苑記

菠蘿咕嚕肉肉顏色好靚，可惜味道太濃，而且肉太少骨太多。煎蓮藕餅蓮藕都好爽口，非常脆及香口，可惜太鹹。炒貴刁炒貴刁真係炒粿條，食落好似炒河粉咁樣，但係呢一碟就煮得有啲油同鹹。炸子雞呢碟係四碟入面最好食，皮脆肉滑，但都係偏咸。…查看更多

晚上八點半加班完，同朋友一齊搵晚飯食，這時間大部分茶餐廳都已經關門，於是我們便駕車去駱克道熟食中心搵野食，因為我和朋友都想邊吃中菜邊飲啤酒，所以酒吧餐廳就不合要求。最後我們選擇了駱克道熟食中心苑記，去得大牌檔當然要叫炸豬大腸、椒鹽九肚魚、啫啫芥蘭煲，然後當然要了4支大啤酒。炸大腸整體不錯，顏色不像翻炸多次，我外皮鬆脆不硬，腸內脂肪依然柔潤，不會太乾，份量也很充足，入口也沒有異味。送酒一流。啫啫芥蘭煲夠晒火候，配料蝦乾夠多而且用大隻蝦乾，令芥蘭非常香口和入味。這個椒鹽九肚魚只得半碟，因為老闆話賣晒唔夠，一半用鮮魷頂上好唔好，嘩同一價錢，食兩款野，咁我當然沒有問題，九肚魚和鮮魷都沒有炸過火候，依然保持內裏鮮嫩，而且食物表面沒有太厚嘅炸粉，非常香脆可口。又是送酒必備的食品。總括來說是一間食宵夜飲酒的好地方。…查看更多

一如以往，一定叫個蠔餅，今次個汁勁咸，唔點個汁以為就咁食就ok，點知食食下成口鹽，唉…d鹽未搞混呀小炒王就ok，足料又夠鑊氣，蓮藕絲香脆可口，係同區來講比較好食…查看更多

［#熟食中心 ］#苑記 今日又去咗灣仔駱克道街市，想試吓苑記午餐，因為都有唔少人介紹。中午去到都幾爆，好彩有位，拿拿聲叫 #涼瓜牛肉飯 同 #凍檸茶 ，$38。份量都好多，牛肉涼瓜最少十件以上，而且都夠熱。不過牛肉好淋，冇乜牛味，涼瓜就好爽，應該係未夠熟🤔杯茶一直都未見，飯由熱食到凍都仲未上，一追就有😅 都係好普通既檸茶，應該係一早沖定一大壺果種。有少少不似預期，如果有機會再來會試吓炒野，睇吓會唔會好d。推介指數：6/10苑記灣仔軒尼詩道225號駱克道市政大廈街市熟食中心2樓@foodiehck2022 #港飲港食平靚正 #灣仔 #午餐 #碟頭飯 #抵食…查看更多

灣仔街市熟食中心入面有好多間茶記，今日黎左呢間苑記。台有好多，不過櫈就唔夠，職員即刻幫我地班左幾張過黎，服務態度非常好👍🏻叫左個粟米斑腩飯（少飯）加凍檸茶（走甜）$35+$3熱飲同凍飲都係加$3，抵讚👍🏻個樣都唔差，叫左少飯真係少左飯，不過都係多左少少🤏正常既粟米斑腩味，以$35黎講味道都ok我幾中意個凍檸茶幾岩味，夠檸檬🍋因為叫左走甜，個姨姨拎黎既時侯有問邊個要走甜，係值得加分既，因為有同事都叫左凍檸茶，最擔心就係調轉左，好多時都會黎到唔知邊杯係走甜，但呢度無呢個問題。整體黎講，唔怕街市嘈左啲啲之外，係灣仔食到$35真係算係平靚正。以下係餐牌：…查看更多