影片
電話號碼
51391717
營業時間
今日營業
11:30 - 22:00
星期一至二
11:30 - 22:00
星期三
全日休息
星期四至日
11:30 - 22:00
以上資料只供參考, 請與餐廳確認詳情
我成日都覺得越簡單嘅彩色越顯得出廚師嘅功架，就好似以下呢一碟金銀蛋浸莧菜，真係非常出色，非常有驚喜。侍應拎到嚟嘅時候都小心翼翼，因為佢用嚟浸莧菜嘅上湯係非常滿，方面嘅蒜頭粒同埋皮蛋粒比平時食到嗰啲大粒，個皮蛋質素唔錯，最正就係佢個湯，唔怪得知裝到咁滿，我哋都係咁飲啲湯。第二味餸叫咗薑醋雞，喺呢度嘅招牌菜之一，隻雞好靚，佢個湯又係好好味，雖然見到好多薑，但係唔算好辣，感覺就係個味道啱啱好。呢度仲有個檸檬特飲好好味，感覺係真材實料用新鮮檸檬去做嘅。
繼續閱讀
呢間真係一間隱世小菜館，如果唔係有為食之人強烈推介，真係唔識黎。呢度主打食住家小菜，我哋試咗蠔仔煎蛋同家傳薑醋雞兩個餸。蠔仔煎蛋比想像之中大碟，應該用咗好多隻蛋，好厚身，d蛋煎得外面香脆，微微燶邊，但係入面又夠嫩滑，d蠔仔大小適中，而且好新鮮。家傳薑醋雞係waiter推介我哋試嘅，因為得兩個人，有半隻叫，fit晒，拎到黎嘅時候滾住上，熱辣辣，雞好新鮮嫩滑，個湯好正，薑絲嘅辣仲有醋嘅酸再加埋估計落咗冰糖，成件事好夾，真係冇介紹錯。呢度嘅環境都好有家庭feel。
繼續閱讀
位於天空之城，充滿狗狗friendly 餐廳，依間中色餐廳原來係唔歡迎狗狗 當時落雨，氣溫達35度，人都中暑。，狗狗都好辛苦諗住帶狗狗去一間餐廳抖下食下野。點知去到，男及女中年店員分別 出黎話唔歡迎狗狗入來，話會話俾食環署聽，只可以坐係垃圾桶同廁所隔離既無冷氣户外位，人都未必頂得順。逼於無奈，我地去旁邊既餐廳。點知感覺同態度完全唔一樣。店家非常歡迎狗狗而且仲俾坐室內冷氣座，佢仲話我知依度大部分既餐廳都係pet friendly張心比己，狗狗都係生命，芳記對待狗狗既態度真係髮指，原來狗狗會咁唔受歡迎
繼續閱讀
今日朋友帶我去威威Lunch食半私房菜，認識到隱世廚神芳姐，連D汁都係真心秘製好好味，真正出色。先來一個鮮橙汁菠蘿冰，好解渴，D菠蘿冰其實係原粒菠蘿冰芳記招牌鹽焗雞：雞肉好嫩，雞皮好香。清酒鮑魚：d鮑魚都幾大隻，外脆內軟，個清酒汁好香，被娃娃菜吸晒啲精華。淮山杞子游水石崇魚湯：非常足料的老火湯，老闆話對傷口愈合非常好。黃皮老虎斑︰今次呢條係野生嘅，所以D肉質比較有彈性，有豐富骨膠原，真係識人好過識字，就算買到條靚斑都要師傅有咁嘅功力。脆肉瓜肉片：個汁煮得好好味，當然d材料夠新鮮都好重要啦。白灼油蝦：呢期當造，限量供應，好鮮甜。豆腐煎蛋：呢個超驚喜好味可能因為一開頭諗住無乜特別啦。煎蛋好香而撈喺入面的豆腐好滑。
繼續閱讀
朋友介紹去元朗天空之城食下嘢。由東九龍駕車入去，都唔算遠，大約四十分鐘便抵達。聽個名以為同天空之鏡的景觀有什麼關係，不要想多了。不過，也不失為駕車入去元朗食嘢的一個落腳點。（晚市要否預訂枱，未詳）今次選了芳記。平日午餐，當然不用訂位，小小店，枱不多，五六張四人枱為主，熟客居多，外賣也不少。人手有限，叫餐上菜需時。招呼不要期望太多，便不會失望。😒價錢同市區的私房菜小店差不多。水準也不錯，其中薑醋雞未在外面食過，較特色，也好味，半隻$160，份量也不少。另外叫了一條梅菜蒸時魚$280。再加了兩份午市套餐蠔仔煎蛋、上湯魚松菜，各$65@，沒有欺場，我對上湯魚松菜特別喜好。白飯也沒有馬虎，米香軟熟。後加特色飲品，紅茶菠蘿冰、鮮橙汁菠蘿冰，值得推介。如果不要過分期望服務及超值優惠，其實入去元朗覓食探險，也不錯呀！😚😎
繼續閱讀