芽莊越式料理 (北角匯二期)

營業中

休息中

My colleague is staying in North Point, so I thought it would be delightful to have dinner nearby. While walking, we stumbled upon a charming Vietnamese restaurant.We ordered pho, and it arrived in a generous bowl! The broth was perfectly seasoned—not too salty—and incredibly flavorful. I chose a delightful mix of rare beef and chicken slices. I was especially taken with the shrimp toast, which was simply exquisite!

今日同老友想食越南菜，上網找了一輪，終於找到在北角匯有一家越南餐廳，二話不說就搭車來到。這裡中午套餐有很多款，選擇不少，我們揀了招牌會安雞飯，燒香茅牛肉檬，套餐包飲品，我們不約而同地揀了熱桃蜜柑橘水，除了套餐外我們還加錢點了兩個小食，一個是蝦米芥蘭苗，一個是蝦多士。蝦咪芥蘭苗炒得好香，上面鋪滿炒香的蝦米和花生碎，細細碟非常美味。蝦多士兩大舊，面頭有好多芝麻好香，裡面喺鮮嫩的蝦肉，味道真是很好，只是油多了些。😅招牌會安雞飯好大碟，內容有雞肉，泡菜，沙律，油飯，份量非常足，最意外的是沙律裡有很多香料，包括我喜歡的九層塔，紫蘇葉，生洋蔥，青瓜絲，酸酸甜甜非常開胃，偶然食到一粒辣椒好辣好辣，早知道要少辣。🤪香茅牛肉檬好大碗，份量都係10足，幾舊燒牛肉噥噥地，好香。👍最中意有好多牙菜泡菜，落多多魚露撈粉，食到舔舔利。😛兩杯飲品清香酸甜，小小青檸檬特別吸引，飲完份外醒神。😘😘

芽莊 喺香港 開咗好幾間。每一間都係高朋滿座， 點解？因為我覺得 佢乾淨企理 菜式 合香港人口味。 今日我想 講講佢最多人叫嘅菜式。大部分人入嚟都係食。。。。越式牛肉河- 今次我叫咗越式牛肉牛丸河，先講講佢湯底佢湯底 偏 鹽味重， 牛肉味唔夠重。 香茅味唔夠。 我曾經喺越南食過 其他 嗰邊啲牛肉粉， 湯底一般牛肉 脂肪 以及香茅味道重， 顏色會清啲。但係如果佢哋喺香港咁做， 香港人未必buy。可能會嫌佢太油， 亦可能有人會嫌棄的香茅味重唔夠味精, 唔夠 惹味。 所以佢呢度嘅牛肉粉基本上係做到合香港口味。牛肉同牛丸都ok...除咗之外我亦都叫咗個雞絲粉。湯底都係一樣， 鹽味較重。 唔夠香茅味。雞絲都唔會太韌. 剛剛好.兩碗河粉， 師傅煮得ok， 唔會脹曬。 都幾滑， 口感不錯。我哋都叫咗個蔥油豬扒飯。豬扒 口感不錯， 但係我覺得蔥油比較勁。 我應該同佢講小蔥油。 亦都係一樣香港人鍾意食蔥油香， 我相信所以佢地落咁勁蔥油。 蘿蔔絲方面 我覺得好似酸得滯。 總括嚟講佢地嘅味道 ok可以， 味道方面 迎合 香港味道。但老實講 喺香港要做得多人鍾意 必須要加 多D香港 味道元素才能 高朋滿座生意

這間位於北角滙的越南餐廳都算大間，很少越南菜館可以佔地面積如此大，餐廳座位空間超闊落，坐得好舒適。食物方面對比其他越南餐廳我覺得偏貴少少，但係有水準，係好食的。燒牛肉撈檬 $88將檬粉混入酸汁攪拌在一起食，檬粉爽口又酸酸甜甜，好開胃，牛肉燒得剛剛好，好軟熟又保持到肉汁。河內湯河雙拼 $98選了牛爽腩及熟牛肉（牛展)，兩款肉都肉汁鮮甜，食入口亦好淋，湯頭清甜令人一飲再飲，河粉亦好滑溜。牛油雞翼 $68炸得好脆，如何牛油味再多一點就更好，掛住食唔記得影相，哈！

我哋每次行過北角匯，總會見到排隊既風景，心諗一定有啲嘢好食，所以決定落手試吓。今次試嘅招牌會安雞飯，雞滑嘅要命，食落真係開心滿分👌🏻，啖啖肉，肉質鮮嫩得嚟又唔會太肥膩。邊扒青瓜同醃蘿蔔絲，爽口得來又爆晒味，好似帶少少夏日嘅感覺。就係飯質硬咗少少，話時話，要係啲軟糯啲就好啦🍚。另外，炙燒牛柳湯河，牛肉真係融化喺個口腔，好似第一戀愛咁，甜美難忘😍。 牛柳既外皮煎得啱啱好，保持肉汁又得個脆口感。呀，佢啲河粉，滑嘅咁自然，唔會黏笠笠。湯一啖，嗲到暖笠笠，牛骨湯嘅香濃，飲落令人心頭一暖，冬天嚟嘅話堅係一流選擇！整體嚟講，呢間餐廳保持住啲菜風味同質素，喺鏈鎖店中都算好出色。想食好嘢又唔洗破產，呢度就真係個唔錯選擇！🍽️要我講，就係黎北角必試啦！

北角匯很多餐廳選擇，但要找間好食和坐得舒適不易。這間越菜幾有特色便試試，選了蕃茄蟹湯檬，湯底味濃很好味，烤豬和烤雞撈檬份量足夠，配菜多而且肉很惹味，串燒牛燒得不錯，整體很美味。

喺炎炎夏日嘅情況下呢通常都冇乜胃口去食嘢㗎啦，咁呢個時候最啱就係食啲酸味味好開胃，但係又唔會太熱辣辣嘅嘢食。何況係連續幾日都30度以上。越南芽莊雖然喺香港好多地方都有分店，不過今次呢我就真係第一次食。之前都一直好想試㗎啦。睇過佢嘅lunch Menu我最想試嘅就係佢個魚餅撈檬。個碗都算係幾大份，炸蒜喺其他地方都未必有咁多嘅。底下嗰啲都係生菜，生青瓜。佢嘅撈夢汁有啲似係泰式辣醬。但係酸嘅味道偏多。飲品方面我就選擇咗凍嘅青檸梳打，冇乜特別都係杯入面有個青檸，跟住再倒啲梳打水落去。結果喺臨買單嗰陣時發生咗少少意外，明明只係三個人，但係餐廳就話我哋點多咗一個餐。最後仲話嗰個餐已經整好咗出嚟，要我哋俾埋錢。嗰個餐其實都冇食過，最後唯有比多份錢拎走咗。

每次來芽莊必點炙燒牛柳湯河，牛柳大大塊，燒（炸）得外面焦脆，中間還是粉嫩的，就算是全熟的部分，肉質也保持軟嫩，一點筋也沒有。牛柳用香茅、芝麻和糖醃過，味道帶甜，底下還舖了一堆生蔥和洋蔥。推薦牛肉夾著生蔥來吃，或是點些撈檬的酸汁，更能突出牛肉的鮮味。湯粉的湯底牛味濃郁，加些九層塔和青檸更加提味。河粉的質素也不錯，不會一夾就散。就算是連鎖餐廳，同一道菜的味道也會因廚師不同而改變；芽莊的北角分店是在吃過的幾間分店中，質素較好的一間。之前在銅鑼灣和荃灣分店也有點過炙燒牛柳河，但牛肉的調味、生熟度和焦香度也差一點。

喺附近見餐廳光猛、乾淨同闊落，就入嚟醫肚，我哋叫咗牛柳粒飯、三文魚柳撈檬同炒芥蘭牛柳粒飯好足料，有好多沙律菜，牛柳粒配臘肉，味道好香濃，幾惹味飯面仲有啲乾蒜，食落更香脆三文魚柳撈檬，有兩大塊三文魚柳， 好夠食，魚皮煎到好脆好香口，啱啱金黃唔怕燶，撈檬都正常發揮，啲檬粉唔會爛或者痴埋一齊炒芥蘭，我哋叫左少汁，食落即刻冇咁咸，感覺健康啲，加埋蝦米脆脆，味道更加香同豐富價錢唔係特別平，但佢環境同食物質素都ok，有機會可以再食

I tried Bánh mì in this restaurant a year ago which was bad that I didnt think I will try again. Baguette was too airy that collapsed after one bite. Sauce was too much and made the sandwich soggy. Meat was in bad quality. After morning exercise, I was looking for vietnamese food or sandwich for lunch. I decided to give the Bánh mì another chance after seeing the menu changed. We ordered the avocado chicken one (extra veggies and no mayo) and the Vietnamese sausage one (extra veggies and extra m

這是我第三次到訪，北角匯分店坐得好舒服，餐廳服務亦非常到位，店員十分勤快。必食炙燒牛肉湯河，牛肉燒得剛剛好，湯底清甜，河粉亦煮得剛好有咬勁，不會過熟。初嘗的豬扒撈檬亦同樣出色，香茅豬扒香嫩，唯一令人失望的是鑊仔牛柳粒飯，個汁太厚重，食落去較鹹，而且鑊仔牛柳不是應該乾身的嗎？但所有菜的份量很足，最後食唔曬要打包！現在此店已成為我的飯堂，一有機會必選在此用餐！特別一題，店舖外賣包裝絕不馬虎，亦盡可能使用環保物料，值得欣賞！

今天午市時間過來，有午市套餐，$95 包一杯飲料。可另加前菜。我們加了兩款前菜，芝麻蝦多士（兩件）、芥蘭苗，每款$18。芝士蝦多士～有驚喜，入口香脆不油膩。👍🏻芥蘭苗～清甜菜苗配乾蒜，底下醬油帶點淡淡的酒香味，清新可口。主菜選了生牛肉湯粉～湯頭鮮甜濃郁，滿滿的牛骨香氣，嫩滑生牛肉夠原味，配上洋蔥和蔥絲，細滑湯粉輕輕一啜入口，味蕾大滿足啊。鑊仔牛柳粒飯～相比下有點失色，沒有預期的嘢味，牛柳粒還可以的，醬汁味道有點平淡。但伴菜倒非常新鮮可口。青檸梳打～青青檸唔夠新鮮，味道OK。

去過越南都知越南野食唔係啲好貴嘅食材。香港食越南野就無辦法啦。呢間野食都ok嘅，我覺得湯好味，粉texture ok，餸都夠味，亦有提供常用調味及香草香料。環境係舒適嘅，服務都好好，不過感覺就貴左少少⋯⋯我知生意難做嘅，租貴又疫情，所以都ok啦呢個粉個湯都有蟹味嘅，不過隻蟹就無乜肉，真係只for個湯底。佢地有得自己㨂拼啲咩。我幾ok呢個，如果平少少會更吸好個串燒上菜鐵板係熱嘅，所以啲汁就渣渣聲，但係因為太熱，最尾啲汁變晒漿痴住左個鐵板，點唔到用左椰汁定椰子水煮，幾得意，有啲椰子鮮甜味。不過海鮮其實夠鮮就得了

越南生牛河基本係所有越南河餐廳嘅指標食品，但體驗非常差，比D散收收兼明顯泡過龍嘅河粉我，牛感覺還可以，但整體都要差評。春卷OK，其他野都感覺普通。食品浪費了裝修的最佳例子。

一直都想搵機會食吓，芽莊已經係好多間分店，水準其實一直都keep到，我地今次就去食lunch set，價錢方面個人覺得係北角滙食都係咁上下，唔算太貴！幾個人食介可以加啲小吃，所以都幾好！❤河內生牛肉粉佢地嘅生牛肉粉，係可以要求「生啲」，基本上都係要用靚同新鮮嘅牛肉先會肯提供生嘅，湯底濃味，加埋少少香葉配菜，好鮮味！💚熟牛（牛𦟌）粉牛𦟌肉汁鮮甜，食入口都好淋，湯底同樣都係特濃味！💙香茅燒雞肉撈檬燒雞肉嘅味道好香，雞肉好鬆脆，佢嘅撈檬酸汁好正呀，所以朋友仔都話下次可以再encore！🧡芝麻蝦多士2件勁多芝麻，入面嘅多士係炸完在焗，好脆口！💛芥蘭苗簡單嘅一碟芥蘭苗，但上面配上蝦乾同蒜片，好正！💜越南滴漏咖啡去過越南都知滴漏咖啡☕️好香，而且本身盛產咖啡，未飲都聞到陣陣嘅咖啡香味！整體來講，對呢餐午餐其實好滿意，而且環境好舒服，夠晒光猛，服務都好好添，好開心又多一個午餐嘅選擇！