芝樂坊餐廳

營業中

休息中

呢餐係我同朋友的生日飯，食到好似受氣咁。我同朋友大概下午五點入去，出面reception個姐姐已經好唔情願咁帶位。明明入面有勁多吉枱，即使有人坐的四人位都係兩個人坐的。但帶位個姐姐就偏偏要我哋坐一張非常逼夾的二人位。第二，之前食過一次知道上菜前會送麵包。一直都冇開口講話要麵包以為佢會親身攞過嚟，點知上完前菜同主菜，都未見有免費麵包。跟住先即刻問職員，職員先肯攞過嚟。第三，我哋食完嘅時候，其實餐廳出面係冇人龍，冇人排隊，本身餐廳入面都好多吉位。但就係我哋偏偏食完嘅時候店員就立即收晒我哋枱面啲嘢，跟住叫我哋埋單，好似趕客咁。第四，真的真的店員嘅服務態度非常之差。同啱啱開張嘅時候非常不同，大部份店員都唔係好想理顧客，對顧客態度很不情願。最後，食物嘅質素一般般。

The Chesscake Factory 都開左好耐，本身一直都好想黎試但呢間嘢長期都有人龍 ，今日收早，終於有機會同朋友黎一試龍與鳳!  餐牌真係花多眼亂，淨係蛋糕都有二十款以上!  麵包(免費) 熱辣辣嘅面包配上冰凍嘅牛油真係無得輸。為呢個美味嘅晚餐打開序幕。  乜都有意式烤餅($148) 一上檯，就聞到好香嘅辣肉腸同蘑菇味。餅底烤到好脆，配上溶晒嘅芝士，真係好好味。  雞肉蒜香檸檬忌廉意大利麵($208) 意粉食落好creamy，有少少檸檬汁，酸酸地完全開晒我地個胃。  烤蒜雞肉蝴蝶粉($208) 呢個蝴蝶粉同之前個意粉完全係另一個style。呢個蝴蝶炒粉本身已經用左巴馬臣芝士忌廉汁去煮，未食已經聞到好香芝士味。食之前侍應仲會再刨啲芝士落去，食落去每一啖都好邪惡，但又會食唔停。  焦糖蘋果芝士蛋糕($88) 去到全餐飯嘅重頭戲, 焦糖蘋果芝士蛋糕! 成件蛋糕甜度剛剛好，唔會太甜。連埋啲cream一齊食，令到個蛋糕口感去到另一層次!  食完呢餐飯終於明白點解The Chessecake Factory 長期都要排隊，而我地都一定會再去試其他主食同蛋糕。 

和朋友光顧這家美式餐廳，點了幾樣菜，碟碟大件，份量好多。兩個女生根本吃不完，感覺很適合大夥人聚餐。點了沙拉，pizza和小食，好吃不貴！餐飲位置也很舒服，蛋糕甜品的真的也是非常多。

芝士味濃郁但太甜減肥人士不適合本人是瘦底的，我有quota，所以冇所謂如果鍾意食芝士的話，這間餐廳真係10分推介 ，他任何的芝士都做得非常細滑，奶香十足。另外有試了他的蟹餅 ，也煎得外脆內軟的 ，也很有鮮味 。泰式咖喱雞肉飯，味道偏甜，也覺得有新鮮感，這是一些泰式混合美式的煮法，並不是純泰式，或者在香港平時吃到的風味。

今日接男朋友收工，嚟到附近呢間我哋間唔中食一次嘅餐廳，順便記錄一下😙-食過嘅朋友仔都知，呢度每一樣嘢都好大份😂😂😂但我同我男朋友長期都係眼闊肚窄，成日覺得自己好肚餓，於是每次都會嗌兩大碟😂🍝烤蒜雞肉蝴蝶粉 - $208隔咗兩個月冇食，男朋友見到嘅時候覺得「係咪細碟咗？」，食完先知份量完全冇縮過水😂入邊會有一粒粒嘅烤蒜，醬汁都好Creamy好濃郁😋係我地最愛嘅menu之一！🌯factory burrito grande - $218今日第一次食呢個，嗌嘅時候完全冇expect係會咁大個😂果然隔得太耐冇食就會判斷錯誤😂呢個Burrito入邊包住雞肉同飯, 另外仲有guacamole同埋sour cream同埋豆可以加落個burrito一齊食-總結：我哋嗌呢度嘅份量，應該可以三個人至四個女仔食都得😂食呢間餐廳落單嘅時候，記得要諗清楚自己係咪真係食得落咁多嘢😂

唔知大家鍾唔鍾意食cheese cake？我就好鍾意嘅聽佢哋嘅名就知道佢哋嘅cheese cake好出名💕亦都有好多唔同嘅選擇，仲好大份㖭今次你除咗叫cheese cake之外，亦都有食其他食物，質素嘢都唔錯芝樂坊沙律🥗幾好食，而且配料好多。如果唔鍾意藍芝士嘅話，可以叫佢另上嫁炸魚薯條，呢啲基本嘢唔使講啦，不過依然都係大大份

平時cheese cake Factory不嬲都好多人排隊，仲要係冇得book只可Walk in，疫情之前去要等一個鐘，而家似乎少左人黎排隊食。咁啱今日好想食又想慶祝拍拖紀念、預早少少去1:00竟然冇人排隊直入～-一坐低就叫咗一杯啤，估唔到佢上面有香橙，令到個啤酒香味提高咗唔少😋叫咗佢哋最出名嘅buffalo雞翼-超級多碳水 🤣 因為得兩個人食，份量其實有啲多，比較啱一班朋友一齊share~ 雖然都好想試佢嘅red velvet 蛋糕，但係太飽食唔到期待下次再嚟試！

話說家人生日，諗住去cheesecake factory 食蛋糕，因為家人上年食過一次覺得好食😋，食物都唔錯，大碟之餘味道都唔差，所以今日特登出去食。點知由沙律到甜品都係令人失望，caesar salad太鹹啦🫣，長通粉好似未煮透咁，好硬，芝士焗通粉都ok，但都無乜芝士味😅岩小朋友食，淡味，重點其實食cake，叫左3款，Godiva chocolate cake,食評介紹嘅無敵紅絲絨cheesecake ,另外一款唔記得係咩，3款都係得個甜字，太甜啦，概括咗cake嘅原來味道，總括嚟講唔好食，仲要排咁耐隊先入到去😒😒

說好的芝士蛋糕專輯is on its way！cheesecake factory一定係must-eat list入面 係美國食完一次之後對佢念念不忘 加埋上次食完redvelvet cake都好想食返 所以今次結合兩種元素 買左紅絲絨芝士蛋糕！🍰無敵紅絲絨芝士蛋糕💰84佢嘅說明就係紅絲絨蛋糕與芝士蛋糕層層相間 外面裹滿忌廉芝士糖霜及白朱古力 而份量都確實驚人 一個人無論係份量定甜度上都無法一次性食完 因為真係太甜太漏😖最上面係層軟芝士 好容易刮落來 中間都係介乎於軟芝士同芝士蛋糕之間嘅質地 呢part甜度有D超乎我想像 同埋口感都太軟熟 第三層就係紅絲絨蛋糕 呢隻水分（油分）剛好 濕潤得來又幾實正 入面仲有D朱古力粒粒！第四層先係比較硬身D嘅芝士蛋糕 去到呢層甜度終於正常返D 個人覺得隔離D白朱古力同個pat cream已經係用來解膩嘅存在 真係好清新🤣但係對於香港人口味來講 正宗美式芝士蛋糕反而會太甜 可能下次試下原味🤟🏻📌 芝樂坊餐廳 (尖沙咀)尖沙咀廣東道25號海港城港威商場地下G102號舖

前菜黑糖包好食 兩款包質地好似 外脆內軟湯味道香濃 意式忌廉闊條麵好好食😋😋😋好濃芝士味 又唔會過咸美式芝士漢堡使用美國牛肉 味道亦不會過咸 可選成熟度 揀咗5成包同肉都好軟熟又唔乾蕃薯條都好食 而且份量唔少叫漢堡係大份抵食嘅另外環境好大 氣氛幾好 有音樂位置多 但都坐幾滿沙律 漢堡 Pizza 意粉 蛋糕樣樣有每樣都多多款 唔怕揀唔到啱食

來得cheese cake factory，一定要試下佢地嘅紅色絲絨蛋糕，應該係香港都穩唔到第二間咁正宗嘅美式cheesecake~質地好軟綿，一切開就見到層層蛋糕同埋奶油霜。餐廳氣氛都好好，週末晚上要提前排隊，如果唔系起碼等一個鐘~佢地服務都算可以，上菜好快🍰 口感岩好：口感綿密、入口即化😋 酸甜微妙：帶有微妙的酸甜感，令味蕾愉悅💕 適度甜度：不會過於甜膩，岩岩好嘅味道，不過食太多會有啲開始滯，點其他菜嘅時候要注意翻

呢間餐廳就算淨係叫沙律都好大碟，所以兩個人去食，叫兩碟嘢食已經超級飽，有機會食唔晒餐牌睇到眼都花，因為有超級多款式可以選擇個burger係夾住咗煙肉同埋炸嘅豬腩肉超好食係Juice嘅，必叫，唔好睇去迷你size但係好飽，因為好足料。Caramel apple cheesecake個人覺得麻麻有少少玉桂味同埋口感冇好似New York cheese cake咁實，同樣係一件好大件嘅蛋糕，絕對可以兩個人share一件餐前包係好好食，但係淨係食餐前包都已經幾飽可以拎走佢個四色春卷幾特別有牛肉有豬肉有魚肉，仲有唔同醬汁俾你點，但係要趁熱食雞肉蝴蝶粉就麻麻哋，除非你好鍾意食有口感嘅蝴蝶粉，但係都好足料好大碟好飽

好耐無食過cheesecake factory, weekdays 夜晚仍做到2 轉，利害～我哋其實叫黎叫去都係appetizers 未入main都飽左同埋夠鐘了～(坐左若2 小時）未入到main呀，所以我估未到戲肉。前菜亦佈滿blue cheese🤣🤣.🔸芝士漢堡春卷🔸香脆蟹肉球🔸水牛城香辣雞翼🔸芝樂坊沙律🔸30周年紀念朱古力芝士蛋糕🔸血橙青檸火花/熱帶風情賓治/sangria🔹有樣野要提一提佢既黑糖包好好食～#hongkong #hongkongblogger #foodblogger #tsimshatsui #cheese #cheesecake #香港好去處 #香港 #香港美食 #尖沙咀美食 #尖沙咀 #芝士 #芝士蛋糕

星期六LUNCH時段甘岩經過唔洗等.脆脆蟹肉,香脆外皮配上厚厚的蟹肉, 口感很好.配上酸辣醬,很開胃!!菠菜磨茹意式烤餅  芝士很香, 餅皮很脆,美味!!再加上麵包, 二人食了2碟都已經很飽了. 

冇汁漢堡—妻子有天帶着小嬰兒外出的時候到這間漢堡包店吃午餐，這應是剩下的外賣。也是的，你如果一人帶着小嬰，不知道可去什麼地方，到粥店、麵店就完全免問，都餐廳又擠擁，只可到這種新型的西餐廳，這個漢堡包餐據聞是兒童餐來的。薯條，以返叮吃的薯條來說，它的薯條還算是外皮香脆，而且內裏的薯仔肉夠多，可聯想到現場吃應挺美味漢堡包我以焗爐翻熱，麵包當然烤到香脆，中間的肉比較薄弱，不過還算帶點肉汁，其實肉的本質挺香濃的，當然不會呈粉紅色那般微生，不過除了肉汁之外，完全沒有其他茄醬或是沙律醬油，不論兒童餐還是成人餐而言，似乎都不太合格，畢竟，兒童也會口乾，你俾個咁乾的漢堡包他也會吃得口乾吧呢個免費添吃的包反而挺香，現場如有店方的牛油一起吃應更正點，類似OUTBACK的黑糖麵包