再講過啦！」之後又走開了。於是，我就在這張影印的餐牌上，逐一找回我之前點的餸菜，其中有兩個餸菜，在這一張影印餐牌沒有，剛巧有一位男夥計走過來，我就問他，剛才另一張餐牌有兩個餸，這裏找不到。他告訴我，如果普通餸菜，總之最平都要$128，如果冇，都係$128，之後又走開了。又等了一會，那個女夥計又走過來問，可以點菜了嗎？當其時我已經一肚氣，食餐飯，想開開心心，所以一直忍。我告訴她：「芋頭南瓜煲…」女伙記用極度惡劣的語氣：「乜嘢號碼呀！」我回答：「冇號碼個喎，呢張紙冇呢個餸。」女伙記繼續用佢惡劣嘅語帶，用支筆篤住張紙：「呢排咪係號碼囉，你講個號碼俾我聽啦！」我回答佢：「我唔知呢個餸嘅號碼係乜嘢，總之我要呢個餸。」剛剛那個男夥計經過，就告訴她，呢個餸菜，張紙冇㗎，你寫$128啦。之後我繼續點菜：「沙巴龍躉仔」女伙記：「乜嘢號碼！」我告訴她：「238644」女伙記：「幾多錢呀？」我心諗，乜嘢事呀⋯⋯！女伙記用支筆大力篤張餐牌，「一百六十八蚊，我要寫埋價錢㗎，你要講埋俾我聽。」我繼續忍繼續落單，「咁比多個237455」女伙記：「你俾個號碼我做乜嘢，你食乜嘢？」我回答：「波士頓龍蝦兩隻」女伙記繼續用佢極度惡劣嘅語氣：「幾多錢呀，你點菜，要話俾我聽個號碼，食啲乜嘢，同埋幾多錢，我要咁樣落單㗎！」此時，我的忍耐力已經超過極限，要發火了：「我要波士頓龍蝦兩隻，沙巴龍躉仔一條，其他嘅嘢我唔知，不如你坐喺度食，我做埋你嗰份，我做埋落單好唔好？」個女伙記：「咁我係要咁樣落單㗎嘛！」我回答：「你點樣落單係你嘅事，不如你教我落單，我幫你做埋佢。」之後個女夥計口噏噏，走開咗。隔咗幾分鐘，又走過來，把一張落單收據飛在我的枱上，係「飛」在我的枱上，「你張單啊！」我睇一睇張單，都唔係我叫嗰啲嘢，我就立即叫佢返嚟，話呢張唔係我嘅單，跟住佢話，「哎呀，搞錯咗喎！」呢個時候，我啲朋友都忍無可忍，「點做嘢㗎你，有冇搞錯啊」我哋叫左芝士龍蝦，三個人，只係比一份刀叉，同埋一個鉗。之後又要問佢攞多兩份刀叉。我食咗啲龍蝦殼，佢哋唔係同你換碟，係直頭收咗個碗同埋隻碟，冇再俾番一套乾淨嘅我。我都唔想再同啲夥計講嘢，就用咗我朋友隻碟嚟繼續食。除咗芝士龍蝦，沙巴龍躉仔，仲食咗芋頭南瓜煲，同埋蜜餞燒骨。食物是OK的，但成餐飯，真係背脊骨落。我哋差不多八點開始食飯，得寥寥數枱， 9:30得返我哋一台，就突然間全場熄晒冷氣，好明顯，就係叫你哋唔該快啲走。我個朋友忍唔住，立即戴上口罩，叫大家一齊走，根本留多1分鐘都非常難受。想俾人虐待，不妨幫襯。…查看更多

樓面只會招待熟客，會hold 起灑d位，無任何service ，就算自己搵到空位都唔會俾你坐，叫你自己搵過，唔會同你講道理同公平。樓面重惡過d客。walk-in 客自求多福。服務差既程度，應該可以上香港第一。係今時今日，服務性行業咁成熟嘅香港可以搵到間服務咁差咁既酒樓，真係可以感覺到活在平行時空。屋村獨市生意，感覺唔會care 你少一個半個客。總結，野食ok,但侍應態度極度差劣，唔係熟客，冇俾過利是，想去食就預左俾人鬧la，賤過地底泥。…查看更多

飲早茶自己攞位，侍應話呢張枱有客叫我去第二張枱搵位。但轉頭將原先我張枱俾左第二位。叫我坐搭位。這是什麼服務態度？熟客大嗮？ 全間酒樓的侍應都非常之差，唔會再去！！…查看更多

今日中午去茗港酒樓預早慶祝母親節，我哋一家六個人，諗住叫半圍套餐，見到一個母親節套餐就HK1688，有位姓李女經理幫我地落單，我地話要半圍套餐，佢幫我地落單，當時冇講過半圍係幾多錢，亦無講過無半圍叫，當套餐燒味拼盤嚟咗係12人既份量，我即時要求退回 ，唔食，因為我落單係半圍，冇可能食12人份量跟住店長行過嚟就講廚房已經做左一圍菜，所以夾硬要我哋六個人食12位嘅菜，佢亦好冇禮貌向大堂好大聲叫，講減我$200，當我好似乞兒咁 ，個女經理同店長服務態度極差，明屈人錢，以後都唔會幫襯，我寧願去遠啲，都唔會再嚟食。…查看更多

上次叫叉燒飯我有好刻意同果個高嘅叔叔講話係買俾婆婆同小朋友食，希望佢俾舊林啲我，最後佢俾左舊乾柴我真係本來唔想有下次。點知今日某啲原因，唯有瑞去買多次叉燒飯啦！咦？唔同人喎！我又係講返係俾婆婆同小朋友食，希望俾舊林啲我，唔要薑蓉唔要汁，點知........意想不好好味嘅叉燒吖！ 我試左半舊好棍再食，但要留返俾婆婆同仔仔吖，好耐無試過林而不肥，鬆而不霉，蜜汁好夠但唔咸！今日呢蕭叉燒真心好矮過出名果啲叉燒xx添！希望以後買親都見到呢個返返啦😂…查看更多

樂華村自從無左喺街市果啲燒味檔之後，如果想食燒味飯就一定要去村內唯一一間酒樓或大xx...不過樂華酒樓轉過好多手，喺幾件前就轉到呢間喇，飲過一次茶印象中都係麻麻地。反而我屋企人有一次過佢個叉燒唔錯嘅，不過要睇下斬叉燒果個人心情喎！😂尋日我就走左去試佢個叉燒飯，因為買俾屋企婆婆食，所以我斬刻意要求要好林嘅叉燒，唔要汁唔要鼓油。果個叔叔睇黎心情唔太好，瞄口瞄鼻...結果雖然舊叉燒味道都幾好，但乾左啲囉😫…查看更多

之前嚟過食晚飯，覺得都唔錯，所以諗住做節都嚟食，點知勁中伏，價錢唔平之餘，仲要等半個鐘先嚟第一味菜，叫咗半隻燒鴨，45分鐘都未嚟，問侍應，竟然話燒緊? 真係唔太接受到! 跟住聽到隔離枱都係食完都嚟唔齊餸，結果唔要就走咗! 咁樣同趕客無乜分別囉！d嘢食好唔好食都已經唔係重點，價錢貴咗分量少咗，味道又唔特別出色，根本無再幫襯嘅理由!…查看更多

2019年5月19日 (星期日) 11:30am 33°C 環境光亮整潔，餐具乾淨。 服務態度欠缺笑容和禮貌，侍應或部長只招呼熟客，不願意理睬普通食客。 貴賓房每位茶芥 HK$10 人數：3 人 HK$266 不用等位 豉椒雞片炒麵 - 豆豉味濃，帶辣，雞肉新鮮嫩滑，不是急凍的。麵條炸得爽脆，啖啖香口，是本人至愛。【推介之選】❤❤❤ 菠蘿咕嚕肉  - 雖然香港暫停活豬供應，碟上的咕嚕肉是採用冰鮮豬，但肉質完全不硬，反而軟綿，炸得不算熱氣。茨汁酸酸甜甜，濃度適中，紅綠椒不辣，菠蘿新鮮，不是罐頭貨色。【推介之選】❤❤❤ 紅燒豆腐 - 豆腐腍，份量不少，冬菇算爽，蔬菜 4 條，只是味道偏鹹了一些。 蟹籽燒賣皇 - 大大粒，豬肉軟綿，蟹籽欠爽口，整體味道不過不失。 鮮竹牛肉球 - 牛肉鮮嫩，大大個，咬開內裏肉質呈粉紅色，軟腍不韌，蒸得恰到好處；且帶有莞茜的清香味道。【推介之選】❤❤❤ 蜜汁叉燒腸 - 腸粉質感滑溜，叉燒份量適中，味道不錯。《 環 境 》：《 門 面 》：【 溫 馨 提 示】：❶ 提供午市套餐優惠❷ 茶芥每位 HK$8，貴賓廳 / 包廂茶芥每位 HK$10❸ 星期一及星期三，中午 12:00pm 前，提供長者優惠。❹ 另收加一服務費…查看更多

喺屋村入面開嘅酒樓，唔知係咪獨市生意，d 質素通常都麻麻地，呢間算係集團式經營，應該點都好d嘅!鮑汁雞腳，味道唔錯嘅，雞腳可以再'林'少少，個汁都夠味!呢個蒜蓉鮮魷認真麻麻，首先賣相已經唔得，粉絲勁多，鮮魷得幾舊，蒜蓉又少，又無汁，粉絲勁乾，啖而無味!蠔汁煎茄子係唔錯嘅，茄子大大個，魚肉都夠大舊，味道可以!菜苗餃同蝦餃塊皮勁厚，好彩入面d餡都唔錯，菜同蝦都ok多!椰汁紅豆糕幾好味，軟硬度適中，又唔太甜!其他d食物質素都ok! …查看更多

永遠伸手叫唔到一個姐姐過黎！做野甩甩漏漏唔憂茶唔憂米！開完茶係唔會有滾水比你,落order伸到手抽筋,d樓面見到扮睇唔到！我嬲到拎張紙出去收銀叫佢落！收銀先叫樓面幫我！仲有碗碟,洗幾次都飄陣油係面,認真佩服！不過獨市生意,又唔怪得佢既,最多以後行遠d,落淘大食…查看更多

一行十一人, 過了早餐時間, 午飯時間未到, 人又多去酒樓是正確選擇吧!不講不知, 結帳後才發現長者有九折優惠, 我們其中一位是老友記, 如下次再臨, 不能再錯過這個優惠.午市也有特價優惠, 廚師推介孖寶, 為何我又看漏這個孖寶優惠呢?白灼鮮菜心 $19.80菜心有點點老, 份量一般四寶滑雞扎19.80我只食了一少啖的芋頭, 比較乾身, 其他已給大家吃掉, 哈哈!翡翠鮮蝦腸$19.80粉皮較厚身, 襯熱進食沒有問題, 蝦子夠大. 最想食的燒賣皇售罄, 沒得食.真潮人粉果園11.80皮厚薄適中, 餡料足, 夠味道.蜜汁叉燒包$16.80餡料不會過甜, 不會過份多芡汁, 不錯.金珠咸水角$11.80香脆煙韌, 正常口味.鮑汁鳳爪$35.-鳳爪入味之餘, 花生也好味, 鳳爪夠腍, 一咬即化, 可惜數量有限, 下次可點2碟.椒鹽豆腐粒$30.-豆腐炸粉過稀, 豆腐太軟身, 沒有甚麼咬口.香茜皮蛋鯇魚片窩米$60.-魚片有點點骨, 米粉加湯也淡口, 不竟少雞粉是好事.欖菜內肉鬆四季豆炆伊麵$60.-這碟因有欖菜, 所以比較野味, 四季豆,韮皇等蔬菜份量也多, 味道足.原籠金蒜龍躉蒸飯(炒飯底)$98.-龍躉沒有魚腥味, 件數有限, 金蒜不算多, 配上薑粒,雲耳, 炒飯真是炒至一粒粒的, 但魚汁不足夠, 好像只是將兩種食裁放在一起, 有點失望. …查看更多

2018年4月12日 (星期四) 2:00pm 環境光亮整潔，餐具乾淨。 侍應服務態度欠缺笑容和禮貌，4 籠點心奉上時間緩慢，炒麵更漏單，等候了一小時之久。 每位茶芥 HK$8 不用排隊等位 人數：4 人 HK$160 豉椒雞球炒麵 - 豆豉味淡，少許辣，雞肉新鮮嫩滑，不是急凍的。麵條炸得爽脆，啖啖香口，是本人至愛。價錢便宜，只需 HK$38，抵食！【推介之選】❤❤❤ 鮮竹牛肉球 - 牛肉鮮嫩，大大個，咬開內裏肉質呈粉紅色，軟腍不韌，蒸得恰到好處；且帶有莞茜的清香味道。【推介之選】❤❤❤ 蟹籽燒賣皇 - 不算大粒，蟹籽欠爽口，豬肉亦不新鮮，可惜 ~ 翡翠鮮蝦腸 - 腸粉質感滑溜，蝦大隻，但味道清淡。 流沙奶皇包 - 熱騰騰，香噴噴，奶皇餡呈半流沙狀，味道不錯！《 餐 牌 》：《 環 境 》：【 溫 馨 提 示】：❶ 提供下午茶點心優惠❷ 茶芥每位 HK$8，貴賓廳 / 包廂茶芥每位 HK$10❸ 中午 12:00pm 前，提供長者優惠。❹ 另收加一服務費…查看更多

呢間酒樓開左咁耐都未食過，今日有朋友嚟打波就約左飲早茶。食物選擇同一般酒樓差唔多，但因為係獨市生意，價錢都唔平，今日係紅字，茶位要10蚊一個。點心味道好普通，無咩特別。但d杯碟就真係要洗洗先好用，洗左2轉d水都重係油淋淋嘅。。。食完諗住埋單，原全無人理，d待應個個企响到吹水。算囉，自己出去櫃台埋單，行唔夠2步就停電嚇死左。。。估唔到今時今日香港地區會食食下飯停電行到櫃台比錢，重要比個待應駡，話我頂住個位叫我走開。。。我唔企向到點比錢呀亞姐？係咪可以唔使比錢走？話佢兩句重要企係到bear鬼住我，如果唔係有小朋友在場真係會捉住佢嚟抦下次。。。無下次啦…查看更多