英王麵包店

營業中

休息中

21-2-2013(四）今天是辭工後的第一天，成為失業遊民一族 早上，做乖乖女，陪父母去黃大仙敬神。敬神後，行過對面的黃大仙中心，在 A1 買了一件煙肉芝士多士吃。多士很薄，冷冷的，一點熱燙的感覺也沒有，應出爐已久而沒有人買下! 內𥚃的煙肉很少，吃了一啖已沒有了，芝士熔得變成一舊，芝士味卻不濃，啖口，整件多士也不好吃。通脹環境下 $10一件，完全不值!

今日放假係屋企做做下野忽然肚餓就落街買D野食諗起好耐都冇食過A1的麵包就去咗A1揀咗好耐最後買咗個特式火腿三文治外層係金黃色的有兩層料的~兩層入面都係沙律醬+火腿味道都唔錯香得黎沙律醬又唔漏食完又好飽肚~可以當LUNCH食都OK~

次次去到A-1 Bakery都覺得佢好得意點解包中心會有甘大個蕃薯加呢!?一開始仲以為係人造料~~今日終於去試下佢...買左佢做LUNCH原來係將半個蕃薯放曬入去太勁LA!!!點解我知佢係真野?因為佢係連皮放入去但冇影響到口感+味道味道主要都係蕃薯香...唔太甜麵包皮加左少少可可粉,,,今個包仲香D可以話係一流!!!

是日早餐:- Lemon Egg White Roll個名照譯, 即是檸檬蛋白卷~有檸檬味,有蛋白味,有卷蛋形狀.但味道....極為騎呢一般食開, 雞蛋味好重.今次因為剩蛋白, 味道一般, 冇蛋味, 冇奶油味.個檸檬果醬好奇怪, 仲要混埋一齊食.食半件就食唔落喇...簡單的原味卷蛋, 先係我最愛~

綠茶係我『飛佛』所以見到綠茶雪芳蛋糕, 二話不說就買咗嚟試...果然令我喜出望外! 蛋糕上面舖滿綠茶粉, 入口散發濃郁綠茶味, 質感軟棉棉加埋紅豆粒簡直絕配.

媽於22日生日,於是於21日晚練拳後趕往車站旁的A-1 買birthday cake一直最愛的bakery是Little Mermaid,chocolate mochi cream horn全都很讚!而A-1,個人一直是波波的FANS至於slice cake,於n年前友人買過給我一次,就是蛋糕太多啦我比較喜歡mousse cake於是今次買了寫明是mousee cake的strawberry"pie"strawberry清香,mousse幼滑,餅底鬆脆!!!!good!價錢也是130一磅,合理的美味未來買cake會再嘗試A-1吧

生日又點少得生日蛋糕Happy Birthday to You x4希望今年繼續願望成真, 達成心願~~是日蛋糕:- 芒果黑森林蛋糕>> 此店有傳統黑森林&芒果黑森林選擇.平時食開既黑森林都用jelly同朱古力碎做餡, 今次就用了芒果.美中不足係芒果都偏酸.....

因為好鍾意芝士, 所以一直想試芝士高寶, 不過佢外表普通, 價錢又要$7, 好似貴左d 芝士高寶 質感硬硬實實, 像豬仔包 面層的芝士好似沒有什麼芝士香, 味淡 裏面有淡黃色的餡, 應該係溶左的芝士, 可惜味道更淡, 完全無芝士味

今午"新鮮出爐"的鐵架上有蒜蓉煙肉火腿包, 特價$7開始懷疑這兒新鮮出爐的定義, 個包凍的, 微微暖都無... ... 包底實實的, 有點兒像pizza餅底的質感 雖然已攤凍, 但仍不失其惹味 ---- 蒜蓉 + 煙肉 + 火腿 + 少少芝士 + 香草, 味道好濃, 而且全部 toppings 都黏附在包上, 打側放都不會跌落膠袋內

見樹頭包放係"新鮮出爐"的架上, 又做特價 $7, 就買來試下不熱的, 只是微暖... 鮮奶樹頭包 面頭濕濕的, 像煉奶的味道, 好甜 圍著的樹身(皮)好硬, 煙煙韌韌 樹底外層是脆脆的 內層的麵包鬆軟, 不過外圍被煉奶浸到過濕過稔*** 一個包, 多種口感 ***不可以經常食, 因實在太甜了!!!

迷你麵包系列做緊優惠 ($11/ 五個), 雖然都唔夠山崎便宜, 但未試過都想試下 迷你芝士牛角酥--上次食過山崎牛角酥無酥皮的感覺, 得個"稔"字, 估唔到A-1真係與別不同, 咬落去真是脆的 --面層的芝士好正, 可惜有些帶少少焦燶--內裡麵包鬆軟, 有香牛油味 朱古力麻糬波波球--面皮硬, 內裡係軟糯的麻糬, 夠煙韌--朱古力碎除了外層外, 原來連內層都有

朋友公主話蕃薯包好好食, 一定要試下, 今天終於等到佢新鮮出爐日式蕃薯包 $11麵包--裏面係普通白麵包帶少少咸, 面層雖然焗到啡啡黑黑, 其實沒什麼味道, 不過唔會苦, 啡黑的原因可能是為了做出蕃薯皮的色澤, 好有心思呢--麵包好軟稔--當連同蕃薯一齊食, 蕃薯的甜就會蓋過麵包的咸, 中和味道後就唔覺蕃薯太甜, 所以就用單純的白麵包作陪襯精采的蕃薯餡 --鍾意食蕃薯的朋友一定好滿足, 因為真係好香甜的黃蕃薯--上部份因為個包係尖尖窄窄的關係, 放唔到成舊蕃薯, 就裝滿蕃薯茸--下部份就係一舊仔連皮的蕃薯, 蕃薯皮外再有蕃薯茸包圍--原個蕃薯本身都好甜, 所以蕃薯茸應該無再加糖的--蕃薯夠稔, 有creamy的質感第一次食蕃薯皮, 都幾稔, 唔會抗拒簡簡單單一個蕃薯包都滿載心思, 多謝公主有這麼好的推介

媽子知我和妹妹一向愛吃鮮奶樹頭包, 昨天趁減價一人一個買給我們~此包在新鮮出爐時最好吃, 因為個邊同個面脆脆地, 而內裡吸了蛋漿的麵包組織又軟又甜, 味道同口感超正! 一路食會覺得自己好幸福!! (這麼簡單的一個包都能令人充滿幸福感~~~)由於媽子嚴禁我用焗爐焗返熱, 因為熱氣, 所以只好用microwave叮十秒, 雖然隔左晚, 但暖暖地甜甜地真係好好味! 只是邊邊不脆了, 但變得煙煙韌韌, 又有另一種口感~當然仲有好多包都好正, 好似合桃提子麥包, 牛油軟法, 芝士高寶, 同芝士火腿芝麻包都好正!

麥芽黑包 半個 $11 成份只有 -- dark rye flour, wheat flour, salt, yeast, 幾健康, 夠纖維, 無添加 此包都夠軟身, 第二日食都唔會變乾變硬 黑麥粉做的包幾特別, 不過味道帶少少苦 只係落左好少鹽, 食唔到咸味 始終無加糖無蛋無牛油無奶, 故無左傳統的麵包香, 細路仔就唔太鍾意食

朱古力千層蛋糕 (件庄) -- $18 中間朱古力蛋糕好普通, 勝在層與層之間無咁多cream, 不會膩 面頭一層的朱古力好香濃 最底一層原來係硬身曲奇餅, 好有牛油香