芝加哥串燒 (美豐花園) (已結業)

大埔幾好玩，今日同朋友踏完單車，周圍逛逛，食店選擇多，今日做完運動，好想奬勵一下自己，行左10分鐘，見到有酒吧，決定一試。這間酒吧餐廳細細，無煙味，坐高枱都唔錯，附近近住宅，唔會嘈吵，可以傾下偈。香口野至啱送酒，點左炸魚薯條，炸漿薄身，炸魚算大件，啖啖嫩滑魚肉，炸得香脆不油膩，薯條算粗身，外脆內軟，點沙津醬，減少油膩感 仲有沙律菜平均下，唔錯。煙三文魚有淡淡煙燻味，鹹香，長通粉彈牙，白汁香滑濃郁，包裹到長通粉更濕潤。雜菌有牛油和香草香，鮮甜酒都有唔少選擇、我就鍾意啤酒，大大杯又夠氣，咁先爽，1664 比較啱我。呢幾款唔會太濃味，唔會影響到酒既味道，邊食邊傾，難得盡興！

// #朋友你都遇過呢個情況嗎？曾幾何時每日都見面，但係出咗嚟做嘢漸漸變成幾日先見一次。過咗幾年之後，幾個禮拜先見一次。埋頭苦幹工作有幾年，變成幾個月先見一次。某一晚，我接到一個電話。「喺邊？食咗飯未？見一見？」簡單三個問題，收工就去了找朋友。由於最近疫情關係，我們都不敢到太多人的地方。在他家附近找餐廳，找到家蠻適合傾計飲嘢的新西餐廳 - 芝加哥西餐廳。適合我呢啲例牌OT，九點都未食晚餐嘅人，又有晚餐又有嘢食又有嘢飲。環境雖然不是特別大，但非常適合簡單食啲嘢吹吓水。先叫咗兩杯嘢飲。我哋叫咗個五成熟Prime 極黑牛小排，都幾Juice，估唔到都幾適合伴酒。人大咗，竟然開始會控制飲食。時間有點晚，朋友竟然怕吃到變胖，所以簡單叫了個燒烤醬雞翼同埋香煎鵝肝。（不是更加吃不飽而更容易變胖嗎）一口燒烤醬雞翼再配一口啤酒，簡直係解憂愁。重頭戲在香煎鵝肝，沒想到簡單平凡的香煎，竟然突顯鵝肝的特別。入口即溶，以這個價錢來說已經不得了。點的東西不多，但這晚吃得剛剛好。飽的是，沒見面的思念。

有位好耐冇見嘅朋友喺大埔女校返學，住學校宿舍，佢成日都會嫌麻煩唔想出咁遠，我今次突登捱義氣山長水遠嚟到大埔，夠晒朋友啦掛！揀左一間鄰近太和站、網上幾多好評嘅bar飲嘢，再叫左唔同款嘅串燒嚟佐酒。石燒Prime牛小扒$168本身好想嗌嗰個保雲酥羊架，可惜賣晒。退而求其次叫左個牛。叫左七成熟，肉味濃，肉質嫩滑冇筋，不過比預期細份。燒茄子$30食串燒我必食燒茄子。呢度嘅茄子大大條又多汁，將啲茄肉刮晒出黎，配埋啲蒜蓉同蔥花一齊食，好滋味！炭燒法式鵝肝$68一串有四小舊，食到香料味喺面，入口即融、味道甘香。韮菜燒$15唔係個個人都鐘意韮菜嗰種味，不過我就幾鐘意。燒完之後，嗰種獨特嘅香氣更出，而孜然粉亦都令佢更惹味，燒羊架$33七成熟，燒得好👍🏻肉嫩而且唔太羶，個薄荷醬同羊肉真係好夾❤️燒雞翅包飯$18好食😋雞翼啖啖肉，入面包住軟糯而香辣嘅飯，好想一隻接一隻！香蔥燒半殼扇貝$39蒜蓉香蔥同貝類永遠同係絶配，鮮甜多汁！燒鵪鶉蛋$18比較少食到鵪鶉蛋串燒，所以特別叫嚟試下。燒完之後，鵪鶉蛋嘅蛋白會變後比較實同有彈性，個人就覺得冇乜特別。Apple Cider $32未飲過呢隻牌子，但果味重，酸酸地，唔係

最近返工壓力大，極需要搵個地方好好飲杯酒放鬆下。有朋友推介呢間，呢日趁早收工就同朋友來飲下酒，食下野。餐廳環境幾好，靜靜地坐得舒服，又有波睇，好適合約朋友來傾下計，減減壓。食物選擇真係幾多，樣樣都好吸引! 無論燒海鮮，燒肉，燒疏菜類都有，搞到我都唔知揀邊樣好🤣我比較鍾意日本既酒，較易入口。枝酒送來時附上兩個酒杯，酒杯入面有條錦鋰，倒d酒入去就似係有條魚係酒入面游來游去，別有一番風味。我叫左佢既桃汁酒，真係好香桃香味，清清甜甜略帶酒香，好易入口，好適合平時比較少飲酒既人士。朋友就叫左北鹿雪本釀造，呢隻酒精濃度較桃汁酒高，較為苦澀，但苦中帶甘，就好似品味苦澀既生活，苦中總有一點甜😌，鍾意飲酒既朋友應該都會鍾意，可惜唔記得影相😪炸厚切薯片送到來熱辣辣，脆卜卜，正!香蒜燒鮮鮑魚用左醬油同蒜蓉，好惹味!赤燒黑松露帶子大大粒唔會燒得太熟，保留左帶子既嫩滑，加埋黑松露醬一齊食，味道一流!金菇肥牛卷係食燒烤野必食之選，佢d醬油令成個金菇肥牛味道更好流心芝士牛肉漢堡切開入面有好多芝士流出來，食落啖啖芝士味石燒prime 牛小扒真係真心推介! 牛肉保留左鮮嫩，燒得剛剛好，加埋廚師既秘製醬料，食完一舊又忍

今日去太和站附近做嘢，做完嘢想飲少少酒食啲小食，就搵到呢一間餐廳Magners Apple Cider, 比一般的 apple cider 多一啲酸味同埋果香味1664 的果香同埋麥香好夾，我中意炸珍寶廣島蠔，表皮酥脆，入面非常鮮嫩多汁，好重蠔味。配合埋沙律醬，真係無得輸，送酒一流！香蒜爆炒羊肉粒，羊肉一啲都唔臊，都幾鮮嫩，配合埋好香又唔會辣既蒜頭，味道好夾燒西班牙黑毛豬鞍配蘋果蓉汁，配菜好清新，而個黑毛豬鞍外面微微焦香，入面好鮮嫩多汁，配埋酸酸甜甜既蘋果蓉好清新飲飽食醉真係好滿足 😀

同老公結婚7年，生咗兩個小朋友，日日湊仔，出去玩都會帶住佢哋，咁啱老公有假期，話我哋兩個好耐冇去過拍拖，所以我哋就兩個自私食，去輕鬆一下。好易就會搵到間舖，好型格！店內嘅裝修好靚，好特別，打卡都唔錯。我哋叫咗保雲酥羊架，我覺得好好味，因為冇騷味。再嚟我嘅至愛雞翼，南乳雞翼，炸得好脆，不過就有點兒搶咗南乳嗰陣味。紅酒燴牛舌，夠淋，同紅酒汁好夾。蒜香雞肉炒意粉，三色椒炒，好香，味道好夠。去酒吧點可以唔叫酒？我唔係好好酒量，所以就叫咗蘋果酒嚟飲，幾好飲。

本來係想去食西餐，但係咁啱嗰一日唔開，然後又將溫馨小提示，所以最後轉場去食串燒餐🤔🤔。串燒店嘅氣氛好正，播放嘅歌全部都好有共鳴感歌💜💜，而且嘢食都幾高質，一定要支持🤤🤤1. 串燒款: -燒咸豬腩片冇諗過燒炭豬腩片都可以咁香咁脆😋而且調味非常均勻必試👍🏻-石燒prime牛小扒估唔到牛小排竟然可以揀幾多成熟🤩最後最後我哋決定叫七熟🤤🤤牛味好濃😍$168黎講非常抵食😍配埋酒好正-招牌茄子燒茄子醃製得好入味🤩🤩而且茄子肉同埋茄子皮好容易分得開😏-香草芝士雜菌厚厚的芝士，比想像中高質，而且有好多唔同種類嘅菇🤤🤤啱晒鍾意食唔同口味嘅人-鹽燒雞皮好脆，好似薯片咁🤪好啱送🍻-炸拉絲水牛芝士條嘩😍水牛芝士竟然可以拉到一隻手掌咁長😋仲要有大概五至六條😍一啲都唔偷工減料😱抵讚👍🏻👍🏻2. 黑松露帶子飯估唔到串燒店都有飯食😳如果係男比較大食都可以叫🤤帶子總共有4粒🤤好似手掌咁大🖐️帶子應該係有燒過😆外面熱熱有烤味，而帶子裏面就係常溫🤪唔鍾意食帶子刺身嘅吃貨要留意😌整體黎講，食到帶子真係新鮮🤤🤤3. 酒類：好啱大埔人夜晚傾偈談心🌞- 櫻花味Kirin 大大杯🤤🤤好啱男仔一路傾偈一路隊😳淡淡的櫻花香味🌸🌸啤酒🍻非常

我呢排真係好鐘意來大埔搵食，估唔到呢度有好多隱世美食，最鐘意係好多特色小店，今日又同朋友來大埔搵食啦，見到有間叫「Dragon BBQ bar」西餐廳🍴+洒吧，一於去試吓啦⋯⋯黑松露帶子意大利飯 $128食落每一啖飯都好香好濃黑松露嘅味道，加上果飯煮到有少少🤏生生地👍🏻，呢個就係正宗意大利飯果口感，而帶子煎得好外脆内軟👍🏻👍🏻😍南乳雞翼 $48呢個菜真係送啤酒🍻一流，同埋隻雞翼勁大隻好似大碼雞翼，咬落啖啖肉，最啱我呢啲食肉獸德國鹹豬手 $128每次喺餐廳見到呢道菜我都必定會叫的，我真係好鐘意食鹹豬手，呢到有果好貼心服務就係果豬手係碎上，果豬皮焗到勁脆，加埋啲芥茉醬簡直係完美嘅配搭炸魚薯條🍟 $78炸魚個脆醬整得好鬆化，加上炸魚炸得外皮夠乾身，而魚肉就好juicy，真係好有水準👍🏻

今日同友人去左大埔太和個邊飲野，估唔到呢間除了有酒飲，仲有好多主食揀啊😘我地叫了餐牌上面最出名既威靈頓牛排，海膽忌廉闊條麵同埋燒烤醬雞翼，牛排可以根據個人口味，揀5成或者7成熟、都幾貼心。外表酥脆既皮包住好軟熟既牛肉真係口感十足，牛肉唔會太韌，加上有小小薯角同沙拉做配菜唔會太單調。而海膽闊條麵就一點都唔吝嗇，有好多海膽同煙肉係入面，醬汁亦好rich 非常好吃！飲酒就一定要配個小吃😝，就叫了雞翼，調味非常惹味又唔會太咸，送酒認真正☺️

今日同老友收工約食飯，2個男人當然去飲下酒吹下水就最舒服，放工返到黎大埔，就搵左呢間bar試試，有酒飲又有野食，鋪頭細細地但氣氛環境都幾好，去到果時都好幾枱坐左，閒日黎講人都算多前菜主菜選擇都幾多，其中一道菜好吸引到我:威靈頓牛柳，可惜佢賣哂，通常呢樣整得好食，個間餐廳都唔差得去邊，唯有下次再試~最後同老友叫左2杯draft beer、低溫慢煮烤乳豬件、香草雞翼同黑松露意大利飯配帶子。乳豬係一絕，慢煮後入面既肉都咁嫩滑，外皮亦燒到好脆！外脆肉嫩，加上伴菜各樣，呢個值得一試，送酒一流黑松露+帶子，帶子上面微微燒燒，香氣四溢，意大利飯軟硬適中，成個好夾最後添飲多一兩杯，醉醉地吹左幾個鐘水，咁就一晚，的確幾寫意。

Dragon Bar & Restaurant🍽🥂 Nice food & Chill💫..大埔有一間芝加哥Dragon BBQ 黃店Bar，之前一直都聽過佢個名，但疑於太遠未有機會試，今次趁住假期就約朋友去喝杯酒🍺 慢慢吃個晚餐吧。餐廳仲營業到凌晨3am，岩晒夜鬼朋友們👻，來食飯🍽飲酒🥂傾計🖖🏻既好地方。.雖然地方細細，但食物一點都不馬虎。全由大廚去主理 當然有保證。Main Course, Snack, Beer 選擇類型都唔少，款款都係即叫即煮。.而啤酒類型都唔少：Draft Beer、Beer、Whisky、Apple Cider，就算係Whisky 都可以逐杯Order，非常划算呢。.ll $188一款新主菜，成個配搭好特別，喜歡試新野的你要試試。燒雞🐥 有半隻，配上Godiva朱古力🍫，令成個配搭好新鮮，突破的味道。.ll $128意粉方面，寬條麵係煙韌既口感，每條麵條沾上忌廉汁香，加上海膽既點綴，味道不錯。.ll $138一款佐酒小吃，牛小排🐮 有質素夠腍滑 亦滿滿牛脂香，配上煎香蒜片爆香，這款小食確實挺吸引又香口的。.ll $68有佐酒小食，當然不少得啤酒🍺。吃完一口

我再次嚟到dragon bar bbq ，依價錢平民化但係食物好高質嘅餐廳🍴，啲嘅食堅係好食😋香煎鵝肝，外面煎到脆卜卜，而內裏都keep住好嫩，讚👍🏻底温慢烤乳豬件 ，好似係新菜式，食過之後一定會難忘記，因為實在太好食，個脆不單止脆口，而個肉砌開竟然有肉汁流出嚟，可能係慢烤嘅關係，所以會特別juicy ，唔怪之得我見好幾枱都會叫這道菜啦😋😋😋肉醬配粟米片，加上1664生啤，真係傾計吹水之選呀👍🏻👍🏻👍🏻

炸魚薯條🍟份量好大 ，薯條係高質既👍🏻「南乳雞翼」勁香脆炸皮，南乳味勁香，好香口好味既一道小食「香煎鵝肝」唔會好膩，多士夠脆口，一齊食味道好搭「煙三文魚凱撒沙律🥗」個沙律汁味道幾正，煙三文魚🍣夠新鮮，蔬菜🥬夠新鮮美國安格斯肉眼扒配薯蓉—>塊扒好厚，好掋食，同埋薯蓉勁多🤣好飽呀重點一讚係佢個蘑菇湯，好濃郁，仲要食到一粒粒細細既蘑菇碎，平時麻麻哋蘑菇湯嘅我都飲晒成碗，真係要試「蒜香辣椒橄欖油意粉」蒜香+牛油味好濃郁而且意粉煮得剛剛好「自家製朱古力心太軟」係我最愛既甜品🍮心太軟💋心太軟上碟好靚，即叫即製，食落仲好香朱古力味👍🏻美中不足係香濃朱古力唔算好流心

Dragon BBQ Bar❤Prime 極黑牛小排(7成熟) $168肉味香濃，油花分佈均勻，但部份位置肉質較韌燒烤醬雞翼$58香甜的燒烤醬十分開胃，雞肉亦十分嫩滑海膽忌廉寬條麵$128海膽很有鮮味，麵條煙韌彈牙，不會太乾身，份量岩岩好Apple cider$48味道甜甜地，酒味不重，容易入口Asahi $48大大杯，口感清新，夏天飲最適合不過總的來說，酒吧內的食物味道不過不失🔛🏃‍♀️🏃‍♀️🏃‍♀️大埔翠樂街11號美豐花園地下10號舖

今日返到大埔都大約10時多，難得仲有餐廳開到咁夜，所以就去Dragon BBQ bar食晚餐。之前都食過芝加哥串燒酒場，味道環境都唔錯，原來喺附近佢仲有呢一間主打食西餐既bar ! 餐廳是酒吧格局，有大約4張高座椅卡位，由於當晚太夜，所以人不多，靜靜地，和朋友談心了2小時！餐廳食物種類不算太多，但前菜，主食和佐酒小吃都有！很出其地竟然有威靈頓牛扒！老實話，我仲未食過，所以二話不說就點了一客！當然也點了我最愛的黑松露帶子意大利飯！燒烤醬雞翼 $58燒烤醬好惹味，有些少像水牛城雞翼的味道，濃郁！而且雞翼肉汁多，肉質嫩滑，真係即叫即整，熱辣辣，好好食！威靈頓牛柳 （安格斯）$238未上枱已聞到好香既酥皮牛油香！超級期待！酥皮烤得焦糖色的，切落去感到十分香脆。酥皮帶了牛肉鮮甜，好食！不過可能我們點了七成熟，牛質較乾，下次要點5成熟，多啲牛肉汁就更加好食！黑松露帶子意大利飯 $128黑松露香味十足！帶子很新鮮，爽彈！這個意大利飯的口感我很喜歡，煙煙韌韌是比較硬身的，所以食落很有口感。這個飯味道偏濃味一點，我就覺得好唔錯，因為我重口味！當然又點少得叫啤酒！Apple cider 偏甜，岩女仔飲！