英都燒味廚房

營業中

休息中

屋企人好鍾意食叉燒, 雖然英都買一盒真係好貴好貴, 不過阿媽都極捨得買!今日同男友落到街唔知食乜好, 突然叉雞飯起個腦度浮浮下, 決定今次直頭坐起店內試味~大約12點左右, 入面已經迫爆一家大細. 套餐以西餐為主, 燒味飯就散叫.真係唔平, 叫多碟菜同飲品, 一人份都要成60蚊. 是日午餐:- 叉燒油雞飯唔記得叫切雞...超級細碟, 最唔滿意係叉燒肥到冇肉食!!點解唔問一下我地要肥定瘦?還是肥叉都賣唔出?我冇一舊食到!!!d雞除左塊皮, 全部係骨..真係蝦到上心口!個味係唔錯, 但我地過來唔係試你夠唔夠味呀, 食完等於冇食! 油菜算新鮮, 但我是吃葉人, 呢碟唔太0岩我~~ 凍檸茶冇得跟餐叫真係貴左d, 好大杯, d冰超級多.坐位好迫, 行都要借借. 男人居多, 預正天氣熱就比較辛苦.聽說有好多人都冒名而來, 好似家庭主婦, 都會過來買燒味加送. 但請記得同個燒味叔叔講, 你係要骨多, 肥多定肉多

呢間野由細食到大細細個果陣D奶茶又香又滑D燒味亦係一流到今時今日 水準不斷下降落單既果位嬸嬸講野一舊舊 態度差不特止晏晝食完個"香茅雞亦飯"又咸又重味精飲左勁多水都仲係好頭痛睇黎老細都忘記左咩叫品質控制如果以27蚊既價錢黎食個咁既餐我相信黃大仙區仲有好多比佢好既食店好似隔離街既鳳X燒味 X記既車仔面再落D既X記粉面 無骨海南雞 有過之而無不及如果再維持係咁既服務 同趕客無分別

近日因要做某種治療，初來貴境，首次在這個稱為「鳳凰新村」的舊區覓食。走了幾步，不乏食肆，初步感覺是很普通、無甚特色，而整體價格較低廉。第一次就選擇了此間獲發20個「笑面」的英都。已過午飯踏入下午茶時段，但都決定叫一碟 燒鵝雙拼飯($29) 填肚。不消幾分鐘，老伙記便把飯端來，只見碟飯無汁、無醬、也無菜，頓生沉悶之感，大打折扣。好在餸夠多，飯量適中。老伙記都幾勤力。茶餐廳格局，餐牌印刷清晰。環境方面，能佔據卡位不錯，但不喜歡牆上高處多把電風扇吹來吹去。衞生度也不足。街坊舖，不敢要求太多。講究高質素服務的食客，實不宜光顧。總結此站，各方面都不致於太差，故給予 OK 尚可。

班老伙計服務差到爆 坐都未坐好就吹你落單 , , 嘩e+打仗咩 , 咁趕 叫左叉油雞飯 $26D油雞咸到阿媽都吾認得 , 叉燒就可以 ge之前仲試過咩 土魷蒸肉餅 , 難食到飛起 , D肉都吾知係咪壞ge , 味怪怪的 , 一夾又散晒 價錢係同區又吾係平喎 , 服務仲差過人成條街

一次途經這裡，吃了一個蝦醬蒸豬肉套餐，其實在坊間也不難找到，但現代人怕肥，街外多是用上爽肉或豬頸肉，用上偏肥的五花腩，說實在真的少見；說回味道，這一碟的味道，就絕對不是「淡味」，那香濃而惹味的醬汁，單是用來撈飯，已吃了大半碗。除了蝦醬之外，相信其豬肉也加以醃過，不過由於五花腩是厚切，說實在的，單吃其瘦肉部份，口感較為粗鞋，如果和較滑的肥膏的部位同吃，那集色、香、味於一身的感覺，真是無與倫比。後來和一些食友談起，，原來這裡的燒味也有一點水準，隔了幾天後，又去了這裡斬了一些叉燒和乳豬回家加料。平時也少加料，也不知是怎樣才夠，老闆的提議乳豬例牌，另加廿元叉燒，都要六十五元的價錢。第一次來買燒味，也不知叉燒的水準，唯有盡量切些肥叉，拿回上手，份量都算甚足。回到家中還未到開飯時間，老父已立刻拮了幾件來吃，到了開飯時間，夾了叉燒一件，發覺真的十分腍口，內裡的白肉也很鬆化，有肉味，蜜汁調味上也不會過甜和過淡，總括來說真的不錯，不過就肥了少許，下次可選半肥瘦的，也不必那麼多份量；至於乳豬是厚切的，皮、膏、肉和骨連在一起，雖然是過了出爐的時間，不過吃入口的表皮還是脆口，已算是中上的水平。雖是普通茶記一間

其實我都係呢區食野食足5年有多~英都其實都叫最少去個間~因之前去過,衛生環境真係差d~但好耐冇試,so 想比多次機會.聽下面d 朋友仔話叉燒同薰碲好好~諗住叫黎食....但點知..叉燒賣晒..好彩薰碲都仲有,後尾叫番個白切雞頂住~~2樣都幾好...同大家講既一樣再叫多個喇沙....oh my dear!勁多味精~冇其他料得番d 拉麵~真係中左計...我會黎多次試下叉燒...但其他野~我諗真係一般~如果唔係喇沙咁差都勉強有個笑...但now...只可以ok...另外...d 伙計幾好...都有禮貌...可以一讚

英都是我由細食到的的餐廳, 由讀中學開始已經常來幫趁, 老實說他的燒味跟再興的相比, 這裡實在毫不失色 (只是沒有再興出名), 但不知為什麼最近去食, 沒有以前般好吃了! 不過還是在水準之上的! (記得問侍應拿燒味豉油, 淋在燒味飯上一流!)這裡是街坊生意, 當然衛生麻麻, 但服務一流! 老細和侍應都非常親切! 每次去都有街坊街里的親切感覺, 大家都會寒喧一番!

三月三十日老婆過左黎，LUNCH去左附近英都度食。去到已經成三點，但睇佢D下午茶餐又好似無燒味食，黎英都無理由唔食燒味，所以都係叫左個燒味雙併($35)同海南雞($32)。餐飲兩杯熱奶茶。燒味雙併要左叉燒同薰碲，老婆未試過尼度薰碲，所以帶左佢黎試下，配合罕有薰碲汁，老婆亦覺得非常美味=)叉燒一貫水平，唔韌，幾好食~海南雞名為無骨海南雞飯，骨去得乾淨，剛好幸運地有半碟是雞肶，雞肶非常嫩滑美味!! 雞骽胸亦不鞋，不錯!惟份量未算太多。另油飯方面未算太突出，不過不失。奶茶非常滑，水準之作~!食完都幾滿足~走時剛好拖地時間，清潔阿姐好似拖緊層油落地度咁=0=，地下勁滑，非常危險!

我都係附近街坊十幾年前就未搬黎果陣水準點就唔知不過叉燒近年都好似比以前差小小叉燒有時太肥成舊有一半係肥羔咁.....但以佢水平黎講係同區都仲算較高不過亦較貴....個人最鐘意係薰碲，因佢仲係用舊時先常見既淺啡色醋(其實唔知係乜溝)而唔係宜家周街都用既白醋。個人覺得白醋同薰碲其實唔夾，尼隻汁先係最match薰碲既，有d蒜味, 有d鼓油味又有d醋。記得以前細個樓下酒樓都係用尼隻汁點薰碲，宜家整整下變晒用白醋，可能唔使溝唔使煩掛，實在可惜，希望遲下唔好連尼度都失傳埋尼隻汁啦~

伙計個個都快手快腳,招呼周到早餐較平,且出得好快,趕時間或無耐性等的人一定適合不過煎蛋不是即叫即煎,火腿亦無煎過便上桌,有連鎖快餐店的感覺

可能佢地轉o左師傅(聽老闆講的)，連最我喜歡飲的鴛鴦和太太的至愛-奶茶都變得淡而無味。個百撘粉麵餐D所謂豬骨湯底又勁無味，餐廳環境十多年如一日，唉，如果再無改進，真係十幾年街坊都走呀！

十多年前燒味質素真的不錯,最經典係過節買燒肉條人龍可以上報紙,但都係十多年前的事,以家真係唔得,餐廳環境好多小強,d餐價錢唔便宜,就算普通公仔麵茶餐都貴過人,但又唔係整得好食!可惜十多年前經典事,老闆應該重記著唔放,前排重係太古城美食廣場開檔,仍然同雜誌傳媒重提輝煌經典事,其實老闆應該明白是什麼令他聞名,做好燒味及其他食品才是本份,過節買燒肉條人龍已經不再,我偶然也會幫襯,每次都失望,比十多年前真的差好多!好多!好多!

以前D燒真係ok,現在差了,如堂食更差(好硬唔新鮮),住切外賣ok,雞一般。行多幾步到環鳳街檔的去骨海南雞十分好食,獎食肆!

暖暖都成日同我提起話呢度的燒味好得，細過見好多人門口排隊買，間店裡面有個後欄，他們的燒味是在那處自己燒的。我同暖暖食盡呢一帶咁滯，就係無試呢間，因價錢不平，出名的燒味又非我所好，所以無去。直至我見原來他們是有喇沙的，即刻叫暖暖去試啦。點知唯一會吃的特式雞扒喇沙，原來係炸的，好失望，咁改叫日式雜錦烏冬，暖暖好細心，幫我要求他們可否轉喇沙湯底，哈，佢地肯，好開心。都好好味呀。暖暖叫的蒜香牛柳，都好得！個汁送飯一流。

The first time i tried Hong Kong Style egg pudding is in this shopSince then im hooked with this desertI must go back to try that!