芭堤雅小廚

營業中

休息中

今日同朋友一齊踩單車入大美督，入到嚟又熱又餓，係時候搵野食填一填飽個胃先門口個姐姐話呢度有私家路可泊單車，見你咁有熱情就入嚟試下啦😉醉貓炒河🤔🤔 個名好得意呀，一問之下醉貓既意思即係用辣椒炒既，天口咁熱食下辣野都好喎，朋友就叫左咖哩牛腩飯同肥牛喇沙咖哩牛腩飯 牛腩好"林" 呀，咖哩都好夠味😋😋肥牛喇沙 油麵配米線👍🏼👍🏼朋友話個湯底好夠味，唔係好辣好岩佢口味貓醉炒河 辣肉碎炒既，夠干身又唔太油，有少少辣啦😋整體嚟講咖哩牛腩，炒河同喇沙都好入味😋臨走前望到隔離枱既海南雞飯都好正呀，下次再入嚟踩單車一於試下先門口既姐姐真係好nice呀，見我地準備走啦，行埋嚟問我地水樽要唔要加水👍🏼真心覺得好好呀

今日 帶個來自大馬既朋友 踩車入大美督 入到大美督 當然要食泰國菜la 一入到餐廳 老板娘好親情推介新既燒雞脾飯我朋友叫左 個飯到左後 我拎左舊雞黎食好正 燒雞既汁調配得岩岩好 酸甜加少少辣 正宗泰國風味 我個朋友話一試難忘 大家黎到 一定要試 每日限定架

Went Kayaking last weekend at Tai Mei Tuk and discovered this restaurant. It was rather busy during lunch hours and people started lining up just after we were seated.There were lunch sets served and of course you could choose to order dish by dish. Finally, ordered the following:1) Laksa noodle with chicken slices (⭐️⭐️⭐️⭐️💢): Good soup with lots of herbs and other seasoning. The chicken slices were soft and not fat - very suitable for people on diet. Besides, the overall portion was rather larger.

今日係賀朋友新居入伙，所以入嚟大美督郊遊下既，我地人少少，所以決定係附近搵下野食，離遠就見到座四面佛啦，所以就決定入嚟試下先鋪頭細細但又估唔到內裡裝修都幾有泰國feel話明係泰國菜，更係要試下佢個冬蔭公湯啦wow...個湯真係好正呀（食唔到辣既朋友我提議大家叫少辣）之後我地仲叫左燒雞，串燒同原個海鮮菠蘿炒飯嘩..個菠蘿炒飯一上枱，真係不得了，大碟到就嚟滿瀉，仲勁多料添！跟住個串燒都唔錯既之後就到燒雞嚟啦，我一直都認為雞胸會係好'鞋'既，但估唔到食落又幾滑喎，呢個燒雞真係必食推介呀不得不提...絕大多數既泰國菜館都有落味精既，但呢間竟然無，至少我由食完飯到返屋企都冇口乾呀

今日入大美督探朋友順便食個lunch, 本來諗住去食西餐啦！點知我朋友帶我去食泰菜，因為本人唔係好食得辣，所以真係有d唔想囉！不過我朋友話好食咪試一次啦！入到去睇餐牌，其實又唔係所有都辣喎！都有好多唔辣嘅野食，最終我揀左豬手飯食，我朋友就食冬陰肉片湯河，我個飯黎到真係大碟到呆左囉！隻豬手炆得勁林，個汁甜甜地，好味，跟住我朋友個湯河黎到，朋友叫我試下，我當然鼓起勇氣試下啦！其實唔算好辣，以我嘅程度其實都接受到嘅，唔太酸，好香，不過好多香料，要花d時間去揀走d香料，整體黎講哩個lunch幾好食，唔怪之得我朋友成日去食啦！

上星期父親節，驚住多人所以屋企人之前一早book咗黎呢到慶祝父親節！因為平時屋企人都好忙，唔會放假！所以呢日就特登約埋收早啲，早啲入黎順便係大尾督行個圈，比大家relax下感受下大自然！入到黎五點幾，架車可以泊係餐廳提供既車位先，呢點好好！然後出去行下先返黎食，可能連續幾日落大雨關係無乜人，涼涼地天氣都幾舒服☺️行咗九個字左右就夠鐘食野啦！慢慢行過去餐廳，原來係正大尾督碼燒烤場附近呀好易搵！一入到間餐廳，所有既野都好泰國feel 呀⋯⋯好快揀咗幾道菜，首先黎咗必食既冬陰公湯，好濃辣度又ok好開胃，掛住飲唔記得咗影相😭跟住就黎咗咖哩蟹，咖哩好正！不過我嫌麻煩就無食到蟹，屋企人食咗就話好多肉！因為咖哩好好味關係我叫咗薄餅同蒜茸包點咖哩！同埋呢個唔太辣同行既一歲小朋友都食薄餅加咖哩食得好滋味☺️食食下明爐烏頭就到咗...呢個個人覺得都幾好！有個小食拼盤都好多下，好味👍🏻叫咗個金邊粉，因為有小朋友係到就諗住唔叫辣，點知個侍應好貼心話可以將辣放埋一邊，鐘意先自己加！我加咗辣好好食！又係掛住食唔記得影相😭個菠蘿炒飯好多菠蘿又炒得幾好食👍🏻仲叫咗個柚子沙律，又酸又甜好開胃☺️所以不知不覺食多咗野食黎得好快

今日同朋友踩單車入大美督食lunch，經過有間叫芭堤雅嘅泰菜，見到有喇沙食咪入去食，諗住d車都係放街邊啦！點知佢有私家路比我地放，入到去坐仲有冰水比我地飲，大熱天時真係救我地一命，跟住叫左冬陰功肉片湯河同喇沙食啦！個冬陰功湯底唔太辣啱晒我地，而個喇沙都幾好食喎，湯底勁濃又冇腥味，d配料又吸晒d湯，好味食完之後睇到個餐牌寫住不加味精，唔怪得食完都唔覺得口渴啦！埋單走仲問我地水樽駛唔駛加水，真係好下次踩單車都黎lee度食

提早一日慶祝父親節，因為怕人多，所以選擇入大美督搵食，聽人講呢度有3間泰國菜，今次就試下呢間Pataya我地一口氣叫左好多個餸，又咖哩蝦又豬手又燒雞，餐廳既員工仲特別推介我地要叫薄餅同蒜茸包，話要嚟點個咖哩原本以為細細碟，所以叫左好多個餸，點知上菜果刻先知道原來全部都咁大碟，最後仲要打包返屋企個人最喜歡係咖哩大頭蝦，爸爸仲話果咖哩同蒜茸包係絕配

員工非常有禮貌， 又有heart！點餐期間員工有積極介紹菜式，但不會推銷最貴的，反而講得出每款菜式的獨特之處，坐底點菜到上菜只等了將近10分鐘。菠蘿炒飯，d海鮮料仲多過飯😂生菜包有少少冬蔭公味，酸酸辣辣幾開胃！不過唯一有d食唔慣既係柚子大蝦沙律，除了柚子肉外，廚師加左好多其他香料，所以覺得麻麻地。最驚喜係黃咖哩軟殻蟹！🦀一個人至少可以食到三至四舊蟹肉！

大美督單車徑旁有眾多食肆, 復活節假期間當然是座無虛席, 不巧走進芭堤雅小廚, 令假期倍添火氣。筆者當日打算下午茶歇歇腳, 門口小姐努力拉客, 招呼殷勤, 3點3坐下, 舉手意欲落單, 殷勤的門口姐姐轉頭轉頭轉頭, 轉了很多下才找到貌似繁忙的男侍應落單。幾經辛苦點了兩份下午茶粉麵: 雞絲河粉, 香茅雞翼金邊粉, 再加兩杯特飲: 椰汁珍多冰, 青檸梳打。五分鐘左右, 飲品上枱, 椰汁珍多冰不過不失, 青檸梳打就奇怪, 有梳打無青檸, 細看杯底依稀有點青綠色, 一間主打泰菜的青檸梳打居然用濃縮青檸蜜取代一個個完整青檸, 當堂結目。十五分鐘左右, 兩碗主食未到。鄰桌的珍多冰的"珍多" 滿滿的, 而我只有稀疏兩三撮。二十分鐘, 飲品幾近乾涸, 女朋友追單, 竟然不足三分鐘就上菜, 我乾等二十分鐘為何? 好, 是雞絲金邊粉...雞件金邊粉才對, 每件都份量十足, 亦新鮮, 雞肉中間仍泛紅, 更有趣的, 筆者落單叫河粉的。我以為自己不懂細分金邊還是河, 好奇問侍應b, 居然說她也不懂, 然後找回男侍應, 就是落單那位, 我說多一遍要河粉, 猶豫了一會便拿走了我的鮮雞金邊粉。順道再追追我的雞翼金邊。

難得紅日放假，於是決定去大尾篤郊遊踩單車，踩完單車後路過見有不少茶座及特式餐廳，最終決定揀呢間叫Pataya既茶座。門面非常有泰國風味，似足泰國有晒四面彿門口呢個係假日專用餐牌呢間茶座有分露天及室內，露天沒有冷氣都無野睇，所以建議坐入面，有冷氣又有泰式風味我太太點左最 穩陣嘅泰式金邊粉，基本上應該冇一間泰式餐廳唔識煮，唔會太差! 太太話算好味，但有點太硬好頂胃我自己就點咗青咖哩雞絲炒飯，唔係好明點解啲飯上面有一塊炸嘢，入面有啲葉形嘅物體，食咗成塊都唔知係咩! 呢個炒飯比較硬，雞絲少，味道中規中矩 ，算係有少少辣，唔食得辣嘅人未必食到。朋友點了涼瓜魚柳飯 呢個飯有啲似fusion菜，不過我真係唔係太識欣賞，味道有啲奇怪最後呢間茶座門口有擺放單車嘅地方畀你踩單車嘅人擺放。總括而言呢間餐廳應該冇下次

因為好近屋企所以每星期都會去一至二次食晩飯、食物出品水準keep得好好、因為我是蝦痴、所以有多種食物必吃的、例如、燒大頭婽、泰式薫蹄、冬陰功炒烏冬、香葉辣肉碎炒飯、酸芒果烏頭魚沙律、曹池功等等、價錢相當合理、環境唔錯地方簡潔、員工態度友善、設露天坐位方便帶寵物人士、當晚唔算太多人所以我們可以坐耐少少傾計、大約吃了二個半小時、最後老闆還請大家吃甜點

食物一般，份量偏小，男士恐怕要食兩份先夠，價錢正常不算貴，但黑面就無料大放送，就算唔係要你好似高級餐廳咁好招呼，都唔需要呼喝吧？！食客都是人，請給予我們基多的尊重！！！

難得今日有空同蜜糖豆郊遊仲帶埋聖獸定春一齊添！的士直達大尾篤，走左幾間食肆都不準狗隻入場，幸好搵到芭堤雅小廚有露天位，好采啫。幸運地早少少坐低左，陸續有狗狗進場，十多隻顯得非常開心興奮呢，互打招呼好融洽！還以為馬尾侍應妹妹黑面又唔多服務添，原來剛剛在忙啫，其實都好熱情有禮，仲請狗狗們食零食。肥姐經理都殷勤周到，好幫手，謝謝。露天位都舒服開揚，有微風不覺熱。食客們好 nice，對狗狗無抗拒，還不時掉位讓出空間，可能黎得郊區心情舒𣈱而且都預左喇。兩口子唔係食好多啫，哈哈。海南雞飯、泰式炒椰菜苗、豬肉生菜包、泰式乾炒肉片河、龍眼冰、芒果汁。龍眼冰不太甜清爽，我唔好甜都覺剛剛好。芒果汁，好有鮮果味，真材實料。泰式炒椰菜苗都係第一次讚架乍，爽脆甘甜不苦澀，不粗糙硬掘掘，蒜香濃郁惹味，滿意。再熱一點、鑊氣再勁一點，我就更開心一點。海南雞飯，聽到隔離肥佬食客叫先知，原來可以加$10 蚊食雞髀架，走寶喇。大肥雞油淋淋肥騰騰，皮厚肉淡無雞味，全靠薑蔥、酸汁。肉質棉而腍，不乾鞋硬帶著微弱肉汁。飯粒極重黃薑味，有點濕有點爛。炒椰菜好好食，菜甜味超可口。薑蔥酸汁雞肉椰菜撈埋飯一齊的話，會較好食，可以互補長短，

this place in tai mei tuk is our usual haunt, we kept on coming here for a longer while. this is s habit that will stop now; the food is becoming abysmal. it's not really Thai any more and the quality of the food took a nose dive. I ordered some beef dish, in which the beef was totally inedible. like chewing on leather shoe soles.