芭堤雅泰國餐館

營業中

休息中

經過元朗站附近 遠睇以為泰國菜轉左cafe 行埋先知係舊泰國菜餐廳翻新，以前舊餐廳 真係未試過，見裝修幾靚就入去trytry午市套餐，跟埋泰式飲品，都係加$10，又想試埋小食，就叫左一個金邊粉餐配泰奶同蝦餅泰奶上枱好精緻唔講以為係杯咖啡幾有泰茶味，又唔死甜，似係配合香港人口味，加埋賣相打卡，加$10跟餐超值跟餐$25一粒大蝦餅開兩件，入口彈牙有蝦味大蝦金邊粉份量驚人分左一半比朋友食，味道偏甜，好開胃，跟餐雞骨湯有濃濃胡椒味散叫左烤雞半隻，賣相十分吸引，上枱時已經好香，雞肉好滑散叫炒雜菜，正常發揮泰餐必食芒果糯米飯，樣子不得了，好好好吸引，芒果夠熟香甜，完滿結束豐富一餐以前經過舊店真係未入去食過，估唔到裝修完咁有驚喜，食物質素食得出有心機，員工態度熱情有禮，環境舒適，整體同朋友都很滿意

🐻芭堤雅開業左咁多年，近排鋪頭新裝修完都無來過食，今日放假行過就入去試下水準有冇保持到先。🐻鋪頭裝修完燈光明亮，枱櫈擺設都相當精美，坐得幾舒服，感覺新派左好多。假日晏就都有午市套餐，我哋揀左泰國船河同五香鹵水豬手飯，加配左小食黃金蝦餅同飛天通菜，再追加左半隻無骨海南飯。🐻泰國船河配金邊粉，碗船上面滿滿炸豬皮，睇到都好開胃，湯頭濃郁鮮甜，唔會好似坊間咁死甜。金邊粉煮得啱啱好，唔會太淋，配料炸豬皮香脆可口，生牛肉大大塊肉味濃，食完好滿足。🐻小食都無欺場，蝦餅金黃彈牙，飛天通菜份量十足，通菜嫩口，香辣惹味🐻五香鹵水飯擺盤精美，有如日式定食咁，豬手醬汁另外放開，可以自由調節味道，豬皮煮得好淋，豬肉又入味唔過柴，值得一讚。🐻最後無骨海南雞絕對係必食之選，雞皮Q彈，雞肉滑嫩，雞肉味相當濃郁，真係食完一舊又一舊，簡單直接既好食。

呢間泰國餐廳係元朗讀書時一直都知，出名好食，抵食，要排隊/book位最近發現佢裝修左，就同老公拍拖去食原諒我唔記得影餐廳外觀😂大家可以網上查下，兩層白色小屋，由玻璃/綠外植物/淺木色組成，非常高雅簡約今次安排左我地上二樓，更加有私人空間，而每之點菜都按一粒掣好快有人上黎serve, 一坐低又serve 一樽有香葉既水，服務出色食泰國野一定要飲椰青😚 佢印埋餐廳名，打卡一流馬拉盞炒通菜，通菜幼嫩，顏色非常翠綠！我食泰國嘢，一定要食生菜包但唔係度度生菜包嘅調味都合心水，呢度酸味鹹味同辣味平衡得剛剛好，係我食過數一數二嘅生菜包因為店員大推蒜蓉包，我哋就叫咗個紅咖喱豬腩肉諗住用嚟點包，但係呢個咖喱自己都非常出色，有好多煎得香口嘅豬腩肉，拌上新鮮嘅蔬菜，紅咖喱冇想像中咁辣，入口椰奶味重呢個就係店員大推嘅蒜蓉，話係餐廳嘅熱門菜式，比想像中大！蒜蓉牛油味好香濃，點唔點咖喱汁都好味我哋最後仲叫咗一份泰式牛肋肉串，同平時d 餐廳d 一般牛肉串都幾大差異，牛肉味非常濃香，肉質彈牙，唔係果d "la"左好耐既淋淋肉，超級喜歡，成為全餐VIP!!!全部加埋先四百幾，性價比超高，而且真係每道餸都好好食，0伏！！

🇹🇭芭堤雅泰國菜館🇹🇭收工同老婆行完Yoho，諗住去元朗食飯，喺大馬路行緊時路過一間門口幾特別嘅舖頭，望真啲原來係間泰國餐廳，一於入去試吓。餐牌上面嘅菜式都幾多，主要嘅款式都有。有餐前小食、湯、沙律、海鮮，咖哩、炒菜同飯麵等。小食我叫咗黃金手打蝦餅，上碟時仲好熱，剛剛炸好。咬落有好香嘅蝦味，配埋碟甜酸醬真係好味。👍跟住叫咗碟青咖喱雞加特製蒜蓉包。青咖喱好香椰子味，少少辣，啱晒一啲唔食得咁辣嘅人。蒜蓉包賣相好特別，係廚師介紹，如果多啲蒜蓉會更加香。😋食泰國菜，又點可以冇海南雞呢，叫咗半隻試吓。望落去都好滑，食落去都好香雞味，唔係太肥，又去埋骨，點醬食又有唔同嘅風味。🐔呢度都有好多款泰式特飲，我叫咗杯泡沫泰式奶茶，好香又好滑。🧋最後仲叫多個芒果糯米飯做甜品，糯米飯煮得啱啱好，芒果又唔係太甜，加上椰奶係一個好好嘅配搭，不過椰奶略嫌唔係太香椰子味，如果唔係就Perfect啦！呢度裝修幾清新，下次可以嚟試吓唔同嘅菜式。😜

元朗呢間泰國菜已經好耐歷史，經過見裝修過門面清雅閑逸，入去坐落整體感覺舒服。兩個人叫咗沙律、菜、包、蠔餅大蝦金柚沙律材料豐富，除咗四大隻鮮蝦同金柚之外，仲有椰絲、腰果、紅蔥頭、蝦米、生菜，蝦肉爽脆有蝦味，柚子好甜，腰果鬆脆，口感豐富，又香又有咬口。蒜蓉包好香又得意，包包已經切開八件，中間插咗一株迷迭香，令到個包都沾染咗香氣，咬落去滿口蒜蓉牛油香，外脆內軟令人停唔到口，中間粒烤蒜頭都唔放過。椰菜苗鮮嫩無老葉，惹味爽脆，唔會成口渣。蠔餅嘅蠔仔好大粒又鮮甜，下面煎雞蛋充滿蛋香，薯粉令蠔餅外圍香脆內裡煙韌，墊底芽菜清爽夾埋蠔餅一齊食仲正，點埋隨附嘅辣椒醬更添風味。呢個甜品擺盤好靚，用泰式奶茶刨成綿密嘅冰，滿有奶茶香味，加上白色嘅係海鹽忌廉，香滑之餘更提味，加埋焦糖脆餅碎落去一齊食，味道與口感更有層次。入坐時可能啱啱開夜市(六點)冇咩人，坐落冇幾耐就已經全場爆滿，走嘅時候仲有人等緊位，睇落都幾受街坊歡迎。

><跟以前印象相比 裝修變得小清新餸菜亦加入較新穎元素嘅泰國菜美國牛肋肉串燒(88)牛肋肉柔韌剛熟 富肉汁不乾柴沾上青檸汁提升風味鴨肉生菜包(98)肉碎加上香料一齊炒香香辣惹味 配上爽脆生菜唔知唔覺食多咗黃金手打蝦餅(88)爽彈乾爽唔油膩多人可以嗌拼盤開心share特製蒜蓉包(38)微脆鬆軟 塗滿蒜蓉牛油椰青(42)印上自家餐廳名字嘅椰青 清甜解渴 椰肉輕輕一𢳂就ok很嫩滑><><><><><><><><><><芭堤雅泰國餐館 元朗安樂路1-11號明珠樓地下1號舖

依間餐廳喺元朗都開左好多年，記得個質素都好食，裝修之後就第一次嚟食裝修靚左勁多，入面成個環境好適合用嚟打卡，平日既夜晚我地6點就到，食食下就愈嚟愈多客人食泰國嘢，我地既最愛生菜包，生菜包偏辣，不過辣得嚟好野味，生菜都新鮮爽脆，好食！個賣相勁靚，好適合打卡炸蝦餅，彈牙脆口，青檸檸檬茶茶底用泰茶茶底，係dup 本既，香港成日食泰菜杯嘢飲都好Hea,勁淡，唔好飲，依間做得好好多泰式金邊粉，值得一讚係店員好有禮貌，會解釋下點食會最好味，依間炒金邊粉炒得好勻循，味道唔會太咸，蝦彈牙 so far，我地已經食晒元朗市中心泰國餐廳既泰式金邊粉，依間係最好食同適合我地既口味見到有新甜品，就叫嚟試下，大佬，勁靚vo,齋食個奶茶冰已經食到又係泰式奶茶嗰個味，好濃厚，不過小甜，但加左個餅碎，即刻唔甜同有口感，連唔太食甜品既，都同我爭食！依個新產品掂，希望店家會考慮依個甜品會長有，好食又唔甜，同有口感又濃厚味道係我最鐘意既style 總括嚟講，值得回頭！

今日難得攞咗半日假，同媽咪去元朗行下順便食下野。黎到食店林立嘅元朗大馬路附近搵間靚靚泰國🇹🇭餐廳。室內裝修乾淨企理，仲有少少文青feel。野食方面都喜出望外，我地叫左個冬陰功湯，用了非常豐富入面仲有兩隻大蝦。主食叫咗個皇咖喱牛腩加薄餅，黃咖喱椰汁味非常濃厚、薄餅亦都香脆可口。另一個主菜，我哋冇叫到飯，叫咗個泰式拼盤有炸魚餅炸蝦餅炸雞翼同春卷。賣相靚之餘亦都非常足料，全部大大件脹卜卜。最後甜品仲有桂花大菜糕，兩個人連加一每人二百蚊唔洗，食完之後真係飽到上心口。估唔到元朗有咁出色嘅泰國菜真係值得一讚👍🏻有機會會再返嚟試其他菜式❤️

今日晏晝去咗呢間喺元朗嘅芭堤雅泰國菜食❤️食物非常之高質 好推介大家嚟😳晏晝1:00左右去到 全場差唔多滿座😳店員嘅服務態度好好🧡🧡我哋叫咗一個午市套餐 咖喱牛腩配薄餅😋😋另外再叫多咗個蒜蓉包點個咖喱😆咖喱非常香，牛筋入味😍😍😍配埋香脆嘅薄餅同埋蒜蓉包 食到停唔到口🥰🥰之後套餐亦都加配咗小食，分別係2件蝦餅同埋炒通菜🥰蝦餅炸得香脆而唔油膩🙌🏻而炒通菜都唔會炒到老🧡食物質素幾高😚😚😚之後我哋再另外單點咗一個冬陰功同埋醬油和牛炒飯☺️冬陰功係我好鍾意嗰種有加椰奶嘅香😋😋😋真心好好飲，又唔會過鹹🫶🏻和牛炒飯炒得粒粒分明 超級香😻😻最後嘢飲叫咗龍眼冰同椰汁冰😽龍眼冰好清甜非常之解渴，而椰汁冰嘅調味啱啱好😘唔會過甜，因為坊間好多椰汁冰都會有一種死甜嘅感覺😿呢間餐廳嘅食物質素好之餘，佢嘅食物賣相仲好靚，真係做到色香味俱全，所以我都幾推介大家嚟呢間餐廳食泰菜😇😇😇💕💕💕

安格斯燒牛肉咖喱黃金炒飯一嚟覺賣相好正 食落個咖哩味道似星洲炒米燒牛肉除咗有好多片喺面頭 廚師仲好有心思地切粒炒埋喺炒飯入面👍🏻☺️紅咖哩五花腩問咗侍應紅咖喱只係少少辣 所以我哋決定一試五花腩比較肥 呢個菜式泰國餐好少有不過味道見仁見智 我覺得青咖喱雞可能好食啲😜特製蒜蓉包超有水準 同 真係特製！ 非一般嘅蒜蓉包❤️❤️❤️ 佢個樣有啲似南瓜車 圓形一架車仔滿滿蒜蓉味 外脆內軟 好鬼好味 一定要趁熱食😍碎肉生菜包我哋走咗辣 估唔到都好好味通常生菜包要食辣先有泰國風味 但宜家唔辣都酸酸地 一樣好好味 推薦比唔食得辣嘅朋友阿華田泡沫火山打卡好睇 飲落都好濃郁阿華田味👍🏻紅棗桂圓茶冬季之選 養生嘅靚女們必選🥰佢放咗好多紅棗 足料好有味😋

說到元朗老字號泰國菜，就會想起安樂路這家，是開了十多年的小店🫶。近年重新裝修後，帶來小清新感，感覺有點像咖啡店欵。這裡食物選擇挺多的，價格不會太貴🙈。-▪︎熱泰式咖啡 HKD$30｜凍青檸檬茶 +HKD$10吃泰菜選擇泰式飲品，這裡選擇算是多的。熱飲的泰式咖啡味道挺香，感覺奶味較重，自帶甜味不放糖也可以😏。青檸檸檬茶感覺較清香，茶底色澤濃厚味道甘香。-▪︎特製蒜蓉包 HKD$38賣相特別的蒜蓉包，這裡是球型挺特別📸，有別於平常吃到的形狀。這個味道挺香😍，蒜蓉包質感鬆軟，蒜蓉的味道挺重欵，忍不住一口接一口吃🤭。-▪︎無骨海南雞半隻 HKD$128吃泰菜選海南雞是不錯的選擇，半隻的份量也很多。雞皮爽口不油膩，雞肉肉質鮮嫰，無骨挺方便吃的😆。這裡的海南雞還有啫喱狀，是雞肉的膠原蛋白，吃多點也不怕🤣。-▪︎乾炒大蝦金邊粉 HKD$82這個是午餐的份量，跟餐附送湯及飲品，食物份量挺大份欵。擺盤吸引味道挺香的，大蝦有幾隻肉質爽口。金邊粉味道微甜香口，加配青檸多了份清香味😚。-▪︎香蕉飛碟 HKD$58這個有兩個口味，不想吃太甜點原味就可以，職員會溫馨提示客人欵，這個感覺不錯的🫰🏻。用了朱古力醬和煉乳做裝飾，

来元朗特地吃这家餐厅,听说泰国菜很正宗。果然很好吃，菜很新鲜，蟹肉微甜。用咖喱拌饭也很好吃很下饭。烤五花肉肥而不腻，尤其加一些柠檬汁，就更解腻了。老板悉心为我们解释各个菜的吃法和味道。感觉细节慢慢，味道极佳。要不是住的远，每周都想和朋友来吃个一次。祝老板生意兴隆！今天八点来的店里依然客满，喜欢泰国菜的朋友不妨试试这边的泰国菜。推荐蛋汁咖喱炒蟹，美国牛肋串烧，泰餐必点的冬阴功汤就不说了。米饭也很香，不过泰国米偏硬，拌咖喱就刚刚好。

元朗的芭堤雅泰國餐館！🌶️🥢都係聽朋友推介，抱住一試無妨嘅心態，點知原來真係10個like！性價比有10分！中午set lunch 泰式和牛船河。軟嫩的牛肉和爽口的蔬菜混合在一起，搭配泰式濃郁的湯頭，每一口都能感受到牛肉的鮮美和香料的完美調和，真係鮮味，連湯都飲埋。$75！🍜😍泰式濃香喇沙湯河粉。讓人垂涎三尺！一碗湯河粉中融合了泰國特有的香料和椰奶的濃郁味道，加上彈牙的河粉，配以嫩滑海南雞，加$40搭一碟飛天通菜，淨河就$78。好大碗而且湯料足！百香果梳打和芒果梳打都是我最愛的口味！百香果梳打清新酸甜，喝下去讓人心情愉悅；而芒果梳打也不輸百香果。裝飾也很美，鮮花為伴，飲得又睇得。🍹🥭JJ market椰子雪糕杯。這個雪糕杯好有創意！他們用椰子肉作為杯子，裝滿了花生粟米和雲尼拿雪糕，一口咬下去，滿滿的椰子風味和香甜的雪糕在口中融化，$58。🥥🍦✨芭堤雅泰國餐館 (元朗)元朗安樂路1-11號明珠樓地下1號舖#芭堤雅泰國餐館 #泰式和牛船河 #泰式濃香喇沙湯河粉 #百香果梳打 #芒果梳打 #JJmarket椰子雪糕杯 #泰國美食 #元朗美食 #吃貨#泰國料理 #招牌菜 #湯河粉 #椰子雪糕 #

今日去到呢一間芭堤雅泰國餐館位於元朗、整間店舖已經開咗有十多年日子、到現在一大番新裝修到都好靚😍、原全唔止似泰式裝置又感覺似cafe一樣😲、門外係以白色同埋草草圍繞、店內係以木系裝置柔和色調、坐著感覺舒適😚地方寬敞我覺得都唔錯🤔!.午餐乾炒大蝦金邊粉 $82跟飲品及餐湯呢一款乾炒金邊粉望著都好吸引🤤、整碟賣相真係睇得又食得🤔、尤其是金邊粉上面有幾隻大大隻鮮蝦😯、色澤鮮明通透爽口美味😋、配埋金邊粉加埋其它配料味道色澤、味道好有泰式風味又特別、同時店員教我加點青檸汁味道更加好食👍!.特製蒜蓉包 $38呢一款特製蒜蓉包賣相都幾特別🤔、整個蒜蓉包係店家自家製都好吸引😯、大大嗰蒜蓉包甘香脆口外皮😚灑滿粒粒白芝麻、一切開散發香噴噴蒜香味、食入口軟綿帶點好香濃嘅蒜味牛油香😋、平時食D蒜蓉包口感味道都唔同!.無骨海南雞半隻 $128呢一碟無骨海南雞望著賣相都幾好🤔、黃黃潤澤嘅外皮又唔會好肥食入口滑叨叨😚、雞肉鮮味肉質滑嫩😋、尤其是比較冇更滑身位置、都一樣唔會韌乾都係好好食、再沾吓佢嘅自家製醬汁更加美味!.香蕉飛碟 $58呢一款甜品香蕉飛碟真的好特別🤔、整份送上枱香噴噴😙、望著都好吸引🤤、食入口外皮薄而

JJ market 椰子雪糕🥥$58呢一間係比糖水耽誤嘅泰式菜餐廳😏佢個雪糕非常之好食🥰原來佢個椰子雪糕真係有泰國嘅風味😂同埋佢個賣相極度精美😇一早刮曬好多椰肉🥥食起上嚟勁方便最正嘅係佢好有創意加咗花生😍粟米粒😇同埋椰子嘅脆脆😏所以口感更為豐富😉天氣咁凍食雪糕嘅風味真係特別正安格斯燒牛肉咖喱黃金炒飯🥘$128安格斯牛真係特別入口即溶😍同埋佢個咖喱味都幾香☺️飯炒得粒粒分明😇仲有少少牛肉粒做陪襯😄所以食起上嚟好清新得來又香口泰式黃金蝦餅🦐$88新鮮炸熱辣辣🤪所以外脆內軟😇同埋食到少少蝦粒嘅口感炭燒豬頸肉🐷$88份量都算正常😗薄切得來都食到豬嘅香味😃配埋佢個特別醬料啱啱好特製蒜蓉包🍞$38賣相都幾精緻😉又係啱啱烤😁新鮮熱辣辣😇外脆內軟😗表面加咗啲芝麻☺️同埋入邊真係有一舊蒜頭🧄所以都好香蒜味