花斑茶社 (福昌大廈)

營業中

休息中

日日落雨，番工都番到頹晒。同同事突然想飲珍珠奶茶，想3點3下午茶開心下。飲過附近咁多間，都係想再飲花斑既珍奶。每次都見到長龍，就知道好受歡迎。今次都係飲黑糖珍珠奶茶，茶味夠，而黑糖少甜就剛剛好。雖然知道珍奶好肥，但都豁左出去，開心緊要啲，番工已夠辛苦，要對自己好啲！🥳另外同事杯白桃烏龍，同大甲芋頭鮮奶佢地都話好好飲。絕對推介👍🏻👍🏻下次我都會再買番試。有呢間花斑係附近，真係方便左我哋好多🤗

【觀塘•花斑茶社 】@Abouteahk ————————————————————————收工時間去觀塘真心迫🥲駱駝漆食完嘢買杯嘢飲花斑茶社一直冇飲過一於試吓點知服務態度真係唔掂 話說同朋友入去買嘢飲 個店員一直撳電話 無論我哋叫嘢食 定係佢比張單我哋 望都冇望過我哋其實只係基本禮貌 我哋話早就唔喺度買😒😒🍯鳳梨多多 HKD28夜晚唔飲得茶嘅我所以選擇唔多 買杯甜嘢開心吓買完先發覺原來係綠茶底😂茶底幾香 不過算啦呢杯都有好多菠蘿果肉食 幾好飲🍯黑糖珍珠抹茶鮮奶 HKD34朋友表示好勁綠茶粉味 有啲重手 蓋過晒啲奶味口感苦苦地 一般 但珍珠係幾煙韌餐廳環境：📸📸📸📸服務質素：😊食物味道：👅👅👅性價比：💰💰💰💰消費 HKD62✨✨✨✨✨✨✨✨✨✨✨✨✨🏠 花斑茶社 (福昌大廈)📮 觀塘開源道63號福昌大廈地下A1號舖

嗌左一杯芝士奶蓋芋頭鮮奶同一杯芝士奶蓋黑糖烏龍奶茶，個奶蓋冇芝士味，我飲開唔係咁嫁喎😅同埋烏龍奶茶明明嗌全糖但係一啲甜味都冇， 我之前去海之戀嗰間都唔係咁， 乜個咪唔係統一㗎咩？？？

之前飲過呢一間嘅珍珠奶茶好好飲 今次試左佢嘅奶蓋四季春 雖然買嘅時候都幾多人 但係等待嘅時間唔耐 飲品份量適中 茶底正常 奶蓋並非芝士奶蓋 較為淡及薄 易溶到茶底中 整體而言一般

花斑茶社分店越嚟越多，佢地每間分店嘅裝修都好有特色，而近日新開喺觀塘開源道嘅分店亦不例外🎨牆上有好靚嘅黑白壁畫，畫咗重建前嘅裕民坊，大家等野飲嗰陣可以打個靚卡🤩🍑白桃烏龍 ($28)烏龍茶底香濃少甘帶有清香嘅白桃香氣仲有啲白桃果肉甜甜地可以咬下幾驚喜😆成個配搭好夾感覺好清新🥰

路經駱駝漆附近，見呢間新店排晒長龍，我都唔執輸試吓先🤭 叫左白桃奶蓋烏龍加寒天，又真係幾好飲，唔會好甜，茶底香，芝士滑唔會重鹽味，配埋有咬口的寒天，👍🏿朋友話黑糖仲好飲，下次要試吓先🙊

觀塘友都知道喺開源道附近有幾間台式飲品店返工前見到呢間啱啱今日開張🎉叫咗嘢飲等嘅人都有十幾個,order完大約等咗十分鐘,出品都算快嘅👍試業期間有8折優惠🎉叫咗黑糖珍珠烏龍奶茶同黑糖珍珠抹茶鮮奶珍珠粒粒分明圓渾,唔會煮到太淋一patpat👏黑糖珍珠烏龍奶茶 - 我叫左少甜,烏龍茶味濃👍唔會太甜或奶味太重👍冰量又唔會太多,飲到尾都仲好濃郁奶茶味🤩黑糖珍珠抹茶鮮奶 - 抹茶味香濃幼滑,加埋黑糖珍珠完全無得輸👍相對比起鄰近嘅台式飲品,的確係有茶香好多👍開源道台飲不二之選‼️